-
របងថ្មនៅមុខទីស្តីការគណៈរដ្ឋមន្ត្រីស្ថាបនាសម្រេចបាន៩០ភាគរយហើយក្រុមការងារកំពុងសម្រុកលាបថ្នាំ
ភ្នំពេញ៖ របងថ្មនៅមុខទីស្តីការគណៈរដ្ឋមន្ត្រីតាមបណ្តាយមហាវិថីសហព័ន្ធរុស្ស៊ី ប្រវែងជិត១គីឡូម៉ែត្រចាប់ពីការាសសាំងតូតាល់ ជិតស្តុបBKC (កាណាឌីយ៉ា) រហូតដល់ស្តុបវត្តនាគវ័នបានដំណើរការស្ថាបនាលេចចេញជារបងថ្មបានប្រវែងជាង៤០០ម៉ែត្រក្នុងប្រវែងសរុប៦៥០ម៉ែត្រ ហើយរបងថ្មខាងលើមកដល់ពេលនេះសម្រេចបាន៩០ភាគរយហើយគឺបានឈានចូលដល់តំណាក់កាលនៃការលាបថ្នាំហើយ។ មន្ត្រីរដ្ឋបាលរាជធានីភ្នំពេញបានឲ្យដឹងថា៖គម្រោងនៃការរៀបចំសាងសង់របងថ្មនៅតាមបណ្ដោយមហាវិថីសហព័ន្ធរុស្ស៊ីទល់មុខទីស្ដីការគណៈរដ្ឋមន្ត្រីនេះរដ្ឋបាលរាជធានីភ្នំពេញគ្រោងធ្វើជាពីរដំណាក់កាល ក្នុងនោះដំណាក់កាលទី១ ចាប់ផ្ដើមអនុវត្តការដ្ឋានចេញពីការាសសាំងតូតាល់ រហូតដល់ផ្លូវR៦ (ស្តុបក្តាន់២)មានប្រវែង៦៥០ម៉ែត្រ កម្ពស់២ម៉ែត្រ ហើយក្នុងដំណាក់កាលទី១នេះដែរ គិតមកដល់ពេលនេះ ក្រុមការងារបានស្ថាបនារបងថ្មនេះ ទៅតាមគម្រោងបានសម្រេចជាច្រើនរយម៉ែត្រហើយ គឺបានលេចចេញជារបង (ចាប់ពីការាសសាំងតូតាល់រហូតដល់ជិតការាសលក់រថយន្ត) ហើយក្នុងប្រវែងនេះ ក្រុមការងារស្ថាបនាសម្រេចបាន៩០ភាគរយហើយ ដោយនៅល្ងាចថ្ងៃទី២២ធ្នូនេះ ក្រុមការងារកំពុងសម្រុកលាបថ្នាំបង្ហើយ។ចំពោះដំណាក់កាលទី២ នឹងចាប់ផ្ដើមពីផ្លូវR៦ (ស្តុបក្តាន់២)នេះ រហូតដល់ផ្លូវបត់ទៅវត្តនាគវ័នដែលមានប្រវែង៤៣៧ម៉ែត្រ។ មន្ត្រីជំនាញបានបញ្ជាក់ថា៖ការរៀបចំធ្វើរបងថ្មជាមួយនឹង ការរៀបចំការ៉ូឡាសម្រាប់ថ្មើរជើងនេះ ធ្វើឡើងដើម្បីលើកសោភណភាពរាជធានីភ្នំពេញឱ្យកាន់តែល្អប្រសើរ ដោយសារតែផ្លូវសហព័ន្ធរុស្ស៊ីជាផ្លូវមួយដែលភ្ញៀវជាតិនិងអន្តរជាតិឆ្លងកាត់រាល់ថ្ងៃ ដូច្នេះដាច់ខាតត្រូវតែរៀបចំផ្លូវនេះឲ្យមានសោភណភាពនិងសណ្ដាប់ធ្នាប់ល្អប្រសើរ។គួរំលឹកផងដែរកាលពីដើមខែកក្កដាឆ្នាំ២០២០ កន្លងនេះ លោក ឃួង ស្រេង អភិបាលរាជធានីភ្នំពេញ ក៏បានដឹកនាំអាជ្ញាធរខណ្ឌដូនពេញនិងមន្ទីរជំនាញចុះពិនិត្យមើលស្ថានភាពនៃគម្រោងនេះផងដែរដោយបានសូមឲ្យបងប្អូនប្រជាពលរដ្ឋមេត្តាយោគយល់និងចូលរួមសហការជាមួយរដ្ឋបាលរាជធានីភ្នំពេញដោយហេតុថាកំណាត់ផ្លូវមួយនេះមិនមានផ្លូវថ្មើរជើងដូច្នេះយើងនឹងធ្វើឱ្យមានចិញ្ចើមសម្រាប់អ្នកថ្មើរជើងដើរឱ្យបានស្អាត សមជាទីក្រុងដែលជាបេះដូងនៃព្រះរាជាណាចក្រកម្ពុជា៕
-
អគ្គិសនីកម្ពុជា ដាក់ឲ្យដំណើរការអនុស្ថានីយ អគ្គិសនីមុខកំពូល
កណ្តាល៖ អគ្គិសនីកម្ពុជា ថ្ងៃទី ២១ ខែធ្នូ ឆ្នាំ២០២០ បានបញ្ចប់ការធ្វើតេស្តដាក់ឲ្យដំណើរការ អនុស្ថានីយអគ្គិសនីមុខកំពូល តង់ស្យុង២៣០/១១៥/២២ គីឡូវ៉ុល ដែលមានទីតាំងស្ថិតក្នុងឃុំសំបួរមាស ស្រុកមុខកំពូល ខេត្តកណ្តាល។ លោក កែវ រតនៈ រដ្ឋមន្ត្រីប្រតិភូអមនាយករដ្ឋមន្ត្រី ទទួលបន្ទុកជាអគ្គនាយកអគ្គិសនីកម្ពុជា ថ្លែងថា អនុស្ថានីយអគ្គិសនីថ្មី នឹងផ្គត់ផ្គង់ផ្ទាល់ឲ្យមួយផ្នែកនៃរាជធានីភ្នំពេញ ( ខណ្ឌជ្រោយចង្វារ ) ខេត្តកណ្តាល ( ស្រុកមុខកំពូល ស្រុកខ្សាច់កណ្តាល ស្រុកពញាឮ ) និងខេត្តកំពង់ចាម ( ស្រុកបាធាយ ស្រុកកងមាស ) ដែលតំបន់ទាំងនេះ យកអគ្គិសនីពីរាជធានីភ្នំពេញ ដែលការផ្គត់ផ្គង់មានការរអាក់រអួលខ្លះ ដោយសារចម្ងាយឆ្ងាយពីប្រភព។ អនុស្ថានីយអគ្គិសនី នឹងបង្កើនលទ្ធភាពផ្គត់ផ្គង់ មកប្រព័ន្ធផ្គត់ផ្គង់ក្នុងរាជធានីភ្នំពេញ តាមរយៈខ្សែបញ្ជូនតង់ស្យុង ១១៥ គីឡូវ៉ុល ដែលនឹងដាក់ឲ្យដំណើរការនៅដើមឆ្នាំ២០២១ខាងមុខនេះ ជាមួយកម្លាំងប្រមាណ ១៥០ មេហ្កាវ៉ាត់បន្ថែម។ មិនត្រឹមតែផ្តល់ឲ្យប្រជាជន នូវការផ្គត់ផ្គង់អគ្គិសនីដែលមានស្ថិរភាព និងគុណភាពល្អជាងមុន ដោយសារយកប្រភព ខិតមកជិតប្រជាពលរដ្ឋនៅតំបន់នេះ និងបង្កើនសមត្ថភាពផ្គត់ផ្គង់ប៉ុណ្ណោះទេ…
-
អាកាសធាតុចុះត្រជាក់ខ្លាំង ចំនួន២ថ្ងៃមកហើយ នៅទឹកដីភាគឦសាន្ត
រតនគិរី : រយ:ពេល២ថ្ងៃមកហើយខេត្តរតនគិរីមានអាកាសធាតុចុះត្រជាក់ជាខ្លាំងដោយលាយឡំជាមួយនឹងធ្លាក់ខ្យល់ ជំនោរត្រជាក់ផង មិនថានៅតាមបណ្តាលស្រុកដូចជានៅក្នុងទីរួមខេត្ត។ រយ:ពេល២ថ្ងៃ ឃើញថា បងប្អូនប្រជាពលរដ្ឋភាគច្រើនបាននាំគ្នាទិញអាវ រងាជាច្រើន ហើយពេលព្រឹកឃើញថា ពួកគាត់នាំគ្នាអង្គុយជុំគ្នា អាំងភ្លើង នឹងពេលយប់ ពួកគាត់នាំគ្នាអាំងភ្លើងផងដែរ តាមបែបទំលាប់បងប្អូនជនជាតិដើមភាគតិចនៅតាមបណ្តាលភូមិ ប៉ុន្តែពួកគាត់មានការប្រុងប្រយ័ត្ន ចំពោះជំងឺកូវីដ១៩ជាខ្លាំង។ លោក អ៊ុ វណ្ណា ប្រធានមន្ទីរធនធានទឹកនឹងឧតុនិយមខេត្តរតនគិរី បានដឹងតាមទូរសព្ទ័ ថ្ងៃទី២១ធ្នូនេះ ថា នៅខេត្តរតនគិរីទាំងមូលចាប់ពីថ្ងៃទី២០ ដល់ថ្ងៃទី២១ ខែធ្នូ ឆ្នាំ២០២០ តាមការព្យាករណ៍របស់ក្រសួងធនធានទឹក នឹងឧតុនិយម ឲ្យដឹងថា នៅតំបន់ភាគឦសាន្តមានសីតុណ្ហភាពអប្បបរិមា ចាប់ពី ១៦ អង្សាសេ នឹងសីតុណ្ហភាពអតិបរិមាមានចាប់ពី ២៨ អង្សាសេ។ ដោយឡែក ពីថ្ងៃទី២៣ ដល់ ថ្ងៃទី២៥ ខែធ្នូ ឆ្នាំ២០២០អាកាសធាតុនៅតំបន់ជួរភ្នំដងរែកនិងតំបន់ភាគឦសាន្ត ផ្ទៃមេឃមានពពកច្រើន សីតុណ្ហភាពអប្បបរិមា និងធ្លាក់ចុះមកនៅ ១៧អង្សាសេ ទៅ២០អង្សាសេ។
-
ឯកឧត្តម សាយ សំអាល់ និងឯកអគ្គរដ្ឋទូតចិនប្រចាំកម្ពុជា ប្រគល់សម្ភារៈជានិមិត្តរូប ដែលជាជំនួយរបស់ក្រសួងអេកូឡូស៊ីនិងបរិស្ថាននៃប្រទេសចិន តាមរយៈក្រុមហ៊ុន Spark Co., Ltd
ភ្នំពេញ ៖ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាននិងឯកឧត្តម Wang Wentian ឯកអគ្គរដ្ឋទូតចិនប្រចាំកម្ពុជា បានចូលរួមជាអធិបតីភាពពិធីប្រគល់សម្ភារៈជានិមិត្តរូបដែលជាជំនួយរបស់ក្រសួងអេកូឡូស៊ីនិងបរិស្ថាននៃប្រទេសចិនតាមរយៈក្រុមហ៊ុន Spark Co., Ltd នាថ្ងៃទី២១ ខែធ្នូ ឆ្នាំ២០២០ នៅទីស្តីការក្រសួងបរិស្ថាន។ តាមរយៈអនុស្សរណៈកាត់បន្ថយកាបូន ក្រសួងអេកូឡូស៊ីនិងបរិស្ថាន តាមរយៈក្រុមហ៊ុន Spark Co., Ltd, បានផ្តល់ឱ្យក្រសួងបរិស្ថានកម្ពុជានូវសម្ភារមួយចំនួន រួមមាន អំពូលបំភ្លឺផ្លូវចំនួន២៨០០ដើម សូឡាPV ចំនួន២០០គ្រឿង ម៉ូតូអាគុយចំនួន២០០គ្រឿង និងឧបករណ៍សម្រាប់មន្ទីរពិសោធន៍ត្រួតពិនិត្យគុណភាពខ្យល់ចំនួន២០សម្រាប់ សរុបជាទឹកប្រាក់ប្រមាណ៣លានដុល្លាសហរដ្ឋអាមេរិក។ ជំនួយជាសម្ភារៈនិងបរិក្ខាកាត់បន្ថយការបញ្ចេញកាបូនខាងលើនេះ បានផ្តល់ជូនមកប្រទេសកម្ពុជា តាមរយៈអនុស្សរណៈយោគយល់គ្នាស្តីពីកិច្ចសហប្រតិបត្តិការគម្រោងសាកល្បងបញ្ចេញកាបូនតិចនៅខេត្តព្រះសីហនុ ដែលបានចុះហត្ថលេខាកាលពីឆ្នាំកន្លងទៅ រវាងក្រសួងបរិស្ថាននៃព្រះរាជាណាចក្រកម្ពុជា និងក្រសួងអេកូឡូស៊ីនិងបរិស្ថាននៃសាធារណរដ្ឋប្រជាមានិតចិន។ តាមរយៈកិច្ចសហប្រតិបត្តិការនេះ ក្រសួងបរិស្ថានសូមលើកទឹកចិត្តដល់តួអង្គពាក់ព័ន្ធទាំងអស់ សូមចូលរួមសកម្មភាពលើកកម្ពស់ការយល់ដឹងអំពីបរិស្ថាន ពង្រឹងសមត្ថភាពបង្ការ ទប់ស្កាត់ និងចាត់វិធានការកាត់បន្ថយការប្រែប្រួលអាកាសធាតុនៅប្រទេសកម្ពុជា ដើម្បីនិរន្តរភាពទីក្រុងស្អាត មានមេត្រីភាពបរិស្ថាន ទីក្រុងបៃតង ដើម្បីភាពសុខុដុមរមនាបរិស្ថាន និងការស់នៅដោយចីរភាព។ ឯកឧត្តម Wang Wentian ឯកអគ្គរដ្ឋទូតចិនប្រចាំកម្ពុជា បានថ្លែងថាជំនួយជាសម្ភារៈទាំងនេះគឺជាការរឹតចំណងមិត្តភាពរវាងប្រទេសទាំងពីរ ហើយនឹងជួយប្រទេសកម្ពុជាលើផ្នែកវិស័យបរិស្ថាន។ ជាការឆ្លើយតប…
-
លោក ឌី រ័ត្នខេមរុណ ចុះពិនិត្យមើលសកម្មភាពចាក់បេតុងផ្លូវ ១ខ្សែ ស្ថិតនៅសង្កាត់ចាក់អង្រែក្រោម ខណ្ឌមានជ័យ
ភ្នំពេញ ៖ លោក ឌី រ័ត្នខេមរុណ អភិបាលរង ខណ្ឌមានជ័យ អញ្ជើញ ចុះពិនិត្យមើលសកម្មភាពចាក់បេតុងផ្លូវ ១ខ្សែ ប្រវែង ៤៥០ម៉ែត្រ ត្រង់ចំណុច ស្តុបវិទ្យាល័យ ហ៊ុន សែន ចាក់អង្រែ ដល់បុរីវីឡាថោន ស្ថិតនៅសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ដោយក្រុមហ៊ុន BBE នៅព្រឹកថ្ងៃចន្ទ ៧កើត ខែបុស្ស ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី២១ ខែធ្នូ ឆ្នាំ២០២០ ។ លោក ឌី រ័ត្នខេមរុណ គួរបញ្ជាក់ថា កាលពីថ្ងៃទី១៦ ខែធ្នូ ឆ្នាំ២០២០កន្លងទៅ លោកអភិបាលរង បានចុះពិនិត្យការឈូសឆាយផ្លូវម្តងរួចមកហើយ គម្រោងជួសជុលផ្លូវ ១ខ្សែ ប្រវែង ៤៥០ម៉ែត្រ ជាចំណងដៃ របស់ សាលារាជធានីភ្នំពេញ ជូនដល់បងប្អូនប្រជាពលរដ្ឋក្នុងមូលដ្ឋានខណ្ឌមានជ័យ ជាពិសេសបងប្អូនប្រជាពលរដ្ឋដែលរស់នៅសង្កាត់ចាក់អង្រែក្រោម តែម្ដង ជាក់ស្ដែងថ្ងៃនេះ ក្រុមហ៊ុន…