ក្រសួងសុខាភិបាលកម្ពុជានៅយប់ថ្ងៃទី១៨ ខែឧសភានេះ បានចេញសេចក្តីថ្លែងការណ៍ចោទប្រកាន់របស់វៀតណាមដែលថា ជនជាតិវៀតណាម្នាក់ដែលធ្វើដំណើរចេញពីកម្ពុជាកាលពីថ្ងៃទី២ ខែឧសភា មានជំងឺកូវីដ១៩។ អាជ្ញាធរសុខាភិបាលវៀតណាម បានបញ្ជាក់ថា​ពលរដ្ឋខ្លួនម្នាក់ដែលទើបធ្វើដំណើរចេញពីប្រទេសកម្ពុជា​មានផ្ទុកនៅជំងឺកូវីដ១៩។​ នេះបើយោងតាម​សារព័ត៌មានផ្លូវការវៀតណាម បានចុះផ្សាយកាលពីថ្ងៃម្សិលមិញ។ បុរសម្នាក់នោះកាលពីថ្ងៃទី២ ឧសភាកន្លងទៅ បានធ្វើដំណើរចេញពីខេត្តសៀមរាបរបស់កម្ពុជា ចូលទៅខេត្តតៃនិញរបស់វៀតណាមតាមច្រករបៀងហើយត្រូវអាជ្ញាធរៀតណាមចាប់ដាក់ឱ្យនៅដាច់ដោយឡែក១៤ថ្ងៃ។ ទើបតែថ្ងៃទី១៥ ឧសភាកន្លងទៅ ទើបដឹងថាមានជំងឺកូវីដ១៩។​ ក្រោយរកឃើញយ៉ាងដូចនេះ អាជ្ញាធរវៀតណាម​បានដាក់មនុស្ស១៧នាក់ផ្សេងទៀត ដែលមានទំនាក់ទំនងជាមួយបុរសខាងលើនេះ ឲ្យនៅដាច់ដោយឡែកពីគេក្នុងរយៈពេល១៤ថ្ងៃផងដែរ។​បុរសដែលមានអាយុ៣៩ឆ្នាំរូបនេះ គឺស្ថិតនៅក្នុងចំណោមអ្នកមានករណីវិជ្ជមានកូវីដថ្មីទាំង៤នាក់ ក្នុងនោះពីរនាក់មកពីប្រទេសរុស្ស៊ី និងម្នាក់មកពីប្រទេសហ្វីលីពីន។

ក្នុងរយៈពេល៤ខែដើមឆ្នា​២០២០នេះ ពាណិជ្ជកម្មក្រៅប្រទេសរបស់វៀតណាម បានកើនឡើងចំនួនជាង៣ (៣.០៤)ពាន់លានដុល្លារដែលផ្ទុយពីប្រទេសជាច្រើនដែលបានធ្លាក់ចុះក្នុងអំឡុងពេលកូវីដ១៩នេះ។ ក្រសួងឧស្សាហកម្ម និងពាណិជ្ជកម្មវៀតណាម បានបញ្ជាក់ថា ការនាំចេញបានកើនដល់៨២.៩៤ពាន់លានដុល្លាដោយបានកើនរហូតដល់៤.៧%បើប្រៀបធៀបទៅឆ្នាំមុន។​ វៀតណាមនាំចេញនូវគ្រឿងម៉ាស៊ីន សម្ភារៈអេឡិចត្រូនិច ឧបករណ៍ និងគ្រឿងបន្លាស់គ្រប់ប្រភេទដូចជាកុំព្យូទ័​ ក្រៅពីនោះក៏មានដែរ​ផលិតផលឈើ និងវាយនភណ្ឌ។​អាមេរិកនៅតែជាទីផ្សារធំបំផុតរបស់វៀតណាម ហើយតាមពីក្រោយដោយចិន ហើយជប៉ុន។ សម្រាប់វៀតណាម ទំហំការនាំចេញ នឹងកើនឡើងបន្ថែមទៀតនៅពាក់កណ្តាលឆ្នាំ២០២០ ប្រសិនបើប្រទេសដែលជាទីផ្សារ អាចគ្រប់គ្រងការរាតត្បាតជំងឺកូវីដបានល្អនៅត្រីមាសទី២។ ទន្ទឹមនឹងនេះដែរ សម្រាប់កម្ពុជាក្បែខាងវិញ គឺកំពុងជួបហានិភ័យដោយរោងចក្ររាប់រយកំពុងបន្តកន្ទុយ្នាបិទទ្វាដែលបណ្តាលឱ្យមនុស្សរាប់ម៉ឺននាក់កំពុងអត់ការងារធ្វើ។ បើតាមការបញ្ជាក់ថា គិតត្រឹមចុងខែមីនាកន្លងទៅ កម្ពុជាបានបាត់បង់ការបញ្ជាទិញប្រមាណជាង៤.៤៨ពាន់ លានដុល្លារដោយសារតែបញ្ហាកូវីដ៕

អាជ្ញាធរសុខាភិបាលវៀតណាម បានបញ្ជាក់ថា​ពលរដ្ឋខ្លួនម្នាក់ដែលទើបធ្វើដំណើរចេញពីប្រទេសកម្ពុជា​មានផ្ទុកនៅជំងឺកូវីដ១៩។​ នេះបើយោងតាម​សារព័ត៌មានផ្លូវការវៀតណាម បានចុះផ្សាយកាលពីថ្ងៃម្សិលមិញ។ បុរសម្នាក់នោះកាលពីថ្ងៃទី២ ឧសភាកន្លងទៅ បានធ្វើដំណើរចេញពីខេត្តសៀមរាបរបស់កម្ពុជា ចូលទៅខេត្តតៃនិញរបស់វៀតណាមតាមច្រករបៀងហើយត្រូវអាជ្ញាធរៀតណាមចាប់ដាក់ឱ្យនៅដាច់ដោយឡែក១៤ថ្ងៃ។ ទើបតែថ្ងៃទី១៥ ឧសភាកន្លងទៅ ទើបដឹងថាមានជំងឺកូវីដ១៩។​ ក្រោយរកឃើញយ៉ាងដូចនេះ អាជ្ញាធរវៀតណាម​បានដាក់មនុស្ស១៧នាក់ផ្សេងទៀត ដែលមានទំនាក់ទំនងជាមួយបុរសខាងលើនេះ ឲ្យនៅដាច់ដោយឡែកពីគេក្នុងរយៈពេល១៤ថ្ងៃផងដែរ។​បុរសដែលមានអាយុ៣៩ឆ្នាំរូបនេះ គឺស្ថិតនៅក្នុងចំណោមអ្នកមានករណីវិជ្ជមានកូវីដថ្មីទាំង៤នាក់ ក្នុងនោះពីរនាក់មកពីប្រទេសរុស្ស៊ី និងម្នាក់មកពីប្រទេសហ្វីលីពីន។ គិតរហូតមកដល់ពេលនេះ វៀតណាមមានអ្នកជំងឺកូវីដ១៩ សរុបជំនួន៣១៨ករណី និងមានអ្នកព្យាបាលជាសះស្បើយសរុបចំនួន២៦០ ហើយវៀតណាមមិនមានអ្នកស្លាប់ដោយសារជំងឺកូវីដ១៩ទេ។ ប៉ុន្តែភាគីកម្ពុជា​បានអះអាងថា មិនទទួលបានព័ត៌មានផ្លូវការណាមួយពីភាគីវៀតណាមចំពោះករណីដែលបានលើកឡើងឡើយ។ ម្យ៉ាងទៀត  ក្រុមការងាររបស់ក្រសួងសុខាភិបាល  ក៏បានស្រាវជ្រាវដោយយកចិត្តទុកដាក់បំផុត ក៏ប៉ុន្តែមិនទទួលបាននូវព័ត៌មានជាក់លាក់ណាមួយស្ដីអំពីករណីដូចការចុះផ្សាយនោះដែរ។  អ្នកនាំពាក្យក្រសួងសុខាភិបាល លោកស្រី ឱ វណ្ណឌីន បានគូសបញ្ជាក់ថា “ករណីនេះមិនមានភាពជាក់លាក់  ហើយក៏មិនអាចនឹងវាយតម្លៃថា ការចម្លងនេះ  គឺកើតចេញពីកម្ពុជាយើងដែរ ដោយសារបុគ្គលនោះបានទៅដល់ប្រទេសវៀតណាម”៕

 ក្រសួងសុខាភិបាលនៅព្រឹកនេះ បានអះអាងថា​អ្នកជំងឺកូវីដ១៩ម្នាក់ចុងក្រោយគេទី១២២ បានជាសះស្បើយ។ ក្រសួងសុខាភិបាលបានបញ្ជាក់ថា អ្នកជំងឺកូវីដ១៩ ទី១២២ ដែលជាសះស្បើយជាស្រ្តីជនជាតិខ្មែរ អាយុ៣៦ឆ្នាំ រស់នៅភូមិប៉ាលេឡៃ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ។ ក្រសួងបានបញ្ជាក់ថា នៅពេលនេះកម្ពុជា មិនមានអ្នកជំងឺកូវីដ១៩ព្យាបាលទៀតឡើយ នៅទូទាំងប្រទេស៕

បាងកក៖ ដោយសារតែជំងឺកូវីដ ព្រះសង្ឃថៃ បានកាត់បន្ថយចង្ហាន់ជាអតិបរមាក្នុងអំឡុងពេលនៃការរាតត្បាតដោយជំងឺកូវីដ១៩។ នេះគឺជាលទ្ធផលនៃការសិក្សាស្រាវជ្រាវរបស់ថៃលើវត្តចំនួន៤ម៉ឺនវត្តនិងព្រះសង្ឃចំនួន៣០ម៉ឺនអង្គនៅទូទាំងប្រទេស។ ផលប៉ះពាល់ភាគច្រើនចំពោះវត្ត និងព្រះសង្ឃគឺ ការចំណាយលើថ្លៃទឹក និង ថ្លៃអគ្គិសនី និងការចំណាយទូទៅត្បិតអីចំនួនអ្នកធ្វើបុណ្យនៅវត្តធ្លាក់ចុះជាគំហុកដែលធ្វើឱ្យប៉ះពាល់ខ្លាំងដល់ព្រះសង្ឃ។ហេតុដូចនេះ ហើយបានជាគណៈរដ្ឋមន្ត្រីថៃនៅថ្ងៃទី១៤ ខែឧសភានេះ ប្រកាសពីគម្រោងប្រគេនមូលនិធីសង្គ្រោះដល់ព្រះសង្ឃនៅតាមអារាមដែលប្រឈមនឹងការដាច់ចង្ហាន់ដោយសារតែជំងឺកូវីដ១៩។ បើទោះបីមិនទាន់បញ្ជាក់ពីជំនួយមែន ប៉ុន្តែគណៈរដ្ឋមន្ត្រីថៃបានប៉ាន់ស្មានថា ព្រះសង្ឃ១អង្គអាចនឹងទទួលបានបច្ច័យ១០០បាត(12700រៀល)ក្នុងមួយថ្ងៃ ហើយថវិកានេះ នឹងត្រូវផ្តល់តាមរយៈការរិយាល័យសាសនាជាតិ៕