កីឡាការិនីប៉េតង់ អ៊ុក ស្រីមុំ បានសាងប្រវត្តិសាស្រ្តថ្មីមួយទៀត ក្រោយឈ្នះមេដាយមាស ពីព្រឹត្តការណ៍កីឡាពិភពលោក ( World Games ) ឆ្នាំ២០២២ បន្ទាប់ពីយកឈ្នះកីឡាការិនីម្ចាស់ផ្ទះ សហរដ្ឋអាមេរិក Rebeka HOWE ក្នុងលទ្ធផល ៤១ទល់២១ នៅវគ្គផ្តាច់ព្រ័ត្រ នារសៀលថ្ងៃទី១២ ខែកក្កដា នាទីក្រុង Birmingham រដ្ឋ Alabama សហរដ្ឋអាមេរិក ។

កម្ពុជា គឺជាប្រទេសខ្លាំងមួយលើប្រភេទកីឡាប៉េតង់ ក្នុងចំណោមប្រទេសខ្លាំងជាច្រើនដែលបានចូលរួមកីឡាពិភពលោក (World Games) ឆ្នាំ២០២២ នៅទីក្រុង Birmingham រដ្ឋអាឡាបាម៉ា សហរដ្ឋអាមេរិក។ នេះជាការបញ្ជាក់របស់លោក ឡាស ហ្វ្រីស (Lars Friis) ប្រធានសហព័ន្ធកីឡាប៉េតង់ដាណឺម៉ាក។

ឯកឧត្តម បណ្ឌិត ជា ប៊ុនហេង ប្រធានសហព័ន្ធកីឡាសូហ្វតិនីសកម្ពុជា និងជាប្រធានសហព័ន្ធសូហ្វតិនីសអាស៊ីអាគ្នេយ៍ បានស្នើរឲ្យកីឡាករកីឡាការិនីខិតខំពង្រឹងសមត្ថភាពបន្ថែមទៀត ត្រៀមខ្លួនចូលរួមការប្រកួតកីឡាសូហ្វតិនីសជើងឯកអាស៊ីអាគ្នេយ៍ ដែលកម្ពុជាគ្រោងទទួលរៀបចំធ្វើជាម្ចាស់ផ្ទះនៅអំឡុងខែ ធ្នូ ឆ្នាំ២០២២ខាងមុខ។

ភ្នំពេញ ៖ លោក Minn Thein Zan រដ្ឋមន្ត្រីក្រសួងកីឡា និងកិច្ចការយុវជន និងជាប្រធានគណៈកម្មាធិការជាតិអូឡាំពិកមីយ៉ាន់ម៉ា បានសម្ដែងការភ្ញាក់ផ្អើល និងមោទនភាព ចំពោះប្រទេសកម្ពុជា ដែលមានការអភិវឌ្ឍ និងរីកចម្រើនយ៉ាងឆាប់រហ័ស ជាក់ស្ដែងហេដ្ឋារចនាសម្ព័ន្ធកីឡា ដែលមានលក្ខណៈស្ដង់ដារសម្រាប់ត្រៀមធ្វើម្ចាស់ផ្ទះព្រឹត្តិការណ៍ស៊ីហ្គេម-អាស៊ានប៉ារ៉ាហ្គេមឆ្នាំ២០២៣ ពិសេសពហុកីឡដ្ឋានជាតិមរតកតេជោតែម្ដង។