ភ្នំពេញ: សហព័ន្ធកីឡាចំបាប់កម្ពុជា រៀបចំការប្រកួតស្វែងរកយុវជនថ្នាលបន្តវេន នៅសាលដំបូលទូកប៊ូយ៉ុង ក្នុងបរិវេណពហុកីឡដ្ឋានជាតិអូឡាំពិក ថ្ងៃទី១៨ ខែតុលា ឆ្នាំ២០២៤។តំណាងសហព័ន្ធ បង្ហាញពីគោលបំណង នៃការប្រកួតនេះធ្វើឡើងក្នុងគោលបំណងដើម្បីដកស្រង់កម្រិតសមត្ថភាពរបស់កីឡាករ កីឡាការិនីនៅតាមបណ្តាក្លិនសមាគម រាជធានីខេត្តដែលជាដៃគូ។ កីឡាករ កីឡាការិនីចូលរួមការប្រកួតសាកល្បងបច្ចេកទេស ថ្នាក់ជាតិឆ្នាំ២០២៤ មានចំនួនសរុប ១០៤នាក់ ក្នុងនោះមានកីឡាការិនី ៣៩នាក់ក្រោមការឧបត្ថម្ភគាំទ្រទាំងស្រុកពីលោក ខេស៊ី បាណេត នាយកវិទ្យាស្ថានខេមអេដ និងជាអនុប្រធានសហព័ន្ធកីឡាចំបាប់កម្ពុជា៕ ចាន់ វិចិត្រ

(ភ្នំពេញ)៖ ក្នុងកិច្ចប្រជុំបច្ចេកទេស និងចាប់ឆ្នោតចែកពូល នៅព្រឹកថ្ងៃទី១៧ ខែតុលា ឆ្នាំ២០២៤ នៅមជ្ឈមណ្ឌលជាតិហ្វឹកហ្វឺនកីឡា ឯកឧត្តម ព្រំ ប៊ុណ្ណយី ទីប្រឹក្សាក្រសួងអប់រំ យុវជន និងកីឡា តំណាងដ៏ខ្ពង់ខ្ពស់ ឯកឧត្តម វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡាមានប្រសាសន៍ថា គណៈកម្មការរៀបចំការប្រកួតកីឡាជាតិលើក ទី៤ និងកីឡាជាតិជនពិការលើកទី២ គឺបានត្រៀមលក្ខណៈរៀបរយអស់ហើយ ទាំងការចុះឈ្មោះរបស់ប្រតិភូ និងកីឡាករ កីឡាការិនី ។ ថ្លែងប្រាប់អ្នកសារព័ត៌មានក្រោយកិច្ចប្រជុំ លោក ហួត សេងទ្រី ប្រធាននាយកដ្ឋានរៀបចំព្រឹត្តិការណ៍ និងស្ថិតិកីឡានៃក្រសួងអប់រំ យុវជន និងកីឡាបានគូសបញ្ជាក់ថា មុនព្រឹត្តិការណ៍ប្រកួតចូលមកដល់ គឺក្រសួងបានផ្តល់ព័ត៌មានទូទៅដល់ និងការចាប់ឆ្នោតចែកពូល សម្រាប់ប្រភេទកីឡាបាល់ទាត់ បាល់ទះ បាល់បោះ។ យើងបានផ្តល់ព័ត៌មានទូទៅ សម្រាប់ការប្រកួតកីឡាជាតិ លើកទី២ និងកីឡាជាតិជនពិការ ដែលនឹងប្រព្រឹតទៅជាផ្លូវការពីថ្ងៃទី២៩ ខែតុលា រហូតដល់ថ្ងៃទី០៨ ខែវិច្ឆិកា ឆ្នាំ២០២៤ នៅរាជធានីខេត្តចំនួន៥។ ប្រតិភូកីឡានឹងមកដល់នាថ្ងៃទី២៩ ខែតុលា ឆ្នាំ២០២៤…

(ភ្នំពេញ)៖ ក្នុងពិធីបិទបញ្ចប់វគ្គសាមគ្គីអូឡាំពិកស្ដីពី ការអភិវឌ្ឍប្រព័ន្ធកីឡាជាតិ សម្រាប់កីឡាចំបាប់ នាព្រឹកថ្ងៃទី១៦ ខែតុលា ឆ្នាំ២០២៤ លោក ខេ សីបាណេត អនុប្រធានសហព័ន្ធកីឡាចំបាប់កម្ពុជា បានថ្លែងថា សិក្ខាកាមជាគ្រូបង្វឹកកីឡាចំបាប់មកពីបណ្តាខេត្ត ដែលបានចូលរួមក្នុងកម្មវិធីបណ្តុះបណ្តាលរយៈពេល១២ថ្ងៃនេះ នឹងក្លាយជាសារៈសំខាន់នៃការចែករំលែកចំណេះដឹងចំបាប់បែបគរុកោសល្យដែលបានផ្តល់ជូនដោយ លោក គ្រូ Marty Hauck អ្នកជំនាញកីឡាចំបាប់កម្រិតមេដាយមាសរបស់សហរដ្ឋអាមេរិក។ អនុប្រធានរូបនេះ បានគូសបញ្ជាក់ទៀតថា តាមរយៈវគ្គសិក្សាសាមគ្គីអូឡាំពិកនេះ វានឹងរួមចំណែកផលិតបាននូវធនធានកីឡាចំបាប់វ័យក្មេងនៅតាមបណ្តាខេត្តបានកាន់តែច្រើន ដ្បិតវគ្គនេះជាលើកទី១ហើយ បានធ្វើការបណ្តុះបណ្តាលដល់គ្រូៗនៅតាមបណ្តាខេត្ត។ ឯកឧត្តម ប៊ុយ សោភ័ណ្ឌ ទីប្រឹក្សាគណៈកម្មាធិការជាតិអូឡាំពិកកម្ពុជា បានកោតសសើរនិងវាយតម្លៃខ្ពស់ចំពោះសិក្ខាកាមដែលជាគ្រូបង្រឹកដែលបានខិតខំយកចិត្តទុកដាក់ក្រេបជញ្ជក់យកចំណេះដឹងថ្មីៗពីគ្រូឧទ្ទេសអន្តរជាតិពាក់ព័ន្ធនិងគោលការណ៍បច្ចេកទេសនៃការបង្វឹកកីឡាចំបាប់ ដើម្បីអភិវឌ្ឍន៍ចំណេះជំនាញលើសមត្ថភាពជាគ្រូបង្វឹក។ ឯកឧត្តម បានគូសបញ្ជាក់ទៀតថា វគ្គសិក្សាសាមគ្គីអូឡាំពិកគ្រូចំបាប់​កម្រិតជាតិ​មួយនេះ គឺជាផ្នែកមួយនៃគម្រោងអភិវឌ្ឍប្រព័ន្ធកីឡាជាតិសម្រាប់កីឡាចំបាប់ ដែល​មានរយៈពេល៥ខែ ដោយ គិតចាប់ពីថ្ងៃទី១ ខែ កក្តដា ដល់ថ្ងៃទី៣០ ខែ វិច្ឆិកា ឆ្នាំ២០២៤ ដោយផ្តោតលើគោលបំណងសំខាន់ចំនួន៤រួមមាន៖១. បង្កើតគោលនយោបាយថ្មីសម្រាប់ការប្រកួតនិងការបង្វឹកប្រកបដោយប្រ​សិទ្ធភាព​ខ្ពស់សម្រាប់កីឡាចំបាប់ថ្នាក់ជាតិ។២.កម្មវិធីកំណត់ទេពកោសល្យនិងស្វែងរកថែរក្សាអត្តពលិកកីឡាចំបាប់វ័យក្មេង ដើម្បីទទួលបានជោគជ័យ។៣.រៀបចំវគ្គបណ្តុះបណ្តាលសម្រាប់គ្រូបង្វឹក និងមន្រ្តីអាជ្ញាកណ្តាលចៅក្រម ដើម្បីបង្កើតជំនាញ និងធានាបាននូវនិរន្តរភាពកីឡាចំបាប់នូវក្នុងប្រទេស។៤. អភិវឌ្ឍន៍ធនធានមនុស្សនិងប្រព័ន្ធរៀបចំការប្រកួត ដើម្បីត្រៀមរៀបចំការប្រកួតយុវជនអាស៊ីឆ្នាំ២០២៩ ដែលកម្ពុជាទទួលធ្វើជាម្ចាស់ផ្ទះ។ ក្នុងនាមគណៈកម្មាធិការជាតិអូឡាំពិកកម្ពុជា…

(ភ្នំពេញ)៖ កីឡាករគុនខ្មែរកម្ពុជា៣រូបមាន កីឡាករព្រុំ សំណាង ថៃ រ៉េត និង​កីឡាករ រឿង សោភ័ណ្ឌ ត្រូវបានសហព័ន្ធកីឡាប្រដាល់គុនខ្មែរអនុញ្ញាត ឱ្យទៅ ចូលរួមការប្រកួតនៅចក្រភពអង្គគ្លេស នៅថ្ងៃទី១៩ ខែ តុលា ឆ្នាំ២០២៤ តាមរយៈការសម្របសម្រួលពីលោក ស្រ៊ឺ ស្រេង ហៅ សំណប់ ប្រធានIFKAប្រចាំកម្ពុជា។ លោក ស្រ៊ឺ ស្រេង បានគូសបញ្ជាក់ថា នេះជាការចេញទៅលើកដំបូងរបស់អ្នក​ប្រដាល់​គុនខ្មែរទៅកាន់ទឹកដីចក្រភពអង់គ្លេស ហើយការចេញទៅនេះ គឺមាន​កីឡាករកម្ពុជា៣រូប សុទ្ធសឹងជាប្រភេទកីឡាករទម្ងន់ធ្ងន់ មានកីឡាករគុនខ្មែរ រឿង សោភ័ណ្ឌ ប្រកួតទម្ងន់៧៥គីឡូក្រាម កីឡាករគុនខ្មែរ ថៃ រ៉េត ប្រកួតក្នុងប្រភេទ​ទម្ងន់ ៧៥គីឡូក្រាម និងកីឡាករគុនខ្មែរ ព្រុំ សំណាង ប្រកួតក្នុងប្រភេទទម្ងន់ ៨០គីឡូ​ក្រាម ។ អ្នកដឹកនាំរូបនេះ បានអះអាងថា ការចេញទៅកាន់ទឹកប្រទេស​អង់គ្លេស​លើកដំបូងនេះ រូបលោក មានការជឿជាក់ខ្ពស់លើសមត្ថភាពកីឡាករគុនខ្មែរ​ទាំង ៣រូបថា នឹងប្រជែងដណ្តើមបានជ័យជំនះជូនកម្ពុជា ។ ដោយឡែកកីឡាករគុនខ្មែរកម្ពុជាទាំង៣រូប បានអះអាងថា…