ក្នុងអាណត្តិថ្មីនេះ សហព័ន្ធកីឡាបាញ់កាំភ្លើងកម្ពុជាដាក់គោលដៅសាងសង់ទីលានបាញ់កាំភ្លើងទំនើប ដើម្បីពង្រឹងសមត្ថភាពកីឡាករជម្រើសជាតិ។ អាន ៖ ឯកឧត្តម សុខ ពុទ្ធិវុធ ប្រធានសហព័ន្ធកីឡាបាញ់កាំភ្លើងកម្ពុជា បានលើកបង្ហាញនូវអនុសាសន៍៥ចំណុចសំខាន់ៗក្នុងការបន្តដឹកនាំអាណត្តិថ្មី ពីឆ្នាំ២០២៦-២០៣០ របស់សហព័ន្ធកីឡាបាញ់កាំភ្លើងកម្ពុជា សម្រួចគោលដៅអភិវឌ្ឍន៍ជំនាញកីឡានេះឱ្យកាន់តែរីកចម្រើនបន្ថែមទៀត។ អនុសាសន៍របស់ឯកឧត្តមប្រធានបានធ្វើឡើង នៅក្នុងឱកាសសហព័ន្ធកីឡាបាញ់កាំភ្លើងកម្ពុជាបានរៀបចំមហាសន្និបាតបញ្ចប់អាណត្តិចាស់ទី៣ និងបន្តអាណត្តិទី៤ ឆ្នាំ២០២៦-២០៣០ កាលពីល្ងាចថ្ងៃទី១២ ខែកញ្ញា ឆ្នាំ២០២៦ នៅទីស្នាក់ការ NOCC។ ឯកឧត្តម សុខ ពុទ្ធិវុធ បានប្តេជ្ញាដ៏មោះមុត ក្នុងការបន្តដឹកនាំអាណត្តិថ្មី ឆ្នាំ២០២៦-២០៣០ នូវអនុសាសន៍៥ចំណុច រួមមាន ជំរុញការអភិវឌ្ឍឱ្យខ្លាំងស្មើមុខស្មើមាត់ជាមួយបណ្តាប្រទេសក្នុងតំបន់ និងពិភពលោក, បង្កើនទំនាក់ទំនងល្អជាមួយសហព័ន្អកីឡាបាញ់កាំភ្លើងអន្តរជាតិ និងអន្តរជាតិ, និងបង្កើតក្លឹបឱ្យច្រើន ដើម្បីបង្កើនធនធានកីឡាករ កីឡាករិនីកាន់តែសម្បូរបែប។ ក្រៅពីនេះ ឯកឧត្តមជំរុញសហព័ន្ធកីឡាបាញ់កាំភ្លើងបង្កើតទីលានស្តង់ដាអន្តរជាតិឱ្យមានមានការហ្វឹកហាត់ផ្ទាល់-ហ្វឹកហាត់តាមប្រព័ន្ធ Online និងរៀបចំរចនាសម្ព័ន្ធដឹកនាំតាមផ្នែក និងជំនាញឱ្យត្រឹមត្រូវ ក៏ដូចជាបង្កើតផេក ឬ វេបសាយសហព័ន្ធ ព្រមទាំងបង្កើតសាលាបណ្តុះបណ្តាលថ្នាលវ័យក្មេងផងដែរ។ ជាមួយគ្នានេះ ឯកឧត្តម ស៊ិន សូផានណាក់ អគ្គលេខាធិការ សហព័ន្ធកីឡាបាញ់កាំភ្លើងកម្ពុជា បានលើកឡើងពីគោលដៅសំខាន់ៗ ជាពិសេសការសាងសង់ទីលានបាញ់កាំភ្លើងទំនើប ដោយប្រើប្រាស់ប្រព័ន្ធអេឡិចត្រូនិក…

ព្រឹត្តិការណ៍កីឡាទេសចរណ៍ បាននិងកំពុងរួមចំណែកយ៉ាងសំខាន់ ក្នុងការផ្សព្វផ្សាយសក្កានុពលតំបន់រមណីយដ្ឋាន និង​ផលិតផលក្នុងស្រុករបស់ប្រជាសហគមន៍តាមបណ្តាខេត្ត។ នេះជាការលើកឡើងរបស់ថ្នាក់ដឹកនាំក្រសួងទេសចរណ៍ ក្នុង​ព្រឹត្តិការណ៍​កីឡាទេសចរណ៍ជិះកង់ និងរត់ឆ្លងកាត់ឧបសគ្គ ទៅកាន់ប្រាសាទ សំបូរព្រៃគុក កាលពីចុងសប្តាហ៍កន្លងទៅនេះ។ ថ្លែងប្រាប់អ្នកសារព័ត៌មាន ក្រោយបញ្ចប់ព្រឹត្តិការណ៍អបអរ សាទរ ខួបលើកទី៩ នៃការចុះបញ្ជីប្រាសាទ​សំបូរ​ព្រៃគុក​ជា បេតិកភណ្ឌ ពិភពលោក ឯកឧត្តម វ៉ា ហេងដាវុធ រដ្ឋលេខា ធិការ ក្រសួងទេស ចរណ៍បានបញ្ជាក់ថា ព្រឹត្តិការណ៍​កីឡា​ទេសចរណ៍ ដែលបង្កើតឡើង ដោយក្រសួង គឺដើម្បីរំលេចពីសក្ដានុពលទេសចរណ៍ និងលើកស្ទួយ ស្នាដៃផលិតផល​របស់​ប្រជាសហគមន៍។ ជាក់ស្តែងព្រឹត្តិការណ៍ជិះកង់ និងរត់ឆ្លងកាត់ឧបសគ្គនាពេលនេះ បាន ទាក់ទាញអ្នកចូលរួមប្រមាណ ២ពាន់នាក់ ដែលធ្វើឱ្យ​មានការ ផ្សព្វផ្សាយយ៉ាងសុះសាយលើបណ្តាញសង្គម ទាំងមជ្ឈដ្ឋានជាតិ និងអន្តរជាតិ មិនចាញ់កាលពីព្រឹត្តិការណ៍ជិះកង់​ទៅកាន់ ប្រាសាទ ភ្នំជីសូ ខេត្តតាកែវ កន្លងទៅនោះទេ។ ដោយឡែក ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ ក៏បានបញ្ជាក់ដែរថា ព្រឹត្តិការណ៍កីឡាទេសចរណ៍ គឺជាចលនា​បំផុសការផ្សព្វផ្សាយតំបន់ទេសចរណ៍ធម្មជាតិ បេតិកភណ្ឌវប្បធម៌ និងអេកូទេសចរណ៍ ឱ្យកាន់តែលេចធ្លោឡើង។…

ព្រឹត្តិការណ៍ជិះកង់ និងរត់ឆ្លងកាត់ឧបសគ្គឆ្ពោះទៅកាន់ប្រាសាទ សំបូរព្រៃគុក នៃខេត្តកំពង់ធំត្រូវបានរៀបចំឡើងយ៉ាងមហោឡារិក ដើម្បីនាំយកភ្ញៀវទេសចរជាតិ និងអន្តរជាតិ ទៅទស្សនាកម្សាន្តនៅ ខេត្តកំពង់ធំនារដូវកាលបៃតងដោយ មានអ្នកចូលរួម​ជាង ២ពាន់ នាក់។ ព្រឹត្តិការណ៍កីឡាទេសចរណ៍ ដែលបានប្រព្រឹត្តទៅកាលពី​ថ្ងៃ​អាទិត្យ ទី៥ ខែកក្កដា ឆ្នាំ២០២៦ ធ្វើឡើងក្នុងគោលបំណង ចូលរួមអបអរសាទរខួបលើកទី៩ នៃការដាក់​បញ្ចូលប្រាសាទសំបូរ ព្រៃគុកទៅក្នុងបញ្ជីសម្បត្តិបេតិកភណ្ឌពិភពលោក ​៨ ​កក្កដា​ ២០១៧-៨ កក្កដា ២០២៦ក្រោម​​ប្រធាន​បទ «ផ្លូវឆ្ពោះទៅរាជ​ធានីឦសានបុរៈចេន ឡាមុនសម័យអង្គរ»។ ព្រឹត្តិការណ៍នេះ ត្រូវបានបែងចែកជាពីរប្រភេទកីឡាធំៗ គឺការជិះកង់​ចម្ងាយ ៤២គីឡូម៉ែត្រ ដែលតម្រូវឱ្យ​កីឡាករជិះឆ្លងកាត់ សហគមន៍​នំក្រឡាន និងសហគមន៍ស្វាយចន្ទី ដើម្បីភ្លក់រសជាតិផលិតផល​ក្នុងស្រុក មុននឹងឆ្ពោះទៅ​កាន់ទី​ដៅចុងក្រោយនៅបរិវេណប្រាសាទ។ ដោយឡែកវិញ្ញាសារត់ឆ្លងកាត់ឧបសគ្គមាន ៣កម្រិត គឺចម្ងាយ ៤២គីឡូម៉ែត្រដោយ ចាប់ផ្តើមចេញពីក្រុងស្ទឹងសែន រួមទាំងចម្ងាយ ២១គីឡូម៉ែត្រ និង ៩គីឡូម៉ែត្រ ដែលរៀបចំឡើងនៅជុំវិញ​តំបន់​ប្រាសាទបុរាណ​ផ្ទាល់តែម្តង។ ថ្លែងទៅកាន់អ្នកចូលរួមដែលមានកីឡាជាតិ និងអន្តរចាតិឧត្តម នួន ផារ័ត្ន អភិបាលខេត្តកំពង់ធំ បានមានប្រសាសន៍ថា ការបង្កើត​ព្រឹត្តិការណ៍​កីឡាទេសចរណ៍ ក្រោមគំនិតផ្តួចផ្តើមរបស់ក្រសួង​ទេសចរណ៍ ពិតជាមានសារៈសំខាន់ខ្លាំងណាស់…

កំពង់ស្ពឺ៖ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ បានចាត់ទុកព្រឹត្តិការណ៍ Kirirum Paradise Fun Run 2026 គឺជាសកម្មភាពទេសចរណ៍កីឡាដ៏មានសារៈសំខាន់ ដែលមិនត្រឹមតែលើកកម្ពស់សុខភាព និងការរស់នៅប្រកបដោយភាពសកម្មប៉ុណ្ណោះទេ ប៉ុន្តែក៏រួមចំណែកផ្សព្វផ្សាយសក្តានុពលទេសចរណ៍ធម្មជាតិរបស់កម្ពុជា ជាពិសេសឧទ្យានជាតិគិរីរម្យ ឱ្យកាន់តែទូលំទូលាយដល់ភ្ញៀវទេសចរជាតិ និងអន្តរជាតិផងដែរ។ ថ្លែងលើកឡើងរបស់រដ្ឋមន្រ្តីក្រសួងទេសចរណ៍ បានធ្វើឡើង នាក្នុងព្រឹត្តិការណ៍ «Kirirum Paradise Fun Run 2026» ដែលជាកម្មវិធីរត់កម្សាន្តចម្ងាយ ៥គីឡូម៉ែត្រ រៀបចំឡើងនៅឧទ្យានជាតិគិរីរម្យ ខេត្តកំពង់ស្ពឺ ក្នុងគោលបំណងជំរុញទេសចរណ៍កីឡា និងគាំទ្រយុទ្ធនាការ «ទស្សនាកម្ពុជានារដូវកាលបៃតង នាព្រឹកថ្ងៃទី២៨ ខែ មិថុនា ឆ្នាំ២០២៦។ ឯកឧត្តមរដ្ឋមន្ត្រី បានគូសបញ្ជាក់ថា ការរៀបចំព្រឹត្តិការណ៍នេះក្នុងអំឡុងរដូវកាលបៃតង (Green Season) ស្របពេលដែលក្រសួងទេសចរណ៍កំពុងអនុវត្តយុទ្ធនាការ «ទស្សនាកម្ពុជានារដូវកាលបៃតង» ចាប់ពីខែឧសភា ដល់ខែតុលា គឺមានគោលបំណងជំរុញចលនាទេសចរណ៍ក្នុងស្រុក និងផ្លាស់ប្តូរការយល់ឃើញពីពាក្យ «Low Season» មកជា «Green Season» ដែលមិនមែនគ្រាន់តែជាការផ្លាស់ប្តូរឈ្មោះប៉ុណ្ណោះទេ ប៉ុន្តែជាការផ្លាស់ប្តូរផ្នត់គំនិតឱ្យក្លាយជាការគិតវិជ្ជមាន…

គណៈកម្មាធិការជាតិអូឡាំពិកកម្ពុជាបានប្រារព្ធពិធីអបអរសាទរខួបលើកទី១៣២នៃទិវាអូឡាំពិក នៅពហុកីឡដ្ឋានជាតិមរតកតេជោ ក្រោមប្រធានបទ «ក្រុមកីឡាកម្ពុជាឆ្ពោះទៅកីឡាអូឡាំពិកទីក្រុង LA ឆ្នាំ២០២៨ » ដោយមានការចូលរួមពីអត្តពលិក សិស្សានុសិស្ស និងភាគីពាក់ព័ន្ធសរុបប្រមាណ៨០០នាក់ ។ ការប្រារព្វទិវាអូឡាំពិក គឺជាការរម្លឹកដល់ការបង្កើតចលនាអូឡាំពិកសម័យទំនើប ដែលផ្តួចផ្តើមដោយជនជាតិបារាំង គឺលោក ព្យែរ ឌឺ គួបឺតាំង (Pierre de Coubertin)។ សម្រាប់ឆ្នាំនេះ កម្ពុជាបានឆ្លៀតយកឱកាសនៃការរម្លឹកទិវាអូឡាំពិក ដើម្បីបំផុសចលនាគាំទ្រដល់ក្រុមកីឡាកម្ពុជា ដែលកំពុងត្រៀមលក្ខណៈ ចូលរួមការប្រកួតជម្រុះ ដើម្បីដណ្តើមកៅអីទៅចូលរួមការប្រកួតកីឡាអូឡាំពិក ឆ្នាំ២០២៨ នៅទីក្រុង Los Angeles សហរដ្ឋអាមេរិក។ ក្នុងឱកាសនេះផងដែរ ឯកឧត្តមទេសរដ្ឋមន្រ្តី ថោង ខុន ប្រធានគណៈកម្មាធិការជាតិអូឡាំពិកកម្ពុជា បានអំពាវនាវឱ្យសិស្សានុសិស្ស និងអត្តពលិកទាំងអស់ចូលរួមបំផុសចលនា “ហាត់ប្រាណ និងលេងកីឡាអស់មួយជីវិត” ដើម្បីទទួលបានសុខភាពល្អ ទាំងសុខភាពរាងកាយ ស្មារតី និងបញ្ញាញាណ ក្នុងគោលដៅអភិវឌ្ឍមូលធនមនុស្ស ប្រកបដោយគុណភាពខ្ពស់ និងសុខភាព ដែលជាលក្ខខណ្ឌចាំបាច់មិនអាចខ្វះបានសម្រាប់អភិវឌ្ឍសេដ្ឋកិច្ច និងសង្គមជាតិ៕ អត្ថបទ៖ ជាវ ចន្ធូ

ភ្នំពេញ៖ សហព័ន្ធកីឡាផិក្កូលប៊លកម្ពុជា (CPF) ប្រកាសបើកការប្រកួតដណ្តើមជើងឯកកីឡា ផិក្កូលប៊ល ប្រចាំ ឆ្នាំ២០២៦ ដំបូងបំផុតនៅកម្ពុជា ក្រោមការឧបត្ថមធំពី ភេសជ្ជៈប៉ូវកម្លាំង គីងកុង ។ ការប្រកួតនោះ ត្រូវគេបានឲ្យឈ្មោះថា ការប្រកួតដណ្តើមយកជើងឯក គីងកុង-ផិក្កូលប៊ល ប្រចាំឆ្នាំ២០២៦ ដែលនឹងទទួលបានប្រាក់រង្វាន់ រហូតដល់ ២៨លានរៀល ។ ការប្រកួតត្រូវបានបែងចែកជាច្រើនវគ្គ ដើម្បីជ្រើសរើសជើងឯកប្រចាំវគ្គនីមួយៗ ជា មួយប្រាក់រង្វាន់សរុបជាង ២៨លានរៀល រួមជាមួយពានរង្វាន់ និងមេដៃជាច្រើនទៀតផង ។ ឯកឧត្តម លីម ហ៊ួរនីតា ប្រធានសហព័ន្ធកីឡាផិក្កូប៊លកម្ពុជា បានមានប្រសាសន៍ថា៖ «ផិក្កូលប៊ល គឺជាកីឡាដែលកំពុងមានការរីកចម្រើនខ្លាំងបំផុតនៅលើពិភពលោក ដែលទាមទារនូវភាពរឹងមាំ កាយវិការរស់រវើក ការវាយបកយ៉ាងរហ័ស និងការផ្ដោតស្មារតីខ្ពស់ ដូចនេះហើយទើបស័ក្តសមជាមួយនឹងភេសជ្ជៈប៉ូវកម្លាំង គីងកុង ដែលផ្តល់នូវថាមពល សម្បូរវីតាមីនខ្ពស់ ជាតិស្ករទាប និងដល់សារពាង្គកាយនៅពេលអស់កម្លាំង ។ កីឡាផិក្កូប៊ល ដែលគេតែងឃើញមានការលេងកម្សាន្ត ភាគច្រើនជាមហាសេដ្ឋីនាប៉ែកអ៊ឺរុប រួមមាន មហាសេដ្ឋី បៀលហ្គេត តារាសម្តែងលំដាប់ជួរមុខ លីអូណាដូ…