ស្ថានទូតបារាំងប្រចាំប្រទេសកម្ពុជា បានអញ្ជើញថ្នាក់ដឹកនាំ គ្រូបង្វឹក កីឡាករកីឡាការិនី សហព័ន្ធខ្មែរកីឡាអត្តពលកម្មស័គ្រចិត្ត ចូលរួមក្នុងកម្មវិធីរត់ដើម្បីអបអរសាទរដំណើរឆ្ពោះទៅកីឡាអូឡាំពិកប៉ារីសឆ្នាំ២០២៤ ដែលប្រទេសបាំងទទួលធ្វើជាម្ចាស់ផ្ទះ នាព្រឹកថ្ងៃទី៦ ខែ មេសា ។

អតីតកីឡាករគុនខ្មែរ បឺត ខាំ បច្ចុប្បន្នជាគ្រូបង្វឹកក្រុមជម្រើសជាតិ ឃីតបុកស៊ីង បានបញ្ជាក់ថា អត្តពលិកឃីតបុកស៊ីងកម្ពុជា រំពឹងឈ្នះមេដាយជាច្រើនគ្រឿង ក្នុងនោះអាចឈ្នះមេដាយមាស ពីការប្រកួតកីឡាស៊ីហ្គេម លើកទី៣១ នៅប្រទេសវៀតណាម នាអំឡុងខែឧសភា ថែមទៀតផង ។

ព្រឹត្តិការណ៍ស្តេចប្រដាល់អង្គរ មិត្តភាពអន្តរជាតិកម្ពុជា-ចិន លើកដំបូងនៅកម្ពុជា គ្រោងនឹងដំណើរការប្រកួត នៅខេត្តសៀមរាប នាថ្ងៃទី១០ ខែមេសា ឆ្នាំ២០២២ខាងមុខនេះ មានចំនួន១០គូ ក្នុងនោះគុនខ្មែរ២គូ និងប្រដាល់ឃីតបុកស៊ីងចំនួន៨គូ នេះបើយោងតាមការបញ្ជាក់ពី លោក ហេង សុខឃន អគ្គលេខាធិការ សហព័ន្ធកីឡាប្រដាល់គុនខ្មែរ និងជាប្រធានសហព័ន្ធកីឡាឃីតបុកស៊ីងកម្ពុជា ។

ក្រុម BURN X FLASH បានគ្រងម្ចាស់ជើងឯក ពានរង្វាន់កីឡាអេឡិចត្រូនិក ពានរង្វាន់ T.Y E-Champion 2022 រដូវកាលទី១ បន្ទាប់ពីបានយកឈ្នះនៅវគ្គផ្តាច់ព្រ័ត្រ កាលពីថ្ងៃទី៣ ខែមេសា ឆ្នាំ២០២២ នៅសាលផ្សារទំនើបអ៊ីអន២ ខណ្ឌសែនសុខ រាជធានីភ្នំពេញ។

ឯកឧត្តម យី វាសនា អគ្គលេខាធិការគណកម្មាធិការជាតិប៉ារ៉ាហ្គេមឡាំពិកកម្ពុជា បានបញ្ជាក់ថា កីឡាករ កីឡាការិនីជម្រើសជាតិជនពិការគ្រប់ប្រភេទកីឡា ដែលត្រៀមចូលរួមព្រឹត្តការណ៍អាស៊ានប៉ារ៉ាហ្គេម លើកទី១២ ឆ្នាំ២០២៣ ដែលកម្ពុជាធ្វើជាម្ចាស់ផ្ទះ នឹងមានផ្លាស់ប្តូរប្រសិនសិទ្ធផលធ្លាក់ចុះ ។

ការប្រកួតព្រឹត្តិការណ៍កីឡាអាស៊ីអាគ្នេយ៍ លើកទី៣១ (SEA Games 31) កាន់តែខិតជិតមកដល់ ប្រទេសក្នុងតំបន់កំពុងរៀបចំក្រុមយ៉ាងសកម្មដើម្បីកំណត់គោលដៅ ក្នុងការប្រកួតដ៏សំខាន់មួយនៅវៀតណាម ដែលត្រូវធ្វើជាម្ចាស់ផ្ទះ។