សហព័ន្ធកីឡាបាញ់កាំភ្លើងកម្ពុជា បានដំណើរការប្រកួតជ្រើសរើសជើងឯកថ្នាក់ជាតិឆ្នាំ២០២១ ប្រចាំឆ្នាំ ដើម្បីស្វែងរកកីឡាករ កីឡាការិនីត្រៀមចូលជម្រើសជាតិ បន្ទាប់ពីពន្យាពេលជាច្រើនខែ ដោយសារតែវិបត្តិជំងឺកូវីដ-១៩។

ការប្រកួតកីឡាបាល់ទាត់ពានរង្វាន់បុរស.នារី អាយុក្រោម១៨ ដែលរៀបចំគាំទ្រដោយរដ្ឋបាលស្រុកល្វាឯម ខេត្តកណ្តាល ដែលមានបាល់ទាត់បុរស១៣ក្រុម និងនារី៥ក្រុម ដំណើរការអស់រយៈពេល២៨ថ្ងៃបានបញ្ចប់ជាផ្លូវការហើយ ដោយក្រុមបាល់ទាត់បុរស ល្ខោនខោលវត្តស្វាយអណ្តែត ដណ្តើមបានពានជ័យលាភីលេខ១ និងផ្នែកនារី ក្រុមបាល់ទាត់ យុវជនវិសទ្យាល័យពោធិ៍រៀង ដណ្តើមបានពានជ័យលាភីចំណត់ថ្នាក់លេខ១។

ឯកឧត្តម ជា ច័ន្ទបរិបូណ៍ ប្រធានសហព័ន្ធកីឡាអេឡិចត្រូនិកកម្ពុជា (E-Sports)ថ្លែងនៅក្នុងសន្និសិទស្តីពីការត្រៀមខ្លួនឆ្ពោះទៅចូលរួមប្រកួតកីឡាស៊ីហ្គេម លើកទី៣១ នៅប្រទេសវៀតណាម និងត្រៀមខ្លួនស៊ីហ្គេម ឆ្នាំ២០២៣ នាល្ងាចថ្ងៃទី២០ ខែ មករា ឆ្នាំ២០២២ថា ប្រសិនបើប្រភេទកីឡាអេឡិចត្រូនិចមិនរីកចម្រើនទាល់តែសោះ ក្នុងស៊ីហ្គេម នៅវៀតណាម នាខែឧសភា ឆ្នាំ២០២២ខាងមុខនេះ សហព័ន្ធនឹងប្រជុំពិចារណាជាមួយគ្នា ថាតើ គួររៀបចំធ្វើកីឡាអេឡិចត្រូនិក ក្នុងស៊ីហ្គេម លើកទី៣២ ឆ្នាំ២០២៣ ឬអត់?»។

សហព័ន្ធកីឡាវ៉ូវីណាមកម្ពុជា បានបើកវគ្គបណ្តុះបណ្តាល ចៅក្រម-អាជ្ញាកណ្ដាលប្រចាំ រយៈពេល៥ថ្ងៃ ចាប់ពីថ្ងៃ ទី១៩ ដល់ថ្ងៃ ទី២៣ ខែ មករា ឆ្នាំ២០២២ នៅអាគារទីស្នាក់ការ គណៈកម្មាធិការជាតិអូឡាំពិកម្ពុជា។

សហព័ន្ធបាល់ឱបកម្ពុជា បានចាប់ដៃនៃភាពជាដៃគូរសហការជាមួយ ChildFund Rugby ដើម្បីដាក់ដំណើរការនូវគម្រោងអភិវឌ្ឍវិស័យកីឡាបាល់ឱបនៅកម្ពុជា នាថ្ងៃទី២១ ខែមករា ឆ្នាំ២០២២នេះ នៅសណ្ឋាគារ Sunway រាធានីភ្នំពេញ ។

លោក ហេង សុខឃន ប្រធានសហព័ន្ធកីឡាឃីតបុកស៊ីងកម្ពុជា បានបញ្ជាក់ថា ក្នុងឆ្នាំ២០២១ សហព័ន្ធកីឡាឃីតបុកស៊ីងកម្ពុជា បានជ្រើសរើសកីឡាករកីឡាការិនីហ្វឹកហាត់សម្រាប់ឆ្នាំ២០២២ ដើម្បីត្រៀមបញ្ជូនទៅចូលរួមការប្រកួតកីឡាស៊ីហ្គេម លើកទី៣១ នៅប្រទេសវៀតណាម ដោយយកសង្វៀនគុនខ្មែរដែលមាននៅតាមស្ថានីយ៍ទូរទស្សន៍ក្នុងស្រុកនានា វាយតម្លៃវាស់ស្ទង់កម្រិតសមត្ថភាពកីឡាករ កីឡាការិនីជ្រើសរើសជាជម្រើសជាតិ ដ្បិតកញ្ចប់ថវិកាសម្រាប់រៀបចំការប្រកួតជ្រើសរើសជើងឯកថ្នាក់ជាតិឆ្នាំ២០២១ ដែលជាប្រាក់ឧបត្ថម្ភរបស់ក្រសួងអប់រំយុវជន និងកីឡា លើកម្មវិធីបណ្តុះបណ្តាល ការងាររដ្ឋបាល និងការរៀបចំការប្រកួតថ្នាក់ជាតិ សហព័ន្ធមិនទាន់ទទួលបានឡើយ ព្រោះតែសហព័ន្ធទើបតែបង្កើតឡើង ក្រោយស៊ីហ្គេម នៅប្រទេសហ្វីលីពីន។

សហព័ន្ធកីឡាបាល់ឱបកម្ពុជាបាននឹងរៀបចំការប្រកួតកីឡាបាល់ឱបជ្រើសរើសជើងឯកថ្នាក់ជាតិ ប្រចាំឆ្នាំ២០២១ នាថ្ងៃទី២៣ ខែមករា ឆ្នាំ២០២២ នៅទីលានបាល់ទាត់វិទ្យាល័យ ជា ស៊ីម បឹងកេងកង រាជធានីភ្នំពេញ។

ការប្រកួតកីឡាវាយសីដណ្តើមពានរង្វាន់៧មករា ឆ្នាំ២០២២ ដើម្បីចូលរួមអបអរសាទរខួបអនុស្សាវរីយ៍លើកទី៤៣ ដែលរៀបចំដោយសហព័ន្ធកីឡាវាយសីកម្ពុជា នឹងរៀបចំនៅខេត្តសៀមរា រយៈពេល២ថ្ងៃចាប់ពីថ្ងៃទី២៨បញ្ចប់ថ្ងៃទី២៩ ខែ មករា ឆ្នាំ២០២២។