គណៈកម្មាធិការជាតិស្ប៉េស្យាល់ អូឡាំពិកកម្ពុជា បានបើកការប្រកួតកីឡាស្ប៉េស្យាល់អូឡាំពិក ប្រចាំឆ្នាំ២០១៨ ដើម្បីស្វែរករក ក្រុមបាល់ទាត់មួយ ត្រៀមលរួមការប្រកួត អនុតំបន់មេគង្គ នៅទីក្រុង ហូជីមិញនាខែក្រោយនេះ ព្រមទាំងមានកម្មវិធីត្រួតពិនិត្យសុខភាព និងវេទកាសុខភាព សម្រាប់អាណាព្យាបាល ជនបញ្ញាខ្សោយ ដែលមានអាយុចាប់ពី២ឆ្នាំឡើងទៅផងដែរ នៅរាជធានីភ្នំពេញ កាលពីម្សិលមិញ។

កីឡាការិនីកូនកាត់ខ្មែរ-អាមេរិក ខាន់ ចេសា ម្ចាស់មេដាយមាសកីឡា ជឺជិតស៊ូ Asian Games លើកទី១៨ នៅឥណ្ឌូនេស៊ី បានបង្កើតកំណត់ត្រាថ្មីមួយទៀត ក្រោយដណ្ដើមបានមេដាយ មាស២គ្រឿង ក្នុងការប្រកួតកីឡា ជិតស៊ូ កម្រិតពិភពលោក JiuJitsu International World Championships នៅសហរដ្ឋអាមេរិក កាលពីចុងសប្ដាហ៍កន្លងទៅ ។

ប្រធានសហព័ន្ធខ្មែរកីឡាហែលទឹក ឯ ឧ ស៊ុន ចាន់ថុល បានបញ្ជាក់ថា ដើម្បីអោយកីឡាករ កីឡាការិនី មានកន្លែង ហ្វឹកហាត់ប្រកបដោយស្តង់ដាអន្តរជាតិ និងផាសុខភាព ក្នុងការបង្កើនសមត្ថភាព និងបច្ចេកទេស ជាពិសេសត្រៀម ព្រឹត្ត ការណ៍ កីឡាស៊ីហ្គេម លើកទី៣២ នាឆ្នាំ២០២៣ ដែលកម្ពុជាទទួលសិទ្ធធ្វើជាម្ចាស់ផ្ទះ អោយទទួល បានជោគជ័យ សហព័ន្ធខ្មែរកីឡាហែលទឹក បានចាប់ផ្តើមស្តារហេដ្ឋារចនាសម័្ពន្ធអាងហែលទឹកឡើងវិញ ដើម្បីបំរើការហ្វឹកហាត់ ក៏ដូចជា ការប្រកួតនានាទាំងជាតិ និងអន្តរជាតិ ការបញ្ជាក់នេះបន្ទាប់ពីធ្វើពិធីក្រុងពលី ជួសជុលអាងហែលទឹក ក្នុងពហុកីឡដ្ឋាន ជាតិ កាលពីម្សិលមិញ ។

ការប្រកួតរត់ប្រណាំងអន្តរជាតិ ពាក់កណ្តាល ម៉ារ៉ាតុង នៅតំបន់ បុរាណអង្គរវត្ត ក្នុងខេត្តសៀមរាប លើកទី ២៣ ដែលចាប់ផ្តើមនៅថ្ងៃទី ០២ ខែធ្នូ ឆ្នាំ ២០១៨ ខាងមុខ រៀបចំឡើង ក្នុងគោលបំណងដើម្បីលើកកម្ពស់សុខភាព និងសុខុមាលភាព ព្រមទាំងរៃអង្គាសថវិកាដើម្បីគាំទ្រដល់អង្គការដែលជួយដល់កុមារក្រីក្រ និងជនរងគ្រោះដោយសារគ្រាប់មីននៅកម្ពុជា នេះជាកាបញ្ជាក់ របស់ ឯកឧត្តម វ៉ាត់ ចំរើន អគ្គលេខាធិការ គណៈកម្មាធិការជាតិអូឡាំពិកកម្ពុជា និងជារដ្ឋលេខាធិការក្រសួងទេសចរណ៍ កាលពីថ្ងៃទី២៦ ខែតុលា នៅអគាគណៈកម្មាធិការជាតិអូឡាំពិកកម្ពុជា ។

ម្ចាស់ទីលានបាល់ទាត់ហ្វូតសាល វិទ្យាល័យវត្តកោះ លោក ម៉ៅ មានមេត្តា បញ្ជាក់ថា ពានរង្វាន់លើកទី១ របស់ខ្លួន ធ្វើដើម្បីផ្តល់ឱកាសឲ្យយុវជនបញ្ចេញសមត្ថភាព និងទេពកោសល្យ ដល់ក្រុមមិនមែនអាជីពចំនួន២០ ចូលរួមប្រកួតប្រជែង។ លោកបានថ្លែងប្រាប់បែបនេះ កាលពីល្ងាចមិញ នៅទីលានបាល់ទាត់ហ្វូតសាល ក្នុងវិទ្យាល័យវត្តកោះ។

សកលវិទ្យាល័យ អាស៊ីអឺរ៉ុប បញ្ជូនអត្តពលិកចំនួន៣២នាក់ ក្នុងនោះមានអត្តពលិកជំនាញ៦នាក់ ដើម្បីចូលរួមប្រកួតក្នុងព្រឹត្តិការណ៍រត់ប្រណាំងពាក់កណ្ដាលម៉ារ៉ាតុងអន្ដរជាតិ លើកទី៥ នៅលើភ្នំបូកគោ ខេត្តកំពត នាថ្ងៃទី២៩ ខែតុលា ខាងមុខ ដើម្បីរួមចំណែកស្វែងរកមូលនិធិសម្រាប់ជួយដល់មន្ទីរពេទ្យគន្ធរបុប្ឋា។ ថ្លែងក្នុងពេលហ្វឹកហាត់នៅពហុកីឡដ្ឋានជាតិកាលពីម្សិលមិញ លោក ពៅ ហុក គ្រូបង្វឹកកីឡាសកលវិទ្យាល័យអាស៊ីអឺរ៉ុបថា អាស៊ីអឺរ៉ុបបានបណ្តុះឆន្ទៈលើកទឹកចិត្តកីឡាករកីឡាការិនីរបស់ខ្លួន ដោយត្រូវពង្រឹងខ្លួនឯងឲ្យបានល្អ មុនពេលដែលត្រូវប្រជែងយកមេដាយពីព្រឹត្តិការណ៍អន្ដរជាតិមួយនេះ។

ឈ្នះនៅ Europa ក្រុម Arsenal បន្តទទួលជោគជ័យ១១ប្រកួតជាប់ៗគ្នា គ្រាប់ជ័យជម្នះរកបានដោយ Danny Welbeck នៅនាទី៧៨ ធ្វើឲ្យ Arsenal យកឈ្នះលើ Sporting Lisbon បន្តឈរកំពូលតារាងពូល E នៃ Europa League។ Arsenal ពេលនេះកំពុងឡើងជើងដោយឈ្នះ១១ប្រកួតជាប់ៗ ជាលើកដំបូង លើគ្រប់កម្មវិធី គិតចាប់ពីឆ្នាំ២០០៧មក។

ឯកឧត្តម សុខ ខេមរិន្ទ ប្រធានស្តីទីសហព័ន្ធកីឡាបាញ់កាំភ្លើងកម្ពុជាអះអាងថា ទោះបីជាចេញទៅចូលរួមប្រកួតលើកដំបូងក៏ដោយ តែអត្តពលិកបាញ់កាំភ្លើងកម្ពុជារំពឹងខ្ពស់ថា និងអាចប្រជែងមេដាយបានជាក់ជាមិនខាន់។ ការបញ្ជាក់នេះនាឱកាស ឯកឧត្តមដឹកនាំអត្តពលិកបាញ់កាំភ្លើងកម្ពុជា ទៅចូលរួមការប្រកួតព្រឹត្តិការណ៍ Loa IPSC Handgun Championship 2018 នៅប្រទេសឡាវ នាល្ងាចម្សិលមិញ នៅអាកាសយាន្តដ្ឋានអន្តរជាតិ។

បន្ទាប់ពីប្រមូលផ្តុំហ្វឹកហាត់អស់រយៈពេលជាង២សប្តាហ៍ ក្រុមយុវជនអាយុក្រោម១៧ឆ្នាំ បានរៀបចំឲ្យមានការប្រកួតមិត្តភាពជាមួយក្រុម Young Chester ដោយលទ្ធផល៣ទល់០ នៅ កីឡដ្ឋានរបស់ខ្លួន ស្ថិតនៅខណ្ឌសែនសុខ រាជធានីភ្នំពេញ ដើម្បីវាស់ស្ទង់កម្រិតបច្ចេកទេស ដែលបានហ្វឹកហាត់កន្លងមក។

ប្រសិនបើ Real Madrid តែងតាំងលោក Antonio Conte ធ្វើជាអ្នកចាត់ការថ្មី ក្លិបតោខៀវ Chelsea នឹងបានប្រាក់៩,៥លានផោន។ ក្លិបមានមូលដ្ឋាន ក្នុងទីក្រុង Madrid កំពុងទាក់ទងអ្នកចាត់ការវ័យ៤៩ឆ្នាំ សញ្ជាតិអ៊ីតាលីខាងលើ ដើម្បីមកជំនួសកន្លែង Julen Lopetegui  ក្រោយលោកដឹកនាំនៅ Bernabeu មិនសូវបានផល។