បើតាមការចុះផ្សាយរបស់សារព័ត៌បរទេស The Sun នៅក្នុងការប្រៀបធៀបគណៈកម្មាធិការអូឡាំពិក និងប៉ារ៉ាឡាំពិក របស់សហរដ្ឋអាមេរិក បានចំណាយ ប្រាក់ប្រហែល ២៧,០០០(ពីរម៉ឺនប្រាំពីរពាន់ផោន) សម្រាប់មេដាយមាស ១៦,០០០ (មួយម៉ឺនប្រាំមួយពាន់ផោន) សម្រាប់ប្រាក់ និង ១ម៉ឺន ផោនសម្រាប់សំរិទ្ធ។ចំណែកអត្តពលិកម៉ាឡេស៊ីទទួលបាន ១៧,០០០ (មួយម៉ឺនប្រាំពីរពាន់ផោន) សម្រាប់សំរឹទ្ធ ៥២,៥០០(ប្រាំម៉ឺនពីរពាន់ប្រាំរយផោន) សម្រាប់ប្រាក់ និង ១៧៣,០០០ (ដប់ប្រាំពីរម៉ឺនបីពាន់ផោន) សម្រាប់មាស។ ទន្ទឹមនឹងនេះអត្តពលិកហុងកុងទទួលបាន ១១៥,០០០ (ដប់មួយម៉ឺនប្រាំពាន់ផោន)សម្រាប់សំរិទ្ធ ២៣០,០០០ (ម្ភៃបីម៉ឺនផោន)សម្រាប់ប្រាក់ និង ៤៦១,០០០ (សែសិបប្រាំមួយម៉ឺន មួយពាន់ផោន)សម្រាប់មាស ។ ចំណែកសិង្ហបុរីផ្តល់ប្រាក់ច្រើនបំផុតដោយទទួលបាន ២០៥.០០០ (ម្ភៃម៉ឺនប្រាំពាន់)ផោន សម្រាប់សំរិទ្ធ ២៦៦.០០០ ផោនសម្រាប់ប្រាក់និង ៥៣៣.០០០ ផោនសម្រាប់មាស។ ហើយក្នុងនោះគណៈកម្មាធិការអូឡាំពិកអន្តរជាតិនឹងយកប្រាក់ ២,៨ ពាន់លានផោនពីសិទ្ធិទូរទស្សន៍។ស្ថានីយទូរទស្សន៍អាមេរិក NBC តែមួយបានចំណាយប្រាក់ ៥.៥ កោដិផោនដើម្បីចាក់ផ្សាយអូឡាំពិករដូវក្តៅនិងរដូវរងាររហូតដល់ឆ្នាំ ២០៣២ ។

បើតាមការចុះផ្សាយរបស់ BBC Sport នៅថ្ងៃនេះបានអោយដឹងថា ​អ្នកគាំទ្រ ដែលចូលរួម​ទស្សនា​ការ​ប្រកួត ​របស់​ក្លឹបទាំងអស់ នឹងចាំបាច់ត្រូវបង្ហាញថា​ពួកគេត្រូវបានចាក់វ៉ាក់សាំង​គ្រប់ចំនួន ឬបង្ហាញភស្តុតាង​​នៃការ​ធ្វើតេស្តិ៍ Covid-19 អវិជ្ជមាន ។ ដែលច្បាប់នេះ នឹងត្រូវអនុវត្តសម្រាប់ការប្រកួតមិត្តភាពផ្នែកបុរសទល់នឹង Tottenham នៅថ្ងៃទី ៤ ខែសីហាខាងមុខនេះ​។ បច្ចុប្បន្ននេះ រដ្ឋាភិបាលកំពុងពិចារណា លើផែនការសម្រាប់អ្នកគាំទ្រ​ ដែលចូលរួមព្រឹត្តិ​ការណ៍​កីឡា​ជាង​២ ម៉ឺននាក់ ឬច្រើនជាងនេះ​ ដែលត្រូវបង្ហាញភស្តុតាងនៃការចាក់វ៉ាក់​សាំងពេញលេញ ចាប់​ពីចុង​ខែកញ្ញា​។ ក្រុមតោខៀវ Chelsea នឹង តម្រូវឲ្យ អ្នកគាំទ្របង្ហាញថាពួកគេបានទទួល​ការចាក់វ៉ាក់សាំង​ពេញ​លេញ ដូសទាំងពីរទទួលបានយ៉ាងហោចណាស់ ១៤ ថ្ងៃមុនការប្រកួត រឺក៏ភស្តុតាងនៃការធ្វើតេស្ត អវិជ្ជមានដែលត្រូវបានធ្វើឡើងក្នុងរយៈពេល ៤៨ ម៉ោងបន្ទាប់ពីការចាប់ផ្តើមការប្រកួត។ តំណាងក្លិបបាននិយាយថា “ការធ្វើបែបនេះ ដើម្បីបង្កើនសុវត្ថិភាព​និងការពារអ្នកគាំទ្រកីឡាករ និងបុគ្គលិករបស់យើងនៅពេលដែលយើងចាប់ផ្តើមរៀបចំហ្វូងមនុស្សប្រមូលផ្តុំ ជាលើកដំបូង​ចាប់តាំងពីខែ​មីនាឆ្នាំមុន” ៕

អ្នកចាត់ការក្រុម Derby County លោក Wayne Rooney បានសុំអភ័យទោសដល់ក្រុម​គ្រួសារ​និង​ក្លិបរបស់លោកបន្ទាប់ពីរូបភាពរបស់អតីតខ្សែប្រយុទ្ធអង់គ្លេសនិង Manchester United ត្រូវបាន​ចែក​ចាយតាមប្រព័ន្ធអ៊ីនធឺណេត ​។ រូបថតទាំងនោះ​បានបង្ហាញ​ឱ្យ​ឃើញ​ថា Rooney កំពុងដេកនៅ​លើ​កៅ​​អីជាមួយនារីដែលឈរនៅក្បែរគាត់។ ពាក្យបណ្តឹងអំពីការគំរាមកំហែងត្រូវបានធ្វើឡើងទាក់ទងនឹងរូបថតប៉ុន្តែត្រូវបានប៉ូលីសទម្លាក់កាលពីថ្ងៃអង្គារដោយមន្រ្តីពេញចិត្តមិនមានបទល្មើសណាមួយកើតឡើងឡើយ។ ថ្លែងប្រាប់ Sky Sports បន្ទាប់ពីក្រុមរបស់លោកទទួល​បានជ័យ​​ជំនះក្នុងការប្រកួតមិត្ត​ភាពមុន​ការ​ប្រកួត​បើករដូវកាល ១-០ ទល់នឹងក្រុមជើងខ្លាំងអេស្បាញ Real Betis កាលពីថ្ងៃពុធ Rooney បាន​និយាយថា“ ខ្ញុំបានធ្វើខុស ។ ខ្ញុំសុំទោស ចំពោះក្រុមគ្រួសារ និងក្លឹបរបស់ខ្ញុំសម្រាប់រូបភាពទាំងនោះ វាត្រូវបានដោះស្រាយ។ ខ្ញុំកំពុងទន្ទឹងរង់ចាំ និងត្រៀមសម្រាប់ការប្រកួតមួយផ្សេង​ទៀតនៅថ្ងៃ​អាទិត្យ​នេះ​ ។

(តូក្យូ)៖ គិតត្រឹមម៉ោង ៧៖០០នាទីព្រឹកថ្ងៃពុធ ទី២៨ ខែកក្កដា ឆ្នាំ២០២១ នេះ ក្រុមកីឡាករ-កីឡាការិនីម្ចាស់ផ្ទះជប៉ុន ដណ្តើមបានមេដាយមាសកើនដល់ ១០គ្រឿងច្រើនជាងគេ ដើម្បីឡើងទៅឈរនៅកំពូលតារាងមេដាយនៅ Tokyo Olympics 2020 ជាបណ្តោះអាសន្នវិញ។ជប៉ុន ដែលជាម្ចាស់ផ្ទះកីឡាអូឡាំពិក រដូវក្តៅលើកទី២ នេះ បានឈ្នះមេដាយសរុបបាន ១៨គ្រឿងដោយក្នុងនោះមាស១០ ប្រាក់៣ និងសំរិទ្ធ ៥គ្រឿង តាមពីក្រោយដោយអាមេរិកឈ្នះបាន ២៥គ្រឿងមេដាយក្នុងនោះ មាស៩ ប្រាក់៨ និងសំរិទ្ធ៨ នៅពេលចិនឈរនៅលេខ៣ មានមេដាយមាស៩ ប្រាក់៥ និងសំរិទ្ធ៧ សរុប២១គ្រឿង។ តែយ៉ាងណា ក្នុងនាមជាម្ចាស់ផ្ទះជប៉ុន មានកីឡាករ-កីឡាការិនីប្រកួតប្រជែងមេដាយ ៥៥២នាក់ឈរនៅលំដាប់ទី២ បន្ទាប់ពីអាមេរិកដែលបញ្ជុនមក ៦១៣នាក់ គ្រាដែលអូស្រ្តាលី ឈរនៅលេខ៣ បញ្ជូនអត្តពលិកមក ៤៧៨នាក់ និងចិន ៤០៦នាក់ នៅពេលកម្ពុជា បញ្ជូនទៅ ៣នាក់ផងដែរលើ ២ប្រភេទកីឡារួមមាន ហែលទឹក និងអត្តពលកម្ម។ ការប្រកួតប្រជែងមេដាយកំពុងត្រូវបានធ្វើឡើងយ៉ាងស្វិតស្វាញជារៀងរាល់ថ្ងៃ ដោយពុំទាន់មានប្រភេទកីឡាណាមួយបានបញ្ចប់នៅឡើយទេ ក្នុងចំណោម ៣៣ប្រភេទកីឡា…

(តូក្យូ)៖ បើតាមការបញ្ជាក់ពីអ្នករៀបចំកម្មវិធី ដែលត្រូវបានចុះផ្សាយដោយសារព័ត៌មានបរទេស នាថ្ងៃទី២៨ ខែកក្កដា ឆ្នាំ២០២១ បានអោយដឹងថា អត្តពលិកចំនួន ២នាក់បន្ថែមទៀត ដែលកំពុងស្នាក់នៅភូមិកីឡាអូឡាំពិក (Olympic Village) ត្រូវបានគេរកឃើញថា មានភាពវិជ្ជមាន COVID-19 នៅថ្ងៃទី២៧ម្សិលមិញ។ប្រព័ន្ធផ្សព្វផ្សាយរបស់ជប៉ុន NHK បានឲ្យដឹងថា អត្តពលិកនោះ គឺស្ថិតក្នុងចំណោមករណីឆ្លងថ្មី COVID-19 ចំនួន ៧ករណីត្រឹមតែ ១ថ្ងៃអង្គារម្សិលមិញ។ គណៈកម្មាធិការរៀបចំ Tokyo 2020 បានប្រកាសថា អត្តពលិកដែលឆ្លងនោះ គឺមកពីបរទេស។ «អត្តពលិក ២នាក់បន្ថែមទៀតមកពីបរទេស ដែលស្នាក់នៅភូមិកីឡា ត្រូវបានគេបញ្ជាក់ថា បានឆ្លងជំងឺនេះ»។ មនុស្ស ៣នាក់ផ្សេងទៀត ក្នុងនោះរួមមានសមាជិកបុគ្គលិកម្នាក់ ដែលជាប់ពាក់ព័ន្ធនឹងព្រឹត្តិការណ៍កីឡានេះ ប៉ុន្តែស្នាក់នៅខាងក្រៅភូមិអូឡាំពិក បូករួមនឹងបុគ្គលិកគណៈកម្មាធិការរៀបចំម្នាក់ ក៏ត្រូវបានគេរកឃើញថា មានភាពវិជ្ជមាននៃជំងឺ COVID-19 ផងដែរ។ យោងតាម NHK ដដែលករណីឆ្លងជំងឺ COVID-19 សរុបពាក់ព័ន្ធនឹងព្រឹត្តិការណ៍ Tokyo Olympics នេះ បានកើនឡើងដល់ ១៥៥ករណីហើយ…

(ហ្វីលីពីន)៖ កីឡាការិនី Hindilyn Diaz បានក្លាយជាអ្នកយកមេដាយមាស ជូនប្រទេសហ្វីលីពីន ជាលើកដំបូង ក្នុងប្រវត្តិសាស្ត្រ បន្ទាប់ពីឈ្នះលើវិញ្ញាសារ លើកទម្ងន់ចំនួន ៥៥គីឡូក្រាម ផ្នែកស្ត្រី។ នេះបើតាមការចេញផ្សាយ ដោយគេហទំព័រ Olympics នៅយប់ថ្ងៃទី២៦ ខែកក្កដា ឆ្នាំ២០២១។ សេចក្តីរាយការណ៍បន្តថា កីឡាការិនីចិន Liao Qiuyun បានឈ្នះមេដាយប្រាក់ ខណៈឯកីឡា​ការិនី​កា​សាក់​ស្ថាន Zulfiya Chinshanlo ឈ្នះមេដាយសំរឹទ្ធ។ កីឡាការិនីហ្វីលីពីន ឈ្នះមេដាយមាស ដោយសារតែ អាចលើកទម្ងន់ ២២៤គីឡូក្រាម លើសកីឡា​ការិនី​ចិន ចំនួន ១លើក។ ប៉ុន្តែ គួរកត់សម្គាល់ថា កីឡាការិនីចិន Liao Qiuyun នៅតែខ្លាំងដដែល គឺ​ធ្លាប់​បំបែកកំណត់ត្រាពិភពលោក ដែលអាចលើកទម្ងន់បាន ២២៧គីឡូក្រាម ដែលមិនទាន់​មាន​កីឡា​ការិនី​ណា ធ្វើបានដូចគាត់ឡើយ៕