-
Singapore Airlines បំបែកកំណត់ត្រាចំណេញ ជិត២ពាន់លាន
ក្រុមហ៊ុនអាកាសចរណ៍នៃប្រទេសសិង្ហបុរី Singapore Airlines បានប្រកាសពីប្រាក់ចំណេញសុទ្ធ ប្រចាំឆ្នាំ ជិត២ពាន់លានដុល្លារអាមេរិក ដែលជាចំនួនដ៏ច្រើន ពុំធ្លាប់មាន។ ក្រុមហ៊ុនបានបញ្ជាក់ កាលពីថ្ងៃពុធថា បើធៀបនឹងឆ្នាំ មុន ក្រុមហ៊ុន Singapore Airlines ចំណេញបានត្រឹមតែ ប្រមាណ ១ពាន់ ៦រយលានដុល្លារ តែប៉ុណ្ណោះ។ ក្រុមហ៊ុនបានលើកឡើងថា ការបំបែកកំណត់ត្រាចំណេញនេះ បានកើតមានឡើង ស្របពេលដែលមានកំណើនរឹងមាំ នៃការដឹកជញ្ជូនទំនិញ តាមផ្លូវអាកាស ព្រោះព្រួយបារម្ភអំពីសុវត្ថិភាព តាមផ្លូវទឹក នៅក្នុងតំបន់សមុទ្រក្រហម។ ប្រភពបន្តថា កំណើនេះក៏បានឆ្លុះបញ្ចាំង អំពីតម្រូវការធ្វើដំណើរដ៏ច្រើន នៅក្នុងតំបន់អាស៊ីខាងជើងផងដែរ។ ក្រុមហ៊ុន Singapore Airlines បានជាប់ចំណាត់ថ្នាក់ទី២៩ ជាក្រុមហ៊ុនអាកាសចរណ៍ ដែលទទួលបានការកោតសរសើរថាល្អបំផុត ក្នុងពិភពលោក និងជាប់ចំណាត់ថ្នាក់លេខ២ នៅអាស៊ី។ នេះបើតាមបញ្ជីទស្សនាវដ្ដីពាណិជ្ជកម្មអាមេរិក Fortune ដែលបានប្រកាស កាលពីដើមឆ្នាំ២០២៤។ យ៉ាងណាមិញ Singapore Airlines ឲ្យដឹងថាឧស្សាហកម្មអាកាសចរណ៍នៅតែបន្តប្រឈមមុខនឹងបញ្ហាភូមិសាស្ត្រនយោបាយ, បរិយាកាសម៉ាក្រូសេដ្ឋកិច្ចមិនច្បាស់លាស់, ឧបសគ្គខ្សែសង្វាក់ផ្គត់ផ្គង់ និងអតិផរណាខ្ពស់នៅក្នុងតំបន់ ក៏ដូចជា ពិភពលោក៕…
-
ប្រមុខកាទូតអាមេរិកឆ្លៀតចូលបា នៅអ៊ុយក្រែន
គៀវ៖ រដ្ឋមន្ត្រីការបរទេសអាមេរិក លោក Antony Blinken បានឆ្លៀតចូលបា អំឡុងពេលបំពេញទស្សនកិច្ច នៅប្រទេសអ៊ុយក្រែន ដោយមិនបានជូនដំណឹងផ្លូវការ ជាមុន កាលពីពេលថ្មីៗនេះ។ ក្នុងពេលកម្សាន្ត នៅក្នុងបាមួយកន្លែង ស្ថិតក្នុងរដ្ឋធានីគៀវ លោក Blinken បាននិយាយថា «ពិភពលោកសេរី គឺនៅជាមួយអ្នកគ្រប់គ្នា ប្រជាជនអ៊ុយក្រែន»។ លោក Antony Blinken ថែមទាំងបានលេង ហ្គីតា ជាមួយតារាល្បី កាណាដាកាត់អាមេរិក Neil Young ក្នុងពេលសម្តែងបទចម្រៀង មានចំណងជើងថា “Rockin’ in the Free World” ដ៏ល្បីល្បាញ ដោយមានទស្សនិកជនទះដៃយ៉ាងច្រើន ទៀតផង។ គួរបញ្ជាក់ថា ប្រមុខកាទូតអាមេរិករូបនេះ បានទៅដល់ប្រទេសអ៊ុយក្រែន កាលពីថ្ងៃអង្គារ ដោយពេលនោះ លោកគូសបញ្ជាក់ថា រុស្ស៊ីត្រូវតែសងការខូចខាតដ៏ធ្ងន់ធ្ងរ របស់អ៊ុយក្រែន ហើយសហរដ្ឋអាមេរិកនឹងនៅតែបន្តជួយដល់អ៊ុយក្រែន។ លោក Antony Blinken បានប្រាប់ថា ទស្សនកិច្ចនេះធ្វើឡើង ដើម្បីធានាដល់អ៊ុយក្រែន នូវការបន្តគាំទ្ររបស់អាមេរិក…
-
ឆេះម៉ាស៊ីនយន្តហោះឥណ្ឌូនេស៊ី ផ្ទុកអ្នកដំណើរ ៤០០នាក់
យន្តហោះដឹកអ្នកដំណើរ ជាង៤០០នាក់ មួយគ្រឿង បានចុះចតជាបន្ទាន់ នៅក្នុងទីក្រុង Makassar ប្រទេសឥណ្ឌូនេស៊ី បន្ទាប់ពីម៉ាស៊ីនយន្តហោះ ត្រូវបានភ្លើងឆាបឆេះ កាលពីថ្ងៃពុធ។ យន្តហោះរបស់ក្រុមហ៊ុនអាកាសចរណ៍ឥណ្ឌូនេស៊ី Garuda Indonesia បានឲ្យដឹងថា យន្តហោះ Boeing 747-400 មួយគ្រឿងនេះ ប៉ុនប៉ងធ្វើដំណើរទៅកាន់ ប្រទេសអារ៉ាប៊ី សាអូឌីត ដើម្បីចូលរួមពិធីបុណ្យ hajj ដែលជាធម្មយាត្រា មូស្លីម។ យ៉ាងណាក៏ដោយ អ្នកដំណើរ ៤៥០នាក់ និង បុគ្គលិក ១៨នាក់ អំឡុងជើងហោះហើរ Garuda-1105 លើកនេះ មិនមានរងរបួសនោះទេ និង ត្រូវបានផ្លាស់ប្តូរយន្តហោះ ដើម្បីបានបន្តដំណើរ ជាធម្មតា។ ប្រទេស ប្រជុំកោះរាប់ពាន់ ស្ថិតក្នុងតំបន់អាស៊ីអាគ្នេយ៍ មួយនេះ ពឹងផ្អែកយ៉ាងខ្លាំងលើការដឹកជញ្ជូនតាមផ្លូវអាកាស ប៉ុន្តែ បានទទួលរងនូវឧប្បត្តិហេតុយន្តហោះយ៉ាងធ្ងន់ធ្ងរ ក្នុងរយៈពេលប៉ុន្មាន ឆ្នាំថ្មីៗនេះ។ កំណត់ត្រា អាកាសចរណ៍ដ៏អាក្រក់របស់ឥណ្ឌូនេស៊ី គឺនៅឆ្នាំ២០២១ ដោយពេលនោះ មានធ្លាក់យន្តហោះ Boeing របស់ក្រុមហ៊ុន…
-
អស់ពីក្តៅខ្លាំង! ថៃប្រឈមទឹកជំនន់ ២៦ខេត្ត
បាងកក៖ បន្ទាប់ពីរលកម្តៅ ស្លាប់មនុស្សជាង៦០នាក់នៅប្រទេសថៃ មួយរយៈចុងក្រោយនេះ អាជ្ញាធរជំនាញបានព្យាករណ៍ថា នឹងមានទឹកជំនន់ និងភ្លៀងធ្លាក់ខ្លាំង នៅក្នុងខេត្តចំនួន២៦ ទូទាំងប្រទេស ចាប់ពីចុងសប្តាហ៍នេះទៅ នេះបើតាម The Nation។ កាសែតថៃមួយនេះបានចេញផ្សាយ កាលពីថ្ងៃព្រហស្បតិ៍ ដោយបានដកស្រង់ប្រភពពីនាយកដ្ឋានបង្ការ និងកាត់បន្ថយគ្រោះមហន្តរាយ ឲ្យដឹងថា ប្រជាពលរដ្ឋរស់នៅក្នុងខេត្តភាគខាងជើង ចំនួន១១, ខេត្តស្ថិតក្នុងតំបន់កណ្តាល ចំនួន ៤ខេត្ត និងខេត្តភាគខាងត្បូង ចំនួន ១១ខេត្ត គួរតែត្រៀមខ្លួន សម្រាប់ភ្លៀងធ្លាក់ខ្លាំង និងទឹកជំនន់ ដែលអាចកើតមាន ចាប់ពីថ្ងៃសៅរ៍ចុងសប្តាហ៍នេះ ដល់ថ្ងៃទី២៥ ខែឧសភា។ នាយកដ្ឋានបានឲ្យដឹងទៀតថា សម្ពាធទាបខ្លាំង នៅសមុទ្រ នៃប្រជុំកោះ Andaman នឹងមានឥទ្ធិពលលើខ្យល់មូសុងនិរតី ឱ្យកាន់តែមានកម្លាំងខ្លាំង ដែលនឹងធ្វើឱ្យមានភ្លៀងធ្លាក់ខ្លាំងនៅភាគខាងជើង កណ្តាល និងខាងត្បូង ក្នុងអំឡុងពេលនេះ។ នាយកដ្ឋានបង្ការ និងកាត់បន្ថយគ្រោះមហន្តរាយបានអះអាងថា ខ្លួនបានសម្របសម្រួលជាមួយរដ្ឋបាលខេត្តទាំង២៦ ដើម្បីតាមដានស្ថានភាពអាកាសធាតុ និងរៀបចំក្រុមសង្គ្រោះបន្ទាន់ដើម្បីជួយប្រជាពលរដ្ឋដែលរងផលប៉ះពាល់ឱ្យបានឆាប់ តាមដែលអាចធ្វើទៅបាន នេះបើតាមការចុះផ្សាយរបស់កាសែត The Nation ប្រែសម្រួល៖ សារ៉ាត
-
ជនភៀសខ្លួនទូទាំងពិភពលោក កើនជិត ៧៦លាននាក់ គិតត្រឹមចុងឆ្នាំ ២០២៣
ហ្គាហ្សា៖ ជម្លោះក្នុងប្រទេសស៊ូដង់ និងហ្គាហ្សាបានជំរុញឱ្យចំនួនជនភៀសខ្លួននៅទូទាំងពិភពលោកកើនឡើងដល់ ៧៥.៩លាននាក់ គិតត្រឹមចុងឆ្នាំ២០២៣។ មជ្ឈមណ្ឌលត្រួតពិនិត្យការផ្លាស់ទីលំនៅ (IDMC) បាននិយាយថា តួលេខជនភៀសខ្លួនជិត ៧៦លាននាក់នេះ គឺជាកម្រិតខ្ពស់ថ្មីមួយគិតត្រឹមចុងឆ្នាំ២០២៣ ក្នុងនោះចំនួនមនុស្សផ្លាស់ទីលំនៅនៅតាមព្រំដែនបានកើនឡើងជាង ៥០ភាគរយក្នុងរយៈពេល ៥ឆ្នាំចុងក្រោយនេះ។ តួលេខនេះបានកើនឡើងពី ៧១.១លាននាក់ ដែលបានកត់ត្រាកាលពីចុងឆ្នាំ២០២២។ នាយក IDMC លោកស្រី Alexandra Bilak បាននិយាយថា ក្នុងរយៈពេលពីរឆ្នាំកន្លងមកនេះ យើងបានឃើញកម្រិតថ្មីនៃការប្រកាសអាសន្ននៃមនុស្សដែលត្រូវភៀសខ្លួនចេញពីផ្ទះសម្បែងរបស់ពួកគេ ដោយសារតែជម្លោះ និងអំពើហិង្សា។ លោកស្រីបន្ថែមថា ជម្លោះ និងការបំផ្លិចបំផ្លាញកំពុងតែរារាំងមនុស្សរាប់លាននាក់ ពីការកសាងជីវិតរបស់ពួកគេឡើងវិញ។ នៅក្នុងរបាយការណ៍សកលប្រចាំឆ្នាំរបស់ខ្លួន ស្តីពីការផ្លាស់ទីលំនៅ មជ្ឈមណ្ឌល IDMC បានបញ្ជាក់ថា មនុស្សចំនួន ៦៨.៣លាននាក់នៅទូទាំងពិភពលោក បានផ្លាស់ទីលំនៅដោយសារជម្លោះ និងអំពើហិង្សា ហើយ ៧.៧លាននាក់ទៀតដោយសារគ្រោះមហន្តរាយ។ ជារួម ក្នុងរយៈពេល ៥ឆ្នាំចុងក្រោយនេះ ចំនួនជនភៀសខ្លួនដែលបណ្តាលមកពីជម្លោះបានកើនឡើងចំនួន ២២.៦លាននាក់ ជាការកើនឡើងដ៏ធំបំផុតនៅក្នុងឆ្នាំ២០២២ និងឆ្នាំ២០២៣៕ ប្រភព៖ AFP ប្រែសម្រួលដោយ៖ ឈឹម ទីណា
-
ជំងឺសរសៃឈាមបេះដូងសម្លាប់ប្រជាជនអឺរ៉ុប ១ម៉ឺននាក់ក្នុងមួយថ្ងៃ ឬ ៤លាននាក់ក្នុងមួយឆ្នាំ
ព្រុចសែល៖ អង្គការសុខភាពពិភពលោក (WHO) នៅថ្ងៃពុធនេះ បានឱ្យដឹងថា ជំងឺសរសៃឈាមបេះដូងបានរ៉ាប់រងការស្លាប់រហូតដល់ ៤០ភាគរយនៅអឺរ៉ុប ដែលស្មើនឹងជាង ១០,០០០នាក់ក្នុងមួយថ្ងៃ ឬ៤លាននាក់ក្នុងមួយឆ្នាំ ជំរុញឱ្យប្រជាជនអឺរ៉ុបកាត់បន្ថយការទទួលទានអំបិល។ លោក Hans Kluge ដែលជានាយកសាខាប្រចាំតំបន់អឺរ៉ុបនៃអង្គការសុខភាពពិភពលោក (WHO) បាននិយាយនៅក្នុងសេចក្តីថ្លែងការណ៍មួយថា ការអនុវត្តគោលនយោបាយ ដើម្បីកាត់បន្ថយការទទួលទានអំបិលចំនួន ២៥ភាគរយ អាចជួយសង្គ្រោះជីវិតមនុស្សប្រហែល ៩០០,០០០នាក់ពីជំងឺសរសៃឈាមបេះដូងនៅឆ្នាំ២០៣០។ នៅទ្វីបអឺរ៉ុប មនុស្សពេញវ័យម្នាក់ក្នុងចំណោមបីនាក់ដែលមានអាយុចន្លោះពី ៣០ ទៅ ៧៩ឆ្នាំ ទទួលរងការគំរាមកំហែងពីជំងឺលើសឈាម ដែលជារឿយៗដោយសារតែការទទួលទានអំបិល។ ប្រជាជនប្រទេសចំនួន៥១ ក្នុងចំនោមប្រទេសចំនួន៥៣ នៅក្នុងទ្វីបអឺរ៉ុប ដែលជាសមាជិករបស់អង្គការសុខភាពពិភពលោក បានទទួលទានអំបិលប្រចាំថ្ងៃជាមធ្យមលើសពីចំនួនអតិបរមា ដែលបានណែនាំរបស់អង្គការសុខភាពពិភពលោក ត្រឹមចំនួន ៥ក្រាម ឬមួយស្លាបព្រាកាហ្វេ ការប្រើលើសកម្រិតនេះភាគច្រើនលើអាហារកែច្នៃ និងអាហារសម្រន់។ WHO បានបញ្ជាក់ថា ការទទួលទានអំបិលខ្ពស់បានបង្កើនសម្ពាធឈាម ដែលជាកត្តាហានិភ័យឈានមុខគេ បង្កជាជំងឺសរសៃឈាមបេះដូង មានដូចជាគាំងបេះដូង និងជំងឺដាច់សរសៃឈាមខួរក្បាល។ អឺរ៉ុបមានអត្រាប្រេវ៉ាឡង់សម្ពាធឈាមខ្ពស់បំផុតក្នុងពិភពលោក។ យោងតាមរបាយការណ៍របស់អង្គការសុខភាពពិភពលោកប្រចាំតំបន់អឺរ៉ុប បានឱ្យដឹងថា ការស្លាប់របស់បុរសដោយសារជំងឺសរសៃឈាមបេះដូងច្រើនជាងស្ត្រីស្ទើរតែ ២.៥ដង។ រីឯការស្លាប់ក្នុងអាយុចាប់ពី ៣០ ទៅ…
-
គិតត្រឹមឆ្នាំ២០២៣ ពិភពលោកមានចំនួនប្រជាជនសរុបជាង ៨ ពាន់លាននាក់ ដោយក្នុងនោះតំបន់អាស៊ីមានប្រជាជនរស់នៅច្រើនជាងគេរហូតដល់ ៤,៧ ពាន់លាននាក់
នៅអាស៊ី ប្រទេសដែលមានប្រជាជនច្រើនជាងគេ គឺចិន មានប្រជាជនសរុបរហូតដល់ ១,៤៥ពាន់លាននាក់ ខណៈឥណ្ឌាតាមប្រកៀកប្រកិតពីក្រោយ មានចំនួនប្រជាជន ១,៤១ពាន់លាននាក់់។ ក្នុងអាស៊ាន ឥណ្ឌូណេស៊ី មានប្រជាជនច្រើនជាងគេពោលគឺរហូតដល់ ២៨០លាននាក់ – UN Population Division via Visual Capitalist #ams1minute
-
ប្រមុខកាទូអាមេរិកទៅដល់អ៊ុយក្រែន មិនប្រាប់មុន
គៀវ៖ រដ្ឋមន្ត្រីការបរទេសអាមេរិក លោក Antony Blinken បានបំពេញទស្សនកិច្ច នៅប្រទេសអ៊ុយក្រែន ដោយមិនបានជូនដំណឹងផ្លូវការជាមុន ដោយពេលនោះ ប្រមុខកាទូតរូបនេះបានគូសបញ្ជាក់ថា រុស្ស៊ីត្រូវតែសងការខូចខាតដ៏ធ្ងន់ធ្ងរ របស់អ៊ុយក្រែន ហើយសហរដ្ឋអាមេរិកនឹងនៅតែបន្តជួយដល់អ៊ុយក្រែន។ ក្នុងពេលថ្លែងសុន្ទរកថា នៅឯទីក្រុង Kyiv កាលពីថ្ងៃអង្គារ លោក Antony Blinken មានប្រសាសន៍ថា សហគមន៍អន្តរជាតិត្រូវតែដាក់សំពាធឱ្យរុស្ស៊ី សងការបំផ្លិចបំផ្លាញ ដែលខ្លួនបានធ្វើ មកលើអ៊ុយក្រែន តាមរយៈសង្រ្គាម ជាងពីរឆ្នាំមកនេះ។ លោកថែមទាំងបានគូសបញ្ជាក់ទៀតថា សហរដ្ឋអាមេរិកនឹងគាំទ្រអ៊ុយក្រែន រហូតដល់សន្តិសុខរបស់ប្រទេសមួយនេះ ត្រូវបានធានា។ ក្នុងពេលជួប ប្រធានាធិបតីអ៊ុយក្រែនលោក Zelensky , លោក Antony Blinken បានប្រាប់ថា ជំនួយយោធាអាមេរិក ឥឡូវនេះ កំពុងដំណើរការហើយ។ លោកបានបញ្ជាក់ថា ទស្សនកិច្ចនេះធ្វើឡើង ដើម្បីធានាដល់អ៊ុយក្រែន នូវការបន្តគាំទ្ររបស់អាមេរិក និងលំហូរនៃអាវុធ បំពេញតម្រូវការដល់អ៊ុយក្រែន។ ទស្សនកិច្ចនេះធ្វើឡើង ខណៈដែលរុស្ស៊ីកំពុងបន្តការវាយលុកថ្មីរបស់ខ្លួន នៅក្នុងតំបន់ Kharkiv ភាគឦសាន៕ ប្រភពពី AFP…
-
ស្លាប់មនុស្ស ១៣នាក់ រថយន្តក្រុងធ្លាក់ចូលជ្រលងភ្នំ នៅប៉េរូ
បរទេស៖ អាជ្ញាធរនៃប្រទេសប៉េរូបាននិយាយថា មនុស្សយ៉ាងតិចណាស់ ១៣នាក់បានស្លាប់ ហើយមនុស្ស១២នាក់ផ្សេងទៀត រងរបួស ក្នុងពេលដែលរថយន្តក្រុងមួយគ្រឿងបានធ្លាក់ចូលទៅក្នុងជ្រលងភ្នំ មួយកន្លែង កាលពីថ្ងៃអង្គារ។ បើតាមអាជ្ញាធរបានឲ្យដឹងថា ឡានក្រុងមួយគ្រឿងនេះបានដឹកអ្នកដំណើរជាង ៤០នាក់ ហើយបានជួបគ្រោះថ្នាក់ ក្នុងពេលធ្វើដំណើរនៅលើផ្លូវហាយវេ Libertadores ដោយបានចាកចេញរដ្ឋធានី Lima ប៉ុនប៉ង់ធ្វើដំណើរ ទៅកាន់ទីក្រុង Ayacucho ។ គ្រោះថ្នាក់បែបនេះ បានកើតមានឡើង ជាញឹកញាប់ នៅលើដងផ្លូវរបស់ប្រទេសប៉េរូ ដោយសារតែអ្នកបើកបរបើកក្នុងល្បឿនលឿនលើសពីការកំណត់, ផ្លូវស្ថិតក្នុងស្ថានភាពមិនល្អ និងខ្វះផ្លាកសញ្ញា ព្រមទាំងមូលហេតុបញ្ហាផ្សេងៗទៀត។ កាលពីថ្ងៃទី ៣០ ខែមេសា មនុស្សយ៉ាងហោចណាស់ ២៥ នាក់បានស្លាប់ បន្ទាប់ពីរថយន្តក្រុងមួយបានធ្លាក់ចូលទៅក្នុងជ្រោះ នៅតំបន់ Cajamarca ។ ប្រទេសប៉េរូមានមនុស្សស្លាប់ដោយសារគ្រោះថ្នាក់ចរាចរណ៍ ជាង៣ពាន់នាក់ កាលពីឆ្នាំ២០២៣ នេះបើយោងតាមក្រសួងដឹកជញ្ជូន។ យោងតាមទិន្នន័យផ្លូវការ បានឱ្យដឹងថា ៧០ ភាគរយនៃគ្រោះថ្នាក់ គឺដោយសារតែកត្តាមនុស្ស ដូចជា អសមត្ថភាពរបស់អ្នកបើកបរ ឬ អស់កម្លាំង ជាដើម៕ ប្រភពពី AFP…
-
អាកាសចរណ៍ Emirates Group ចំណេញ៨ពាន់លានដុល្លារ ក្រោយចប់កូវីដ
ក្រុមហ៊ុនអាកាសចរណ៍ Emirates Group របស់ប្រទេសអេមីរ៉ាត់ អារ៉ាប់រួម ចំណេញ ជាង៨ពាន់លានដុល្លារអាមេរិក ក្នុងរយៈពេលពីរឆ្នាំជាប់ៗគ្នា ក្រោយបញ្ចប់ឆ្នាំជំងឺរាត្បាតកូវីដ១៩។ Emirates Group បានប្រកាសនៅថ្ងៃច័ន្ទថា កាលពីឆ្នាំ២០២៣ ខ្លួនចំណេញបានជាង ៥ពាន់លានដុល្លារ កើនឡើង ៧១ភាគរយ ហើយ ចំណេញ៣ពាន់លានដុល្លារនៅឆ្នាំ២០២២។ នេះជាការចំណេញមិនធ្លាប់មានតាំងពីវិបត្តិវីដ១៩មក។ ក្រុមហ៊ុននេះបានអះអាងថា នៅឆ្នាំ២០២១ ខ្លួនខាតជាង ១ពាន់លានដុល្លារ ហើយថែមមានទាំងបានបញ្ឈប់បុគ្គលិកទៀតផង។ កាលពីខែមុន Emirates Group ប្រកាសពីការសាងសង់ចំណតអាកាសយានដ្ឋានថ្មី តម្លៃជិត ៣៥ពាន់លានដុល្លារ នៅជាយក្រុងឌុយបៃ ហើយវានឹងនឹងក្លាយជាព្រលានធំបំផុតរបស់ពិភពលោកដោយទទួលអ្នកដំណើរបាន ២៦០លាននាក់ ក្នុងមួយឆ្នាំ៕ ប្រភពពី AFP ប្រែសម្រួល៖ សារ៉ាត