(ភ្នំពេញ)៖នៅព្រឹកថ្ងៃទី៧ ខែធ្នូ ឆ្នាំ២០២៤ នៅសាកលវិទ្យាល័យធនធានមនុស្ស វិទ្យុមិត្តភាពកម្ពុជា-ចិននៃអគ្គស្ថានីយវិទ្យុ និង ទូរទស្សន៍មជ្ឈិមចិនសហការជាមួយសមាគមអ្នកស្រាវជ្រាវវឌ្ឍនភាពកម្ពុជា-ចិន និង សាកលវិទ្យាល័យធនធានមនុស្ស បានរួមគ្នារៀបចំកិច្ចពិភាក្សាចាក់បញ្ចាំងភាពយន្តឯកសារ”កំណប់ប្រទេសចិន”សម្រាប់ឆ្នាំនៃការផ្លាស់ប្ដូរប្រជាជន និង ប្រជាជនកម្ពុជា-ចិន ដើម្បីរួមគ្នាទស្សនាពន្លឺនៃវប្បធម៌ សន្ទនាអំពីមិត្តភាពកម្ពុជា-ចិន។លោកស្រី XU XIAOXIA (អារុណ)ប្រធានផ្នែកភាសាខ្មែរនៃមជ្ឈមណ្ឌលកម្មវិធីភាសាតំបន់អាស៊ីនិងអាហ្វ្រិក នៃអគ្គស្ថានីយវិទ្យុ និង ទូរទស្សន៍មជ្ឈិមចិន បានមានប្រសាសន៍ថា ក្នុងឆ្នាំដែលជាឆ្នាំផ្លាស់ប្ដូរប្រជាជននិងប្រជាជននេះ វិទ្យុមិត្តភាពកម្ពុជាចិនបានផ្សាយចេញជាពិសេស ភាពយន្តឯកសារ “កំណប់ប្រទេសចិន” ដោយប្រើប្រាស់រូបភាពចក្ខុវិញ្ញាណសំបូរបែបបង្ហាញយ៉ាងរស់រវើកអំពីប្រវត្តិសាស្ត្រយូរលង់ វប្បធម៌ដ៏ផូរផង់ និង ទំនៀមទម្លាប់ប្រពៃណីពហុបែបរបស់ប្រទេសចិន។ តាមរយៈទម្រង់បង្ហាញប្រកបដោយភាពរស់រវើក កម្មវិធីទាំងនេះអាចជួយពួកយើងកាន់តែអាចស្វែងយល់អំពីទស្សនៈគុណតម្លៃ និង ជីវភាពរស់នៅរវាងគ្នាទៅវិញទៅមក។ លោកបណ្ឌិតជាមុនីឫទ្ធិ ប្រធានសមាគមស្រាវជ្រាវវឌ្ឍនភាពកម្ពុជាចិនបានឡើងថ្លែងចែករំលែកនូវចំណេះដឹងស្តីពីប្រទេសចិន និងគន្លឹះមួយចំនួនដែលជំរុញឱ្យអ្នកចូលរួមទាំងអស់បានស្វែងយល់ពីប្រទេសចិនកាន់តែស៊ីជម្រៅ ដើម្បីបន្ស៊ីជាមួយវប្បធម៌អរីយធម៌ប្រទេសកម្ពុជា។ ជាពិសេសរួមគ្នាកសាងជោគវាសនារួមកម្ពុជា។លោកបណ្ឌិត ឈុន ណុច សាកលវិទ្យាធិការរងនៃសាកលវិទ្យាល័យធនធានមនុស្សបានចាត់ទុកព្រឹត្តិការណ៍នេះ បានផ្តល់ នូវគុណតម្លៃដល់ការសិក្សារបស់និស្សិតនៅសាកលវិទ្យាល័យធនធានមនុស្ស ក៏ដូចជាយុវជនផ្សេងទៀតបានស្វែងយល់ពីប្រទេសចិន និងទទួលបានចំណេះដឹងថ្មីៗ ។លោកបញ្ជាក់ថា តាមរយៈវីដេអូចាក់បញ្ចាំងនេះ បានរំលេចឱ្យឃើញពីប្រពៃណីវប្បធម៌របស់ចិន និងវប្បធម៌របស់កម្ពុជា។ ជាមួយគ្នានេះ លោកបានលើកទឹកចិត្តឱ្យសិស្សនិស្សិតត្រូវខិតខំរៀនសូត្រដើម្បីចាប់យកឱកាសទៅបន្តការសិក្សានៅប្រទេសចិនរួមចំណែកក្នុងរង្វង់នៃកិច្ចសហការផ្លាស់ប្តូរធនធានមុនស្សរវាងកម្ពុជា-ចិន ដោយផ្តោតលើការសិក្សាភាសាចិនជាអាទិភាពផងដែរ។ និស្សិត និងយុវជនដែលបានចូលរួមក្នុងព្រឹត្តិការណ៍នេះ បានបង្ហាញការសប្បាយរីករាយ…

សៀមរាប ៖ ក្រសួងអប់រំ យុវជន និងកីឡា និងប្រតិភូសហភាពអឺរ៉ុប នៅថ្ងៃទី០៩ ខែធ្នូ ឆ្នាំ២០២៤ បានរៀបចំពិធីប្រកាសដាក់ឱ្យអនុវត្តគម្រោង “ការគាំទ្រកំណែទម្រង់ការអប់រំបច្ចេកទេសកម្រិតមធ្យមសិក្សាទុតិយភូមិនៅកម្ពុជា” ដែលពិធីនេះ រៀបចំឡើងនៅវិទ្យាល័យចំណេះទូទៅ និងបច្ចេកទេសពួក ខេត្តសៀមរាប។ ស្ថិតក្រោមក្របខណ្ឌនៃគម្រោងថ្មីនេះ មន្ត្រីរាជការរបស់ក្រសួងអប់រំ យុវជន និងកីឡា នឹងសហការធ្វើកិច្ចការរួមគ្នាជាមួយនឹងមន្ត្រីអប់រំអឺរ៉ុប មកពីប្រទេសហ្វាំងឡង់ បារាំង និងអាល្លឺម៉ង់ ក្នុងទម្រង់មួយហៅថា គម្រោងសម្ព័ន្ធមេត្រីភាព “Twinning”។ ព្រះរាជាណាចក្រកម្ពុជា គឺជា ប្រទេសដំបូងគេបំផុតនៅទ្វីបអាស៊ី ដែលទទួលបានអត្ថប្រយោជន៍ពីគម្រោងសម្ព័ន្ធមេត្រីភាព Twinning នេះ ក្នុងនោះមន្ត្រីរាជការកម្ពុជានឹងធ្វើទស្សនកិច្ចសិក្សានៅទ្វីបអឺរ៉ុប ដើម្បីសិក្សាពីបទពិសោធន៍ និងឧត្តមានុវត្តន៍ ពាក់ព័ន្ធនឹងការសិក្សាជំនាញដែលផ្សារភ្ជាប់នឹងការងារ ការធ្វើទំនើបកម្ម កម្មវិធីសិក្សា និងការបណ្តុះបណ្តាលគ្រូសម្រាប់ការអប់រំបច្ចេកទេស។ ក្នុងឱកាសនោះ ឯកឧត្ដមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា មានប្រសាសន៍ថា៖ “កិច្ចសហការនេះនឹងអនុញ្ញាតឱ្យយើងអាចសម្រិតសម្រាំងប្រព័ន្ធអប់រំរបស់យើង ឱ្យស្របតាមស្តង់ដាការអប់រំបច្ចេកទេស ដូចទៅនិងប្រទេសហ្វាំងឡង់ បារាំង និងអាល្លឺម៉ង់ ជាដើម ដែលប្រទេសទាំងនេះមានបទពិសោធន៍ស៊ីជម្រៅលើវិស័យភាពជាដៃគូរវាងរដ្ឋ…

(ភ្នំពេញ)៖លោកគ្រូអ្នកគ្រូបង្ហាត់មុខវិជ្ជាកីឡានៅខណ្ឌទាំង៥ក្នុងរាជាធានីភ្នំពេញចំនួន៦៥នាក់ ទទួលបានការបណ្តុះបណ្តាលស្តីអំពីមុខវិជ្ជាអប់រំកាយនិងកីឡាចាប់ពីកម្រិតបឋមសិក្សាដល់មធ្យមសិក្សាទុតិយភូមិរយៈពេល៣ថ្ងៃ នៅវិទ្យាល័យជាស៊ីមឈូកវ៉ា ។ លោក ក ម៉ូរិ ហ៊ីរ៉ូតាកា អ្នកសម្របសម្រួលគម្រោងអង្គការក្រៅរដ្ឋាភិបាលបេះដួងមាស បានឱ្យដឹងថា សិក្ខាសាលាបណ្តុះបណ្តាល ការវាយតម្លៃថ្នាក់អប់រំកាយ ដែលរៀបចំដោយអង្គការក្រៅរដ្ឋាភិបាលបេះមាសនេះ មានគោលបំណងផ្តល់ជូនដល់ការយល់ដឹងអំពីគម្រោងរបស់អង្គការបេះដូងមាសលើកម្មវិធីបង្ហាត់ និងការរៀបចំនៅកិច្ចតែងការ ការរៀបចំផែនការមេរៀនប្រចាំឆ្នាំ និងការសសេរកិច្ចតែងការមេរៀននិងជាការផ្សាព្វផ្សាយឱ្យលោកគ្រូអ្នកគ្រូកីឡាយល់ដឹងកាន់តែច្បាស់អំពីមុខវិជ្ជាអប់រំកាយបែបថ្មី ដែលជាការចងក្រងដោយអង្គការបេះដូងមាសនិងក្រសួងអប់រំយុជននិងកីឡា។ លោក ម៉ូរិ ហ៊ីរ៉ូតាកា បានអះអាងថា បន្ទាប់ពីលោក អ្នកគ្រូបានឆ្លងកាត់វគ្គសិក្ខាសិលានេះហើយ ពួកគាត់និងទទួលបាននូវចំណេះដឹងត្រឡប់ទៅវិញប្រកបដោយគុណភាព ដែលបំរើរដល់ផលប្រយោជន៍ជូនសាលារៀន ។ ហើយមុខវិជ្ជាអប់រំកាយបែបថ្មីនេះ អាចជួយឱ្យកុមារក៏ដូចជាសិស្សានុសិស្សមានរាងកាយមាំមួនសុខភាពល្អ និងជួយឱ្យការរៀនសូត្ររបស់សិស្សដំណើរការទៅបានល្អផងដែរ។ អ្នកគ្រូ ខេម ចន្ថាគ្រូកីឡាមកពីខណ្ឌ ព្រែកព្នៅ បានថ្លែងថា អ្នកគ្រូបានចូលរួមសិក្ខាសាលាបណ្តុះបណ្តាល ការវាយតម្លៃថ្នាក់អប់រំកាយ រយៈពេល៣ថ្ងៃនេះ ទទួលបានចំណេះថ្មីៗជាច្រើន អំពីការង្ហាត់បង្រៀនមុខវិជ្ជាអប់រំកាយបែបនេះ ដើម្បីនាំយកទៅផ្សព្វផ្សាយនិងបង្ហាត់ដល់សិស្សជួយឱ្យសិស្សមានសុខភាពល្អ និងប្រាជ្ញាស្មារតីភ្លឺថ្លាឆ្លាតវាងវៃ។ ដោយឡែក លោក សុខ វុទ្ធី មន្រ្តីការិយាល័យកីឡាខណ្ឌ ព្រែកព្នៅ បានលើកឡើងថា បន្ទាប់ពីបានចូលរួមក្នុងសិក្ខាសាលារយៈពេល៣ថ្ងៃជាមួយអង្គការក្រៅរដ្ឋាភិបាលបេះដូងមាសហើយ ក្នុងនាមលោកជាមន្រ្តីការិយាល័យកីឡាខណ្ឌ និងចុះពិនិត្យមើលតាមសាលា ប្រសិនបើសាលាណាអនុវត្តបានល្អ និងមានការលើកសសើរ ហើយបើសាលាណាពុំទាន់អនុវត្តបានត្រឹមត្រូវតាមមុខវិជ្ជាអប់រំកាយបែបថ្មីនេះ…

(ភ្នំពេញ)៖ រយៈពេល៤ថ្ងៃគិតចាប់ពីថ្ងៃទី៥ដល់ថ្ងៃទី៨ ខែធ្នូ ឆ្នាំ២០២៤ នៅមន្ទីរពេទ្យមិត្តភាពកម្ពុជា-ចិន ព្រះកុសមៈ ក្រោមកិច្ចសហការជាមួយមន្ទីរពេទ្យសរសៃឈាមបេះដូង Fuwai នៃខេត្តយូណាន ប្រទេសចិន(Fuwai Cardiovascular Hospital of Yunnan Province) ក្រុមគ្រូពេទ្យកម្ពុជា-ចិនបានជួយវះកាត់និងព្យាបាលជំងឺជូនដល់កុមារកម្ពុជាចំនួន៤រូបដែលមានជំងឺបេះដូងពីកំណើត។ លោកវេជ្ជបណ្ឌិត Duo Lin ប្រធានក្រុមគ្រូពេទ្យមន្ទីរពេទ្យFuwaiបានថ្លែងនូវការកោតសរសើរចំពោះកិច្ចសហការយ៉ាងជិតស្និទ្ធនិងរឹងមាំអស់រយៈពេលជាងកន្លះទសវត្សរ៍រវាងមន្ទីរពេទ្យFuwaiនិងមន្ទីរពេទ្យមិត្តភាពកម្ពុជា-ចិន ព្រះកុសមៈលើបេសកកម្មសំខាន់ចំនួន៤គឺ៖ ១-កិច្ចសហការលើការសិក្សាស្រាវជ្រាវនិងពង្រីកវិសាលភាពចែករំលែកពីបច្ចេកទេសនិងបច្ចេកវិទ្យាលើវិស័យជំនាញវេជ្ជសាស្រ្តនៃការព្យាបាលជំងឺបេះដូងពីកំណើត ២-បង្កើនបរិមាណនិងគុណភាពមូលធនមនុស្សឯកទេសបេះដូងជូនដល់ក្រុមគ្រូពេទ្យកម្ពុជា ៣-រួមគ្នាចុះពិនិត្យសុខភាពបេះដូងជូនដល់កុមារកម្ពុជាដើម្បីពិនិត្យលទ្ធភាពវះកាត់និងព្យាបាលដោយឥតគិតថ្លៃទាំងនៅក្នុងប្រទេសកម្ពុជានិងនៅប្រទេសចិន និង៤-ផ្តល់កិច្ចគាំទ្រលើគម្រោងនានារបស់សង្គមស៊ីវិលចិននៅកម្ពុជាដោយផ្តោតលើការលើកម្ពស់សុខភាពសាធារណៈ។ លោកវេជ្ជបណ្ឌិតក៏បានរំលេចពីកិច្ចសហការតាំងពីឆ្នាំ២០១៨រវាងអង្គការYUNDI មូលនិធិចិនPEACELAND និងសមាគមអ្នកស្រាវជ្រាវវឌ្ឍនភាពក្នុងការសម្របសម្រួលជូនដល់ក្រុមគ្រូពេទ្យស្មគ្រចិត្តកម្ពុជា-ចិនចុះអនុវត្តសកម្មភាពពិនិត្យសុខភាពបេះដូងជូនកុមារកម្ពុជាចំនួន ៧៦,៥៦០នាក់ ដែលក្នុងនោះបានជួយវះកាត់និងព្យាបាលជូនកុមារកម្ពុជាចំនួន ១០៧រូប។ លោក រស់ សារ៉ែន រស់នៅភូមិស្រែដូនតូច សង្កាត់ពញាពន់ ខណ្ឌព្រែកព្នៅ រាជធានីភ្នំពេញ បានថ្លែងនូវការដឹងគុណដល់មន្ទីរពេទ្យFuwai មន្ទីរពេទ្យមិត្តភាពកម្ពុជា-ចិន ព្រះកុសមៈ ក្រុមគ្រូពេទ្យកម្ពុជា-ចិនដែលបានវះកាត់និងព្យាបាលកូនស្រីបង្កើតរបស់លោកឈ្មោះ រស់ វិជ្ជរ៉ា ហើយលោកក៏បានថ្លែងនូវការកោតសរសើរនិងវាយតម្លៃខ្ពស់ចំពោះលោកបណ្ឌិត ជា មុនីឫទ្ធិ ប្រធានសមាគមអ្នកស្រាវជ្រាវវឌ្ឍនភាពកម្ពុជា-ចិនដែលជានិច្ចកាលតែងបានចូលរួមសម្របសម្រួលជួយដល់ក្រុមគ្រូពេទ្យកម្ពុជា-ចិនលើការពិនិត្យ ការព្យាបាល និងការអនុវត្តគម្រោងសុខភាពសាធារណៈនៅកម្ពុជាដើម្បីចូលរួមចំណែកដល់រាជរដ្ឋាភិបាលកម្ពុជាលើការយកចិត្តទុកដាក់ជាអាទិភាពដល់សុខភាពរបស់កុមារកម្ពុជា។ បន្ថែពីលើនេះ ក្នុងនាមអាណាព្យាបាលនិងក្រុមគ្រួសាររបស់កុមារកម្ពុជាទាំង១០៧រូបបានជាសះស្បើយពីជំងឺបេះដូងពីកំណើត លោក រស់ សារ៉ែន…

(ភ្នំពេញ)៖ ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រះសីហនុ បានបញ្ជាក់ថា បច្ចុប្បន្ន ខេត្តព្រះសីហនុកំពុងដើរលើផ្លូវត្រូវ ប៉ុន្តែនៅតែរងការវាយប្រហារពីជនអគតិមួយចំនួនដែលមានចេតនាអាក្រក់ធ្វើឱ្យប៉ះពាល់ដល់កិត្តិយសខេត្ត ក៏ដូចជារាជរដ្ឋាភិបាល។ ដូច្នេះ ឯកឧត្តម បានណែនាំក្រុមការងាររាជរដ្ឋាភិបាលចុះមូលដ្ឋានខេត្តព្រះសីហនុត្រូវរួមគ្នាទប់ស្កាត់ការបង្កហេតុ ឬការញុះញង់ណាមួយទាក់ទិននឹងផ្នែកនយោបាយ ពីព្រោះនេះគឺជាឧបសគ្គនាំឱ្យរាំងស្ទះដល់ដំណើរការអភិវឌ្ឍន៍ជាតិ។ នេះជាប្រសាសន៍លើកឡើងរបស់ ឯកឧត្តមឧបនាយករដ្ឋមន្ត្រី សាយ សំអាល់ ថ្លែងក្នុងកិច្ចប្រជុំបូកសរុបលទ្ធផលការងារឆ្នាំ២០២៤ និងលើកទិសដៅអនុវត្តបន្ត របស់ក្រុមការងាររាជរដ្ឋាភិបាលចុះមូលដ្ឋានខេត្តព្រះសីហនុ ដែលបានធ្វើឡើងនាថ្ងៃទី៧ ខែធ្នូ ឆ្នាំ២០២៤ ។ ឯកឧត្តមឧបនាយករដ្ឋមន្ត្រី សាយ សំអាល់ បានបន្តថា បច្ចុប្បន្នកម្ពុជាកំពុងទទួលបាននូវមរតកសុខសន្តិភាពពីសម្តេចតេជោ ហ៊ុន សែន ដូច្នេះយើងត្រូវបន្តរួមគ្នាថែរក្សាសុខសន្តិភាពនេះឱ្យបានគង់វង្ស បង្កើតបរិយាកាសគ្មានវិវាទ តាមរយៈការចុះបញ្ជីដីធ្លីបង្ហើយឱ្យបានចប់សព្វគ្រប់ និងរួមគ្នារៀបចំប្រទេសជាតិឱ្យបានល្អប្រសើរបន្ថែមទៀត សំរាប់ប្រជាពលរដ្ឋងាយស្រួលរស់នៅ មានទ្រនំសុភមង្គល មានការងារធ្វើ មានប្រាក់ចំណូលសមរម្យ មានម្ហូបអាហារហូបចុកគ្រប់គ្រាន់ ទទួលបានការសិក្សាអប់រំគ្រប់ៗគ្នា និងរស់នៅប្រកបដោយភាពសុខដុមរមនា ។ សូមបញ្ជាក់ថា ការបង្កើតក្រុមការងាររាជរដ្ឋាភិបាលចុះមូលដ្ឋាននេះ គឺក្នុងគោលបំណងដើម្បីផ្សព្វផ្សាយបញ្ជ្រាបការយល់ដឹងអំពីគោលនយោបាយ និងសមិទ្ធិផលផ្សេងៗរបស់រាជរដ្ឋាភិបាល ជាពិសេសផ្សារភ្ជាប់ទំនាក់ទំនងរវាងប្រជាពលរដ្ឋជាមួយរាជរដ្ឋាភិបាល តាមរយៈការរៀបចំវេទិកាសាធារណៈ និងសកម្មភាពរបស់ថ្នាក់ដឹកនាំ…