បន្ទាយមានជ័យ៖មន្ត្រីជាន់ខ្ពស់នៃក្រសួងសាធារណការ និងដឹក​ជញ្ជូន​​,មន្ទីរសាធារណការខេត្តបន្ទាយមានជ័យ រួមទាំងមន្រ្តី នគរបាល​ចរាចរណ៍ខេត្តផងបានជួបប្រជុំគ្នា នៅមន្ទីរសាធារណ​ការខេត្តកាលពីថ្ងៃទី២១ ខែវិច្ឆិកា ឆ្នាំ២០២៤ដើម្បីពិនិត្យ លទ្ធផល​នៃការត្រួតពិនិត្យយានយន្តកែច្នៃខុសលក្ខណៈបច្ចេកទេស។ តាមរបាយការណ៍មន្ទីរសាធារណការ និងដឹកជញ្ជូន​ខេត្តបាន​ឱ្យដឹងថា រយៈពេល១១ខែឆ្នាំ២០២៤ក្រុមការងារត្រួតពិនិត្យ លក្ខណៈបច្ចេកទេសយានយន្តខេត្តបានចុះអនុវត្តការងារ នៅគោលដៅត្រួតពិនិត្យលើកំណាត់ផ្លូវជាតិលេខ៥និងផ្លូវជាតិ លេខ៦ ក្នុងភូមិសាស្ត្រខេត្ត។ជាលទ្ធផលត្រួតពិនិត្យសរុបចំនួន ៥.៩៣៨ គ្រឿង ក្នុងនោះយានយន្តត្រឹមត្រូវចំនួន ៥.៣៥៤ គ្រឿង និងការត្រួតពិនិត្យបច្ចេកទេស(ឆៀក) ហួសសុពលភាព៦៤គ្រឿង។ ក្នុងកិច្ចប្រជុំខាងលើ ក្រុមការងារត្រួតពិនិត្យយានយន្តកែច្នៃ​ខេត្ត​បន្ទាយមានជ័យក៏បានលើកឡើងពីលំបាកមួយចំនួនក្នុងការអនុវត្ត នីតិវិធីច្បាប់។លោក តាំង ពៅ អនុប្រធាននាយកដ្ឋានដឹកជញ្ជូនផ្លូវ​គោកនៃក្រសួងសាធារណការនិងដឹកជញ្ជូន បានផ្តល់នូវការណែនាំមួយចំនួន ក្នុងនោះក៏មានការធ្វើបច្ចុប្បន្នភាពលើការគ្រប់​គ្រង​យានយន្តកែច្នៃមិនត្រូវតាមបច្ចេកទេសឱ្យងាកមកកែច្នៃត្រូវ តាម​លក្ខណៈ​បច្ចេកទេសវិញ ដើម្បីចៀសវាងការប្រឈមគ្រោះថ្នាក់ និងប៉ះពាល់បរិស្ថានតាមដងផ្លូវ។ ឯកឧត្តម សេង ឈួង រដ្ឋលេខាធិការក្រសួងសាធារណការនិងដឹក​ជញ្ជូននិងជាប្រធានក្រុមត្រួតពិនិត្យយានយន្តកែច្នៃខុស លក្ខណៈ​បច្ចេកទេសបានជំរុញដល់ក្រុមការងារត្រួតពិនិត្យយានយន្តកែច្នៃខុសលក្ខណៈបច្ចេកទេសខេត្តបន្ទាយមានជ័យឱ្យបន្តទប់ស្កាត់នូវយានយន្តក៏ដូចជាយានដ្ឋានដែលកែច្នៃខុសលក្នណៈបច្ចេកទេសរបស់ក្រសួងបានកំណត់តាមច្បាប់ដែលបានណែនាំរួចមកហើយ។ទន្ទឹម​នេះត្រូវ​ជំរុញដល់ម្ចាស់រថយន្តកែច្នៃខុសលក្ខណៈបច្ចេកទេសត្រូវបង់ការផាកពិន័យ។ម្ចាស់យានដ្ឋាន ប្រើប្រាស់អាជ្ញាបណ្ណហួសកាលកំណត់​ត្រូវ​ទៅ​បន្តសុពលភាព ៕ដោយ៖ គៀន ច័ន្ទហ៊ីន

ភ្នំពេញ ៖ ឯកឧត្តម កែ គី រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ មានប្រសាសន៍ថា វិទ្យាស្ថានស្តង់ដារកម្ពុជាថ្មីៗនេះ បានសិក្សា និងរៀបចំជាស្តង់ដារជាតិសម្រាប់ផលិតផលស្រាអង្ករ និងបានកំណត់ជាបទប្បញ្ញត្តិបច្ចេកទេសទៅលើបរិមាណមេតាណុលក្នុងកម្រិតអនុញ្ញាត ដើម្បីជាប្រយោជន៍ដល់សុខុមាលភាពសាធារណៈ។ ឯកឧត្តម កែ គី បានថ្លែងបែបនេះ ក្នុងឱកាសចូលរួមជាអធិបតីបើកសន្និសីទកម្ពុជា-ចិនស្តីពី «ស្តង់ដារភេសជ្ជៈប្រពៃណីមានជាតិអាល់កុល» ក្រោមកិច្ចសហការរៀបចំឡើងដោយវិទ្យាស្ថានស្តង់ដារកម្ពុជា (ISC) និងវិទ្យាស្ថានស្រាវជ្រាវជាតិចិនផ្នែកឧស្សាហកម្មម្ហូបអាហារ និងបន្ទុំ (China National Research Institute of Food & Fermentation Industries – CNRIFFI) នៅសណ្ឋាគារសុខា នារសៀលថ្ងៃទី២២ ខែវិច្ឆិកា ឆ្នាំ២០២៤។ តាងនាមតំណាងឯកឧត្តម ហែម វណ្ណឌី រដ្ឋមន្រ្តីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍, ឯកឧត្តម កែ គី បានកោតសរសើរ និងថ្លែងអំណរគុណចំពោះវិទ្យាស្ថានស្រាវជ្រាវជាតិចិន ផ្នែកឧស្សាហកម្មម្ហូបអាហារ និងបន្ទុំ ដែលបានផ្តួចផ្តើមធ្វើកិច្ចសហការជាមួយវិទ្យាស្ថានស្តង់ដារកម្ពុជា…

ស្វាយរៀង៖ឯកឧត្តម សំ ប៊ុណ្ណារិន សមាជិកក្រុមប្រឹក្សាខេត្ត​ស្វាយ​រៀង​តំណាងឯកឧត្តម ម៉ែន​ វិបុល​ ប្រធានក្រុមប្រឹក្សាខេត្ត​ និងលោក ម៉ែន អេង អភិបាលរងខេត្តតំណាងឯកឧត្តម ប៉េង​ ពោធិ៍សា​ អភិបាល​ខេត្តកាលពីព្រឹកថ្ងៃទី២២ ខែវិច្ឆិកា ឆ្នាំ២០២៤បានអញ្ជើញ​ចូល​រួម​វេទិកាផ្សព្វផ្សាយនិងពិគ្រោះយោបល់របស់ក្រុមប្រឹក្សាខេត្តស្វាយរៀងអាណត្តិ​ទី៤​ ឆ្នាំ២០២៤​ស្ថិតនៅសាលាសង្កាត់បាវិត ក្រុងបាវិត។ ក្នុងឱកាសនេះឯកឧត្តម សំ ប៊ុណ្ណារិន សមាជិកក្រុមប្រឹក្សា​ខេត្តបានថ្លែងថា​ វេទិកានាថ្ងៃនេះដើម្បីប្រមូលមតិយោបល់ បញ្ហាប្រឈម និងសំណូមពរនានារបស់ប្រជាពលរដ្ឋ យកមក​ពិភាក្សាស្រាយបំភ្លឺ និងធ្វើការដោះស្រាយឱ្យចំគោលដៅ ប្រកបដោយប្រសិទ្ធិភាព និងទាន់ពេលវេលា។ឯកឧត្តមបន្តថា​ រាល់ការលើកឡើងក្នុងវេទិកានាថ្ងៃនេះក្នុងករណីដោះស្រាយ បានភ្លាមៗ អាជ្ញាធរក៏ដូចជាក្រុមប្រឹក្សា គណៈអភិបាល មន្ទីរពាក់ព័ន្ធ នឹងធ្វើការដោះស្រាយជូនភ្លាមៗ។ចំពោះករណី មិនអាចដោះ​ស្រាយ​បានភ្លាមៗ នឹងលើកយកទៅពិភាក្សារកដំណោះស្រាយជូន​នៅពេលក្រោយដោយមិនទុកបញ្ហា និងសំណូមពរចោល ឬគេចវេសពីបញ្ហាដែលបានលើកឡើងក្នុងវេទិកានេះឡើយ។ ចំណែកលោកអភិបាលរងខេត្តបានលើកឡើងថា តាមរយៈ​វេទិកា​នេះនឹងផ្ដល់ឱកាសដល់អ្នកពាក់ព័ន្ធ និងប្រជាពលរដ្ឋទាំងអស់​មានសិទ្ធស្មើគ្នា ក្នុងការចូលរួមទទួលព័ត៌មានអំពីសមិទ្ធផលដែល​រដ្ឋបាលខេត្តសម្រេចបាន និងអាចលើកឡើងអំពីបញ្ហាប្រឈម និងសំណូមពរនានា ដែលកើតមាននៅក្នុងមូលដ្ឋានរបស់ខ្លួនមកកាន់​អាជ្ញាធរ ក៏ដូចជាក្រុមប្រឹក្សានិងគណៈអភិបាលខេត្តដើម្បីធ្វើ​ការពិនិត្យដោះស្រាយជូនឱ្យបានទាន់ពេលវេលាប្រកបដោយប្រសិទ្ធភាព និងប្រសិទ្ធផលខ្ពស់៕ដោយ៖ នុត នាង

ភ្នំពេញ៖អនុប្រធានរដ្ឋនៃសាធារណរដ្ឋប្រជាធិបតេយ្យ​ប្រជាមានិតឡាវ បានកោតសរសើរចំពោះការអភិវឌ្ឍយ៉ាង​ឆាប់រហ័ស លើគ្រប់វិស័យរបស់កម្ពុជាដែលបានធ្វើឱ្យ​កិត្យានុភាពរបស់កម្ពុជាកាន់តែលេចធ្លោនៅលើឆាកអន្តរជាតិ។ លោកជំទាវ ប៉ានី យ៉ាតធូទូ (Pany Yathotou )បញ្ជាក់​ដូច្នេះក្នុងឱកាសជួបពិភាក្សាការងារជាមួយសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណា​ចក្រកម្ពុជានៅវិមាន៧មករាកាលពីព្រឹកថ្ងៃទី២២ ខែវិច្ឆិកា ឆ្នាំ២០២៤ក្នុងឱកាសអញ្ជើញ ចូលរួមមហាសន្និបាត​សន្និសីទអន្តរជាតិនៃបណ្តាគណបក្សនយោបាយនៅអាស៊ី (ICAPP) លើកទី១២ និងកិច្ចប្រជុំពាក់ព័ន្ធ ។កិច្ច​ពិភាក្សា​បានផ្តោតលើការបន្តជំរុញកិច្ចសហប្រតិបត្តិការរវាងប្រទេសទាំងពីរ លើវិស័យជាច្រើន មានជាអាទិ៍វិស័យ ពាណិជ្ជ​កម្ម និងសេដ្ឋកិច្ច, ថាមពល, សន្តិសុខ និងការពារជាតិ, ហេដ្ឋារចនាសម្ព័ន្ធតភ្ជាប់ និងការផ្លាស់ប្ដូរប្រជាជន និងប្រជាជន ។ ក្នុងឱកាសនេះដែរលោកជំទាវអនុប្រធានរដ្ឋឡាវបានសម្តែងការអបអរសាទរជូនចំពោះសម្ដេចបវរធិបតីដែលត្រូវបានបោះឆ្នោតជ្រើសតាំងជានាយករដ្ឋមន្ត្រីកម្ពុជានិងកោតសរសើរចំពោះការអភិវឌ្ឍរីកចម្រើនយ៉ាងឆាប់រហ័សលើគ្រប់វិស័យរបស់កម្ពុជាដែលបានលើកកម្ពស់ជីវភាពរស់នៅរបស់ប្រជាជនកាន់តែប្រសើរឡើងក៏ដូចជាបានធ្វើឱ្យកិត្យានុភាពរបស់កម្ពុជាកាន់តែលេចធ្លោនៅលើឆាកអន្តរជាតិ។ លោកជំទាវបានវាយតម្លៃខ្ពស់ចំពោះកម្ពុជា ក្នុងនាមជា​ម្ចាស់ផ្ទះនៃមហាសន្និបាត ICAPP លើកទី១២ និងកិច្ចប្រជុំ​ពាក់ព័ន្ធ ដោយបានរៀបចំបានយ៉ាងល្អប្រសើរ។លោក​ជំទាវក៏បានពេញចិត្តចំពោះការរីកចម្រើននៃទំនាក់ទំនង និងកិច្ចសហប្រតិបត្តិការដ៏ល្អ រវាងឡាវ និងកម្ពុជា ព្រមទាំងបានថ្លែងអំណរគុណដល់រាជដ្ឋាភិបាលកម្ពុជា ដែលតែងតែផ្ដល់នូវការគាំទ្រដល់រដ្ឋាភិបាល និងប្រជា​ជនឡាវគ្រប់កាលៈទេសៈ។ ចំណែកសម្ដេចបវរធិបតី ហ៊ុន ម៉ាណែត បានអរគុណ​លោកជំទាវអនុប្រធានរដ្ឋ និងគណៈប្រតិភូដែល​បាន​អញ្ជើញចូល រួមនៅក្នុងមហាសន្និបាត ICAPP លើកទី១២ និងកិច្ចប្រជុំពាក់ព័ន្ធ ។សម្ដេចបានបង្ហាញនូវការ​ពេញចិត្ត​និងវាយតម្លៃខ្ពស់ ចំពោះការរីកចម្រើននៃទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ។សម្ដេចបវ​រធិបតីជឿជាក់យ៉ាងមុតមាំថា…

(ភ្នំពេញ)៖ យុត្តិធម៌ មិនអាចមានទេ បើគ្មានសន្តិភាព។ ការស្វែងរកយុត្តិធម៌តក់ក្រហល់ ដោយពុំបានថ្លឹងថ្លែង ពីការផ្សះផ្សាជាតិ មិនមែនជាជម្រើសដ៏ឆ្លាតវៃនោះទេ បើពុំនោះទេ ប្រទេសជាតិមួយ អាចនឹងធ្លាក់ចូលទៅក្នុង ភាពវឹកវរ ឬសង្គ្រាមស៉ីវិលវិញ មិនខាន។ ដូច្នេះ ការផ្សះផ្សាជាតិ គឺជាមូលដ្ឋានគ្រឹះមួយ នៃការស្វែងរកសន្តិភាព ប្រកបដោយនិរន្តរភាព ។ នេះជាប្រសាសន៍លើកឡើងរបស់សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជាប្រធានកិត្តិយសមហាសន្និបាត ICAPP លើកទី១២ ក្នុងពិធីបើកមហាសន្និបាត ICAPP លើកទី១២ ក្រោមប្រធានបទ «ការស្វែងរកសន្តិភាព និងការផ្សះផ្សា» នាព្រឹកថ្ងៃទី២២ ខែវិច្ឆិកា ឆ្នាំ២០២៤ ក្រោមអធិបតីភាព សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អនុប្រធានគណបក្សប្រជាជន​កម្ពុជា និងជាប្រធានមហាសន្និបាត ICAPP លើកទី១២ ដោយមានការចូល​រួមពីសំណាក់គណៈប្រតិភូជាន់ខ្ពស់ ICAPP តំណាងគណបក្សនយោបាយ ៥២ប្រទេស ព្រមទាំងភ្ញៀវកិត្តិយសជាតិ និងអន្តរជាតិជាច្រើនរូប ។ ក្នុងឱកាសនេះ សម្តេចតេជោ…

(ភ្នំពេញ)៖ សម្តេចតេជោ ហ៊ុន សែន បានរំលឹកទៅបណ្តាប្រទេសបិតា​ប្រជាធិប​តេយ្យ សូមកុំសាងកំហុសជាលើកទី៣ លើកម្ពុជា បន្ទាប់ពីសាងកំហុសទី១ គឺគាំទ្ររដ្ឋប្រហាររបស់ លន់ នល់ និងទី២ គាំទ្រកៅអីរបស់ខ្មែរក្រហម នៅ​អង្គការ​សហប្រជាជាតិ ។ សម្តេចអគ្គមហាសេនាបតីតេជោ ហ៊ុន សែន ប្រធាន​គណបក្សប្រជាជនកម្ពុជា និងជាប្រធានកិត្តិយសមហាសន្និបាត ICAPP លើក​ទី​១២ បានលើកឡើងដូច្នេះ ក្នុងពិធីបើកមហាសន្និបាត ICAPP លើក​ទី១២ ក្រោមប្រធានបទ «ការស្វែងរកសន្តិភាព និងការផ្សះផ្សា» នាព្រឹកថ្ងៃទី២២ ខែវិច្ឆិកា ឆ្នាំ២០២៤ ក្រោមអធិបតីភាព សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អនុប្រធានគណបក្សប្រជាជន​កម្ពុជា និងជាប្រធានមហាសន្និបាត ICAPP លើកទី១២ ដោយមានការចូល​រួមពីសំណាក់គណៈប្រតិភូជាន់ខ្ពស់ ICAPP តំណាងគណបក្សនយោបាយ ៥២ប្រទេស ព្រមទាំងភ្ញៀវកិត្តិយសជាតិ និងអន្តរជាតិជាច្រើនរូប ។ សម្តេចតេជោ ហ៊ុន សែន បានមានប្រសាសន៍ថា ខ្ញុំមិនដែលភ្លេចនោះទេ ក្នុងការរំលឹកប្រទេស…