(ខេត្តកណ្តាល)៖ ថ្ងៃទី ២៣ ខែវិច្ឆិកា ឆ្នាំ២០២៤ អគ្គបណ្ឌិតសភាចារ្យ អូន ព័ន្ធមុនីរ័ត្នសមាជិកគណៈអចិន្ត្រៃយ៍ គណៈកម្មាធិការកណ្ដាលប្រធានក្រុមការងារគណបក្សចុះមូលដ្ឋានខេត្តកណ្ដាល និង ជាប្រធានក្រុមការងារគណបក្សចុះមូលដ្ឋាន ក្រុងអរិយក្សត្រស្រុកខ្សាច់កណ្តាល ស្រុកល្វាឯមស្រុកកៀនស្វាយ ស្រុកមុខកំពូល និង ស្រុកពញាឮបានអញ្ជើញជាអធិបតីក្នុងពិធីប្រគល់រង្វាន់លើកទឹកចិត្តដល់សិស្សដែលប្រលងជាប់សញ្ញាបត្រទុតិយភូមិនីទ្ទេស A ឆ្នាំសិក្សា២០២៤ ចំនួន ៥៩រូបមកពីក្រុងអរិក្សត្រ ស្រុកល្វាឯម ស្រុកមុខកំពូល ស្រុកខ្សាច់កណ្ដាល ស្រុកពញាឮ និងស្រុកកៀនស្វាយ ខេត្តកណ្តាល ។ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្នមានប្រសាសន៍ថា ដូចយើងទាំងអស់គ្នាបានដឹងហើយ ថា គណបក្សប្រជាជនកម្ពុជា គឺជាគណបក្សដែលបានជួយសង្គ្រោះប្រទេសជាតិ និង អាយុ ជីវិត របស់ប្រជាជនកម្ពុជាយើង ឱ្យចេញផុតពីរបបប្រល័យពូជសាសន៍ ប៉ុល ពត កាលពីថ្ងៃទី ៧ ខែមករា ឆ្នាំ១៩៧៩ ។ បន្តមកទៀត បើយើងមើលទៅក្រោយត្រឹមឆ្នាំ១៩៩៨ តាមរយៈ គោលនយោបាយ ឈ្នះឈ្នះ សម្តេចតេជោ ហ៊ុន សែន ប្រធានគណបក្សប្រជាជន…

(ភ្នំពញ)៖ សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ ជាក្រុមមិត្តភាពរដ្ឋសភាកម្ពុជា-វៀតណាម និងជាប្រធានសមាគមមិត្តភាពកម្ពុជា-វៀតណាម បានជួបសម្តែងការគួរសម និងពិភាក្សាការងារជាមួយ ឯកឧត្តម ត្រិន ថាញ់មិន (Tran Thanh Man) ប្រធានរដ្ឋសភានៃសាធារណរដ្ឋសង្គមនិយមវៀតណាម នៅសណ្ឋាគារសូហ្វែតែល រាជធានីភ្នំពញ នាព្រឹកថ្ងៃសៅរ៍ ៨ រោច ខែកត្តិក ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៣ ខែវិច្ឆិកា ឆ្នាំ២០២៤។ សម្តេចកិត្តិសង្គហបណ្ឌិត បានថ្លែងស្វាគមន៍យ៉ាងកក់ក្តៅជូនចំពោះ ឯកឧត្តម ត្រិន ថាញ់មិន ព្រមទាំងសហការី ដែលបានអញ្ជើញមកបំពេញទស្សនកិច្ចជាផ្លូវការនិងមិត្តភាពនៅកម្ពុជា។ សម្តេចបានបន្តទៀតថា ដំណើរទស្សនកិច្ចនាពេលនេះមិនត្រឹមជាការបន្តរឹតចំណងមិត្តភាព កិច្ចសហប្រតិបត្តិការ ប្រទេសទំាងពីរឱ្យកាន់តែរឹងមាំថែមទៀតប៉ុណ្ណោះទេ តែដើម្បីចូលរួមនូវព្រឹត្តិការណ៍សំខាន់ៗ រួមមាន ពិធីសម្ពោធអគាររដ្ឋបាលថ្មីរបស់រដ្ឋសភា ចូលរួមមហាសន្និបាតនៃសន្និសីទអន្តរជាតិរបស់បណ្តាគណបក្សនយោបាយនៅអាស៊ី ICAPP លើកទី១២ និងចូលរួមសម័យប្រជុំពេញអង្គសភាអន្តរជាតិ ដើម្បីភាពអត់ឱននិងសន្តិភាពលើកទី១១ ដែលកម្ពុជាធ្វើជាម្ចាស់ផ្ទះផងដែរ។ ឯកឧត្តម ត្រិន ថាញ់មិន បានលើកឡើងអំពីការអភិវឌ្ឍន៍របស់កម្ពុជាក្នុងរយៈពេលប៉ុន្មានឆ្នាំចុងក្រោយនេះមានការីកចម្រើនយ៉ាងឆាប់រហ័ស។ ឯកឧត្តមប្រធានសភាក៏បានលើកទឹកចិត្តដល់ប្រទេសទាំងពីរ ដែលមានទាំងវិស័យរដ្ឋ…

(ព្រះសីហនុ)៖ សាខាកាកបាទក្រហមកម្ពុជា ខេត្តព្រះសីហនុ និងក្រុមការងារឥស្សរជនឆ្នើមថ្នាក់ជាតិ នៃថ្នាក់សាខា បានរៀបចំទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២៤ ក្រោមប្រធានបទ៖ «សិទ្ធិ ជាមាគ៌ាឆ្ពោះទៅបញ្ចប់អេដស៍» ក្រោមអធិបតីភាព លោកជំទាវ ម៉ែន នារីសោភ័គ អគ្គលេខាធិការរងទី១ កាកបាទក្រហមកម្ពុជា និងជាអនុប្រធានក្រុមការងារឥស្សរជនឆ្នើមថ្នាក់ជាតិ តំណាងដ៏ខ្ពង់ខ្ពស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងជាឥស្សរជនឆ្នើមថ្នាក់ជាតិនៃវេទិកាភាពជាអ្នកដឹកនាំតំបន់អាស៊ី-ប៉ាស៊ីហ្វិក ឆ្លើយតបមេរោគអេដស៍ ជំងឺអេដស៍ និងការអភិវឌ្ឍនៅកម្ពុជា ដែលប្រព្រឹត្តទៅនៅមជ្ឈមណ្ឌលមង្គលសេដ្ឋាច័ន្ទ ខេត្តព្រះសីហនុ នៅថ្ងៃទី២៣ ខែវិច្ឆិកា ឆ្នាំ២០២៤ ។ លោកជំទាវ ម៉ាក សំណាង អនុប្រធានគណៈកម្មាធិការសាខាកាកបាទក្រហមកម្ពុជា ខេត្តព្រះសីហនុ បានថ្លែងពីសកម្មភាពមនុស្សធម៌របស់សាខាកាកបាទក្រហមកម្ពុជា ខេត្តព្រះសីហនុ ជាមួយនឹងក្រុមការងារឥស្សរជនឆ្នើមថ្នាក់ជាតិ នៅថ្នាក់សាខាខេត្ត ដែលបានខិតខំយ៉ាងសកម្មក្នុងការអនុវត្តគោលនយោបាយ និងផែនការយុទ្ធសាស្ត្រជាតិ ដើម្បីបំផុសស្មារតីបងប្អូនជនរួមជាតិគ្រប់មជ្ឈដ្ឋាន ជាពិសេសក្មួយៗជាយុវជន ដែលជាអ្នកប្រឈមខ្ពស់ ឱ្យចូលរួមក្នុងចរន្តជាតិតែមួយដើម្បីឈានឆ្ពោះទៅរកការបញ្ចប់អេដស៍ តាមរយៈការអប់រំផ្សព្វផ្សាយជាប្រចាំក្នុងពេលចុះសួរសុខទុក្ខផ្ទាល់ ពេលចែកអំណោយ ពេលវគ្គបណ្តុះបណ្តាលនានា និងមិត្តអប់រំមិត្តនៅតាមសាលារៀន និងសហគមន៍ជាដេីម។ ថ្លែងក្នុងឱកាសនោះដែរ លោកជំទាវ…

(ភ្នំពេញ)៖ ក្រុមអ្នកជំនាញរបស់អាជ្ញាធរជាតិអប្សរា មកពីនាយកដ្ឋានអភិរក្សប្រាសាទ និងបុរាណវិទ្យា ដែលបានជួសជុលប្រាង្គ G15 នៃប្រាសាទភ្នំបាខែង ដោយបានចាប់ផ្តើម កាលពីខែឧសភានោះ គ្រោងនឹងបញ្ចប់ការជួសជុលរបស់ខ្លួននៅអំឡុងខែធ្នូ ឆ្នាំ២០២៤ ខាងមុខ ។ អ្នកស្រី ឈុន រតនា អ្នកបុរាណវិទូនៃអាជ្ញាធរជាតិអប្សរា ឱ្យដឹងថា៖ ការងារជួសជុលប្រាង្គ G15 រយៈពេល៦ខែ កន្លងនេះ បានសម្រេចបាននូវការងារដូចជា ជួសជុលជញ្ជាំងផ្នែកខាងក្នុង ជួសជុលខ្លោងទ្វារទិសខាងកើត ជួសជុលពង្រឹងខឿនខាងត្បូង និងកំពុងបន្តពន្លឿនការងារជួសជុលជញ្ជាំងផ្នែកខាងត្បូង ខាងជើងមកដល់បច្ចុប្បន្ន សម្រេចការងារសរុបបានប្រមាណ ៩៥ភាគរយហើយ។ អ្នកស្រី រតនា ឱ្យដឹងទៀតថា ប្រាង្គនេះមានហានិភ័យខ្លាំង ១ក្នុងចំណោមប្រាង្គដែលសាងអំពីថ្មបាយក្រៀម និងឥដ្ឋ ដែលទាមទារឱ្យជួសជុលជាបន្ទាន់ ដើម្បីឲ្យជញ្ជាំងឥដ្ឋដែលនៅសល់ដួលរលំ។ អ្នកជំនាញរូបនេះ បញ្ជាក់ថា មុនជួសជុល ប្រាង្គ G15 មានស្ថានភាពខូចខាតដោយសារអាយុកាល កង្វះការថែទាំ រុក្ខជាតិដុះជ្រែកឥដ្ឋប្រាសាទ និងកត្តាទឹកភ្លៀងជ្រាបចូលរចនាសម្ពន្ធប្រាសាទ ធ្វើឱ្យប្រាសាទរងការពុកផុយនៅផ្នែកកំពូលខាងលើ និងនៅតាមជ្រុងនីមួយៗជាបន្តបន្ទាប់។ ដូច្នេះហើយ ក្រុមការងាររបស់អាជ្ញាធរជាតិអប្សរា បានជួសជុលទប់ស្កាត់ការខូចខាតជាបន្តទៀត ដើម្បីការពារជម្រាបទឹក ការពាររុក្ខជាតិដុះ ដើម្បីឱ្យប្រាង្គនេះ…

កំពង់ធំ៖ឧត្តមសេនីយ៍ទោ សោម ស៊ុន ប្រធានសមាគមអតីត​យុទ្ធជន​កម្ពុជាខេត្តកំពង់ធំ និងសហការីកាលពីថ្ងៃទី២២ ខែវិច្ឆិកា​បាន​អញ្ជើញសាកសួរសុខទុក្ខ និងនាំអំណោយដ៏ថ្លៃថ្លារបស់សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា និងលោកជំទាវ​បណ្ឌិត ពេជ ចន្ទមុន្នី ជូនប្រជា​ការពារជាអតីតយុទ្ធជន និងក្រុមគ្រួសារអតីតយុទ្ធជន​ដែលមានជីវភាពខ្វះខាតចំនួន ២២ គ្រួសារកំពុងរស់នៅនៅ​លើ​​សម្បទានសង្គមកិច្ច ភូមិដងក្តា ឃុំក្រយា ស្រុកសន្ទុក ខេត្តកំពង់ធំ ។ អំណោយមាន អង្ករ មី ទឹកត្រី និងត្រីខកំប៉ុង ។ប្រធានសមាគមអតីត​យុទ្ធជនកម្ពុជាខេត្តកំពង់ធំក៏បានអញ្ជើញចុះតាមផ្ទះ ដើម្បីស្វែងយល់​ពីទុក្ខលំបាករបស់បងប្អូនអតីតយុទ្ធជន ខណៈពេលមកការ​កសាង​ជីវភាពរស់នៅលើផ្ទះថ្មី ដីសម្បទានសង្គមកិច្ច ដែលជាអំណោយ​ដ៏ថ្លៃថ្លារបស់សម្ដេចអគ្គមហាសេនាបតីតេជោ ហ៊ុន សែន ប្រធានសមាគមអតីតយុទ្ធជនកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ។ ឧត្តមសេនីយ៍ទោ សោម ស៊ុន បានបញ្ជាក់ថា ក្រុមគ្រួសារអតីតយុទ្ធ​ជន១៤១ គ្រួសារ សុទ្ធសឹងតែមានជីវភាពខ្វះខាត បានចាប់​ឆ្នោត​ទទួលបានដីសម្បទានសង្គមកិច្ចក្នុងមួយគ្រួសារចំនួន១ហិកតាកន្លះ និងផ្ទះថ្មីមួយខ្នងទំហំ៥ម៉ែត្រគុណនិង៧ ម៉ែត្រ ៕ដោយ៖ ប៊ុន រដ្ឋា

ភ្នំពេញ៖ប្រមុខសម្ព័ន្ធក្រុមហ៊ុនឥណ្ឌូណេស៊ី CT Corp បានបង្ហាញពី​ចំណាប់អារម្មណ៍វិនិយោគលើវិស័យហិរញ្ញវត្ថុ, សួនកំសាន្ត, អចលន​ទ្រព្យ,សណ្ឋាគារនិងផ្សារទំនើបនៅកម្ពុជា ។ នៅវិមានសន្តិភាពកាលពីរសៀលថ្ងៃទី២២ ខែវិច្ឆិកា ឆ្នាំ២០២៤ លោក​បណ្ឌិត Chairul Tanjung ប្រធានសម្ព័ន្ធក្រុមហ៊ុន CT Corp បានអញ្ជើញជួបសម្ដែងការគួរសម និងពិភាក្សាការងារជាមួយ​សម្តេច​មហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រ​កម្ពុជា ។ក្នុងឱកាសនេះលោក​ប្រធានសម្ព័ន្ធក្រុមហ៊ុនបានជម្រាប​ជូនសម្ដេចបវរធិបតីអំពីCT Corp គឺជាសម្ព័ន្ធក្រុមហ៊ុនឥណ្ឌូណេស៊ី​ដ៏ធំមួយដែលមានប្រតិបត្តិការអាជីវកម្មចម្រុះជាច្រើន ជាពិសេសលើ​វិស័យហិរញ្ញវត្ថុ, សួនកំសាន្ត,អចលនទ្រព្យ,សណ្ឋាគារនិងផ្សារ​ទំនើប។លោកបានកោតសរសើរការអភិវឌ្ឍយ៉ាងឆាប់រហ័ស​លើ​គ្រប់វិស័យរបស់កម្ពុជា និងគូសបញ្ជាក់អំពីចំណាប់អារម្មណ៍របស់​សម្ព័ន្ធ​ក្រុមហ៊ុនក្នុងការស្វែងរកឱកាសវិនិយោគនៅកម្ពុជា។  បញ្ជាក់ជូនភ្ញៀវសម្ដេចបវរធិបតី ហ៊ុន ម៉ាណែត បានស្វាគមន៍​ចំពោះ​ចំណាប់អារម្មណ៍របស់ក្រុមហ៊ុនក្នុងការស្វែងរកឱកាស វិនិយោគនៅ​កម្ពុជា និងបានបញ្ជាក់ថា កម្ពុជាមានវិស័យសក្តានុពល និងកាលា​នុវត្ត​ភាពជាច្រើនសម្រាប់ក្រុមហ៊ុនក្នុងទីផ្សារនាំ ចេញ និងទីផ្សារក្នុង​ស្រុក។សម្ដេចបវរធិបតី បានចែករំលែកអំពីគោល​នយោបាយ វិធាន​ការ​និងគំនិតផ្តួចផ្តើមសំខាន់ៗរបស់ រាជរដ្ឋាភិបាល​កម្ពុជា ក្នុងការ​លើក​ទឹកចិត្ត និងធានាបរិស្ថានធុរកិច្ច​ ការវិនិយោគ និងភាពប្រកួត​ប្រជែងរបស់កម្ពុជា។ សម្ដេចបវរធិបតី និងលោកប្រធានសម្ព័ន្ធក្រុមហ៊ុនបានផ្លាស់ប្តូរ​យោបល់​គ្នាលើកាលានុវត្តភាព និងវិស័យសក្តានុពលមួយចំនួន រួមមាន៖ វិស័យហិរញ្ញវត្ថុ,​ អចលនទ្រព្យ, កសិកម្ម​ និងកសិ-ឧស្សាហកម្ម, អប់រំ,​បច្ចេកវិទ្យា,​ ទេសចរណ៍, សួនកំសាន្ត,…

ភ្នំពេញ៖កម្ពុជា-វៀតណាម ប្តេជ្ញាបន្តជំរុញការពង្រឹង និងពង្រីក​ទំនាក់​ទំនង និងកិច្ចសហប្រតិបត្តិការទ្វេភាគីលើគ្រប់វិស័យ ឱ្យកាន់តែរីកចម្រើន និងរឹងមាំបន្ថែមទៀត ។ នេះបើតាមលទ្ធផល​នៃជំនួបពិភាក្សាការងាររវាងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ជាមួយ ឯកឧត្ដម ជិន ថាញ់មិន (Tran Thanh Man)ប្រធានរដ្ឋសភា នៃសាធារណ​រដ្ឋសង្គមនិយមវៀតណាមនារសៀលថ្ងៃទី២២ ខែវិច្ឆិកា ឆ្នាំ២០២៤ ក្នុងឱកាសនៃដំណើរទស្សនកិច្ចផ្លូវការ និងចូលរួមមហាសន្និបាត ICAPP លើកទី១២ និងកិច្ចប្រជុំពាក់ព័ន្ធនៅកម្ពុជា ។ ក្នុងឱកាសនៃជំនួបឯកឧត្ដមប្រធានរដ្ឋសភានៃសាធារណរដ្ឋសង្គមនិយមវៀតណាមបានសម្ដែងនូវការកោតសរសើរចំពោះការអភិវឌ្ឍរីកចម្រើនយ៉ាងខ្លាំងក្លាប្រកបដោយភាពច្នៃប្រឌិតរបស់រាជរដ្ឋាភិបាលកម្ពុជា ក្នុងនីតិកាលទី៧ នៃរដ្ឋសភានិងមានជំនឿ ជឿជាក់យ៉ាងមុតមាំថា ក្រោមការដឹកនាំរបស់សម្ដេចបវរធិបតី ហ៊ុនម៉ាណែត កម្ពុជានឹង​មានការអភិវឌ្ឍឥតឈប់ឈរ ​បន្ថែមទៀត ដែលនឹងសម្រេចបាននូវ​ចក្ខុវិស័យក្នុងការប្រែក្លាយកម្ពុជាជាប្រទេសចំណូលខ្ពស់នៅឆ្នាំ២០៥០ ។ ឯកឧត្ដមប្រធានរដ្ឋសភាបានបញ្ជាក់ជូនសម្ដេចបវរធិបតីពីបានប្ដេជ្ញាចិត្តក្នុងការបន្តលើកកម្ពស់ទំនាក់ទំនងនិងកិច្ចសហប្រតិបត្តិ ការរវាង​ស្ថាប័ននីតិប្បញ្ញត្តិនៃប្រទេសទាំងពីរនិងបង្ហាញការគាំទ្រចំពោះការបន្តពង្រឹងនិងពង្រីកទំនាក់ទំនងរវាងក្រសួង-ស្ថាប័ននៃប្រទេស​ទាំងពីរ។ ជម្រាបជូនភ្ញៀវសម្ដេចបវរធិបតី ហ៊ុន ម៉ាណែត បានសម្ដែងនូវសេចក្ដី​សោមនស្សរីករាយចំពោះវឌ្ឍនភាពនិងការរីកចម្រើននៃ ទំនាក់ទំនង និងកិច្ចសហប្រតិបត្តិការលើគ្រប់វិស័យ ក៏ដូចជាទំនាក់ទំនងរវាង​ស្ថាប័ន​​នីតិប្បញ្ញត្តិនៃប្រទេសទាំងពីរ ។សម្ដេចបវរធិបតីបាន​​ស្វាគមន៍ការប្តេជ្ញាចិត្តក្នុងការបន្តជំរុញការពង្រឹង និងពង្រីកទំនាក់ទំនង និងកិច្ចសហប្រតិបត្តិការទ្វេភាគី លើគ្រប់​វិស័យ ឱ្យកាន់តែរីកចម្រើន និងរឹងមាំបន្ថែមទៀត ៕ដោយ៖វណ្ណលុក

បន្ទាយមានជ័យ៖មន្ត្រីជាន់ខ្ពស់នៃក្រសួងសាធារណការ និងដឹក​ជញ្ជូន​​,មន្ទីរសាធារណការខេត្តបន្ទាយមានជ័យ រួមទាំងមន្រ្តី នគរបាល​ចរាចរណ៍ខេត្តផងបានជួបប្រជុំគ្នា នៅមន្ទីរសាធារណ​ការខេត្តកាលពីថ្ងៃទី២១ ខែវិច្ឆិកា ឆ្នាំ២០២៤ដើម្បីពិនិត្យ លទ្ធផល​នៃការត្រួតពិនិត្យយានយន្តកែច្នៃខុសលក្ខណៈបច្ចេកទេស។ តាមរបាយការណ៍មន្ទីរសាធារណការ និងដឹកជញ្ជូន​ខេត្តបាន​ឱ្យដឹងថា រយៈពេល១១ខែឆ្នាំ២០២៤ក្រុមការងារត្រួតពិនិត្យ លក្ខណៈបច្ចេកទេសយានយន្តខេត្តបានចុះអនុវត្តការងារ នៅគោលដៅត្រួតពិនិត្យលើកំណាត់ផ្លូវជាតិលេខ៥និងផ្លូវជាតិ លេខ៦ ក្នុងភូមិសាស្ត្រខេត្ត។ជាលទ្ធផលត្រួតពិនិត្យសរុបចំនួន ៥.៩៣៨ គ្រឿង ក្នុងនោះយានយន្តត្រឹមត្រូវចំនួន ៥.៣៥៤ គ្រឿង និងការត្រួតពិនិត្យបច្ចេកទេស(ឆៀក) ហួសសុពលភាព៦៤គ្រឿង។ ក្នុងកិច្ចប្រជុំខាងលើ ក្រុមការងារត្រួតពិនិត្យយានយន្តកែច្នៃ​ខេត្ត​បន្ទាយមានជ័យក៏បានលើកឡើងពីលំបាកមួយចំនួនក្នុងការអនុវត្ត នីតិវិធីច្បាប់។លោក តាំង ពៅ អនុប្រធាននាយកដ្ឋានដឹកជញ្ជូនផ្លូវ​គោកនៃក្រសួងសាធារណការនិងដឹកជញ្ជូន បានផ្តល់នូវការណែនាំមួយចំនួន ក្នុងនោះក៏មានការធ្វើបច្ចុប្បន្នភាពលើការគ្រប់​គ្រង​យានយន្តកែច្នៃមិនត្រូវតាមបច្ចេកទេសឱ្យងាកមកកែច្នៃត្រូវ តាម​លក្ខណៈ​បច្ចេកទេសវិញ ដើម្បីចៀសវាងការប្រឈមគ្រោះថ្នាក់ និងប៉ះពាល់បរិស្ថានតាមដងផ្លូវ។ ឯកឧត្តម សេង ឈួង រដ្ឋលេខាធិការក្រសួងសាធារណការនិងដឹក​ជញ្ជូននិងជាប្រធានក្រុមត្រួតពិនិត្យយានយន្តកែច្នៃខុស លក្ខណៈ​បច្ចេកទេសបានជំរុញដល់ក្រុមការងារត្រួតពិនិត្យយានយន្តកែច្នៃខុសលក្ខណៈបច្ចេកទេសខេត្តបន្ទាយមានជ័យឱ្យបន្តទប់ស្កាត់នូវយានយន្តក៏ដូចជាយានដ្ឋានដែលកែច្នៃខុសលក្នណៈបច្ចេកទេសរបស់ក្រសួងបានកំណត់តាមច្បាប់ដែលបានណែនាំរួចមកហើយ។ទន្ទឹម​នេះត្រូវ​ជំរុញដល់ម្ចាស់រថយន្តកែច្នៃខុសលក្ខណៈបច្ចេកទេសត្រូវបង់ការផាកពិន័យ។ម្ចាស់យានដ្ឋាន ប្រើប្រាស់អាជ្ញាបណ្ណហួសកាលកំណត់​ត្រូវ​ទៅ​បន្តសុពលភាព ៕ដោយ៖ គៀន ច័ន្ទហ៊ីន

ភ្នំពេញ ៖ ឯកឧត្តម កែ គី រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ មានប្រសាសន៍ថា វិទ្យាស្ថានស្តង់ដារកម្ពុជាថ្មីៗនេះ បានសិក្សា និងរៀបចំជាស្តង់ដារជាតិសម្រាប់ផលិតផលស្រាអង្ករ និងបានកំណត់ជាបទប្បញ្ញត្តិបច្ចេកទេសទៅលើបរិមាណមេតាណុលក្នុងកម្រិតអនុញ្ញាត ដើម្បីជាប្រយោជន៍ដល់សុខុមាលភាពសាធារណៈ។ ឯកឧត្តម កែ គី បានថ្លែងបែបនេះ ក្នុងឱកាសចូលរួមជាអធិបតីបើកសន្និសីទកម្ពុជា-ចិនស្តីពី «ស្តង់ដារភេសជ្ជៈប្រពៃណីមានជាតិអាល់កុល» ក្រោមកិច្ចសហការរៀបចំឡើងដោយវិទ្យាស្ថានស្តង់ដារកម្ពុជា (ISC) និងវិទ្យាស្ថានស្រាវជ្រាវជាតិចិនផ្នែកឧស្សាហកម្មម្ហូបអាហារ និងបន្ទុំ (China National Research Institute of Food & Fermentation Industries – CNRIFFI) នៅសណ្ឋាគារសុខា នារសៀលថ្ងៃទី២២ ខែវិច្ឆិកា ឆ្នាំ២០២៤។ តាងនាមតំណាងឯកឧត្តម ហែម វណ្ណឌី រដ្ឋមន្រ្តីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍, ឯកឧត្តម កែ គី បានកោតសរសើរ និងថ្លែងអំណរគុណចំពោះវិទ្យាស្ថានស្រាវជ្រាវជាតិចិន ផ្នែកឧស្សាហកម្មម្ហូបអាហារ និងបន្ទុំ ដែលបានផ្តួចផ្តើមធ្វើកិច្ចសហការជាមួយវិទ្យាស្ថានស្តង់ដារកម្ពុជា…

ស្វាយរៀង៖ឯកឧត្តម សំ ប៊ុណ្ណារិន សមាជិកក្រុមប្រឹក្សាខេត្ត​ស្វាយ​រៀង​តំណាងឯកឧត្តម ម៉ែន​ វិបុល​ ប្រធានក្រុមប្រឹក្សាខេត្ត​ និងលោក ម៉ែន អេង អភិបាលរងខេត្តតំណាងឯកឧត្តម ប៉េង​ ពោធិ៍សា​ អភិបាល​ខេត្តកាលពីព្រឹកថ្ងៃទី២២ ខែវិច្ឆិកា ឆ្នាំ២០២៤បានអញ្ជើញ​ចូល​រួម​វេទិកាផ្សព្វផ្សាយនិងពិគ្រោះយោបល់របស់ក្រុមប្រឹក្សាខេត្តស្វាយរៀងអាណត្តិ​ទី៤​ ឆ្នាំ២០២៤​ស្ថិតនៅសាលាសង្កាត់បាវិត ក្រុងបាវិត។ ក្នុងឱកាសនេះឯកឧត្តម សំ ប៊ុណ្ណារិន សមាជិកក្រុមប្រឹក្សា​ខេត្តបានថ្លែងថា​ វេទិកានាថ្ងៃនេះដើម្បីប្រមូលមតិយោបល់ បញ្ហាប្រឈម និងសំណូមពរនានារបស់ប្រជាពលរដ្ឋ យកមក​ពិភាក្សាស្រាយបំភ្លឺ និងធ្វើការដោះស្រាយឱ្យចំគោលដៅ ប្រកបដោយប្រសិទ្ធិភាព និងទាន់ពេលវេលា។ឯកឧត្តមបន្តថា​ រាល់ការលើកឡើងក្នុងវេទិកានាថ្ងៃនេះក្នុងករណីដោះស្រាយ បានភ្លាមៗ អាជ្ញាធរក៏ដូចជាក្រុមប្រឹក្សា គណៈអភិបាល មន្ទីរពាក់ព័ន្ធ នឹងធ្វើការដោះស្រាយជូនភ្លាមៗ។ចំពោះករណី មិនអាចដោះ​ស្រាយ​បានភ្លាមៗ នឹងលើកយកទៅពិភាក្សារកដំណោះស្រាយជូន​នៅពេលក្រោយដោយមិនទុកបញ្ហា និងសំណូមពរចោល ឬគេចវេសពីបញ្ហាដែលបានលើកឡើងក្នុងវេទិកានេះឡើយ។ ចំណែកលោកអភិបាលរងខេត្តបានលើកឡើងថា តាមរយៈ​វេទិកា​នេះនឹងផ្ដល់ឱកាសដល់អ្នកពាក់ព័ន្ធ និងប្រជាពលរដ្ឋទាំងអស់​មានសិទ្ធស្មើគ្នា ក្នុងការចូលរួមទទួលព័ត៌មានអំពីសមិទ្ធផលដែល​រដ្ឋបាលខេត្តសម្រេចបាន និងអាចលើកឡើងអំពីបញ្ហាប្រឈម និងសំណូមពរនានា ដែលកើតមាននៅក្នុងមូលដ្ឋានរបស់ខ្លួនមកកាន់​អាជ្ញាធរ ក៏ដូចជាក្រុមប្រឹក្សានិងគណៈអភិបាលខេត្តដើម្បីធ្វើ​ការពិនិត្យដោះស្រាយជូនឱ្យបានទាន់ពេលវេលាប្រកបដោយប្រសិទ្ធភាព និងប្រសិទ្ធផលខ្ពស់៕ដោយ៖ នុត នាង