(តាកែវ)៖ ឯកឧត្តម ជា ពៅ បានថ្លែងថា ក្រោមម្លប់សុខសន្តិភាពយ៉ាងពេញបរិបូរណ៍ និងក្រោមទម្រមិត្តដែកថែបរវាងកម្ពុជានិងចិន វេទិកាសម្ព័ន្ធសង្គមស៊ីវិល និង មូលនិធិចិនដើម្បីសន្តិភាពនិងការអភិវឌ្ឍ បានរួមគ្នាជ្រើសរើសយកភូមិតាននជាភូមិគំរូមិត្តភាពកម្ពុជា-ចិនក្នុងការអនុវត្តគម្រោងកាត់បន្ថយភាពក្រីក្ រ។ ឯកឧត្តម ឯកឧត្តម ជា ពៅ អគ្គលេខាធិការរង ក្នុងនាមឯកឧត្តម កឹមរ័ត្ន វិសិដ្ឋ ប្រធានក្រុមប្រឹក្សាភិបាលវេទិកាសម្ព័ន្ធសង្គមស៊ីវិល កាលពីព្រឹកថ្ងៃទី១៩ ខែមករា ឆ្នាំ២០២៥ នៅស្នាក់ការអគារពហុបំណងភូមិគំរូកាត់បន្ថយភាពក្រីក្រ កម្ពុជា-ចិន បានរៀបចំកម្មវិធីសាទរពិធីបុណ្យចូលឆ្នាំថ្មី ប្រពៃណីជនជាតិចិន ដោយមានការអញ្ជើញចូលរួមពី អភិបាលរងស្រុកបាទី មេឃុំ-ក្រុមប្រឹក្សាឃុំដូង មន្ត្រីរាជការ កម្មករ-កម្មការិនី សិស្ស ប្រជាជនរស់នៅក្នុងភូមិតានន ឃុំដូង ស្រុកបាទី ខេត្តតាកែវ និងមិត្តចិន សរុបចំនួន ១០០នាក់ ។ ឯកឧត្តម បន្ថែមថា ការរៀបចំកម្មវិធីសាទរពិធីចូលឆ្នាំថ្មី ប្រពៃណីចិននាថ្ងៃនេះ ជាសក្ខីភាពនៃចំណងសាមគ្គីភាពរវាងប្រជាជននៃប្រទេសយើងទាំងពីរដែលតែងសាទរគ្នាទៅវិញទៅមក រៀនសូត្រពីគ្នា និងចែករំលែកក្តីស្រឡាញ់ជាមួយគ្នា។ តាមរយៈពិធីនាថ្ងៃនេះក៏ជាសញ្ញាណវិជ្ជមាននៃកិច្ចសហប្រតិបត្តិការកាន់តែរឹងមាំរវាងសង្គមស៊ីវិលនៃប្រទេសយើងទាំងពីរក្នុងការរួមចំណែកជាមួយរាជរដ្ឋាភិបាលកម្ពុជាក្នុងការបំពេញបាននូវតម្រូវការជាមូលដ្ឋានជូនដល់ប្រជាជនកម្ពុជា។ លោក Liu Zhanguo ប្រធានការិយាល័យមូលនិធិចិនដើម្បីសន្តិភាពនិងការអភិវឌ្ឍប្រចាំកម្ពុជាបានយល់ ស្របជាមួយវេទិកាសម្ព័ន្ធសង្គមស៊ីវិលថា…

(ពោធិ៍សាត់)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា និងលោកជំទាវបណ្ឌិតពេជ ចន្ទមុនី នឹងអញ្ជើញជាអធិបតីដ៏ខ្ពង់ខ្ពស់ ក្នុងពិធីសម្ពោធសមិទ្ធិផលនានាក្នុងភូមិប៊ុន រ៉ានីសែនជ័យដំណាក់ទ្រយឹង ស្ថិតក្នុងឃុំព្រងឹល ស្រុកភ្នំក្រវាញ ខេត្តពោធិ៍សាត់ នៅព្រឹកថ្ងៃទី២០ ខែមករា ឆ្នាំ២០២៥ ។ តាមការបញ្ជាក់ពី ឯកឧត្តម ខូយ រីដា អភិបាលខេត្ត និងជាប្រធានកិត្តិយសសមាគមអតីតយុទ្ធជនកម្ពុជាខេត្តពោធិ៍សាត់ បានជម្រាបជូនថា ក្នុងឆ្នាំ២០២០ គ្រួសារអតីតយុទ្ធជន ចំនួន៦២៨គ្រួសារ ទទួលបានដី និងផ្ទះ ក្នុងតំបន់ដីសម្បទានសង្គមកិច្ច ដំណាក់ទ្រយឹង ដែលជាអំណោយដ៏ថ្លៃថ្លារបស់សម្ដេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន មានរយៈពេលជាង ៣ឆ្នាំកន្លងមកហើយ ដោយពួកគាត់ទាំងនោះ បានខិតខំប្រឹងប្រែងក្នុងការដាំដំណាំយុទ្ធសាស្ត្រដូចជា៖ ដូង ក្រូច ដំឡូងមី ស្រូវ បន្លែបង្ការ និងការចិញ្ចឹមសត្វជាដើម ។ ឯកឧត្តមអភិបាលខេត្តពោធ៌សាត់ បានឱ្យដឹងទៀតថា ចំពោះសមិទ្ធិផលនានា ដែលនិងធ្វើពិធីសម្ពោធនៅថ្ងៃ២០ ខែមករា…

កំពង់ចាម៖ អភិបាលខេត្តកំពង់ចាម ឯកឧត្តម អ៊ុន ចាន់ដា បានដឹក​នាំក្រុម​ការងារអញ្ជើញចុះពិនិត្យ ការសាងសង់ដើម្បី​ទប់ស្កាត់កុំឱ្យ​បាក់ច្រាំងទន្លេ​បន្តទៀត នៅចំណុចក្រោយវត្តមាន់ដប់ ស្ថិតក្នុងភូមិមាន់ដប់ ឃុំមានជ័យ ស្រុកស្រីសន្ធរ បន្ទាប់ពីការដ្ឋានមួយនេះត្រូវបានបញ្ចប់ ។ ក្នុងដំណើរពិនិត្យជាក់ស្តែងកាលពីថ្ងៃទី១៩ ខែមករា ឯកឧត្តម អ៊ុន ចាន់ដា បានមានប្រសាសន៍ឱ្យដឹងថា ការសាងសង់​ដើម្បីទប់ស្កាត់ការបាក់ច្រាំងទន្លេ ស្ថិតនៅចំណុចក្រោយវត្តមាន់ដប់ ដែលមានភូមិឃុំដូចខាងលើនោះ ត្រូវបាន​សាងសង់រួចរាល់ជាស្ថាពរហើយ។ ក្រុមការងារបច្ចេកទេសបានប្រើវិធានការ ច្រកបាវខ្សាច់ ទប់ច្រាំងទន្លេកន្លែង​ដែលបាក់ ដែលមានប្រវែងជាង ២០០ ម៉ែត្រ។ទន្ទឹមនឹងនេះ អាជ្ញាធរមូលដ្ឋាន​បានធ្វើការតាមដាន ក្រែងមានការប្រែប្រួលនៅឆ្នាំបន្ទាប់ អាចក្រុមការងារបច្ចេក​ទេស មានវិធានការបន្តទៀត ដោយសារតំបន់នេះចរន្តទឹកមានការប្រែប្រួល ទៅតាមស្ថានភាពជំនន់ទឹកទន្លេឡើងតិចឬច្រើន។ ឯកឧត្តមអភិបាលខេត្ត បានបញ្ជាក់ថា បច្ចុប្បន្នក្រុមការងារបច្ចេកទេស​របស់ក្រសួងធនធានទឹក និងឧតុនិយម បានប្ដូរទី​តាំងទៅមើលកន្លែងផ្សេង​ទៀតក្នុងភូមិសាស្ត្រខេត្តកំពង់ចាម ទៅតាមផែនការ ដែលអាជ្ញាធរខេត្តបាន​ពិភាក្សា និងព្រមព្រៀង​គ្នាជាមួយក្រសួងរួចហើយ ។ ការងារសាងសង់ទប់ស្កាត់ការបាក់ច្រាំងទន្លេនេះ ដោយខាងក្រុមការងារបច្ចេក​ទេស របស់​ក្រសួងធនធានទឹក និងឧតុនិយម បានចុះមកធ្វើការងារនេះ​ដោយផ្ទាល់​តែម្ដង ចាប់តាំងពីចុង ខែធ្នូ ឆ្នាំ២០២៤ ដោយ​សហការជាមួយ អាជ្ញាធរខេត្តកំពង់ចាម បន្ទាប់ពីមានការស្នើសុំនិងសំណូមពរឱ្យមានកិច្ច​អន្តរាគមន៍…

ភ្នំពេញ៖រំលឹកទៅឆ្នាំ២០២៤ទើបកន្លងទៅថ្មីៗនេះ ឯកឧត្តម ទេព អស្នារិទ្ធ អនុរដ្ឋលេខាធិការ និងជាអ្នកនាំពាក្យក្រសួង​ព័ត៌មាន​បានបញ្ជាក់ថា ​អ្នក​សារព័ត៌មាន​ទាំងប្រព័ន្ធផ្សព្វផ្សាយប្រពៃណីនិងទំនើបសរុបចំនួនជាង ៨ពាន់ នាក់ បាន និង​កំពុង​បំពេញការងាររបស់ខ្លួនបានយ៉ាងពេញលេញ មានសុវត្ថិភាព​នៅទូទាំងប្រទេស ដោយ​ឈរលើមូលដ្ឋាន​ក្រមសីល​ធម៌ និងវិជ្ជាជីវៈ​សារព័ត៌មាន​។ ទាំងនេះជាលទ្ធផលនៃការធ្វើបច្ចុប្បន្នភាព ក្នុងក្របខណ្ឌនៃការរៀបចំ​សណ្តាប់​​ធ្នាប់​ក្នុងវិស័យ​សារព័ត៌មាន ចាប់តាំងពីដើមអាណត្តិទី៧របស់​ក្រសួង​ព័ត៌មាន ក្រោមការដឹកនាំរបស់ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន។ ឯកឧត្តម ទេព អស្នារិទ្ធ បានឆ្លើយទៅនឹងសំណួរជុំវិញការអនុវត្តការងារ​និងសណ្តាប់ធ្នាប់ របស់អ្នកសារព័ត៌មាន​នៅ​មូលដ្ឋានក្នុងវគ្គបណ្តុះបណ្តាល ស្ដីពី «ការពង្រឹងការងារព័ត៌មាននិងសាធារណមតិ» នៅខេត្តកំពត កាលពីថ្ងៃទី១៨ ខែមករា ឆ្នាំ២០២៥ទៀតថា ឥឡូវយើងអាចផ្ទៀងផ្ទាត់អត្តសញ្ញាណ​របស់​អ្នកសារព័ត៌មានម្នាក់ៗបាន ដោយគ្រាន់តែស្កែន QR កូដ ដែលមាននៅលើ​បណ្ណសម្គាល់អ្នកសារព័ត៌មាននោះដើម្បីបញ្ជាក់ភាពស្របច្បាប់របស់អ្នកសារព័ត៌មាន។ ឯកឧត្តមអ្នកនាំពាក្យបានបន្ថែមទៀតថា«នេះជាប្រព័ន្ធការពារ និងធានា​សុវត្ថិភាព​ទាំងសម្រាប់អ្នកសារព័ត៌មានខ្លួនឯង និងសម្រាប់ប្រភពព័ត៌មាន​ដែលអ្នកសារព័ត៌មាននោះបានទាក់ទងដើម្បីសម្ភាសន៍ ឬចុះយកព័ត៌មាន ហើយវាជាការរួម​ចំណែក​ក្នុងការធានាសណ្តាប់ល្អក្នុងវិស័យសារព័ត៌មាន និងលើកកម្ពស់គុណតម្លៃវិជ្ជាជីវៈសារព័ត៌មាននៅកម្ពុជា»។ ក្នុងក្របខ័ណ្ឌនៃការពង្រឹងការប្រតិបត្តិក្រមសីលធម៌វិជ្ជាជីវៈ ក្រសួងព័ត៌មាន​បានកំណត់ ឱ្យមានការផ្តល់ការបណ្តុះ​បណ្តាល​ស្តីពីធម្មនុញ្ញវិជ្ជាជីវៈ​សារព័ត៌មាន ជាមុន ដល់អ្នកសារព័ត៌មាន ជាលក្ខខណ្ឌចាំបាច់មួយ មុននឹង​ទទួលបានបណ្ណសម្គាល់​អ្នកសារព័ត៌មានពីក្រសួង ដើម្បីធានាអនុវត្ត​ការងារ​ដោយគោរពតាមក្រមសីលធម៌វិជ្ជាជីវៈត្រឹមត្រូវ។ ឯកឧត្តមអ្នកនាំពាក្យក្រសួងព័ត៌មានបន្តថា ភាគីពាក់ព័ន្ធក្នុងវិស័យព័ត៌មាន​បានមើលឃើញលំហសេរីភាព​សារព័ត៌មាននៅ​កម្ពុជាមានភាពរីកចម្រើនធំធាត់ និងថែមបានទទួលស្គាល់ថា…

ភ្នំពេញ៖នៅផ្សារទំនើបអ៊ីអន សែនសុខ រាជធានីភ្នំពេញកាលពីល្ងាចថ្ងៃសៅរ៍​ទី១៨ ខែមករា ឆ្នាំ២០២៥លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម​បានអញ្ជើញជាអធិបតីក្នុងពិធីសម្ពោធដាក់លក់ជាផ្លូវការរថយន្តអគ្គិសនីទំនើបម៉ាក AION V និង HYPTEC HT របស់ក្រុមហ៊ុន H.H AUTO PRESTIGE CO., LTD ដោយមានវត្តមានអញ្ជើញចូលរួមពីថ្នាក់ដឹក​នាំក្រសួងពាណិជ្ជកម្ម ថ្នាក់ដឹកនាំក្រុមហ៊ុន AION CAMBODIA និង AION Global ព្រមទាំងភ្ញៀ​វកិត្តិយសជាតិ និង​អន្តរជាតិ​ជាច្រើនរូប។ ក្នុងឱកាសនេះលោកជំទាវរដ្ឋមន្ត្រី បានសាទរដល់ក្រុមហ៊ុន H.H AUTO PRESTIGE CO., LTD ចំពោះភាពរីកចម្រើន និងការបោះជំហានចូល​ក្នុងទីផ្សាររថយន្តអគ្គិសនី​ ដែលជាជំហានថ្មីដ៏សំខាន់ក្នុងវិស័យយានយន្ត​អគ្គិសនីនៅកម្ពុជា ហើយជា​ការដើរទាន់សភាពការណ៍ តាមតម្រូវការទីផ្សារ និងការអភិវឌ្ឍសេដ្ឋកិច្ច-ពាណិជ្ជកម្មកម្ពុជា ស្របតាមនិន្នាការ​តំបន់និង​សកលលោក ផងដែរ។ លោកជំទាវរដ្ឋមន្ត្រី បានកត់សម្គាល់អំពីសន្ទុះកើនឡើងនៃការប្រើប្រាស់ និងការអភិវឌ្ឍវិស័យយានយន្តអគ្គិសនីទាំងក្នុង​តំបន់​និងសកលលោក ដែលវិស័យនេះ បានផ្តល់នូវអត្ថប្រយោជន៍ជាច្រើន តាមរយៈការបង្កើត​ការងារសម្រាប់ពលរដ្ឋ និងផ្តល់តម្លៃបន្ថែមក្នុងសេដ្ឋកិច្ច, ការការពារបរិស្ថាន និងសុខភាពប្រជាជនតាមរយៈការកាត់បន្ថយការ​បញ្ចេញឧស្ម័ន​ពុលជំនួស​ឱ្យការប្រើប្រាស់យានយន្តប្រើប្រាស់ប្រេងឥន្ធនៈ, និងការចូលរួមធានាសន្តិសុខ​ថាមពលតាមរយៈ​ការកាត់​បន្ថយការពឹងផ្អែកលើការនាំចូលប្រេងឥន្ទនៈ​ពីបរទេស ព្រមទាំងភាពងាយរងគ្រោះបណ្ដាលមកពីការប្រែប្រួលនៃថ្លៃប្រេង​ឥន្ទនៈសកល។ លោកជំទាវរដ្ឋមន្ត្រី…

បាត់ដំបង៖ អ្នកឧកញ៉ា ឡេង ណាវ៉ាត្រា ប្រធានយុវជនបូជាការពារសន្តិភាព​បានដឹកនាំក្រុមការងារ និងវត្តមានឧកញ៉ា ខេមរៈ សិរីមន្ត បានចុះជួយទិញ​ស្រូវដោយផ្ទាល់ពីប្រជាកសិករ ក្នុងឃុំព្រៃតូច ស្រុកមោងឬស្សី ខេត្តបាត់ដំបង ដោយមានការជួយ​សម្របសម្រួលពី លោក ឈឹម វជិរ៉ា ប្រធានមន្ទីរកសិកម្ម​ខេត្តបាត់ដំបង អាជ្ញាធរស្រុក និងអាជ្ញាធរមូលដ្ឋាន។ នៅឃុំព្រៃតូច ស្រុកមោងឬស្សី ខេត្តបាត់ដំបងកាលពីថ្ងៃទី១៧ ខែមករា ក្នុង​ពេលប្រមូលទិញស្រូវដោយផ្ទាល់ អ្នក​ឧកញ៉ា ឡេង ណាវ៉ាត្រា បានប្រាប់ដល់​ប្រជាកសិករនៅទីនោះថា សកម្មភាពនេះដើម្បីរួមចំណែកជួយសម្រួល​ដល់​ជីវភាព​កសិករ ក្នុងពេលប្រមូលទិន្នផលបានហើយ ហើយជួបនឹងបញ្ហាតម្លៃ។អ្នកឧកញ៉ា បន្តថា​ក្រុមការងាររបស់​លោក​នឹង​ជួយប្រមូល​ទិញស្រូវចំនួន ១ ០០០តោន នៅទីនេះដើម្បីយកទៅកិនជាអង្ករចែកជូន​ដល់អ្នកខ្វះខាតវិញ។នេះគឺជាការ​ចូលរួមចំណែក​ជួយ​ដល់កសិករ ក្នុងនាមជាជនជាតិខ្មែរដូចគ្នា។ ក្នុងឱកាសនេះដែរលោក ទេព ហន អភិបាលស្រុកមោងឫស្សី បានថ្លែងអំណរ​គុណដល់អ្នកឧកញ៉ាឡេង ណាវ៉ាត្រា ដែលបានដឹកនាំក្រុមការងារចុះជួយ​ប្រមូលទិញស្រូវប្រជាកសិករក្នុងតម្លៃដ៏សមរម្យ។ ចំណែកប្រជាកសិករដែលលក់ស្រូវជូនក្រុមការងារអ្នកឧកញ៉ា ឡេង ណាវ៉ាត្រា បានបង្ហាញពីអារម្មណ៍សប្បាយរីករាយ ខណៈផលស្រូវរបស់ពួកគាត់ លក់បានក្នុងតម្លៃសមរម្យ។.សូមជម្រាបថា ក្រុមការងាររបស់អ្នកឧកញ៉ា ឡេង ណាវ៉ាត្រា បានចុះជួយប្រមូលទិញស្រូវពីប្រជាកសិករ ប្រភេទស្រូវ OM-5451ក្នុងតម្លៃ៨៥០រៀល…

(ខេត្តឧត្តរមានជ័យ)៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នៅថ្ងៃសៅរ៍ ទី១៨ ខែមករា ឆ្នាំ២០២៥ បានបន្តចាត់ឯកឧត្តម យូ ឡាណា អគ្គលេខាធិការរងទី២ កាកបាទក្រហមកម្ពុជា និងមានការចូលរួមពីក្រុមប្រតិបត្តិសាខាកាកបាទក្រហមកម្ពុជាខេត្តបាត់ដំបង និងអនុសាខាកាកបាទក្រហមកម្ពុជាស្រុកបាណន់ ចូលរួមរំលែកមរណទុក្ខដ៏ក្រៀមក្រំបំផុតជាមួយក្រុមគ្រួសារសព លោក អឿន ចាន់ដារ៉ា មន្ត្រីអង្គភាពស៊ីម៉ាក់ ( CMAC ) ដែលបានពលីជីវិតក្នុងឧបទ្ទវហេតុផ្ទុះមីនតោនខណៈពេលកំពុងបំពេញការងារខេត្តឧត្តរមានជ័យ ហើយបាននិងកំពុងរៀបចំធ្វើបុណ្យតាមប្រពៃណីនៅលំនៅដ្ឋាន ក្នុងភូមិស្នឹងកើត ឃុំស្នឹង ស្រុកបាណន់ ខេត្តបាត់ដំបង ។ ស្ថិតក្នុងសមានទុក្ខដ៏ក្រៀមក្រំសោកសង្រេងជាទីបំផុតជាមួយក្រុមគ្រួសារក្នុងឱកាសចូលរួមក្នុងពិធីបុណ្យសពនេះ ឯកឧត្តម យូ ឡាណា បានមានប្រសាសន៍ថា ៖ មរណភាពរបស់ លោក អឿន ចាន់ដារ៉ា គឺជាការបាត់បង់កូនជាទីស្រឡាញ់ ញាតិមិត្ត និងជាពលរដ្ឋដ៏ល្អមួយរូបរបស់សង្គមជាតិ ដែលតែងតែប្រកាន់យ៉ាងខ្ជាប់ខ្ជួននូវកតញ្ញូតាធម៌ និងប្រតិបត្តិតាមគន្លងធម៌ចំពោះ ឪពុក ម្តាយ និងក្រុមគ្រួសារ នេះជាការបាត់បង់វីរយុទ្ធជនរបស់អង្គភាពស៊ីម៉ាក់ (CMAC) ប្រចាំទិសឧត្តរមានជ័យមួយរូប ដែលបានខិតខំបំពេញភារកិច្ចប្រកបដោយសេចក្តីមោះមុត អង់អាចក្លាហាន…

(ភ្នំពេញ)៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានចាត់ឱ្យ លោកជំទាវ ម៉ែន នារីសោភ័គ អគ្គលេខាធិការរងទី ១ កាកបាទក្រហមកម្ពុជា និងសហការី ចុះសួរសុខទុក្ខដោយផ្ទាល់នៅមន្ទីរពេទ្យ ដេីម្បីលេីកទឹកចិត្ត និងនាំយកថវិកាចំនួន ២ម៉ឺនដុល្លារអាម៉េរិកទៀត ជូនដល់លោកស្រី នន ចន្ទលក្ខិណា សម្រាប់ជួយសម្រាលការលំបាកដែលត្រូវចំណាយលេីការព្យាបាលរយៈពេលយូរនៅប្រទេសវៀតណាម។ ក្នុងឱកាសនោះ លោកជំទាវ ម៉ែន នារីសោភ័គ បាននាំនូវប្រសាសន៍របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ដែលផ្តាំផ្ញេីសួរសុខទុក្ខ ក្តីអាណិតអាសូរ និងលេីកទឹកចិត្តដល់ក្មួយស្រី នន ចន្ទលក្ខិណា សូមមានស្មារតីរឹងប៉ឹង ត្រូវសម្រាក និងបរិភោគអាហារបំប៉នសុខភាពឱ្យបានគ្រប់គ្រាន់ ជាពិសេសត្រូវអនុវត្តតាមវេជ្ជបញ្ជាគ្រូពេទ្យដេីម្បីឆាប់បានជាសះស្បេីយឡេីងវិញ។ លោកជំទាវ ក៏បានថ្លែងអំណរគុណដល់ក្រុមគ្រូពេទ្យដែលបានយកចិត្តទុកដាក់ជួយសង្គ្រោះ និងព្យាបាលដល់ក្មួយស្រីលក្ខិណា ដោយយកចិត្តទុកដាក់ទទួលបានលទ្ធផលវិជ្ជមានជាបន្តបន្ទាប់។ លោកស្រី ហេង សុខឡេង ម្តាយស្ត្រីរងរបួសធ្ងន់ដោយសារគ្រោះថ្នាក់ចរាចរណ៍ខាងលើនេះ បានឱ្យដឹងថា រហូតមកទល់នឹងពេលនេះ កូនរបស់គាត់ មិនទាន់ដឹងទេថា ស្វាមី និងកូនជាទីស្រលាញ់របស់ខ្លួនបានស្លាប់ចោលខ្លួន ដោយមិនបានសូម្បីតែការជូនដំណើរជាចុងក្រោយ នេះជាការឈឺចាប់បំផុត…

(ភ្នំពេញ)៖ ឯកឧត្តម ចាយ បូរិន សមាជិកគណៈកម្មាធិការកណ្តាលនិងជាប្រធានផ្នែកឃោសនាអប់រំយុវជនគណបក្សប្រជាជនកម្ពុជាថ្នាក់កណ្តាល បានអញ្ជើញជាអធិបតី នៅក្នុងកិច្ចប្រជុំបូកសរុបលទ្ឋផលការងារយុវជនគណបក្ស ផ្នែកឃោសនាអប់រំ ប្រចាំឆ្នាំ២០២៤និងទិសដៅការងារឆ្នាំ២០២៥ នៅព្រឹកថ្ងៃសៅរ៍ទី១៨ ខែមករា ឆ្នាំ២០២៥ នៅវិមាន៧មករា។ កិច្ចប្រជុំ មានការអញ្ជើញចូលរួមពីអនុប្រធាន សមាជិកផ្នែកឃោសនាអប់រំនិងក្រុមជំនួយការផ្នែកប្រមាណជាង១០០នាក់។ នៅក្នុងឱកាសនោះក៏មានការប្រកាសសមាសភាពក្រុមការ ងារ Cyber Trooper នៃផ្នែកឃោសនាអប់រំ ដែលទើប សម្រេចតែងតាំងផងដែរ។ ក្រុមការងារ Cyber Trooper បានបង្កើតឡើងក្នុងការលើកកម្ពស់ការផ្សព្វផ្សាយព័ត៌មាន តាមបណ្តាញសង្គម អំពីប្រវត្តិ ស្នាដៃ សកម្មភាព គុណបំណាច់និងសមិទ្ឋផល ព្រមទាំងគោលនយោបាយនិងគោលការណ៍ថ្មីៗ របស់គណបក្សនិងរាជរដ្ឋាភិបាលដើម្បីបញ្រ្ជាបការយល់ដឹង ការជឿជាក់និងការគាំទ្ររបស់ប្រជាជន យុវជន លើការដឹកនាំដ៏ត្រឹមត្រូវរបស់គណបក្សនិងរាជរដ្ឋាភិបាល។ បន្ទាប់ពីបានស្ដាប់នូវរបាយការណ៍បូកសរុបលទ្ឋផលការងារយុវជនគណបក្សផ្នែកឃោសនាអប់រំ ប្រចាំឆ្នាំ២០២៤ និង ទិសដៅឆ្នាំ២០២៥ រួចមក ឯកឧត្តមចាយ បូរិន អញ្ជើញសំណេះសំណាលជាមួយក្រុមការងារ ដោយបានវាយតម្លៃខ្ពស់ ចំពោះលទ្ធផលការងារដែលសម្រេចបាន ។ ឯកឧត្តមប្រធាន បានថ្លែងអំណរគុណដល់ក្រុមការងារទាំងអស់ ដែលបានខិតខំប្រឹងប្រែងអនុវត្តនូវរាល់ការចង្អុលបង្ហាញ និងទិសដៅការងាររបស់ផ្នែកឃោសនាអប់រំយុវជនសម្រេចបាននូវលទ្ឋផលជាទីមោទនៈ ។ ឯកឧត្តមចាយ បូរិន…

(អាល្លឺម៉ង់)៖ តបតាមការអញ្ជើញរបស់ទីភ្នាក់ងារសហប្រតិបត្តិការអាល្លីម៉ង់ (GIZ) ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានដឹកនាំគណៈប្រតិភូអន្តរក្រសួងកម្ពុជាទៅបំពេញទស្សនកិច្ចនៅសាធារណរដ្ឋសហព័ន្ធអាល្លឺម៉ង់ ចាប់ពីថ្ងៃទី១៣ រហូតដល់ថ្ងៃទី១៧ ខែមករា ឆ្នាំ២០២៥។ ដំណើរទស្សនកិច្ចនេះ គឺដើម្បីស្វែងយល់អំពីគោលនយោបាយ និងច្បាប់នានាពាក់ព័ន្ធនឹងវិស័យវាយនភណ្ឌ កាត់ដេរ ស្បែកជើង និងផលិតផលធ្វើដំណើរនិងកាបូប នៅក្នុងសហគមន៍អឺរ៉ុប និងអាល្លឺម៉ង់។ ក្នុងដំណើរទស្សនកិច្ចនេះ គណៈប្រតិភូអន្តរក្រសួងកម្ពុជា បានជួបពិភាក្សាការងារជាមួយតំណាងគណៈកម្មការអឺរ៉ុប (EU Commission), តំណាងនៃក្រសួងការងារ និងសង្គមកិច្ចអាល្លឺម៉ង់, តំណាងនៃក្រសួងសហព័ន្ធសម្រាប់កិច្ចសហប្រតិបត្តិការនិងអភិវឌ្ឍន៍សេដ្ឋកិច្ចអាល្លឺម៉ង់, តំណាង IndustriAll, តំណាងសហព័ន្ធនិយោជក, សហព័ន្ធសហជីពអាល្លឺម៉ង់, តំណាងស្ថាប័ន ACT, និងក្រុមហ៊ុនម្ចាស់ម៉ាកសំខាន់ៗមួយចំនួនរបស់អាល្លឺម៉ង់ ដែលកំពុងបញ្ជាទិញផលិតផលវាយនភណ្ឌ កាត់ដេរ ស្បែកជើង ផលិតផលធ្វើដំណើរនិងកាបូបពីកម្ពុជា។ តាមរយៈជំនួបទាំងនេះ គណៈប្រតិភូកម្ពុជា និងភាគីអាល្លឺម៉ង់ បានសិក្សាស្វែងយល់ និងផ្លាស់ប្ដូរបទពិសោធន៍គ្នាអំពីការរីកចម្រើន និងការអភិវឌ្ឍក្នុងវិស័យការងារនៅកម្ពុជា ក៏ដូចជាបានស្វែងយល់ពីគោលនយោបាយ និងទិសដៅរបស់សហគមន៍អឺរ៉ុប និងម្ចាស់ម៉ាកបញ្ជាទិញដែលនឹងត្រូវអនុវត្តសម្រាប់ឆ្នាំខាងមុខ ពិសេសច្បាប់ស្តីពីការពិនិត្យអនុលោមភាពនិរន្តរភាពនៃអាជីវកម្ម (CSDDD) ផងដែរ។ ជាពិសេសទៀតនោះ ម្ចាស់ម៉ាកបញ្ជាទិញក៏បង្ហាញពីការពេញចិត្តចំពោះរាជរដ្ឋាភិបាលកម្ពុជា ក្នុងការតាំងចិត្តបន្តធានាឱ្យបាននូវលក្ខខណ្ឌការងារល្អ…