(ភ្នំពេញ)៖ ប្រធានគណៈកម្មាធិការរួបរួមជាតិ នៃការិយាល័យប្រធានាធិបតីសាធា​រណរដ្ឋ​កូរ៉េ​កោតសរសើរការអភិវឌ្ឍ និងការរីកចម្រើនដ៏ឆាប់រហ័សលើគ្រប់វិស័យ​របស់កម្ពុជា ។ លោក Kim Han-Gil ប្រធានគណៈកម្មាធិការរួបរួមជាតិ នៃកា​រិយាល័យប្រធានាធិបតីសាធារណរដ្ឋកូរ៉េ បានបញ្ជាក់ដូច្នេះ ក្នុងឱកាស​ដឹកនាំគណៈ​ប្រតិភូ ចូលជួបសម្ដែងការគួរសម និងពិភាក្សាការងារ ជាមួយ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា នៅវិមានសន្តិភាព នាព្រឹកថ្ងៃទី៣១ ខែតុលា ឆ្នាំ២០២៤ ។ ក្នុងឱកាសនៃជំនួប លោក Kim Han-Gil បានសម្ដែងការកោតសរសើរការអភិវឌ្ឍ​ដ៏ឆាប់​រហ័សលើគ្រប់វិស័យរបស់កម្ពុជា និងបានបង្ហាញនូវសុទិដ្ឋិនិយមថា ក្រោមការ​ដឹកនាំដ៏ឈ្លាសវៃរបស់សម្ដេចបវរធិបតី កម្ពុជា​នឹងកាន់តែអភិវឌ្ឍរីកចម្រើន​ខ្លាំង​ក្លា​ថែមទៀត។ ជាមួយគ្នានោះ លោក Kim Han-Gil បានសម្ដែងនូវការរីករាយចំពោះ​ទំនាក់ទំនង​ដ៏ល្អប្រសើររវាងប្រទេសទាំងពីរ និងបានវាយតម្លៃខ្ពស់ចំពោះការរួមចំណែក​របស់​ពលករកម្ពុជានៅកូរ៉េ ក្នុងការជំរុញកំណើនសេដ្ឋកិច្ច ព្រមទាំងបានលើកឡើងថា រដ្ឋាភិបាលកូរ៉េចាត់ទុកថាពលករបរទេស រួមទាំងពលករកម្ពុជានៅកូរ៉េ គឺជាដៃគូ​សំខាន់ក្នុងការជំរុញកំណើន និងការអភិវឌ្ឍសេដ្ឋកិច្ចកូរ៉េ។ ជាការឆ្លើយតប សម្ដេចបវរធិបតី បានសម្ដែងនូវការពេញចិត្តចំពោះការរីកចម្រើន​នៃទំនាក់ទំនងការទូតរវាងប្រទេសទាំងពីរដែលបានដំឡើងកម្រិតទំនាក់ទំនងដល់ “ភាពជាដៃគូយុទ្ធសាស្ត្រ” កាលពីខែឧសភា ឆ្នាំ២០២៤ ដែលការណ៍នេះកាន់តែ​ជំរុញកិច្ចសហប្រតិបត្តិការកម្ពុជា-កូរ៉េឱ្យកាន់តែរឹងមាំថែមទៀត។ សម្ដេចបវរធិបតីក៏បានថ្លែងអំណរគុណចំពោះរដ្ឋាភិបាល និងប្រជាជនកូរ៉េ​ដែល​តែងតែ​បានជួយដល់ការកសាង និងអភិវឌ្ឍកម្ពុជា តាមរយ:ការកសាង​ហេដ្ឋា​រចនា​សម្ព័ន្ធ…

ភ្នំពេញ៖ក្រសួងកសិកម្ម រុក្ខាប្រមាញ់ និងនេសាទកាលពីព្រឹកថ្ងៃទី៣០ ខែតុលា ឆ្នាំ២០២៤ បានចុះអនុស្សរណៈជាមួយដៃគូចំនួន២ គឺក្រុម​ហ៊ុនបៃតងកម្ពុជា (CG) និងមូលនិធិសកលសម្រាប់អភិរក្ស​ធម្មជាតិ (WWF)ក្រោមវត្តមានឯកឧត្តម ឌិត ទីណា រដ្ឋមន្រ្តីក្រសួង​កសិកម្ម រុក្ខាប្រមាញ់ និងនេសាទនាទីស្តីការក្រសួង។ ​សំដៅទៅលើផ្លែផ្កានៃអនុស្សរណៈ ឯកឧត្តមរដ្ឋមន្ត្រី ឌិត ទីណា បានពណ៌នាថា ជាការងារដ៏សំខាន់ ក្នុងការជួយរក្សាស្ថេរភាពថ្លៃ​វិស័យ​ស្រូវអង្ករនាប៉ែកពាយ័ព្យ ដែលជាបរិបទថ្មីជួយកាត់បន្ថយចំណាយ ដើម្បីបង្កើនផលចំណេញ ទាំងកសិករ និងអ្នកប្រើប្រាស់។ឯកឧត្តម​រដ្ឋមន្ត្រីបានស្វាគមន៍ និងគាំទ្រដៃគូអង្គការជាតិ អន្តរជាតិ និងវិស័យឯកជនក្នុងការរួមឆន្ទៈរួមធនធាន រុញវិស័យកសិកម្ម​កម្ពុជា និងអនុវត្តកិច្ចការអភិរក្សធនធានធម្មជាតិប្រកបដោយភាពជោគជ័យជាបន្តបន្ទាប់។ ទន្ទឹមនឹងនេះឯកឧត្តមរដ្ឋមន្ត្រីបានលើកឡើងពីសហគមន៍កសិកម្មទំនើប ដែលប្រើប្រាស់ពូជ និងបច្ចេកទេសច្បាស់លាស់ មាន​ទុនក្នុងការ​វិនិយោគ មានទីផ្សារពិតប្រាកដ និងជំរុញពូជសែនក្រអូប ដែលជាពូជស្រូវកម្ពុជា​ឱ្យកាន់តែមានសក្តានុពលក្នុង​ការនាំចេញ​ទៅកាន់ទីផ្សារអន្តរជាតិ។ ពាក់ព័ន្ធនឹងការងារអភិរក្សធនធានធម្មជាតិ ឯកឧត្តមរដ្ឋមន្រ្តី បានលើកឡើងថាក្រសួងបានសហការជាមួយដៃគូ WWFនិងដៃ​គូនានា ក្នុងអភិរក្សត្វផ្សោត តាមរយៈការល្បាត និងការបង្ក្រាបបទ​ល្មើស ប្រកបដោយប្រសិទ្ធភាព ដែលជាជោគជ័យដ៏​ធំសម្រាប់​ក្រសួងកសិកម្ម។ លើសពីនេះ ឯកឧត្តមរដ្ឋមន្ត្រី បានកោតសរសើរ​នូវការខិតខំប្រឹងប្រែងរួមគ្នា រវាងអង្គការដៃគូ និងអាជ្ញាធរថ្នាក់​ក្រោម​ជាតិ ជាពិសេសបងប្អូនប្រជាពលរដ្ឋដែលរស់នៅផ្ទាល់ទីនោះ​ដើម្បីបង្កើនការយល់ដឹងពីការថែរក្សាការពារធនធានធម្មជាតិ។ ឯកឧត្តមរដ្ឋមន្ត្រី បានគូសបញ្ជាក់ថា…