(ភ្នំពេញ)៖ខណៈពេលការប្រឡងសញ្ញាបត្រមធ្យមសិក្សាទុតិយភូមិ ឬ ហៅថា បាក់ឌុបសម័យប្រឡង៖ ០៦ វិច្ឆិកា ២០២៣កាន់តែខិតជិតមកដល់ក្រសួងអប់រំបានបង្ហាញ ក៏ដូចជាក្រើនរំលឹកដល់បុគ្គលិក ដែលអាចប្រព្រឹត្តិខុស និង ទណ្ឌកម្មខាងវិន័យ ត្រូវទទួលខុសត្រូវនៅថ្ងៃខាងមុខនេះ។ តើបុគ្គលិកអប់រំប្រព្រឹត្តកំហុសអ្វីខ្លះ ដែលត្រូវទទួលទណ្ឌកម្មខាងវិន័យថ្នាក់ទី១? សម្រាប់បុគ្គលិកអប់រំដែលបានប្រព្រឹត្តសកម្មភាពមិនត្រឹមត្រូវក្នុងការប្រឡងដូចខាងក្រោម ត្រូវទទួល ទណ្ឌកម្មខាងវិន័យថ្នាក់ទី១ ដោយមិនទាន់គិតពីទោសតាមក្រមព្រហ្មទណ្ឌ៖ .ការប្រព្រឹត្តសកម្មភាពមិនត្រឹមត្រូវក្នុងដំណើរការទូទៅនៃការប្រឡង•បង្កើតបណ្តាញស្វែងរកផលកម្រៃពីការប្រឡង•យកទូរស័ព្ទ ឬឧបករណ៍អេឡិចត្រូនិកគ្រប់ប្រភេទ ចូលក្នុងមណ្ឌលប្រឡងខុសពីគោល ការណ៍ណែនាំរបស់ក្រសួង•ផ្តល់ ឬទទួលប្រាក់ដើម្បីរៀបចំបែងចែកតួនាទីក្នុងគណៈកម្មការនានា •ជួយលាក់កំបាំងទង្វើខុសឆ្គងរបស់គណៈមេប្រយោគ ឬគណៈកម្មការប្រឡង•ចូលរួម ឬឱ្យអ្នកផ្សេងធ្វើគណៈមេប្រយោគជំនួស•មិនចូលរួមប្រជុំដោយគ្មានមូលហេតុ និង /ឬមិនអនុវត្តតាមការណែនាំបច្ចេកទេសប្រឡង•មិនបានអនុវត្តពេញលេញតាមភារកិច្ចគណៈមេប្រយោគ និងគណៈកម្មការផ្សេងៗ ដូចមាន•អនុញ្ញាតឱ្យបេក្ខជនចម្លងកិច្ចការគ្នា ឬការពារបេក្ខជនឱ្យចម្លងសំណៅឯកសារ•គំរាម ឬសម្លុតបេក្ខជនក្នុងពេលប្រឡង•ធ្វើ ឬយកចម្លើយវិញ្ញាសាឱ្យបេក្ខជន•បង្គាប់បញ្ជាឱ្យអ្នកដទៃធ្វើចម្លើយវិញ្ញាសា•អនុញ្ញាតឱ្យបេក្ខជនយកសំណៅឯកសារ និងឧបករណ៍អេឡិចត្រូនិកគ្រប់ប្រភេទចូលក្នុងបន្ទប់ប្រឡង•អនុញ្ញាតឱ្យបេក្ខជននិយាយឆ្លើយឆ្លងគ្នា ឬដើរពីតុមួយទៅតុមួយ •យកសំណៅឯកសារពីអ្នកដទៃ ឬពីបេក្ខជនម្នាក់ទៅឱ្យបេក្ខជនម្នាក់ទៀតចម្លង•ធ្វើឱ្យរំខានដល់បេក្ខជនក្នុងពេលប្រឡង•ប្តូរប្លង់តុឱ្យបេក្ខជនខុសពីការកំណត់របស់គណៈមេប្រយោគ។ .ការប្រព្រឹត្តសកម្មភាពមិនត្រឹមត្រូវក្នុងដំណើរមណ្ឌលកំណែ•មិនកែតាមអត្រាកំណែដែលបានសម្រេច•ដើរចេញទៅក្រុមកំណែផ្សេងខុសពីក្រុមរបស់ខ្លួន•រំខានអ្នកដទៃក្នុងដំណើរការកំណែ •ដាក់ពិន្ទុខុសប្រក្រតីក្នុងការកែសន្លឹកកិច្ចការបេក្ខជន •បញ្ចូល ឬបង្ហោះអត្រាកំណែ កិច្ចការបេក្ខជន ឯកសារប្រឡងផ្សេងៗទៀតតាមបណ្ដាញ សង្គមនានាក្នុងពេលដំណើរការកំណែ។ .ការប្រព្រឹត្តសកម្មភាពមិនត្រឹមត្រូវក្នុងដំណើរការស្រង់បូក និងប្រកាសលទ្ធផល ផ្ទៀងផ្ទាត់ពិន្ទុមិនបានត្រឹមត្រូវ៕ ដោយ៖ម៉ាដេប៉ូ