សៀមរាប៖គណៈប្រតិភូអន្តរក្រសួងរួមមាន ក្រសួងអភិវឌ្ឍន៍ជនបទ និងក្រសួងសេដ្ឋកិច្ច និងហិរញ្ញវត្ថុដឹកនាំដោយ ឯកឧត្តម សាន វិសាល រដ្ឋលេខាធិការក្រសួងអភិវឌ្ឍន៍ជនបទ និងជាសមាជិកគណៈ​កម្មាធិការ​លទ្ធកម្ម (គ.៣) នៅថ្ងៃទី១៣ ខែវិច្ឆិកា​បានអញ្ជើញ​ពិនិត្យ និងវាយ​តម្លៃដំណាក់កាលទី២ លើការងារថែទាំជាប្រចាំផ្លូវចំនួន១៤ខ្សែ។ តាមសេចក្តីរាយការណ៍របស់នាយកដ្ឋានផ្លូវលំជនបទនៃក្រសួងអភិវឌ្ឍន៍ជនបទ ជូនគណៈប្រតិភូអន្តរក្រសួងលើការងារ​ថែទាំ​ជា​ប្រចាំផ្លូវ​ចំនួន១៤ខ្សែ មានបប្រវែងសរុប ២០៧ ២៤០ម៉ែត្រ, ទទឹងខ្នងលើ ៥ម៉ែត្រ និង៦ម៉ែត្រ ព្រមទាំងបំពាក់ស្លាកសញ្ញា​ចរាចរណ៍​ចំនួន ៣៧០ស្លាកលើផ្លូវចំនួន ៣ខ្សែ។ផ្លូវទាំង១៤ខ្សែស្តិត​ក្នុងក្រុងស្រុក​ចំនួន៧​មានស្រុកជីក្រែង ,សូទ្រនិគម ,ក្រុងរុន​តាឯក​តេជោសែន ,ស្រុកវ៉ារិន ,អង្គរជុំ និងស្រុកស្រីស្នំ ។មន្ទីរអភិវឌ្ឍន៍ជនបទតែងតែ​យកចិត្តទុកដាក់បំពេញការងារថែទាំ​ផ្លូវជាប្រចាំ​ដោយសម្រេច​លទ្ធផលបានតាមបទដ្ឋានបច្ចេកទេស និង គុណភាពតាមសៀវ​ភៅ​កិច្ចសន្យា ។ ក្នុងដំណើរចុះត្រួតពិនិត្យ និងវាយតម្លៃលើការថែទាំផ្លូវក្រាលកៅស៊ូ DBSTទាំង១៤ខ្សែ ឯកឧត្តម សាន វិសាល បានបញ្ជាក់ថា ក្រសួង​អភិវឌ្ឍន៍ជនបទ ក្រោមការដឹកនាំរបស់ឯកឧត្តមរដ្ឋមន្រ្តី ឆាយ ឬទ្ធិសែន បានបង្កើនការយកចិត្តទុកដាក់យ៉ាងខ្លាំងទៅ​លើគុណភាព​នៃការក​សាងហេដ្ឋារចនាសម្ព័ន្ធជនបទឱ្យកាន់តែមានគុណភាពប្រសើរឡើងថែមទៀត  ព្រមទាំងសោភណភាពតាមដងផ្លូវ និងសុវត្ថិភាពក្នុង​ការ​ធ្វើដំណើរ ក៏ត្រូវបានយកចិត្តទុកដាក់ផងដែរ ។ ឯកឧត្តមបានកោតសរសើរដល់នាយកដ្ឋានផ្លូវលំជនបទ នៃក្រសួង​អភិវឌ្ឍន៍ជនបទ និង ក្រុមការងារមន្ទីរអភិវឌ្ឍន៍ជនបទខេត្ត ដែល​ជាសេនាធិការរបស់ក្រសួង…

ស្ទឹងត្រែង៖មន្រ្តីនៃរដ្ឋបាលព្រៃឈើស្ទឹងត្រែង បានអំពាវនាវដល់​ប្រជា​សហគមន៍ រួមទាំងប្រជាពលរដ្ឋ ឱ្យចូលរួមការពារ គ្រប់គ្រង​ធនធាន​ធម្មជាតិ ព្រៃឈើ សត្វព្រៃ និងលុបបំបាត់ការកាប់រានដីព្រៃ ដែលជា​អំពើល្មើសនឹងច្បាប់រដ្ឋ ។ការអំពាវនាវរបស់លោក ហ៊ុន សំអឿន នាយផ្នែករដ្ឋបាលព្រៃឈើថាឡាបរិវ៉ាត់នៃខណ្ឌរដ្ឋបាលព្រៃឈើស្ទឹងត្រែង ក្នុងឱកាសលោក​ដឹកនាំក្រុមការងារ​ខណ្ឌ​រដ្ឋបាល​ព្រៃឈើស្ទឹងត្រែង ដែលជាមន្រ្តីអនុវត្តគម្រោងរេដបូកមេគង្គជំហាន១ ចុះល្បាត និង​ផ្សព្វផ្សាយពីគម្រោងរេបូកមេគង្គជំហាន១ នៅថ្ងៃទី១៣ ខែវិច្ឆិកា ឆ្នាំ២០២៤ ស្ថិតនៅភូមិស្វាយរៀង ឃុំតាឡាត ស្រុកសេសាន ខេត្តស្ទឹងត្រែង។ នាយផ្នែករដ្ឋបាលព្រៃឈើថាឡាបរិវ៉ាត់ឱ្យដឹងថា នៅក្នុងសកម្មភាព​ចុះ​ល្បាតព្រៃឈើនោះ ក្រុមការងារបាន​ផ្សព្វ​ផ្សាយ​ពីគម្រោង​រេបូកមេគង្គ​ដល់ប្រជាសហគមន៍ រួមទាំងប្រជាពលរដ្ឋ ដែលរស់នៅជិតព្រៃ​សហគមន៍ និងបានចុះសិក្សាចំណុចនិយាមកា ព្រំ​ប្រទល់ដីសហគមន៍​ព្រៃឈើព្រៃឪធម្ម ខេត្តស្ទឹងត្រែង សម្រាប់ពង្រីកផ្ទៃដីបន្ថែម ដោយ​សហការ​ជាមួយអាជ្ញាធរស្រុកសេសាន អាជ្ញាធរភូមិតាឡាត ឃុំតាឡាត ប៉ុស្តិ៍នគរបាលរដ្ឋបាលឃុំតាឡាត និងគណ:កម្មការសហគមន៏ព្រៃឈើ​ព្រៃឪធម្ម ផងដែរ។ លោក ហ៊ុន សំអឿន បានបន្តថា ជាលទ្ធផលក្រុមការងារបាន​បន្តចុះ​ល្បាត និងពិនិត្យស្ថានភាពព្រៃឈើ ក្នុងព្រៃសហគមន៍ព្រៃឪធម្ម ឃើញថា ព្រៃឈើស្ថិតក្នុងស្ថានភាពល្អប្រសើរ ។ ក្រៅពីនេះក្រុម​ការងារបានរកឃើញ និងធ្វើការដកហូតខ្សែអន្ទាក់ដាក់សត្វព្រៃ​ចំនួន ៥អន្ទាក់ និងបានផ្សព្វផ្សាយដល់ប្រជាសហគមន៍ ដែលរស់នៅក្នុង និងក្បែរព្រៃសហគមន៍…

កំពង់ស្ពឺ៖អភិបាលខេត្តកំពង់ស្ពឺឯកឧត្តមបណ្ឌិត ជាម ចន្ទ័សោភ័ណ បានលើកទឹកចិត្តឱ្យយុវជនដែល​បោះបង់ការសិក្សា ឬប្រឡង​ធ្លាក់​បាក់ឌុបឱ្យចូលរៀនវគ្គបណ្តុះបណ្តាលជំនាញវិជ្ជាជីវៈ ដើម្បីក្លាយ​ខ្លួនជាកម្មករជំនាញ។ការលើកទឹកចិត្តនេះក្នុងឱកាស អញ្ជើញ​ជួបសំណេះសំណាលនិងផ្តល់អំណោយជូនប្រជាពលរដ្ឋជួបការលំបាកចំនួន៧៥គ្រួសារ នៅក្នុងឃុំសង្កែសាទប ស្រុកឱរ៉ាល់ ខេត្តកំពង់ស្ពឺ នៅថ្ងៃទី១៣ ខែវិច្ឆិកា ឆ្នាំ២០២៤ ឯកឧត្តមអភិបាលខេត្តបន្តថា រាជរដ្ឋាភិបាលកម្ពុជា បាននិង​កំពុង​យកចិត្តទុកដាក់យ៉ាងខ្លាំងដល់ជីវភាពរស់នៅ​របស់បងប្អូន​ប្រជាពលរដ្ឋ ទន្ទឹមនិងការគិតគូរនេះ រាជរដ្ឋាភិបាលក៏បានបង្កើត​ឱកាសការងារ​ជូនបងប្អូន តាមរយៈការវិនិយោគរោងចក្រ សហគ្រាស គ្រប់ធុន ។ក្នុងនេះសម្រាប់ខេត្តកំពង់ស្ពឺ គិតមកទល់ពេលនេះមានចំនួន​៤៤៥​រោងចក្រ និងមានកម្មករ កម្មការិនី បម្រើការជាង២០ម៉ឺននាក់។ ជាមួយនឹងកំណើននៃរោងចក្រនេះឯកឧត្តម ជាម ចន្ទ័សោភ័ណ បាន​ទាញអារម្មណ៍ថា បច្ចុប្បន្នខេត្តកំពុងជួប​វិបត្តិកង្វះកម្លាំង​ពលកម្ម​សម្រាប់បម្រើការងារនៅតាមបណ្តារោងចក្រ សហគ្រាសទាំងនេះ​ប្រមាណ​ជាងមួយម៉ឺននាក់ទៀត ។ទន្ទឹមនេះរោងចក្រ សហគ្រាស​នឹងមានការកើនឡើងច្រើនបន្ថែមទៀត ។ដូចនេះតម្រូវការកម្លាំង​ពលកម្មក៏នឹងមានការកើនឡើងដែរ។ ឯកឧត្តមបណ្ឌិតបានលើកទឹកចិត្តដល់យុវជនប្រឡងធ្លាក់បាក់ឌុប និងអ្នកដែលបោះបង់ការសិក្សា​ឱ្យចូលទៅរៀន​វគ្គបណ្តុះ​បណ្តាល​ជំនាញវិជ្ជាជីវៈនៅវិទ្យាស្ថានពហុបច្ចេកទេស ដើម្បីទទួលបាន​វិញ្ញាបនបត្របញ្ជាក់ពីជំនាញច្បាស់លាស់ ដែលការសិក្សា​ចំណាយ​ពេលត្រឹមតែ៣ទៅ៤ខែប៉ុណ្ណោះ អាចក្លាយខ្លួនជាកម្មករជំនាញនិង​អាចបម្រើការងារនៅតាមបណ្តារោងចក្រ សហគ្រាសទទួល​បានប្រាក់​កម្រៃខ្ពស់និងក៏មានឱកាសអាចទៅធ្វើការនៅក្រៅប្រទេសបានទៀតផង៕ ដោយ៖ម៉ុន សំអាត

បន្ទាយមានជ័យ៖មិនដែលខកខាន និងធ្លាប់តែសាងកេរ្តិ៍ឈ្មោះសម្រាប់​ខេត្តជាប់ព្រំដែនថៃ ទូកង ឈ្មោះ សុវណ្ណរាជសី បារមី​បន្ទាយមហា​នគរ នៃខេត្តបន្ទាយមានជ័យ ឆ្នាំ២០២៤នេះ ក៏បានទៅចូលរួមក្នុង​ព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក នៅរាជធានីភ្នំពេញពីថ្ងៃទី១៤ ដល់ថ្ងៃទី១៦ ខែវិច្ឆិកា។ ឯកឧត្ដម អ៊ុំ រាត្រី អភិបាលខេត្តបន្ទាយមានជ័យបានឱ្យដឹងថា ឆ្នាំ​២០២៤រដ្ឋបាលខេត្តជ្រើសយកទូកតែមួយគត់ ដែលទទួលបាន​ចំណាត់ថ្នាក់លេខមួយប្រចាំខេត្ត គឺទូកឈ្មោះ សុវណ្ណរាជសី បារមី​បន្ទាយមហានគរ ចំណុះ ៧៦នាក់ យកទៅប្រកួត ក្នុងពិធីព្រះរាជ​ពិធីបុណ្យអុំទូក នៅភ្នំពេញរយៈ បីថ្ងៃ។ ការជ្រើសរើសទូក ង សុវណ្ណរាជសី បារមីបន្ទាយមហានគរ មិនមែន​ជាការចៃដន្យទេ តែកើតឡើងពីកិត្យានុភាពនៃទូកង មួយនេះដែលតែង​តែសាងកេរ្តិ៍ឈ្មោះជូនខេត្តបន្ទាយមានជ័យ តាមរយៈ​ជ័យជម្នះរបស់ខ្លួន ។ លោក កុល បណ្ដូល អនុប្រធានគណៈកម្មការគ្រប់គ្រងទូកង សុវណ្ណរាជសី បារមីបន្ទាយមហានគរ បានរៀបរាប់ពីប្រវត្តិនៃទូក ង​នេះថា ជាទូកដែលធ្វើពីឈើគគីមានប្រវែង៣៦ម៉ែត្រ, មាន៤១ខ្ទង់, ចំណុះ៧៦នាក់,ជាប្រភេទទូកលុង ។ដោយឡែក​ការធ្វើ​ទូកនេះទៀត​សោតក៏បំពេញកិច្ចទៅតាមទំនៀមទម្លាប់ ហើយពេលនោះក៏មានអព្ភូត​ហេតុបង្ហាញចេញផងដែរ ។លោកបន្តថា​ដំបូងឡើយ​បន្ទាប់ពីបួងសួង ហើយពេលកំពុងអារដើមគគីរដែលបម្រុងយកមកធ្វើទូកនេះ ស្រាប់​តែបែកផ្កាភ្លើងព្រោងព្រាត…

រតនគិរី៖សាខាកាកបាទក្រហកម្ពុជា ខេត្តរតនគិរី កាលពីថ្ងៃទី១២ ខែវិច្ឆិកា បានបើកវគ្គផ្សព្វផ្សាយជាមូលដ្ឋានស្ដីពីប្រវត្តិចលនា គោល​ការណ៍គ្រឹះ កាកបាទក្រហម អឌ្ឍចន្ទក្រហម និងមូលដ្ឋានច្បាប់​មនុស្សធម៌អន្តរជាតិ និងកាកបាទក្រហមកម្ពុជា ជូនដល់​ថ្នាក់ដឹកនាំ មន្រ្តីរាជការ កងកម្លាំងទាំងបី ក្រុមហ៊ុន អាជីវករនានាជាច្រើន​រូបក្នុងស្រុកអូរជុំ ដោយមានការអញ្ជើញពីលោកស្រី ខាំ ណាវ អភិបាលរងស្រុកតំណាងលោក គៀង តុលា អភិបាលស្រុកអូរជុំ និងលោក ឌឹម ណាត នាយកសាខាកាកបាទក្រហមកម្ពុជា ខេត្តរតនគិរី។ វគ្គផ្សព្វផ្សាយបានផ្តោតលើមេរៀនសំខាន់ៗមួយចំនួន ក្នុងនេះ១- ប្រវត្តិចលនាអន្តរជាតិ នៃកាកបាទក្រហម និងអឌ្ឍចន្ទក្រហម២- សមាសភាគ និងបេសកកម្មរបស់ចលនាអន្តរជាតិ កាកបាទក្រហម និងអឌ្ឍចន្ទក្រហម,៣- លក្ខណៈវិនិច្ឆ័យ១០យ៉ាង​នៃការ​ទទួលស្គាល់​សមាគមជាតិ,៤- គោលការណ៍គ្រឹះ ៧ ប្រការ របស់ចលនាអន្តរជាតិ នៃកាកបាទក្រហម និងអឌ្ឍចន្ទក្រហម,៥- ​បដិ​រូប​នៃភាព​មនុស្ស​ធម៌ (កាកបាទក្រហម, អឌ្ឍចន្ទក្រហម, គ្រីស្តាល់ក្រហម),៦- ព្រះរាជក្រឹត្យ​ស្តីពីការប្រើប្រាស់, និងការការ​ពារ បដិរូបកាកបាទក្រហម និង អឌ្ឍចន្ទ​ក្រហម,៧- ប្រវត្តិកំណើតកាកបាទក្រហមកម្ពុជា,៨- ធនធានរបស់​មនុស្សកាក​បាទក្រហម​កម្ពុជា,៩- សមាជិកភាពរបស់កាកបាទ​ក្រហមកម្ពុជា…

កំពង់ឆ្នាំង៖ចូលរួមក្នុងព្រះរាជពិធីបុណ្យអុំទូក បណ្ដែតប្រទីប និង​សំពះ​ព្រះខែ អកអំបុកនៅរាជធានីភ្នំពេញឆ្នាំ២០២៤ នេះ​ ខេត្តកំពង់​ឆ្នាំង​មានទូកងចំនួន២៦ទូក និងកីឡាករកីឡាការិនីជាង១.៥០០នាក់​មក​ចូលរួមប្រកួតនៅរាជធានីភ្នំពេញ។ ក្នុងឱកាសសំណេះសំណាល និងនាំយកអំណោយគ្រឿង​ឧបភោគ​បរិភោគ ព្រមទាំងជូនដំណើរកីឡាករខេត្តកំពង់ឆ្នាំងកាលពី​ព្រឹកថ្ងៃ​ទី១២ ខែវិច្ឆិកា ឆ្នាំ២០២៤ឯកឧត្តមទេសរដ្ឋមន្ត្រី អ៊ុក រ៉ាប៊ុន រដ្ឋមន្ត្រីប្រតិភូអមនាយករដ្ឋមន្ត្រី បានផ្ដាំផ្ញើដល់ក្រុមកីឡាករ​កីឡាកា​រិនីទាំងអស់ សូមថែរក្សាសុខភាពឱ្យបានល្អ កុំផឹកគ្រឿងស្រវឹង ។ការរស់នៅរួមគ្នារយៈពេល៧ថ្ងៃនេះ ត្រូវចេះសាមគ្គីភាព  កុំប្រចាំ និងមើលបំណាំគ្នា ហើយត្រូវចាត់ទុកដូចជាបងប្អូនតែមួយ។ ក្នុងពិធីជូនដំណើរដែលប្រារព្ធនៅវត្តកំពង់ត្រឡាចក្រោម ឃុំកំពង់​ត្រឡាច ស្រុកកំពង់ត្រឡាច ​ខេត្តកំពង់ឆ្នាំងឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំងឱ្យដឹងថា ឆ្នាំនេះ ខេត្តកំពង់ឆ្នាំង​បានបញ្ជូន​ទូកចំនួន ២៦ទូក និងកីឡាករកីឡាការិនី​ចំនួន ១.៥១៦នាក់ (ស្រី១១៥នាក់)។ ចំណែកអំណោយដែលប្រគល់នៅថ្ងៃនេះមាន ខោក្បិន អាវ មួក ១.៥១៦ឈុត ,អង្ករជាង ៥តោន ភេសជ្ជៈ៧៨កេស ទឹកសុទ្ធ ២៦០កេស ទឹកត្រី២៦កេស ទឹកស៊ីអ៊ីវ២៦កេស និងថវិកា៥៧លានរៀល ដែលបានមកពី ឯក​ឧត្តម ទេសរដ្ឋមន្ត្រី អ៊ុក រ៉ាប៊ុន និងព្រះធម្មវនរាសី…

(ភ្នំពេញ)៖ នៅថ្ងៃទី១៣ ខែវិច្ឆិកា ឆ្នាំ២០២៤ ឯកឧត្តម សុខ ចិន្តាសោភា ឧបនាយករដ្ឋមន្រ្តី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ បានទទួលជួបសម្តែងការគួរសមជាមួយលោក David Verbiwski ភារធារីនៃការិយាល័យស្ថានទូតកាណាដា នៅទីក្រុងភ្នំពេញ ។ ឯកឧត្តមឧបនាយករដ្ឋមន្រ្តី ចិន្តាសោភា និងលោកភារធារី បានពិភាក្សាគ្នាលើបញ្ហាទ្វេភាគី និងបានកត់សម្គាល់ដោយពេញចិត្តពីការវិវឌ្ឍន៍គួរឱ្យកត់សម្គាល់នៃទំនាក់ទំនងទ្វេភាគីរវាងកម្ពុជា និងកាណាដា ក្នុង កំឡុងពេលប៉ុន្មានឆ្នាំកន្លងមកនេះ ជាពិសេសការសម្រេចចិត្តរបស់រដ្ឋាភិបាលកាណាដា ក្នុងការដំឡើងកម្រិតការិយាល័យស្ថានទូត ទៅជាស្ថានទូតកាណាដានៅភ្នំពេញ បន្ទាប់ពីកិច្ចពិភាក្សាប្រកបដោយផ្លែផ្ការវាង សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និង ឯកឧត្តម Justin Trudeau នាយករដ្ឋមន្ត្រីកាណាដា នៅទីក្រុងវៀងច័ន្ទ ប្រទេសឡាវ កាលពីខែតុលា ឆ្នាំនេះ ។ ខណៈពេលពិភាក្សាអំពីដំណើរការនៃការដំឡើងកម្រិតនៃស្ថានតំណាងការទូតរបស់កាណាដា ឯកឧត្តម ចិន្តាសោភា បានគូសបញ្ជាក់ថា ព្រឹត្តការណ៍នេះនឹងជាសមិទ្ធិផលថ្មីមួយទៀត ក្នុងទំនាក់ទំនង និងបង្កើតនូវលក្ខខណ្ឌអំណោយផលថែមទៀតក្នុងការពង្រឹងកិច្ចសហប្រតិបត្តិការរវាងប្រទេសទាំងពីរ។ ឯកឧត្តម ចិន្តាសោភា បានអះអាងជូនលោកភារធារីថា ក្រសួងការបរទេស និងសហប្រតិបត្តិការអន្តរជាតិ នឹងផ្តល់នូវកិច្ចសហប្រតិបត្តិការពេញលេញដល់ដំណើរការនេះ។ ក្នុងកំឡុងកិច្ចប្រជុំលោក David ក៏បានជម្រាបជូន…

(ភ្នំពេញ)៖ ឯកឧត្ដម ឃួង ស្រេង អភិបាលរាជធានីភ្នំពេញ នារសៀលនាថ្ងៃទី១៣ វិច្ឆិកានេះ បានដឹកនាំ មន្ទីរពាក់ព័ន្ធមន្ត្រីនិងអាជ្ញាធរខណ្ឌ ដែលមានភូមិសាស្ត្រជាប់មាត់ទន្លេចុះពិនិត្យ សណ្តាប់ធ្នាប់របៀបរៀបរយ តាមដងទន្លេ កន្លែងប្រារព្វព្រះរាជពិធីបុណ្យអុំទូក បណ្តែតប្រទីប និងសំពះព្រះខែអកអំបុក។ លោកស្រី ដោ សម្ផស្ស នាយិការងរដ្ឋបាលសាលារាជធានីភ្នំពេញនិងជាអ្នកនាំពាក្យរដ្ឋបាលរាជធានីភ្នំពេញបានឱ្យដឹងថា ៖ ការដឹកនាំ មន្ទីរពាក់ព័ន្ធមន្ត្រីនិងអាជ្ញាធរខណ្ឌដែលមានភូមិសាស្ត្រជាប់មាត់ទន្លេ ពីសំណាក់ ឯកឧត្ដម ឃួង ស្រេង នាពេលនេះ គឺដើម្បីពិនិត្យពីវឌ្ឍនភាពចុងក្រោយនៃការរៀបចំសណ្តាប់ធ្នាប់ របៀបរៀបរយ បរិស្ថាន តាមដងទន្លេ ថាតើបានរៀបចំដូចអ្វីដែលបានគ្រោងទុកទេ ។ ក្រោយការជិះកាណូតមួយជុំ ក្នុងភូមិសាស្ត្រខណ្ឌដូនពេញ ខណ្ឌចំការមន ច្បារអំពៅ ជ្រោយចង្វានិងខណ្ឌឬស្សីកែវរួច ឃើញថា អ្វីដែលជាគម្រោងគឺក្រុមការងារអនុវត្តបានល្អ រហូតទទួលបានការកោតសរសើរពីមជ្ឈដ្ឋានខាងក្រៅទៀតផង ដោយថា ឆ្នាំនេះការរៀបចំសណ្តាប់ធ្នាប់របៀបរៀបរយ បរិស្ថាន និងការរៀបចំចំណតទូក ការណូត ទូក ង នៅតាមដងទន្លេមានលក្ខណៈល្អប្រសើរជាងបណ្តាឆ្នាំមុនៗ៕ ដោយ ៖ ហេង សម្បត្តិ+ថេត វិចិត្រ