(ភ្នំពេញ)៖ អគ្គមេបញ្ជាការនៃកងយោធពលខេមរភូមិន្ទ នាយឧត្តមសេនីយ៍ វង្ស ពិសេន បានទទួលជួបគណៈប្រតិភូកងកម្លាំងប៉ូលីសប្រដាប់អាវុធនៃកងទ័ពរំដោះប្រជាជនចិន ដឹកនាំដោយ ឧត្តមសេនីយ៍ឯក ជូ គួរពីវ អនុប្រធាននយោបាយ ។ ជំនួបនេះ បានធ្វើឡើងនានៅទី២១ ខែតុលា ឆ្នាំ២០២៤ នៅអគ្គបញ្ជាការដ្ឋាន ខណៈដែលគណៈប្រតិភូកំពុងបំពេញទស្សនកិច្ចនៅកម្ពុជា រយៈពេល៣ថ្ងៃ គឺចាប់ពីថ្ងៃទី២១ ដល់ថ្ងៃទី២៥ ខែតុលា ឆ្នាំ២០២៤ ។ នៅក្នុងជំនួបនោះ អគ្គមេបញ្ជាការនៃកងយោធពលខេមរភូមិន្ទ បានសម្តែងនូវការស្វាគមន៍ និងក្តីសោមនស្សរីក រាយបំផុត ចំពោះដំណើរបំពេញទស្សនកិច្ចរបស់គណៈប្រតិភូកងកម្លាំងប៉ូលីសប្រដាប់អាវុធនៃកងទ័ពរំដោះប្រជាជនចិននៅកម្ពុជា ស្របពេលដែលទំនាក់ទំនង កិច្ចសហប្រតិបត្តិការរវាងប្រទេស និងកងទ័ពប្រទេសទាំងពីរ កំពុងមានការរីកចម្រើន។ ឧត្តមសេនីយ៍ឯក ជូ គួរពីវ ក៏បានសម្តែងនូវសេចក្តីសោមនស្សរីករាយផងដែរ ចំពោះដំណើរមកបំពេញទស្សនកិច្ចនៅព្រះរាជាណាចក្រកម្ពុជាជាលើកដំបូង ដោយមានការទទួលបដិសណ្ឋារកិច្ចយ៉ាងកក់ក្តៅពីថ្នាក់ដឹកនាំកម្ពុជា ។ តាមរយៈទស្សនកិច្ចនេះ លោកឧត្តមសេនីយ៍ឯក បានមានជឿជាក់ថា នឹងទទួលបានជោគជ័យផ្លែផ្កាថ្មីៗបន្ថែមទៀត នៅក្នុងទំនាក់ទំនងមិត្តភាពរវៀងកម្ពុជា-ចិន។ នៅក្នុងឱកាសនោះទៀត ឧត្តមសេនីយ៍ឯក ជូ គួរពីវ បានលើកឡើងពីចំណងមិត្តភាពកម្ពុជា-ចិន ដែលជាចំ ណងយូរអង្វែង បង្ហាញយ៉ាងប្រចក្សពីគោលនយោបាយការទូត តម្កល់ទុកគ្នាក្នុងឋានៈអាទិភាព…

(ភ្នំពេញ)៖ ក្រសួងមុខងារសាធារណៈ ក្នុងនាមជាលេខាធិការដ្ឋាន នៃគណៈកម្មាធិការជាតិជំរុញការអនុវត្តវិធានការគន្លឹះ ក្នុងការកែទម្រង់រដ្ឋបាលសាធារណៈ (គ.វ.រ.) សហការជាមួយក្រសួងយុត្តិធម៌ រៀបចំសិក្ខាសាលា ស្តីពី «ការពិនិត្យឡើងវិញ ការវិភាគមុខងារ និងរចនាសម្ព័ន្ធក្រសួង ស្ថាប័ន»។ សិក្ខាសាលានេះ ទទួលបានការអញ្ជើញចូលរួមជាសហធិបតីដ៏ខ្ពង់ខ្ពស់ ឯកឧត្តម ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ និងជាអនុប្រធានប្រចាំការគ.វ.រ. និងឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ ។ សិក្ខាសាលាដែលកំពុងដំណើរការនារសៀលនៅបណ្ឌិត្យសភាភូមិន្ទយុត្តិធម៌កម្ពុជា នារសៀលថ្ងៃទី២២ ខែតុលា ឆ្នាំ២០២៤ ជាការបន្តជួបជាមួយថ្នាក់ដឹកនាំ ដែលជាប្រធានស្ថាប័ន​ និងថ្នាក់ដឹកនាំកម្រិតប្រធានអង្គភាពចំណុះក្រសួងនីមួយៗ ក្នុងគោលបំណងចម្បងៗចំនួន៣គឺ៖ (១)បង្ហាញវឌ្ឍនភាពការងារដែលក្រុមការងារបច្ចេកទេសអន្តរក្រសួង បានរួមចិត្ត រួមស្មារតី និងរួមកម្លាំងសហការគ្នា ពាក់ព័ន្ធនឹងស្ថានភាពបឋមនៃការវិភាគមុខងារ និងរចនាសម្ព័ន្ធរបស់ក្រសួង ស្ថាប័ន (២)បង្កើនកិច្ចសហប្រតិបត្តិការការងារគ្នាកាន់តែជិតស្និទ្ធបន្ថែមទៀត តាមរយៈការជួយបំពេញគ្នា ការរៀបចំយន្តការដើម្បីប្រទាក់ក្រឡាគ្នា និងគាំទ្រគ្នាទៅវិញទៅមក និងការតាំងចិត្តបោះជំហានរួមគ្នា ផ្អែកលើជវភាពនៃប្រព័ន្ធតួអង្គតែមួយ និង (៣)ពិភាក្សាលើការកំណត់ជំហានបន្តនៃកិច្ចសហប្រតិបត្តិការរវាងក្រសួង ស្ថាប័ននីមួយៗ ក្នុងឆន្ទៈចូលរួមអនុវត្តយុទ្ធសាស្ត្របញ្ចកោណ របស់រាជរដ្ឋាភិបាល នីតិកាលទី៧ ក្រោមការដឹកនាំដ៏ម៉ឺងម៉ាត់ស្វាហាប់របស់…

(ភ្នំពេញ)៖ នាយឧត្តមសេនីយ៍ កិត្តិសង្គហបណ្ឌិត ហ៊ីង ប៊ុនហៀង នាយករងខុទ្ទកាល័យសម្តេចធិបតី ហ៊ុន ម៉ាណែត នាយករដ្ឋមន្ត្រី បានថ្លែងថា វិស័យព្រះពុទ្ធសាសនា បានចូលរួមចំណែក និងដើរតួនាទីយ៉ាងសំខាន់ ជាមួយរាជរដ្ឋាភិបាល ក្នុងការអប់រំដល់ប្រជាពលរដ្ឋ មានការយល់ដឹងនូវអំពើល្អ និងអំពើអាក្រក់ យល់ដឹងខុសត្រូវ បញ្ចៀសបាននូវការប្រព្រឹត្តអំពើអបាយមុខផ្សេងៗ នៅក្នុងសង្គម ចូលរួមការអភិវឌ្ឍជាតិឲ្យមានការរីកចម្រើន ។ នាយឧត្តមសេនីយ៍ កិត្តិសង្គហបណ្ឌិត ហ៊ីង ប៊ុនហៀង បានថ្លែងដូចនេះ នាឱកាសដង្ហែរអង្គកឋិនទានមហាសាមគ្គី វេរប្រគេនព្រះសង្ឃគង់ចាំព្រះវស្សានៅក្នុងពុទ្ធសីមាវត្តច័ន្ទបុរីវង្ស ស្ថិតនៅក្នុងសង្កាត់សំរោង ខណ្ឌព្រែកព្នៅ រាជធានីភ្នំពេញ នាព្រឹកថ្ងៃទី២២ ខែតុលា ឆ្នាំ២០២៤ ។ ឯកឧត្តម កិត្តិសង្គហបណ្ឌិត បានបន្តថា ការចូលរួម អនុមោទនាត្រេកអរជាមួយប្រជាពលរដ្ឋក្នុងខណ្ឌព្រែកព្នៅ ក៏ដូចជាទូទាំងរាជធានីភ្នំពេញ ចំពោះសមិទ្ធផលជាច្រើន ដែលបន្តរីកលូតលាស់នៅក្នុងវត្តច័ន្ទបុរីវង្ស កើតចេញពីកម្លាំងរួបរួមសាមគ្គី និងសទ្ធាជ្រះថ្លាពីសំណាក់ ពុទ្ធបរិស័ទជិតឆ្ងាយ ដើម្បីចូលរួមជាមួយរាជរដ្ឋាភិបាលកម្ពុជា ក្នុងការទ្រទ្រង់ និងលើកស្ទួយព្រះពុទ្ធសាសនា ឱ្យបានឋិតថេរគង់វង្ស ។ ឯកឧត្តម ហ៊ីង ប៊ុនហៀង បានលើកឡើងថា…

បាត់ដំបង៖ឯកឧត្តម ហែម វណ្ឌី រដ្ឋមន្ត្រី​ក្រសួងឧស្សាហ​កម្ម វិទ្យាសាស្ត្រ បច្ចេកវិទ្យា និងនវានុ​វត្តន៍ និងជា ប្រធាន​ក្រុមការងារចុះជួយស្រុកសង្កែ និងស្រុក​រតនមណ្ឌល ខេត្តបាត់ដំបង បានអញ្ជើញជួបសំណេះសំណាលនិង​បើកវេទិកាពិភាក្សាការងារជាមួយក្រុម​ការងា​រចុះមូល​ដ្ឋាន ថ្នាក់ដឹកនាំ អាជ្ញាធរមូលដ្ឋាន គ្រប់លំដាប់ថ្នាក់ និងមន្ត្រីជំនាញពាក់ព័ន្ធនៅមូលដ្ឋាននៃស្រុកទាំង២​ខាងលើដើម្បីស្វែងយល់ពីតម្រូវការចាំបាច់ក្នុងមូលដ្ឋាន។ ក្នុងជំនួបការពីចុងសប្ដាហ៍កន្លងទៅរបស់ឯកឧត្តម ហែម វណ្ឌីគឺដើម្បីស្វែងយល់ពីបញ្ហាប្រឈមនានាដែលកំពុងកើតមានចំពោះមុខនៅក្នងមូលដ្ឋាន ដើម្បីរួមគ្នាគិត រួមគ្នា​ធ្វើ រួមគ្នាដោះ ស្រាយប្រជាពលរដ្ឋ ធ្វើយ៉ាងណាឆ្លើយតប​ទៅនឹងគោលនយោបាយរបស់រាជរដ្ឋាភិបាលកម្ពុជាក្រោមការដឹកនាំរបស់សម្តេចធិបតី ហ៊ុន ម៉ាណែត នាយករដ្ឋ​មន្ត្រីកម្ពុជា។ តាមការលើកឡើងរបស់អាជ្ញាធរក្នុងមូលដ្ឋានក្នុងស្រុកទាំង២ខាងលើនិងមន្ទ្រីជំនាញពាក់ព័ន្ធមូលដ្ឋានផ្ទាល់ ឯកឧត្តម ហែម វណ្ឌី បានប្រាប់ដល់អាជ្ញាធរពាក់ព័ន្ធ​គ្រប់លំដាប់ថ្នាក់ក្នុងមូលដ្ឋានផ្ទាល់ ត្រូវធ្វើផែនការពី​តម្រូវការជាក់ស្តែងទៅក្នុងផែនការ សកម្មភាពក្នុង​​មូលដ្ឋានខ្លួនឱ្យបានត្រឹមត្រូវជាក់លាក់ដើម្បីស្នើសុំទៅថ្នាក់ឃុំ ស្រុក ខេត្តផ្ទាល់របស់ខ្លួន។ ឯកឧត្តម ហែម វណ្ឌី បានបញ្ជាក់ថា រាល់សំណូមពរ​និងកង្វល់របស់បងប្អូនដែលបានលើកឡើងក្នុងវេទិកាពិភាក្សាថ្ងៃនេះ ក្រុមការងារនឹងពិនិត្យ,ដើម្បីរួម​គ្នា​គិត,រួម​គ្នាធ្វើនិងរួមគ្នាដោះស្រាយជូនបងប្អូនតាមជំហានលទ្ធភាពដែលក្រុមការងារអាចជួយបាន។ចំពោះបញ្ហាមួយ​ចំនួន​ទៀតដែលបានលើកឡើងក្នុងវេទិកា លើសពី​លទ្ធភាព​​ក្រុមការងារ ក៏ក្រុមការងារទទួលយក នឹងខិតខំ​រិះរក​លទ្ធភាពជួយប្រជាពលរដ្ឋជាជំហានៗជាបន្តបន្ទាប់៕( អត្ថបទ-រូបភាព ៖ អ៊ុក សំអាន បប. )

បន្ទាយមានជ័យ៖នៅខេត្តភាគខាងលិចជាប់ព្រំដែន​ជាមួយប្រទេសថៃ ខេត្តបន្ទាយ មានជ័យមានល្ខោន​បាសាក់មួយក្រុម​ឈ្មោះ ​”រស្មីអង្គរ”ស្រុកមង្គលបូរី ។ក្រុមល្ខោនបាសាក់មួយនេះល្បីឈ្មោះគួរសមប្រចាំខេត្ត ។ “រស្មីអង្គរ ” នឹងធ្វើដំណើរ​ទៅចូលរួមប្រលង​ល្ខោន​បាសាក់ថ្នាក់ជាតិ​នៅថ្ងៃទី២៤ ខែតុលា​ឆ្នាំ២០២៤​ ខាងមុខនៅរាជធានីភ្នំពេញ។ បើនិយាយអំពីសិល្បៈបុរាណខ្មែរ ទម្រង់សិល្បៈ​ល្ខោន​បាសាក់ បើទោះបីជាយើងទទួលស្គាល់ថា ជាសម្បត្តិ​វប្បធម៌​ដ៏​មានតម្លៃ​របស់​ជាតិក៏ដោយ ក៏បច្ចុប្បន្នទម្រង់​សិល្បៈ​មួយនេះអាចឈរជើងបាន​ដោយ​សារតែមាន​ការលើកទឹកចិត្ត ការគាំទ្រ ការអភិរក្ស​ពីថ្នាក់ដឹកនាំ​ពិសេស​ប្រមុខរាជរដ្ឋាភិបាល ដែលមានក្រសួងវប្បធម៌ និងវិចិត្រសិល្បៈ​​ជាសេនាធិការ ។យុគសម័យ​ទំនើប​បានរុញឱ្យទម្រង់សិល្បៈបុរាណ​ស្ថិតក្នុងស្ថានភាព​មួយដែលទាមទារការរួមគ្នាថែរក្សា។ លោក យង់ តាំងកួយ ប្រធានមន្ទីរវប្បធម៌ និងវិចិត្រ​សិល្បៈខេត្តបន្ទាយ​មានជ័យកាលពីព្រឹកថ្ងៃទី២១ ខែ​តុលា ឆ្នាំ២០២៤បាន​អធិប្បាយ​សង្ខេប​ពីដើមទង​នៃកំណើតល្ខោនបាសាក់ ។ លោកបានបញ្ជាក់ថា ល្ខោនបាសាក់មានដើមកំណើតនៅស្រុកបាសាក់​​ខេត្តឃ្លាំង កម្ពុជា​ក្រោម ដោយលោកគ្រូ សួ អតីត​ចៅអធិការវត្តខ្សាច់កណ្ដាល​ប្រាសាទព្រះត្រពាំងហើយ​ត្រូវបានបន្តពង្រីក​និង​យកមក​ផ្សព្វផ្សាយ​​នូវសិល្បៈ​ល្ខោននេះមកដល់ភ្នំពេញនាឆ្នាំ១៩៣៧ ពីសំណាក់​លោក លី សួន ជាថៅកែល្ខោនឆាក្រួន​រហូតមក។ ល្ខោន​បាសាក់ជាសិល្បៈ​ចំណាស់មួយក្នុងចំណោម​សិល្បៈ​ល្ខោន​ជាច្រើនក្នុងនោះមានដូចជា ល្ខោនខោល ល្ខោន​យីកេ ល្ខោនមហោរី ជាដើម ។ល្ខោនបាសាក់​បានបាត់​បង់សាបសូន្យសម័យខ្មែរក្រហម ។លុះក្រោយថ្ងៃរំដោះ ៧មករាឆ្នាំ១៩៧៩ វិស័យនានាបានរស់ឡើងវិញក្នុងនោះ​មាន សិល្បៈល្ខោនបាសាក់ ផងដែរ។ ដោយសំដៅរកស្ថានភាពបច្ចុប្បន្ន លោកប្រធានមន្ទីរ​វប្បធម៌​បាន​ទាញអារម្មណ៍ថា ក្នុងសម័យបច្ចេក​វិទ្យា​ទំនើប ឬឌីជីថលបាន​ធ្វើ​ឱ្យវិស័យសិល្បៈបុរាណ​មាន​ល្ខោនបាសាក់ ជាតួយ៉ាងកំពុង​ស្រុត​ចុះជាបណ្ដើរៗ​ដោយសារទីផ្សារសិល្បៈបុរាណថយ​ចុះចំនួន​អ្នកមើល…

កំពង់ធំ៖ជំនន់ទឹកភ្លៀងចាប់តាំងពីចុងខែកក្កដាកន្លង​ទៅបានបង្កឱ្យមានការប៉ះពាល់ដល់ស្រុកចំនួន២ នៅ​ខេត្តកំពង់ធំ គឺ ស្រុកបារាយណ៍ និងស្រុកសន្ទុក។ប្រជាកសិករចំនួនជាង៧០០ គ្រួសារបានរងការប៉ះពាល់​ខ្លាំងលើដំណាំស្រូវ ដែលត្រូវធ្វើការស្តារឡើងវិញបន្ទាប់​ពីទឹកស្រកទៅវិញ។រដ្ឋាភិបាលកម្ពុជាបានជួយដោះ​ស្រាយ​ជាបន្ទាន់ជូនកសិករតាមរយៈការផ្តល់ស្រូវពូជ។ កាលពីព្រឹកថ្ងៃទី២១ ខែតុលា ឆ្នាំ២០២៤ ឯកឧត្តម នួន ផារ័ត្ន អភិបាលខេត្តកំពង់ធំបានអញ្ជើញចែកស្រូវ​ពូជ​ចំនួន១០៩ ,៥០០គីឡូក្រាមជូនប្រជាកសិករចំនួន ៧១៥​គ្រួសារដែលរងគ្រោះដោយគ្រោះទឹកជំនន់ នៅស្រុកបារាយណ៍ និងស្រុកសន្ទុក។ការផ្ដល់ស្រូវ​ពូជនេះ មានគោលបំណងក្នុងការជួយស្តារការ​ដាំ​ដុះឡើងវិញក្រោយរដូវទឹកស្រក។ ឯកឧត្តម នួន ផារ័ត្ន បានថ្លែងថាការផ្ដល់ពូជស្រូវជូន​ប្រជាកសិករនាពេលនេះ គឺដោយសារមើលឃើញពី​លំបាកដែលបងប្អូន រងគ្រោះដោយទឹកជំនន់។គ្រួសារ​កសិករទទួលអំណោយត្រូវបានជ្រើសរើសដោយអនុវត្តតាមការសម្របសម្រួលរបស់អាជ្ញាធរមូលដ្ឋាន។ គួររំលឹកថាទឹកជំនន់ភ្លៀងចាប់តាំងពីចុងខែកក្កដា បង្កឱ្យ​មានការប៉ះពាល់ដល់ស្រុកចំនួនគឺស្រុកបារាយណ៍និងស្រុកសន្ទុក ។ស្រុកបារាយណ៍មានប្រជាពលរដ្ឋរងគ្រោះ​ចំនួន ៣១៥ នាក់ បានទទួលស្រូវពូជចំនួន ៣១,៥០០ គីឡូក្រាម និងស្រុកសន្ទុក មានប្រជាពលរដ្ឋ៤០០នាក់​ទទួល​បានស្រូវពូជ៧៨,០០០គីឡូក្រាម។គ្រោះទឹកជំនន់​នេះក៏បានប៉ះពាល់ដល់ហេដ្ឋារចនាសម្ព័ន្ធស្ពាន ផ្លូវជន​បទ សាលារៀន មណ្ឌលសុខភាព និងវត្តអារាមមួយ​ចំនួនផងដែរ៕ដោយ៖​ប៊ុន​រដ្ឋា