សម្តេចធិបតី៖ កម្ពុជានឹងរងចាំមើល ថាតើអ្នកណាចង់ដោះស្រាយបញ្ហាព្រំដែនពិតប្រាកដ ដោយចាប់ផ្តើមពីអ្នកមានអំណាចពិតប្រាកដរបស់ភាគីថៃ។ បើភាគីថៃ​ចង់​បើក​ច្រក​ឡើង​វិញ មិនចាំ​បាច់​ជូន​ដំណឹង​មក​កម្ពុជានោះ​ទេ​ ហើយ​សន្យា​​មិន​មាន​ការ​បើក-​បិទ​ជា​ឯកតោ​ភាគី​ទៀតទេ”។ ១ កក្កដា ២០២៥ #ams1minute

ប្រធានសហភាពសហព័ន្ធយុវជនកម្ពុជា៖ នៅថ្ងៃនេះ ខ្ញុំសូមនាំមកជូនអ្នកនូវសំឡេង និងការគាំទ្រពីប្រជាពលរដ្ឋរបស់យើងជាង ១៥​ ម៉ឺននាក់ ដែលបានចេញមកក្នុងអំឡុងពេលយុទ្ធនាការ​ “Solidarity March”។ សំឡេងគាំទ្ររបស់យើងគឺសបញ្ជាក់យ៉ាងច្បាស់ថា យើងគាំទ្រយ៉ាងពេញទំហឹងចំពោះរាជរដ្ឋាភិបាល និងកងទ័ពរបស់យើង ដើម្បីដោះស្រាយភាពតានតឹងដោយសន្តិវិធីតាមគ្រប់យន្តការទាំងអស់ ហើយប្រសិនបើអធិបតេយ្យភាព បូរណភាពទឹកដី ផលប្រយោជន៍ជាតិ និងរបៀបរស់នៅរបស់យើងត្រូវបានគំរាមកំហែង នោះ​​ យើងនឹងមិននៅស្ងៀមទេ យើងនឹងក្រោកឈរឡើង និងរួបរួមគ្នាជាមួយរាជរដ្ឋាភិបាល និងកងទ័ពរបស់យើង ដើម្បីការពារជាតិរបស់យើង ទោះក្នុងតម្លៃណាក៏ដោយ។ #ams1minute

ហើយរាជរដ្ឋាភិបាលកម្ពុជា ប្តេជ្ញាចិត្តក្នុងការធ្វើទំនើបកម្មកងទ័ពរបស់យើង ដើម្បីបង្កើនសមត្ថភាពឱ្យកាន់តែខ្លាំង #ams1minute

សម្តេចធិបតី៖ ខ្ញុំទើបបានជួបជាមួយលោកសាស្ត្រាចារ្យ Jean-Marc Sorel គឺជាសមាជិកដ៏សំខាន់មួយរូបក្នុងក្រុមទីប្រឹក្សាច្បាប់និងមេធាវី ដែលបានជួយឱ្យកម្ពុជាទទួលជោគជ័យ ក្នុងរឿងក្តីនៃនៃការបកស្រាយសាលក្រមប្រាសាទព្រះវិហារ (១៩៦២) នៅឆ្នាំ ២០១១-២០១៣ នៅតុលាការយុត្តិធម៌អន្តរជាតិ ICJ។ ថ្ងៃនេះលោកសាស្ត្រាចារ្យ Jean-Marc Sorel បានជួបពិភាក្សាលើការបន្តនីតិវិធីរបស់កម្ពុជាក្នុងការប្ដឹងទៅតុលាការយុត្តិធម៌អន្តរជាតិ ICJ ពាក់ព័ន្ធនឹងប្រាសាទតាមាន់ធំ ប្រាសាទតាមាន់តូច ប្រាសាទតាក្របី និងតំបន់មុំបី។ #ams1minute