នៅចុងខែធ្នូ ឆ្នាំ១៩៧៨ កងទ័ពរណសិរ្សសាមគ្គីសង្គ្រោះជាតិកម្ពុជា ចាប់ផ្តើមវាយរំដោះបានបណ្តាខេត្តនានាពីការគ្រប់គ្រងរបស់ខ្មែរក្រហមជាបន្តបន្ទាប់ ដែលធ្វើឱ្យកម្លាំងខ្មែរក្រហមបាក់ទ័ពរត់ខ្ចាត់ខ្ចាយ រហូតដល់រំដោះបានទូទាំងប្រទេសទាំងស្រុង។ «រណសិរ្សសាមគ្គីសង្គ្រោះជាតិកម្ពុជា» ដែលបច្ចុប្បន្នប្រែឈ្មោះជា «រណសិរ្ស សាមគ្គី អភិវឌ្ឍន៍មាតុភូមិកម្ពុជា» ត្រូវបានបង្កើតឡើងនៅថ្ងៃ២ធ្នូ ឆ្នាំ១៩៧៨ នៅក្នុងតំបន់រំដោះនាខេត្ដក្រចេះ គឺជាអង្គការចាត់តាំងមហាជនមួយឈានមុខរបស់គណបក្សប្រជាជនកម្ពុជា រួបរួមគ្នាជាកម្លាំងមហាសាមគ្គីជាតិ ដោយបានទទួលការជួយឧបត្ថម្ភយ៉ាងធំធេងពីការគាំទ្រពីមិត្ដភក្ដិជិតឆ្ងាយលើសកលលោក ដើម្បីផ្ដួលរំលំរបបកម្ពុជាប្រជាធិបតេយ្យ រហូតដល់ទទួលបានមហាជ័យជម្នះដ៏ត្រចះត្រចង់នាថ្ងៃ៧ ខែមករា ឆ្នាំ១៩៧៩។ រណសិរ្សសាមគ្គីសង្គ្រោះជាតិកម្ពុជា បានរំដោះប្រទេសជាតិចេញពីរបបប៉ុល ពត, ជួយសង្គ្រោះអាយុជីវិតប្រជាពលរដ្ឋឱ្យចាកផុតពីមហន្ដរាយនៃរបបអាវខ្មៅ និងជួយស្ដារ កសាង និងអភិវឌ្ឍន៍មាតុភូមិកម្ពុជា មានការកែប្រែមុខមាត់ថ្មីឡើងវិញ។ សង្គ្រោះ ស្តារ និងការពារ គឺជាមូលដ្ឋានគ្រឹះនៃរាជរដ្ឋាភិបាលដឹកនាំដោយគណបក្សប្រជាជនកម្ពុជា។ ហេតុនេះ យើងជាយុវជនខ្មែរជំនាន់ក្រោយ ត្រូវចងចាំនូវប្រវត្តិសាស្ត្រ ស្មារតី និងសមិទ្ធផល ដែលបាននិងកំពុងមានសព្វថ្ងៃ គឺពិតជាកើតចេញពីការបង្កើតរណសិរ្ស២ធ្នូ ឆ្នាំ១៩៧៨ និងការរំដោះ និងសង្គ្រោះជាតិនៅថ្ងៃទី៧ ខែមករា ឆ្នាំ១៩៧៩ ដែលជាមូលដ្ឋានគ្រឹះដ៏រឹងមាំមិនអាចខ្វះបានសម្រាប់ការរស់រានមានជីវិត និងការរីកចម្រើននៃប្រទេសជាតិ ក្នុងរយៈពេលជាង៤០ឆ្នាំកន្លងមកនេះ និងជាក្តីសង្ឃឹមតទៅអនាគត៕ #រណសិរ្សសង្រ្គោះជាតិកម្ពុជា #សច្ចធម៌ប្រវត្ដិសាស្រ្ដ #ព្រះរាជាណាចក្រកម្ពុជា #ក្អែកខ្មៅ #រណសិរ្សសាមគ្គីអភិវឌ្ឍន៍មាតុភូមិកម្ពុជា #Cambodia…

ចូលរួមឆ្លើយសំណួរទាំងអស់គ្នា ដើម្បីទទួលបានចំណេះដឹង ! អ្នកទាំងអស់គ្នាអាចធ្វើការចូលរួមឆ្លើយនូវសំណួរបានតាមរយៈ តំណភ្ជាប់ទៅកាន់គណនីហ្វេសប៊ុករបស់យើងខ្ញុំ ដែលមានដាក់ជូននៅខាងក្រោមបាន។ #ខ្មែរក្រហម #ក្អែកខ្មៅ #កម្ពុជាប្រជាធិបតេយ្យ #KhmerRouge Facebook Page: សច្ចធម៌ប្រវត្ដិសាស្រ្ដ Telegram Channel