ពាក្យថា «សន្តិភាព» មួយម៉ាត់ ស្តាប់ទៅហាក់បីដូចជាសាមញ្ញណាស់ ប៉ុន្តែមានអត្ថន័យធំធេង លើសពីសម្បត្តិមហាសាលដែលមិនអាចកាត់ថ្លៃបាន។ បើយើងក្រឡេកទៅមើលអតីតកាលរាប់សតវត្សមកហើយ កម្ពុជាហាក់ពុំដែលស្គាល់នូវអ្វីដែលហៅថា «សន្តិភាព» នោះទេ។ មកដល់របបប្រល័យពូជសាសន៍ ប៉ុល ពត បានធ្វើឱ្យប្រជាជនកម្ពុជារស់នៅក្នុងឋាននរកទាំងរស់។ រហូតដល់ថ្ងៃ០៧ មករា ឆ្នាំ១៩៧៩ កម្ពុជាបានបញ្ចប់នូវសករាជដ៏ភ័យខ្លាចខ្មៅងងឹត ដែលមិនធ្លាប់មាននៅក្នុងប្រវត្តិសាស្ត្ររបស់ខ្លួន ហើយបើកឡើងវិញនូវទំព័រសករាជថ្មី គឺឯករាជ្យ សេរីភាព ប្រជាធិបតេយ្យ និងវឌ្ឍនភាពសង្គម។ ការផ្តួលរំលំរបបយង់ឃ្នង និងបញ្ចប់សង្គ្រាមស៊ីវិល មិនមែនជារឿងចៃដន្យនោះទេ គឺកើតចេញពីការលះបង់សាច់ស្រស់ ឈាមស្រស់ របស់ថ្នាក់ដឹកនាំ វីរៈយុទ្ធជន យុទ្ធនារី ដែលបានយកជីវិតជាដើមទុន ដើម្បីដណ្តើមមកវិញនូវសុខសន្តិភាពជូនប្រជាជាតិ និងបន្តថែរក្សាជូនប្រជាពលរដ្ឋខ្មែរគ្រប់ជំនាន់។ ការធ្វើឱ្យមានសន្តិភាពជារឿងពិបាកមួយស្រាប់ទៅហើយ ប៉ុន្តែការថែរក្សាឱ្យបានសិ្ថតស្ថេរគង់វង្ស រឹតតែជាការងារមួយដ៏លំបាកទ្វេដង ដូច្នេះហើយដើម្បីថែរក្សាម្លប់ដ៏ត្រជាក់នៃសន្តិភាពនេះ ក្នុងនាមយើងជាពលរដ្ឋ ជាពិសេសយុវជនជំនាន់ក្រោយ ពិតជាដើរតួនាទីយ៉ាងសំខាន់ណាស់ ក្នុងការថែរក្សានូវដើមឈើសន្តិភាព ដែលវីរៈជនយើងបានបូជា លះបង់អាយុជីវិត ដើម្បីសន្តិភាពនេះ ជូនដល់យើងជាអ្នកជំនាន់ក្រោយ។ ហេតុដូច្នេះ យើងជាយុវជនជំនាន់ក្រោយ ត្រូវតែមានកាតព្វកិច្ចចូលរួមថែរក្សាសន្តិភាពដែលបានមកយ៉ាងលំបាកនេះ ឱ្យខាងតែបាន។ ក្នុងនាមជាយុវជនខ្មែរ ត្រូវតែស្រឡាញ់ជាតិមាតុភូមិ និងមានមោទនភាពចំពោះជាតិសាសន៍ខ្លួន ទទួលស្គាល់ពង្សាវតារ…

សវនាការនេះ អាចចាត់ទុកថាជាសវនាការជាសាធារណៈចុងក្រោយរបស់មេដឹកនាំខ្មែរក្រហម ថ្លែងទៅកាន់តុលាការ និងជនរួមជាតិ ជាពិសេសរងគ្រោះទាំងឡាយ ធ្វើឡើងដោយអង្គជំនុំជម្រះវិសាមញ្ញក្នុងតុលាការកម្ពុជា ឬ សាលាក្តីខ្មែរក្រហម។ អ្វីជាការកត់សម្គាល់ សម្តីចុងក្រោយរបស់មេដឹកនាំនៃរបបប្រល័យពូជសាសន៍ ដែលធ្វើឱ្យប្រជាជនខ្មែរស្លូតត្រង់បាត់បង់ជីវិតជាង ៣ លាននាក់ ក្រោមកណ្តាប់ដៃរបស់ខ្លួននោះ គឺជនជាប់ចោទបានបង្ហាញនូវភាពកំសាកក្នុងការទទួលកំហុស។ ខៀវ សំផន មិនត្រឹមតែមិនបាននិយាយសុំទោស និងបង្ហាញការទទួលខុសត្រូវប៉ុណ្ណោះទេ ប៉ុន្តែមេដឹកនាំរូបនេះ បានច្រានចោលរាល់ការចោទប្រកាន់របស់តុលាការថែមទៀតផង។ ការមិនសុំទោសរបស់មេដឹកនាំរូបនេះ មានន័យថា មិនទទួលស្គាល់កំហុស មិនទទួលស្គាល់របបប្រល័យពូជសាសន៍នៅក្នុងប្រទេសកម្ពុជា គឺស្មើនឹងកម្ពុជាគ្មានរបបកម្ពុជាប្រជាធិបតេយ្យ ឬរបបខ្មែរក្រហម។ សច្ចភាពនៃរបបប្រល័យពូជសាសន៍ នៅតែជាសច្ចធម៌ប្រវត្តិសាស្ត្រ ដែលដក់ជាប់នៅក្នុងចិត្តប្រជាពលរដ្ឋខ្មែររាប់លាននាក់ ដែលបានរស់រៀនមានជីវិតពីរបបដ៏ខ្មៅងងឹតនេះ។ ដ្បិតមានការមិនទទួលស្គាល់កំហុស ដែលខ្លួន និងបក្ខពួករបស់ខ្លួនបានប្រព្រឹត្តលើប្រជាជនកម្ពុជាដ៏ស្លូតត្រង់ក៏ដោយ ប៉ុន្តែសច្ចធម៌ប្រវត្តិសាស្រ្ដនេះ គឺមិនត្រូវបានបំភ្លេច បំភ្លើស និងបំផ្លាញបានឡើយ៕ #ប្រវត្ដិសាស្រ្ដកម្ពុជា #ក្អែកខ្មៅ #មេដឹកនាំខ្មែរក្រហម #ខៀវសំផន Facebook Page: Black-CrowTelegram Channel

ដងស្រង់ចេញពីសៀវភៅ ៖ កុមារដ្ឋាន ម៉ម សុទ្ធ ១៩៥២ #បទកាកគតិ#សត្វឈ្លូស#ក្អែកខ្មៅ Facebook Page: Black-CrowTelegram Channel

ចូលរួមឆ្លើយសំណួរទាំងអស់គ្នា ដើម្បីទទួលបានចំណេះដឹង ! អ្នកទាំងអស់គ្នាអាចធ្វើការចូលរួមឆ្លើយនូវសំណួរបានតាមរយៈ តំណភ្ជាប់ទៅកាន់គណនីហ្វេសប៊ុករបស់យើងខ្ញុំ ដែលមានដាក់ជូននៅខាងក្រោមបាន។ #ប្រវត្ដិសាស្រ្ដកម្ពុជា #នយោបាយឈ្នះឈ្នះ Facebook Page: Black-CrowTelegram Channel

សូមធ្វើការទំនាក់ទំនងមកកាន់យើងខ្ញុំ ក្អែកខ្មៅ – BLACK CROW ឱ្យបានមុខថ្ងៃទី១០ ខែកញ្ញា ឆ្នាំ២០២១ នេះ ដើម្បីទទួលរង្វាន់។ #ប្រវត្ដិសាស្រ្ដកម្ពុជា#ក្អែកខ្មៅ#នយោបាយឈ្នះឈ្នះ Facebook Page: Black-CrowTelegram Channel

បន្ទាប់ពីក្តោបក្តាប់អំណាចទាំងស្រុង ខ្មែរក្រហមចាប់ផ្តើមជម្លៀសប្រជាជនចេញពីទីក្រុង ឬទីប្រជុំជននានា ឱ្យទៅរស់នៅ និងធ្វើការងារនៅទីជនបទចុងកាត់មាត់ញក។ ខ្មែរក្រហមដែលតែងតែឃោសនាថា នឹងដឹកនាំប្រទេសឱ្យប្រជាជនរស់នៅដោយស្មើភាព គ្មានអ្នកមាន គ្មានអ្នកក្រ គឺរស់នៅដោយគ្មាននរណាជិះជាន់នរណាឡើយ។ ប៉ុន្តែ ផ្ទុយមកវិញ បន្ទាប់ពីគ្រប់គ្រងប្រទេសទាំងស្រុង មេដឹកនាំខ្មែរក្រហមបានបែងចែកវណ្ណៈសង្គមរួចជាស្រេច គឺប្រជាជនមូលដ្ឋាន និងប្រជាជនថ្មី ដែលអ្នកទាំងនោះមានសិទ្ធិសេរីភាព និងការរស់នៅគឺខុសគ្នាស្រឡះ។ ខ្មែរក្រហម បានបំបាត់ចោលនូវសិទ្ធិរស់នៅជាឯកជន ឬគ្រួសារ ជាពិសេស បានបង្ខំបំបែកក្រុមគ្រួសារនីមួយៗឱ្យទៅធ្វើការនៅកន្លែងទីទៃពីគ្នា រាប់ចាប់ពីមនុស្សចាស់ ដល់កុមារ។ មេដឹកខ្មែរក្រហម ព្រោះតែងប់ងល់នឹងមនោគមន៍វិជ្ជាកុម្មុយនីស្តជ្រុលហួសហេតុ ជាមួយនឹងភាពក្រអឺតក្រទមនៃជ័យជម្នះរបស់ខ្លួនផងនោះ។ ក្រុមមេដឹកនាំខ្មែរក្រហមបានសម្រេចដឹកនាំប្រទេសឱ្យក្លាយជាកុម្មុយនីស្តភ្លាមៗ ដោយមិនចាំបាច់ឆ្លងកាត់ដំណាក់កាលសង្គមនិយម ដែលខ្លួនហៅថា មហាលោតផ្លោះ! មហាអស្ចារ្យ! ហើយធ្វើឱ្យលើសពីគ្រូដើមរបស់ខ្លួនទៅទៀត ដោយផ្ដើមមកជាមួយនឹងផែនការ៤ឆ្នាំ នៃការកសាងប្រទេសផង។ ជាលទ្ធផល ការអនុវត្តនូវផែនការដ៏ឆ្កួតលេលានេះ បានធ្វើឱ្យប្រជាជនរាប់លាននាក់ បានស្លាប់ និងរស់នៅរងទុក្ខវេទនា ដ្បិតធ្វើការហួសកម្លាំង គ្មានអាហារបរិភោគគ្រប់គ្រាន់ និងឈឺគ្មានថ្នាំព្យាបាល។ល។ #ប្រវត្ដិសាស្រ្ដកម្ពុជា#ក្អែកខ្មៅ#នយោបាយឈ្នះឈ្នះ Facebook Page: Black-CrowTelegram Channel

នេះគឺជាចំណុចសំខាន់បំផុតដែលផ្ដល់នូវអាទិភាពដល់អ្នកដែលផ្ដាច់ខ្លួនចេញពីរបបខ្មែរក្រហម ដែលពួកគេត្រូវទទួលបានការគាំពារទាំងរូបរាងកាយ និងសតិអារម្មណ៍ ដោយរដ្ឋាភិបាលសន្យាថានឹងមិនធ្វើទុក្ខបុកម្នេញ មិនដាក់ទណ្ឌកម្ម មិនចាប់ដាក់គុក និងសម្លាប់នោះឡើយ៕ #ប្រវត្ដិសាស្រ្ដកម្ពុជា#ក្អែកខ្មៅ#នយោបាយឈ្នះឈ្នះ Facebook Page: Black-CrowTelegram Channel