ព្រៃគឺជាមូលដ្ឋានទ័ពលាក់ខ្លួនរបស់អតីតទ័ពព្រៃខ្មែរក្រហម ហើយក៏ជាសមរភូមិដ៏ក្តៅមួយ ប៉ុន្តែបច្ចុប្បន្នក្រោមម្លប់នៃសន្តិភាព ព្រៃដែលធ្លាប់ជាមូលដ្ឋានលាក់ខ្លួន និងតស៊ូរបស់ទ័ពព្រៃខ្មែរក្រម បានក្លាយជាទីកម្សាន្តបែបទេសចរណ៍ផ្សងព្រេងធម្មជាតិរបស់ទេសចរជាតិ និងអន្តរជាតិ។ ពីទីកន្លែងដែលប្រជុំគ្នារៀបផែនការប្រយុទ្ធ មកជាទីកន្លែងជួបជុំជាមួយគ្រួសារ មិត្តភ័ក្តិ បោះតង់ អាំងសាច់ ច្រៀងលេងកម្សាន្តដោយក្តីរីករាយ។ ព្រៃលែងជាទីគួរឱ្យភ័យខ្លាចទៀតហើយ ប៉ុន្តែបានក្លាយជាទីកន្លែងដែលនាំភាពស្រស់ស្រាយដល់អ្នកទេសចរជាមួយនឹងទេសភាពស្រស់បំព្រង លាយឡំនឹងសំឡេងសត្វយំដូចជាតន្ត្រីបំពេរអារម្មណ៍។ #សច្ចធម៌ប្រវត្ដិសាស្រ្ដ #ព្រះរាជាណាចក្រកម្ពុជា #ប្រវត្ដិសាស្រ្ដខ្មែរ #ម្លប់សន្ដិភាព #ព្រៃ #ទេសចរណ៍ #ដំណើរកម្ពុជា #ដំណើរកម្សាន្ដ #សង្រ្គាម Facebook Page: សច្ចធម៌ប្រវត្ដិសាស្រ្ដ Telegram Channel

ក្តីស្រឡាញ់មានច្រើនសណ្ឋាន ដូចជា ក្តីស្រឡាញ់រវាងឪពុកម្តាយចំពោះកូន ក្តីស្រឡាញ់រវាងប្តីប្រពន្ធ ក្តីស្រឡាញ់រវាងមិត្តភ័ក្តិ ឬក្តីស្រឡាញ់រវាងថ្នាក់ដឹកនាំប្រទេស និងប្រជាជន។ ប៉ុន្តែ ក្តីស្រឡាញ់រវាងថ្នាក់ដឹកនាំប្រទេស និងប្រជាជន មិនត្រូវបានមើលឃើញនៅក្នុងរបបយង់ឃ្នងខ្មែរក្រហមឡើយ។ មេដឹកនាំរបបតិរច្ឆានមួយនេះ តែងតែពោលថាអ្វីៗគ្រប់យ៉ាងធ្វើដើម្បីប្រជាជន និងជាតិ។ ផ្ទុយទៅវិញ បនឃាតកទាំងអស់នេះ ជាក្រុមប្រឆាំងនឹងក្តីស្រឡាញ់ ព្រោះក្នុងរបបនោះគ្មាននរណាម្នាក់អាចបង្ហាញនូវក្តីស្រឡាញ់ចំពោះគ្រួសារ ឬមនុស្សជាទីស្រឡាញ់ឡើយ សូម្បីតែសម្រក់ទឹកភ្នែកចំពោះមុខសពសមាជិកគ្រួសាររបស់ខ្លួន ក៏ត្រូវចាត់ទុកថាក្បត់នឹងអង្គការ ជាប់កម្អែលសង្គមចាស់។ យើងគ្មានសិទ្ធិសូម្បីតែយំ ឬសើចសប្បាយ។ ប្រជាជនកម្ពុជា បានទទួលនូវក្តីស្រឡាញ់ឡើងវិញបន្ទាប់ពីរបបទមិឡនេះរលំរលាយនៅឆ្នាំ១៩៧៩។ ស្នាមញញឹម និងភាពកក់ក្តៅ ត្រូវបាននាំមកជូនប្រជាជនកម្ពុជាវិញ ដោយបិតាស្ថាបនិកនៃសន្តិភាពសម្តេចតេជោ ហ៊ុន សែន។ សន្តិភាពដ៏យូរអង្វែងរបស់ប្រទេសកម្ពុជាបានផ្តល់ឱកាសជាច្រើនដល់ប្រទេស និងប្រជាជន ក្នុងការអភិវឌ្ឍសេដ្ឋកិច្ចសង្គម ការអភិវឌ្ឍធនធានមនុស្ស ការកាត់បន្ថយភាពក្រីក្រ និងការអភិវឌ្ឍជនបទ ឬទីក្រុង។ សន្តិភាពមានតម្លៃជាងអ្វីៗទាំងអស់។ សន្តិភាព គឺជាអ្វីដែលស្រស់ស្អាតបំផុត។ សន្តិភាពផ្តល់ក្តីស្រឡាញ់ ស្នាមញញឹម និងក្តីសង្ឃឹម៕ សច្ចធម៌ប្រវត្តិសាស្រ្ត #ក្អែកខ្មៅ #សង្រ្គាម #ប្រវត្ដិសាស្រ្ដខ្មែរ #ការសិក្សា Facebook Page: សច្ចធម៌ប្រវត្ដិសាស្រ្ដ Telegram Channel

រូបភាពក្មេងប្រុសម្នាក់នេះ បង្ហាញឱ្យឃើញថាពេលដែលស្រុកទេសមានសង្គ្រាម អ្នកមិនមានឱកាសទាល់តែសោះរួមរស់ជួបជុំក្រុមគ្រួសារដោយក្តីរីករាយ អ្នកមិនមានឱកាសសិក្សារៀនសូត្រ អ្វីដែលអ្នកអាចធ្វើបាន គឺកាន់អាវុធប្រយុទ្ធក្នុងសមរភូមិ។ សន្តិភាពនាពេលបច្ចុប្បន្ននេះ បាននាំមកនូវស្នាមញញឹមសុខសុភមង្គលគ្រប់ក្រុមគ្រួសារ ហើយការកាន់អាវុធចូលសមរភូមិប្រយុទ្ធពលីជីវិត ត្រូវបានប្តូរមកវិញដោយការកាន់ប៊ិក សៀវភៅចូលសាលារៀនបង្កើនចំណេះវិជ្ជាវិញ។ សច្ចធម៌ប្រវត្តិសាស្រ្ត #ក្អែកខ្មៅ #សង្រ្គាម #ប្រវត្ដិសាស្រ្ដខ្មែរ #ការសិក្សា Facebook Page: សច្ចធម៌ប្រវត្ដិសាស្រ្ដ Telegram Channel