របបយង់ឃ្នងកម្ពុជាប្រជាធិបតេយ្យ ឬស្គាល់ជាទូទៅថា របបខ្មែរក្រហម បានបង្កវិនាសកម្មយ៉ាងធំធេងដល់ប្រជាជន និងប្រទេសកម្ពុជា។ របបតិរច្ឆានខ្មែរក្រហមនេះ បានប្រើប្រាស់នូវប្រព័ន្ធនយោបាយមួយ ដែលគ្មាននរណាម្នាក់ធ្លាប់ជួបប្រទះនោះឡើយក្នុងប្រវត្តិសាស្ត្រ គឺលុបបំបាត់អ្វីៗទាំងអស់ ដែលជាសមិទ្ធផលចាំបាច់របស់មនុស្សលោក ដូចជា មន្ទីរពេទ្យ សាលារៀន វត្តអារាម ហេដ្ឋារចនាសម្ព័ន្ធគ្រប់ប្រភេទ ទ្រព្យសម្បត្តិប្រជាជន ខឿនសេដ្ឋកិច្ច វប្បធម៌ ក៏ដូចជាការអភិវឌ្ឍគ្រប់បែបយ៉ាង។ ជាពិសេស អ្នកដែលរៀនសូត្រចេះដឹង ត្រូវបានកាប់សម្លាប់ដោយគ្មានលើកលែង។ របបខ្មែរក្រហម បាននាំប្រទេសកម្ពុជាត្រឡប់ទៅដល់ចំណុចសូន្យ និងប្រែក្លាយប្រជាជនខ្លួនឯងឱ្យក្លាយជាទាសករ ដោយម្នាក់ៗមានរូបកាយគួរឱ្យខ្លាចដូចជាអសុរកាយ។ របបយង់ឃ្នងខែ្មរក្រហម ប៉ុល ពត នេះ គឺជារបបមួយដែលគ្មានប្រទេសណាមានទេ លើពិភពលោកយើងនេះ។ នៅលើពិភពលោក ទោះបីជាគេប្តូររបបយ៉ាងណាក៏ដោយ ក៏គេថែរក្សានូវទ្រព្យសម្បតិ្ត ហេដ្ឋារចនាសម្ព័ន្ធសាធារណៈ ទ្រពសម្បត្តិរបស់ប្រជាជន ហើយចំពោះអ្នកមានចំណេះវិជ្ជាជ្រៅជ្រះ គឺគេឱ្យតម្លៃ និងថែរក្សាណាស់ ប៉ុន្តែខុសប្លែកតែបនឃាតកខ្មែរក្រហម បានសម្លាប់ចោលទាំងអស់ដោយមិនរើសមុខ។ ក្រោយរបបខ្មែរក្រហមបានរលំរលាយ កម្ពុជាត្រូវចាប់ផ្តើមជីវិតថ្មីពីគំនរផេះផង់ បាតដៃទទេ និងដៃម្ខាងទប់ស្កាត់កុំឱ្យរបបអប្រិយនេះត្រឡប់វិញ ហើយដៃម្ខាងទៀតខិតខំឆ្លងកាត់ឧបសគ្គរាប់រយជំពូកក្នុងការកសាងប្រទេសទម្រាំបានសុខសន្តិភាពជូនប្រជាជន និងប្រទេសជាតិទាំងមូលដូចបច្ចុប្បន្ននេះ។ ហេតុនេះហើយ ទើបការរក្សាការពារនូវសន្តិភាពដែលកម្ពុជាកំពុងតែមានសព្វថ្ងៃ គឺជាកាតព្វកិច្ចចាំបាច់បំផុតរបស់យើងក្នុងនាមប្រជាជនកម្ពុជា។ កម្ពុជាពីអតីតកាលល្បីថាញ៉ាំញ៉ើដោយសង្គ្រាម ជាវាលពិឃាត ជាតំបន់អសន្តិសុខ និងជាចម្ការមីន…

បន្ទាប់ពីខ្មែរក្រហមចូលកាន់កាប់ទីក្រុង និងជម្លៀសប្រជាជនដោយបង្ខំចេញពីក្រុងភ្នំពេញ ប្រជាជន អតីតអ្នករដ្ឋការលន់ នល់ មួយចំនួនបានរត់ភៀសខ្លួនទៅក្នុងស្ថានទូតបារាំង។ ប៉ុន្តែទោះជាយ៉ាងណា អ្នកទាំងនោះមិនមានវាសនារួចខ្លួនឡើយ ខ្មែរក្រហមបានដាក់គំនាបឱ្យស្ថានទូតបារាំងបណ្តេញជនភៀសខ្លួនខ្មែរទាំងអស់ចេញពីស្ថានទូត ហើយអ្នកទាំងនោះក៏ត្រូវបានខ្មែរក្រហមចាប់យកទៅសម្លាប់ភ្លាមៗផងដែរ។ #សច្ចធម៌ប្រវត្ដិ#សច្ចធម៌ប្រវត្ដិសាស្រ្ដ #ព្រះរាជាណាចក្រកម្ពុជា #ក្អែកខ្មៅ #កាន់កាប់ទីក្រុង #ជម្លៀសប្រជាជន #ក្រុងភ្នំពេញ #ប្រជាជន #រដ្ឋការលន់នល់ #ស្ថានទូតបារាំង #ជនភៀសខ្លួន #ខ្មែរក្រហម #កម្ពុជាប្រជាធិបតេយ្យ #ភាពឃោរឃៅ Facebook Page: សច្ចធម៌ប្រវត្ដិសាស្រ្ដ Telegram Channel