ខេត្តរតនគិរី បានបន្តរកឃើញអ្នកឆ្លងជំងឺកូវីដ១៩ ចំនួន ១៨នាក់ ថែមទៀត ក្នុងរយៈពេល ២៤ម៉ោង ចុងក្រោយ នេះ ដែលជាតួលេខឆ្លងកើនឡើងចំនួន ៧នាក់ ធៀបនឹងការរកឃើញកាលពីម្សិលមិញ ។

ខេត្តមណ្ឌលគិរី បានបន្តរកឃើញអ្នកឆ្លងជំងឺកូវីដ១៩ ចំនួន ២៧នាក់ ថែមទៀត ក្នុងរយៈពេល ២៤ម៉ោង ចុង ក្រោយនេះ ដែលជាតួលេខឆ្លងបានថយចុះចំនួន ២នាក់ ធៀបនឹងការរកឃើញពីម្សិលមិញ ។

ខេត្តស្ទឹងត្រែង បានរកឃើញឆ្លងកូវីដ១៩ចំនួន ១៣នាក់ថែមទៀត ក្នុងរយៈពេល២៤ម៉ោង ចុងក្រោយនេះ ។ នេះជាតួលេខឆ្លងថយចុះចំនួន ២នាក់ធៀបនឹងម្សិលមិញ ។ ចំណែកអ្នកដែលទើបរកឃើញឆ្លងកូវីដ១៩ ទាំង ១៣នាក់ នេះ បានកើតឡើងលើពលរដ្ឋរស់នៅក្នុងក្រុងស្ទឹងត្រែងទាំងអស់ ។

ខេត្តក្រចេះបានបន្តរកឃើញអ្នកឆ្លងជំងឺកូវីដ១៩ថ្មីចំនួន៤៩នាក់ នៅក្នុងរយៈពេល២៤ម៉ោងចុងក្រោយ។ យោងតាមរដ្ឋបាលខេត្ត ការឆ្លងថ្ងៃនេះ បានកើតឡើងលើពលរដ្ឋ រស់នៅក្នុងក្រុងក្រចេះ ចំនួន៤២នាក់ ,ស្រុក សំបូរម្នាក់,ស្រុកស្នួលម្នាក់,ស្រុកឆ្លូង ៣នាក់, ស្រុកព្រែកប្រសព្វម្នាក់ និងស្រុកចិត្របុរីម្នាក់។

ខេត្តត្បូងឃ្មុំ បានបន្តរកឃើញអ្នកឆ្លងជំងឺកូវីដ១៩ ចំនួន ៥១នាក់ ថែមទៀត ក្នុងរយៈពេល ២៤ម៉ោង ចុងក្រោយ នេះ ដែលជាតួលេខឆ្លងថយចុះចំនួន ១៣នាក់ ធៀបនឹងម្សិលមិញ ។

ខេត្តព្រៃវែងបានរកឃើញអ្នកឆ្លងជំងឺកូវីដ-១៩ថ្មីចំនួន២៨នាក់និងស្លាប់២នាក់ក្នុងរយៈពេល២៤ម៉ោងចុងក្រោយ។ នេះជាតួលេខឆ្លងកើន៥នាក់ និងតួលេខស្លាប់កើនម្នាក់ទៀតបើប្រៀបធៀបនឹងម្សិលមិញ។

ខេត្តស្វាយរៀង បានបន្តរកឃើញអ្នកឆ្លងជំងឹកូវីដ១៩ ចំនួន ១១នាក់ ថែមទៀត ក្នុងរយៈពេល ២៤ម៉ោង ចុង ក្រោយនេះ ដែលជាតួលេខឆ្លងកើនឡើងចំនួន ៤នាក់ ធៀបនឹងម្សិលមិញ ។

ខេត្តកំពង់ចាមបានរកឃើញអ្នកឆ្លងជំងឺកូវីដ-១៩ថ្មីចំនួន១៦នាក់ ដែលជាតួលេខឆ្លងថយចុះ១៤នាក់បើប្រៀប ធៀបនឹងម្សិលមិញ។ យោងតាមរដ្ឋបាលខេត្តការឆ្លងថ្មីទាំង១៦នាក់ថ្ងៃនេះ រួមមាននៅក្រុងកំពង់ចាមម្នាក់, ស្រុក ជើងព្រៃម្នាក់, ស្រុកព្រៃឈរ៣នាក់, ស្រុកស្ទឹងត្រង់៨នាក់ និងមកពីខេត្តត្បូងឃ្មុំ៣នាក់។ 

ខេត្តឧត្តរមានជ័យបានរកឃើញអ្នកឆ្លងថ្មី២៣នាក់ដែលជាតួលេខឆ្លងថយចុះ៨៥នាក់ប្រៀបធៀបនឹងម្សិលមិញ ។

ខេត្តព្រះវិហារ បានបន្តរកឃើញអ្នកឆ្លងជំងឺកូវីដ១៩ ចំនួន ២៥នាក់ បន្ថែមទៀត ក្នុងរយៈពេល ២៤ម៉ោង ចុង ក្រោយនេះ ដែលជាតួលេខឆ្លងកើនឡើងចំនួន ២១នាក់ ប្រៀបធៀបនឹងការរកឃើញកាលពីម្សិលមិញ ។