ខេត្តមណ្ឌលគិរី ក្នុងរយៈពេល ២៤ម៉ោងចុងក្រោយនេះបានរកឃើញអ្នកឆ្លងកូវីដ១៩ ចំនួន ១០នាក់ ដែលជា តួលេខកើនខ្ពស់ជាងពីម្សិលមិញចំនួន ៧នាក់ ។

ខេត្តរតនគិរី បានរកឃើញអ្នកឆ្លងកូវីដ១៩ ចំនួន ១៦នាក់ ក្នុងរយៈពេល ២៤ម៉ោង ចុងក្រោយនេះ ដែលជា តួលេខឆ្លងកើនខ្ពស់ចំនួន ៩ នាក់ បើធៀបនឹងម្សិលមិញដែលបានរកឃើញអ្នកឆ្លងចំនួន ៧នាក់ ។

ខេត្តបន្ទាយមានជ័យ បានរកឃើញអ្នកវិជ្ជមានកូវីដ១៩ ច្រើនរហូតដល់ ១០៥នាក់ ក្នុងរយៈពេល ២៤ម៉ោង ចុង ក្រោយនេះ ដែលជាតួលេខឆ្លងខ្ពស់ជាងការឆ្លងពីម្សិលមិញចំនួន ១៩នាក់ ។ ខេត្តបន្ទាយមានជ័យ កាលពីម្សិល មិញបានរកឃើញអ្នកឆ្លងកូវីដ១៩ ចំនួន ៨៦នាក់ ។

ខេត្តឧត្តមានជ័យ បានរកឃើញអ្នកឆ្លងកូវីដ១៩ ចំនួន ១២០នាក់ ក្នុងរយៈពេល ២៤ម៉ោងចុងក្រោយនេះ ដែល ជាតួលេខឆ្លងកើនខ្ពស់ជាងចំនួន ៤២នាក់ ធៀបនឹងថ្ងៃម្សិលមិញ ដែលបានរកឃើញអ្នកឆ្លងចំនួន ៧៨ នាក់ ។

ខេត្តសៀមរាប រកឃើញអ្នកវិជ្ជមានជំងឺកូវីដ-១៩ ថ្មី៩១នាក់ និងស្លាប់២នាក់ ក្នុងរយៈពេល២៤ម៉ោងចុង ក្រោយនេះ។ នេះជាតួលេខថយចុះចំនួន ៤នាក់ បើធៀបនឹងម្សិលមិញដែលមានអ្នកឆ្លងចំនួន ៩៥នាក់ ។

កិច្ចប្រជុំពិសេសរវាងរដ្ឋមន្ត្រីការបរទេសអាស៊ាននិងរុស្ស៊ី គ្រោងនឹងប្រព្រឹត្តទៅនៅថ្ងៃទី៦កក្កដាស្អែកនេះដែលពី ភាគីកម្ពុជានឹងអញ្ជើញចូលរួមដោយលោករដ្ឋមន្ត្រីការបរទេសប្រាក់សុខុនតាមប្រព័ន្ធវីដេអូ Conference ។ យោងតាមក្រសួងការបរទេសកម្ពុជាកិច្ចប្រជុំរដ្ឋមន្ត្រីការបរទេសអាស៊ាននិងរុស្ស៊ីថ្ងៃទី៦កក្កដាគឺដើម្បីរំលឹកខួប អនុស្សាវរីយ៍លើកទី២៥ នៃភាពជាដៃគូសន្ទនាអាស៊ាន-រុស្ស៊ី ។

ឧបករណ៍ធ្វើតេស្តរហ័សប្រភេទថ្មីដែលមិនចាំបាច់ប្រើប្រាស់ការត្បាល់ច្រមុះយកសំណាក ត្រូវបានប្រគល់ជួន ក្រុមគ្រូពេទ្យស្ម័គ្រចិត្តយុវជនសម្តេចតេជោ TYDA ។ ឧបករណ៍ធ្វើតេស្តរកវីរុសកូវីដ១៩មួយគ្រឿងដែលអាចធ្វើ តេស្តបានចំនួន១០ម៉ឺនតេស្តម្តងមុននឹងការត្រួតពិនិត្យគុណភាពឡើងវិញនោះ ត្រូវបានក្រុមហ៊ុនពីប្រទេសសឹង្ហបុរី ឈ្មោះ Rectitude Safety Equipment Co.,Ltd. បានប្រគល់ជួននៅថ្ងៃនេះ។

រដ្ឋបាលរាជធានីបានពិចារណាការដាក់ព្យាបាលអ្នកជម្ងឺខ្លះនៅតាមផ្ទះ ទន្ទឹមនឹងតួលេខឆ្លងកូវីដ១៩នៅតែមាន សភាពកើនឡើងមិនទាន់ស្រកចុះ។ តួលេខឆ្លងរយៈពេល៥ថ្ងៃនៃដើមខែកក្កដានេះ ត្រូវគេកត់សម្គាល់ ថាជាតួ លេខកើនខ្ពស់ក្នុងខ្ទង់ជាង៩០០រយៈពេល៤ថ្ងៃជាប់គ្នា និង៨៩៦ករណីនៅថ្ងៃទី៥កក្កដានេះ ដែលនាំឲ្យ រយៈពេល៥ថ្ងៃជាប់គ្នាមកនេះ តួលេខឆ្លងមានចំនួន៤ពាន់៧៩៧នាក់, ចំណែកការព្យាបាលរយៈពេល៥ថ្ងៃដូចគ្នា នោះវិញមានចំនួន៣ពាន់២៤៣នាក់ ដែលមិនសមមាត្រនឹងចំនួនមនុស្សដឹកជញ្ជួនចូលពេទ្យនោះឡើយ។

ប្រទេសអាស៊ានទាំង១០ក្នុងរយៈពេល៧២ម៉ោងចុងក្រោយនេះ ការឆ្លងកូវីដ១៩ មានចំនួន១៥ម៉ឺន៩១៨ករណី និងការស្លាប់ថ្មីមានចំនួន២ពាន់៣៧២នាក់។ កម្ពុជាក្នុងរយៈពេល៧២ម៉ោងចុងក្រោយនេះ មានការឆ្លងថ្មី សរុប ចំនួន ២ពាន់៨៣៧ករណី ក្នុងនោះការឆ្លង២ពាន់៣៦៩ករណី គឺជាការឆ្លងក្នុងសហគមន៍, និង៤៦៨ករណី ទៀត ជាការឆ្លងលើ អ្នកដំ ណើរមកពីក្រៅប្រទេស។ កម្ពុជាក្នុងរយៈពេល៧២ម៉ោងចុងក្រោយនេះ មានការស្លាប់ថ្មី ៨៨នាក់, និងការព្យាបាលជាសះស្បើយថ្មីមានចំនួន១ពាន់៨៧៨នាក់។

ចំនួនអ្នកឆ្លងជំងឺកូវីដ១៩ចូលក្នុងសហគមន៍មិនមានសញ្ញាបង្ហាញការថមថយចុះឡើយ និងចំនួនឆ្លងចូលក្នុង សហគមន៍បានកើនឡើងលើស៥ម៉ឺន១ពាន់នាក់ហើយ។ ការឆ្លងចូលក្នុងសហគមន៍នៅថ្ងៃនេះមានចំនួន៦៨៦ ករណី, ចំណែកការឆ្លងចូលក្នុងសហគមន៍កាលពីម្សិលមិញមានចំនូន៧៧៩ករណី។ ចំនួនមនុស្សដែលបានឆ្លង ក្នុងព្រឹត្តិការណ៍សហគមន៍ ២០កុម្ភៈ រយៈពេល១៣៥ថ្ងៃកន្លងមកនេះ បានកើនឡើងដល់៥ម៉ឺន១ពាន់៨៤៧ នាក់ ហើយ ។