ខេត្តកំពង់ធំ បានរកឃើញអ្នកឆ្លងកូវីដ១៩ ចំនួន ២៥នាក់ ថែមទៀត ក្នុងរយៈពេល ២៤ម៉ោងចុងក្រោយនេះ ដែលជាតួលេខឆ្លងច្រើនជាងម្សិលមិញចំនួន ៣នាក់ ។

ខេត្តកំពង់ឆ្នាំងបានរកឃើញអ្នកឆ្លងកូវីដ១៩ ចំនួន ១៣នាក់និងស្លាប់ម្នាក់នៅថ្ងៃនេះ។ យោងតាមរដ្ឋបាលខេត្ត អ្នកឆ្លងថ្មីនៅថ្ងៃនេះ រួមមានពលរដ្ឋនៅក្នុងក្រុងកំពង់ឆ្នាំង, ស្រុកបរិបូណ៌, ស្រុករលាប្អៀរ ,ស្រុកកំពង់ត្រឡាច និងពលរដ្ឋដែលធ្វើដំណើរមកពី ខេត្ដកណ្ដាល ។ យោងតាមរដ្ឋបាលខេត្ដ អ្នកស្លាប់នោះ គឺជាបុរសអាយុ៤០ឆ្នាំ នៃស្រុកកំពង់ត្រឡាច ។

ខេត្តបាត់ដំបងរកឃើញអ្នកឆ្លងជំងឺកូវីដ-១៩ថ្មីចំនួន៥០នាក់ និងស្លាប់២នាក់ ក្នុងរយៈពេល២៤ម៉ោងចុងក្រោយ។

ខេត្តព្រៃវែងរកឃើញអ្នកឆ្លងជំងឺកូវីដ-១៩ថ្មីចំនួន២៨នាក់ និងស្លាប់២នាក់ ក្នុងរយៈពេល២៤ម៉ោងចុងក្រោយ។ នេះជាតួលេខឆ្លងថយចុះ១៤នាក់បើប្រៀបធៀបនឹងម្សិលមិញ។

ខេត្តស្វាយរៀងរកឃើញអ្នកឆ្លងជំងឺកូវីដ-១៩ថ្មីចំនួន១១២នាក់ និងស្លាប់៣នាក់ ក្នុងរយៈពេល២៤ម៉ោងចុង ក្រោយ។ នេះជាតួលេខឆ្លងខ្ពស់កើនជាងម្សិលមិញចំនួន២៤នាក់។

ខេត្តឧត្តរមានជ័យ បានរកឃើញអ្នកឆ្លងជំងឺកូវីដ១៩ ចំនួន៨៥នាក់ ថែមទៀត ក្នុងរយៈពេល ២៤ម៉ោងចុង ក្រោយនេះ ដែលជាតួលេខថយចុះចំនួន ៣៥នាក់ ធៀបនឹងម្សិលមិញ ដែលបានរកឃើញអ្នកឆ្លងច្រើនរហូតដល់ ១២០នាក់ ។

ខេត្តបន្ទាយមានជ័យ បានរកឃើញអ្នកឆ្លងកូវីដ១៩ថ្មីចំនួន ១០៦នាក់ ថែមទៀត ក្នុងរយៈពេល ២៤ម៉ោង ចុង ក្រោយនេះ ដែលជាតួលេខកើនខ្ពស់ជាងពីម្សិលមិញចំនួនម្នាក់ ។

ខេត្តសៀមរាប បានរកឃើញអ្នកវិជ្ជមានជំងឺកូវីដ១៩ ថ្មីចំនួន១៤៤នាក់ និងមនុស្សស្លាប់ម្នាក់ ក្នុងរយៈពេល២៤ ម៉ោងចុងក្រោយនេះ។ នេះជាតួលេខឆ្លងខ្ពស់កើនជាងម្សិលមិញចំនួន៥៣នាក់។

អគ្គិភ័យមួយក្នុងខណ្ឌនាកណ្តាលរាជធានី បានឆេះឃ្លាំងផ្ទុកសម្ភារៈអាពាហ៍ពិពាហ៍, រថយន្តនិងម៉ូតូជាច្រើន គ្រឿង។ អគ្គិភ័យក្នុងខណ្ឌឫស្សីកែវនៅថ្ងៃទី៦កក្កដានេះ ត្រូវគេបន្ទោសថាដោយសារតែការឆ្លងចរន្តអគ្គិសនី។

រដ្ឋាភិបាលប្រទេសស៊ុយអែត បានសន្យាបន្តជួយឧបត្ថម្ភដំណើរការសាលាក្ដីខ្មែរក្រហមរហូតដល់ចប់សព្វគ្រប់។ ការសន្យានោះធ្វើឡើងដោយឯកអគ្គរាជទូតស៊ុយអែតប្រចាំកម្ពុជា លោក ព្យន់ ហេគម៉ាក Bjorn Haggmak ក្នុង ឳកាសជួបពិភាក្សានិងជម្រាបលារដ្ឋមន្ត្រីក្រសួងការបរទេសកម្ពុជា លោក ប្រាក់ សុខុន កាលពីថ្ងៃទី៥កក្កដា នៅ ក្រសួងការបរទេស។