កម្ពុជាបានស្នើអង្គការសហប្រជាជាតិដាក់បញ្ចូលគោលដៅស្តីពីការបំផ្លាញគ្រាប់មីន និងគ្រាប់មិនទាន់ផ្ទុះចូលក្នុងផែនការអភិវឌ្ឍន៍ចិរភាពរបស់អង្គការសហប្រជាជាតិ។

ប្រមុខរាជរដ្ឋាភិបាលបានប្តេជ្ញាការធ្វើឱ្យប្រទេសដែលធ្លាប់តែមានគ្រាប់មីនច្រើនលានគ្រាប់ នឹងក្លាយជាប្រទេសអស់គ្រាប់មីនវិញ នៅក្នុងរយៈពេល៣ឆ្នាំទៅមុខទៀតនេះ។ ការប្តេជ្ញាចិត្ត នេះបានធ្វើនៅក្នុងពីធីបិទសន្និបាតជាតិប្រារព្ធខួប៣០ឆ្នាំនៃ សកម្មភាពមីននៅកម្ពុជា ក្រោមប្រធានបទ «ផ្តល់ដីសុវត្ថិភាព, បង្កើតស្នាមញញឹម» នាថ្ងៃទី២២ វិច្ឆិកាឆ្នាំ២០២២។ អប្សរាណិតរាយការណ៍

រុស្ស៊ីបានប្រើយុទ្ធសាស្ត្រវាយផ្តាច់ភ្លើង និងទឹកដាក់លើបណ្តាតំបន់ទីប្រជុំជនអ៊ុយក្រែន ដើម្បីបង្ខំឱ្យអ៊ុយក្រែនចូលតុចរចា, ប៉ុន្តែអ៊ុយក្រែនវេលាចុងក្រោយ ត្រូវគេរាយការណ៍ថា បានសម្រេចជ្រើសយកការចរចាលើសមរភូមិវិញ ជាជាងការចរចារកសន្តិភាព។ ភាពមិនត្រូវគ្នានេះ អ្នកដែលកំពុងរងគ្រោះជាបន្ត គឹប្រជាពលរដ្ឋអ៊ុយក្រែន។ លោក ម៉ារ យ៉ារិទ្ធិ រាយការណ៍

ប្រទេសឥណ្ឌូនេស៊ី គឺជាប្រទេសដែលមានតួលេខឆ្លងថ្មីកូវីដ១៩ ច្រើនជាងគេបង្អស់ ក្នុងចំណោមប្រទេសអាស៊ាន ក្នុងរយៈពេល ៧២ម៉ោងកន្លងមកនេះ។ តួលេខឆ្លងនៅឥណ្ឌូណេស៊ីមានចំនួន១ម៉ឺន ៨ពាន់ ២៥៤ករណី ។

តួលេខឆ្លងថ្មីកូវីដ១៩នៅកម្ពុជា ហាក់ដូចជាមានសកម្មភាពកម្រើកសាឡើងវិញ បើទោះបីជាមានករណីតិចតួច។ ក្នុងរយៈពេល៧២ម៉ោងចុងក្រោយនេះ ការឆ្លងមាន១៣ករណី។ យោងតាមក្រសួងសុខាភិបាល កាលពីថ្ងៃសៅរ៍មានការឆ្លងចំនួន៥ករណី, ថ្ងៃអាទិត្យមាន ៤ករណី និងនៅថ្ងៃច័ន្ទនេះ មាន៤ករណីផងទៀត។