មេបញ្ជាការកងទ័ពជើងគោកកម្ពុជាលោកឧត្តមសេនីយ៍ឯកហ៊ុនម៉ាណែត បានថ្លែងដាស់តឿន ដល់សិក្ខាកាមយោធាថ្មីត្រូវព្យាយាមហ្វឹកហាត់ពត់លំដំ ដើម្បីក្លាយជាយោធិនដែលមានអាជីព និងវិជ្ជាជីវៈថ្លៃថ្នូរ។ ប្រសាសន៍ថ្លែងដាស់តឿនរបស់លោកឧត្តមសេនីយ៍ហ៊ុនម៉ាណែត បានធ្វើ ឡើងក្នុងឱកាសអញ្ជើញចូលរួមក្នុងពិធីបិទវគ្គហ្វឹកហ្វឺនយោធាមួយកន្លែងក្នុងខេត្តកំពង់ស្ពឺ។ អប្សរាណិតរាយការណ៍

ពលរដ្ឋខ្មែរទូទាំងប្រទេស បានផ្ទុះកំហឹងសាជាថ្មីក្នុងសប្តាហ៍នេះចំពោះទណ្ឌិតសមរង្ស៊ីដែល បានប្រើពាក្យសម្តីប្រមាថព្រះមហាក្សត្រជាទីគោរពសក្ការៈ។ អប្សរាណិតមានបទអត្ថាធិ ប្បាយមួយក្រោមចំណងជើងថាជនក្បត់ជាតិសម រង្សីកាន់តែក្រពុលមុខ លែងដឹងទិសតំបន់ ហើយ

ចំនួនអ្នកមកពិនិត្យបញ្ជីឈ្មោះនិងការចុះឈ្មោះបោះឆ្នោតក្នុងរយៈពេល៨ថ្ងៃបន្តបន្ទាប់ជាប់គ្នាមកនេះបានកើនដល់ជាង១១ម៉ឺននាក់ហើយ។ ដោយឡែកការពិនិត្យបញ្ជីឈ្មោះនិងការចុះ ឈ្មោះបោះឆ្នោតក្នុងរយៈពេល២៤ម៉ោងមកនេះមានចំនួនជាង៩ពាន់នាក់។

ធនាគារអភិវឌ្ឍន៍អាស៊ី ADB បានសន្យាផ្តល់កម្ចីហិរញ្ញប្បទាន ៤០០លានដុល្លារបន្ថែម ទៀត ដល់ប្រទេសកម្ពុជា។ ប្រាក់សន្យាកម្ចី៤០០លានដុល្លារនេះ គឺជាប្រាក់បន្ថែមពីលើ ៤៨០លានដុល្លារ ដែលបានឯកភាពរួចហើយ សម្រាប់ឆ្នាំ២០២៣ និង២០២៤ ដោយសារតែ ធនាគារអភិវឌ្ឍន៍អាស៊ី ADB បានវាយតម្លៃល្អចំពោះកម្ពុជាក្នុងដំណើរការអភិវឌ្ឍន៍ប្រទេស។

កម្ពុជា-ចិន បានចុះអនុស្សារណៈយោគយល់គ្នា ក្នុងការជំរុញការនាំចេញសំបុកត្រចៀកកាំ ចូលក្នុងទីផ្សារក្នុងប្រទេសចិន ។ ការចុះអនុស្សារណៈយោគយល់គ្នានេះ ធ្វើឡើងនៅថ្ងៃទី២៧ ខែតុលា ឆ្នាំ២០២២ នៅក្នុងទីក្រុងសៀមិន រវាងប្រធានមជ្ឈមណ្ឌលពាណិជ្ជកម្មឯកជនកម្ពុជា លោក ហ្សេង យ៉ូមីន និងរដ្ឋលេខាធិការក្រសួងពាណិជ្ជកម្ម លោកឈួន ដារ៉ា។ មន្ត្រី ក្រសួង ពាណិជ្ជកម្មកម្ពុជា បានថ្លែងថាការចុះអនុស្សារណៈយោគយល់គ្នានេះ គឺជាជំហានទីមួយ ក្នុង ការបើកផ្លូវនាំចេញសំបុកត្រចៀកកាំរបស់កម្ពុជា ទៅកាន់ប្រទេសចិន។

ក្រសួងការពារជាតិនៃប្រទេសកម្ពុជាត្រៀមរៀបចំយកឆ្អឹងអតីតយុទ្ធជនតស៊ូចំនួន៤៩រូបនៃ កងកម្លាំងប្រដាប់អាវុធសាមគ្គីសង្គ្រោះជាតិមកតំកល់រក្សាទុកលើទឹកដីនៃប្រទេសកម្ពុជាវិញ។បច្ចុប្បន្នអដ្ឋិធាតុយុទ្ធជនតស៊ូ៤៩នាក់ដែលបានពលិក្នុងអតីតកាលសង្គ្រាមនៃសម័យធ្វើការ តស៊ូរំដោះជាតិ ត្រូវបានរក្សាទុកក្នុងវិមានអនុស្សាវរីយ៍មួយនៅក្នុងឃុំឡុងយ៉ាវ ស្រុកឡុងខាញ់ ខេត្តដុងណាយ។

អគ្គនាយកដ្ឋានពន្ធដារ បានប្តេជ្ញាការប្រមូលចំណូលពន្ធដាសម្រាប់ឆ្នាំ២០២៣ត្រូវតែប្រមូល ឱ្យបានច្រើនក្នុងកំណើន២៦.៧ភាគរយ ខណៈការប្រមូលពន្ធដាក្នុងឆ្នាំនេះ បានកើនលើស ពី ផែនការកំណត់រួចទៅហើយ។ ការប្តេជ្ញានេះ បានធ្វើឡើងនៅក្នុងកិច្ចប្រជុំគណរដ្ឋ មន្ត្រីថ្ងៃទី ២៨តុលាឆ្នាំ២០២២ដោយអគ្គនាយកដ្ឋានពន្ធដារលោកគង់វិបុល។

គណរដ្ឋមន្ត្រីបានអនុម័តសេចក្តីព្រាងច្បាប់ថវិកាឆ្នាំ២០២៣ដែលមានទំហំជាង៣៩ទ្រីលាន រៀល ឬស្មើនឹងប្រមាណ៩ពាន់៦០០លានដុល្លារអាមេរិក។ ទំហំថវិកាសម្រាប់ឆ្នាំ២០២៣នោះ ត្រូវគេរាយការណ៍ថាមានទំហំកើន១៣ភាគរយបើប្រៀបធៀបនឹងឆ្នាំមុន។ មន្ត្រីរាជរដ្ឋាភិបាល បានថ្លែងថាទំហំចំណាយនេះ គឺស្មើនឹង២៩.៨៧% នៃផលិតផលក្នុងស្រុកសរុបរបស់កម្ពុជា។

សម្តេចតេជោហ៊ុនសែន នឹងអញ្ជើញចូលរួមក្នុងពិធីចែកស្រូវពូជដល់ពលរដ្ឋក្នុងខេត្តកំពង់ធំ វេលាថ្ងៃទី២៩តុលាស្អែកនេះ ដែលជាដំណើរទស្សនកិច្ចបន្តចុះសាកសួរសុខទុក្ខពលរដ្ឋដែល រងគ្រោះដោយសារជំនន់ទឹកភ្លៀង។