ការពិនិត្យបញ្ជីឈ្មោះ និងការចុះឈ្មោះបោះឆ្នោតថ្មីបានឈានចូលដល់ថ្ងៃទី៦ហើយ ។ សេចក្តីរាយការណ៍បានបង្ហាញថាក្នុងរយៈពេល២៤ម៉ោងចុងក្រោយនេះ ពលរដ្ឋដែលបាន មកចុះបញ្ជីឈ្មោះមានចំនួន១ម៉ឺន៣ពាន់១០២នាក់ ដែលនាំឲ្យ ចំនួនអ្នកមកចុះឈ្មោះក្នុង រយៈពេល៦ថ្ងៃមកនេះ បានកើន ដល់ជាង៩ម៉ឺននាក់ហើយ។ ការពិនិត្យបញ្ជីឈ្មោះ និងការ ចុះឈ្មោះបោះឆ្នោតរយៈពេល៥០ថ្ងៃ បានចាប់ផ្តើម តាំងពីថ្ងៃទី ២០ខែតុលា និងគ្រោងបញ្ចប់ នៅថ្ងៃទី៨ខែធ្នូឆ្នាំ២០២២។

ប្រេសិតពិសេសរបស់ប្រធានអាស៊ានស្តីពីមីយ៉ាន់ម៉ា លោករដ្ឋមន្ត្រីប្រាក់សុខុន កំពុងស្ថិត ក្នុងរដ្ឋធា នីហ្សាកាតានៃប្រ ទេសឥណ្ឌូណេស៊ីដើម្បីដឹកនាំកិច្ចប្រជុំពិសេសរបស់រដ្ឋមន្រ្តីការបរ ទេស អាស៊ាន។ លោកប្រាក់សុខុនដែលជាឧបនាយករដ្ឋមន្ត្រី្កកម្ពុជា បានចាកចេញពីរាជធានី ភ្នំពេញនៅថ្ងៃនេះ ដើម្បីកិច្ចប្រជុំដែលនឹងត្រូវធ្វើនៅថ្ងៃទី២៧តុលា។

សម្តេចតេជោហ៊ុនសែនបានស្ថិតនៅក្នុងខេត្តកំពង់ឆ្នាំងថ្ងៃទី២៦តុលាឆ្នាំ២០២២ដែលជាខេត្ត មានពលរដ្ឋប៉ះពាល់ដោយសារជំនន់ទឹកភ្លៀងចំនួន៥ស្រុកស្មើនឹងជាង៣ពាន់៤០០គ្រួសារ។

កម្ពុជាក្នុងសប្ដាហ៍ទៅមុខនេះ ខ្យល់បានប្ដូរទិសជាបណ្តើរៗហើយ ខណៈភ្លៀងនៅតែបន្ដធ្លាក់ ក្នុងកម្រិតពីតិច ទៅមធ្យម ។ យោងតាមការព្យាករបស់ក្រសួងធនធានទឹកនិងឧតុនិយម រវាងពីថ្ងៃទី២៦ ខែតុលា រហូតដល់ ថ្ងៃទី១ ខែវិច្ឆិកា មូលហេតុដែលបណ្ដាលឱ្យមានអាកាស ធាតុប្រែប្រួលនេះ គឺដោយសារ កម្ពុជាទទួល រងនូវឥទ្ធិពលទ្រនុងសម្ពាធខ្ពស់ពីភាគខាងជើង ប្រទេសចិន ដែលបានលាតសន្ធឹងចុះមកក្រោម ប្រសព្វនិងសម្ពាធ ទាបពីសមុទ្រចិនខាងត្បូង ។

ការផាកពិន័យពុំត្រឹមត្រូវ និងមិនចេញវិក្កយបត្រ បានជម្រុញឱ្យស្នងការដ្ឋាននគរបាលរាជធានីពិន័យមន្ត្រីចរាចរណ៍នៅតាមគោលដៅនោះ។

តួលេខស្លាប់ដោយសារកូវីដ១៩ក្នុងប្រទេសអាស៊ានរយៈពេល២៤ម៉ោងចុងក្រោយនេះ មានចំនួន ៧០នាក់។ តួលេខឆ្លងមានចំនួន ៩ពាន់ ៦៣៩ករណី។ ប្រទេសសឹង្ហបុរី គឺជា ប្រទេសដែលមានករណីឆ្លងកូវីដ១៩ថ្មីច្រើនជាងគេបំផុត ។ អប្សរាណិតរាយការណ៍

តួលេខឆ្លងកូវីដ១៩របស់កម្ពុជា បានបាត់ទាំងស្រុងរយៈពេល៥ថ្ងៃជាប់គ្នារួចមកហើយក្នុង ចំណាត់ការទប់ស្កាត់ដល់មានប្រសិទ្ធភាពបំផុតរបស់រាជរដ្ឋាភិបាលកម្ពុជា។ សម្តេចតេជោ ហ៊ុនសែន បានមានប្រសាសន៍បញ្ជាក់នៅថ្ងៃទី២៥តុលានេះ ប្រាប់ពលរដ្ឋក្នុងពិធីចែកពួជស្រូវ ដល់ប្រជាកសិកររងគ្រោះនៅក្នុងខេត្តពោធិ៍សាត់។

សម្តេចតេជោហ៊ុនសែន បានថ្លែងប្តេជ្ញាបំរើនិងការពារប្រជាជននិងការជួយអភិវឌ្ឍន៍ប្រទេស កាន់តែរុងរឿងថែមទៀត។