ប្រជាពលរដ្ឋជិត២៥០គ្រួសារ ដែលរងគ្រោះដោយសារជំនន់ទឹកភ្លៀង ក្នុងខេត្តព្រះវិហារ ទទួលបានអំណោយសង្គ្រោះបន្ទាន់ ពីរាជរដ្ឋាភិបាល។ ការចែកជូននូវ អំណោយសង្គ្រោះ បន្ទាន់ដល់ពលរដ្ឋរងគ្រោះនេះ បានធ្វើឡើងនៅក្នុងឃុំចំនួន២ គឺឃុំតស៊ូ និងឃុំពុទ្រា នៃស្រុក ជ័យសែន នាថ្ងៃទី១៣តុលា នេះ ។ អប្សរាណិតរាយការណ៍

សម្តេចតេជោ ហ៊ុន សែន បានថ្លែងបញ្ជាក់ប្រាប់ពលរដ្ឋខ្មែរត្រូវបន្តប្រុងប្រយ័ត្ននូវភាពប្រែប្រួល អាកាសធាតុដែលបង្កនូវគ្រោះមហន្តរាយដល់អាយុជីវិត និងសម្តេចបានអំពាវនាវពលរដ្ឋត្រូវ បន្តរក្សាការពារខ្លួនជាប់ជានិច្ច។

ជនបរទេសចំនួន១៥៧នាក់ ត្រូវបានបណ្ដេញចេញពីប្រទេសកម្ពុជា ក្រោយចាប់ខ្លួនពីបទឆ្លង ដែននិងស្នាក់នៅខុសច្បាប់ ។ សេចក្ដីប្រកាសព័ត៌មានរបស់នាយកដ្ឋានអន្តោប្រវេសន៍ថ្ងៃនេះ បានឲ្យដឹងថាការបណ្តេញនេះបានធ្វើកាលពីថ្ងៃទី១១និង១២តុលាឆ្នាំ២០២២ក្នុងនោះរួមមានស្រី២៦នាក់។

រដ្ឋមន្ត្រីការពារជាតិនៃអង្គការណាតូ បានសម្រេចផ្តល់អាវុធជាច្រើនថែមទៀតដល់អ៊ុយ ក្រែន ក្នុងនោះរួមមានទាំងប្រព័ន្ធអាវុធការពារដែនអាកាសដើម្បីជួយការពារដែនផ្ទៃអ៊ុយក្រែនចៀស រួចផុតពីការវាយប្រហារផ្លូវអាកាសរបស់រុស្ស៊ី។ អង្គការណាតូ កំពុងប្រើយុទ្ធសាស្ត្របង្កើន កម្លាំងទ្វេដងដល់អ៊ុយក្រែន ខណៈដែលរុស្ស៊ីបានបង្កើនការវាយប្រហារដោយអាវុធមីស៊ីល ទំនើបដាក់លើអ៊ុយក្រែនក្នុងសប្តាហ៍នេះ។ លោក ម៉ារ យ៉ារិទ្ធិ រាយការណ៍

រាជធានីភ្នំពេញ និងទីក្រុងឡាណាកា Larnaca នៃប្រទេសស៊ីប (Cyprus) បានចុះហត្ថលេខា ជាមួយគ្នាដើម្បីការលើកស្ទួយចំណងមិត្តភាព និងកិច្ចសហប្រតិបត្តិការរវាងគ្នា។ ទីក្រុង ឡាណាកា គឺជាទីក្រុងមួយនៃទ្វីបអឺរ៉ុបស្ថិតក្នុងប្រទេសស៊ីប ដែលជាប្រទេសដ៏តូចមួយមាន ពលរដ្ឋប្រមាណជាង១លាន២សែននាក់តែប៉ុណ្ណោះ។

កម្ពុជានិងវៀតណាមបានពិភាក្សាគ្នាលើការតភ្ជាប់ផ្លូវហាយវ៉េអាស៊ាន ក្នុងឳកាសដែលកម្ពុជា កំពុងតែជម្រុញបង្កើនលើវិស័យទេសចរណ៍។ អប្សរាណិតធ្វើសេចក្តីរាយការណ៍

កម្ពុជាបានកំណត់ទិសដៅបង្កើនចំនួនទេសចរណ៍ ក្នុងនោះនឹងគ្រោងឱ្យមាន ទេសចរវៀត ណាមចំនួន៧០ម៉ឺននាក់នៅឆ្នាំ២០២៣ និងរហូតដល់ឆ្នាំ២០២៤ នឹងកើនដល់ ចំនួន១លាន នាក់។

ស្ថាប័នរដ្ឋសភាត្រៀមនឹងបើកកិច្ចប្រជុំពេញអង្គនៅថ្ងៃសុក្រស្អែកនេះហើយ ដើម្បីធ្វើការបោះ ឆ្នោតផ្តល់សេចក្តីទុកចិត្តដល់យុវជននៃទំពាំងស្នងឫស្សីថ្មីមួយរូបគឺលោកឌិត ទីណា ក្នុងការ ក្លាយជារដ្ឋមន្ត្រីនៃក្រសួងកសិកម្ម រុក្ខាប្រមាញ់និងនេសាទ។

កម្ពុជាបានចូលរួមជាមួយនឹងពិភពលោកក្នុងការបោះឆ្នោតគាំទ្រក្នុងអង្គការសហប្រជាជាតិ ថ្កោលទោសរុស្ស៊ីដែលបានធ្វើប្រជាមតិតំបន់៤ភាគកើតអ៊ុយក្រែនជាតំបន់រណបរបស់ខ្លួន។

កិច្ចប្រជុំក្រុមប្រឹក្សាសហគមន៍សង្គម-វប្បធម៌អាស៊ានលើកទី២៨ បានបញ្ចប់ទៅ នារសៀលថ្ងៃដដែលនេះ ជាមួយនឹងសេចក្តីប្រកាសព័ត៌មានមួយស្តីពីលទ្ធផល។ សេចក្តីប្រ កាសព័ត៌មាន២ទំព័រ បានសរសេរថាអង្គប្រជុំបានឯកភាពលើរបាយការណ៍វាយតម្លៃរបស់ សហគមន៍សង្គម-វប្បធម៌អាស៊ាន ដែលត្រូវបានរៀបចំឡើងបន្ទាប់ពីបេសកកម្មស្វែងរកការ ពិតដែលបានធ្វើឡើងក្នុងខែកក្កដាឆ្នាំ២០២២ស្តីពីសំណើបេក្ខភារបស់ប្រទេសទីម័រខាងកើត ចូលជាសមាជិកអាស៊ាន។