ប្រទេសសឹង្ហបុរី គឺជាប្រទេសដែលមានករណីឆ្លងថ្មីច្រើនជាងគេបំផុតក្នុងអាស៊ាន នារយៈ ពេល ២៤ម៉ោងចុងក្រោយនេះ។ ប្រទេសអាស៊ានថ្ងៃនេះ មានការឆ្លងមានចំនួន ១ម៉ឺន ៨៣៥ករណី និងការស្លាប់ថ្មីមានចំនួន ៥៩នាក់ ។ អប្សរាណិតរាយការណ៍ជុំវិញការឆ្លងក្នុងប្រទេសទាំង១០ ក្នុងរយៈពេល ២៤ម៉ោងចុងក្រោយ

តួលេខឆ្លងថ្មីនៃជម្ងឺកូវីដ១៩ ក្នុងរយៈពេល ២៤ម៉ោងចុងក្រោយនេះ នៅកម្ពុជា មានចំនួនតែ ១ករណី ប៉ុណ្ណោះ ដែលថយចុះ ៨ករណី បើធៀបនឹងម្សិលមិញ ។ អ្នកឆ្លងកូវីតម្នាក់ នៅថ្ងៃនេះ គឺជាការឆ្លងនៅក្នុងសហគមន៍ ។

តម្លៃប្រេងសាំងនៅដដែលប៉ុន្តែតម្លសប្រេងម៉ាស៊ូតបានកើនឡើងវិញ សម្រាប់ក្នុងការលក់ រយៈពេល១០ថ្ងៃខាងមុខ នេះ ។ យោងតាមក្រសួងពាណិជ្ជកម្ម តម្លៃប្រេងឥន្ធនៈ សម្រាប់ការ លក់ រវាងពីថ្ងៃទី១១ រហូតដល់ ថ្ងៃទី២០ ខែតុលា ឆ្នាំ២០២២នេះ គឺប្រេងសាំងធម្មតា មានតម្លៃ ៤ពាន់២៥០រៀលក្នុង១លីត្រ ដែលតម្លៃនេះ គឺនៅថេរ បើធៀបទៅការលក់រយៈពេល១០ ថ្ងៃមុន។ ចំណែក ប្រេងម៉ាស៊ូតថ្លៃ៥ពាន់១៥០រៀល ក្នុង១លីត្រ ដែលតម្លៃនេះ បានកើនឡើង មកវិញ ចំនួន៤៥០រៀល បើធៀបទៅនឹងការលក់រយៈពេល១០ ថ្ងៃមុន។

ខេត្តកំពង់ឆ្នាំងបានជួនដំណឹងថាការរៀបចំពិធីប្រណាំងទូកចែវ,ទូកអុំ ក្នុងឱកាសបុណ្យអុំទូក អកអំបុក សំពះព្រះខែ នឹងប្រព្រឹត្តទៅតាមគំរោងនាខែវិច្ឆិកាខាងមុខនេះ។ យោងតាមមន្ដ្រី ខេត្ដ ពីធីប្រណាំងទូកនេះ នឹងរៀបចំធ្វើ នៅផែដើមពោធិទន្លេផ្សារក្រោម ។ អប្សរាណិតរាយការណ៍

ជំនន់ទឹកភ្លៀងក្នុងខេត្តបន្ទាយមានជ័យ បានបនុ្តលិចតាមកន្លែងដទៃទៀត ខណៈដែលទឹក ភ្លៀងនៅមិនទាន់បានថមថយនៅឡើយទេ។ ជំនន់ទឹកភ្លៀង បានលិចទីទួលមួយដែលមាន ពលរដ្ឋជាង១០០គ្រួសារកំពុងរស់នៅស្ថិតនៅក្នុងស្រុកមង្គលបុរី។ អប្សរាណិតរាយការណ៍

ការព្យាករណ៍មួយសប្តាហ៍ទៅមុខទៀតនេះ បានបង្ហាញថាភ្លៀងនឹងបន្តធ្លាក់ប៉ុន្តែមិនច្រើន ដូចសប្តាហ៍មុននោះទេ។ យោងតាមការព្យាករណ៍ កម្ពុជានៅតែបន្តទទួលឥទ្ធិពលនូវ ទ្រនុង សម្ពាធខ្ពស់ពីប្រទេសចិន លើកលែងតែប៉ែកខាងក្រោម ដែលទទួលរងឥទ្ធិពលខ្សោយ ពីប្រ ព័ន្ធសម្ពាធទាប ដែលអូសបន្លាយកាត់លើចុងខាងត្បូងនៅដីសណ្ដមេគង្គ ។

កម្ពុជាបាននាំចេញទំនិញក្រោមប្រព័ន្ធអនុគ្រោះពាណិជ្ជកម្មទៅបរទេសមានទំហំទឹកប្រាក់ សរុបជាង១៧ពាន់លានដុល្លារអាមេរិកក្នុងរយៈពេល៩ខែដើមឆ្នាំ២០២២។

ក្រុមហ៊ុនរ៉ែមាសមួយទៀតហើយដែលកំពុងចាប់ផ្តើមធ្វើអាជីវកម្មរបស់ខ្លួននៅខេត្តក្រចេះ។ យោងតាមរដ្ឋមន្រ្តីក្រសួងរ៉ែនិងថាមពលលោក ស៊ុយ សែម ក្រុមហ៊ុនដែលកំពុងដំណើរការ ធ្វើអាជីវកម្មនេះ ឈ្មោះក្រុមហ៊ុនស៊ីង យន់ កាំង យៀង Co., Ltd ។

សម្តេចតេជោ ហ៊ុន សែន បានថ្លែងនៅថ្ងៃទី១១តុលាថាអតីតរដ្ឋមន្ត្រីក្រសួងកសិកម្មលោក វេងសាខុន ត្រូវបានស្នើឱ្យតែងតាំងជារដ្ឋមន្ត្រីប្រតិភូអមនាយករដ្ឋមន្ត្រី។