សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) បានប្រកាសបញ្ចូលសមាជិកថ្មី ចំនួនជាង៨០០នាក់បន្ថែម ដែលនាំឱ្យសមាជិកសរុបបានកើតដល់ប្រមាណជិត៩ពាន់នាក់ ហើយ។ ការប្រកាសបញ្ចូលសមាជិកថ្មីនេះ បានធ្វើកាលពីរសៀលថ្ងៃទី៤កញ្ញាក្រោមអធិបតី ភាពលោកជំទាវបណ្ឌិត ពេជ ចន្ទមុន្នី ដែលជាអនុប្រធានក្រុមប្រឹក្សាភិបាល។

រុស្ស៊ីបានបន្តផ្អាកការផ្គត់ផ្គង់ប្រេង និងឧស្ម័នជាបន្តថែមទៀតក្រោយការប្រកាសថាមានការ លេចធ្លាយប្រេងក្នុងប្រព័ន្ធបំពង់បង្ហូរប្រេងឧស្ម័ន។ ពលរដ្ឋក្នុងអឺរ៉ុបខ្លះ បានបង្ហាញភាពជ្រួល ច្របល់ក្នុងនោះរួមមានពលរដ្ឋក្នុងប្រទេសឆេកផងដែរដោយបានលើកគ្នាធ្វើបាតុកម្មទាមទារ ឱ្យរដ្ឋាភិបាលរបស់ខ្លួនត្រូវចុះចេញពីតំណែង។ លោក ម៉ារ យ៉ារិទ្ធិ មានសេចក្តីរាយការណ៍ ព័ត៌មានពាក់ព័ន្ធនឹងបញ្ហានេះ

អភិបាលរាជធានីភ្នំពេញលោក ឃួង ស្រេង ដែលកំពុងធ្វើទស្សនកិច្ចក្នុងប្រទេសវៀតណាម បានជំរុញឱ្យក្រុមហ៊ុនវៀតណាមធ្វើការបណ្តាក់ទុនបញ្ហាកែច្នៃសំរាម ខណៈដែលបញ្ហាសំរាម កាន់តែកើនឡើងក្នុងប្រទេសកម្ពុជា ដែលមានការអភិវឌ្ឍន៍ខ្លាំង។

យុវជនអាយុ២០ឆ្នាំម្នាក់នៅខេត្ដកំពង់ឆ្នាំង ត្រូវគេរាយការណ៍ថា បានចងកសម្លាប់ខ្លួន ក្រោយមានហេតុការណ៍ ស្តីបន្ទោសរបស់ឳពុកម្តាយដោយសារតែការជឿនឹងអបិយ៍ជំនឿ លោកខឹម វាសនា។ បុរសដែលបានប្រទះឃើញស្លាប់ដោយសារការចងកនោះឈ្មោះ ម៉ាន ម៉ាត ជាខ្មែរឥស្លាម រស់នៅភូមិស្រែចាន ឃុំទួលខ្ពស់ ស្រុកទឹកផុស នៃខេត្តកំពង់ឆ្នាំង។

ថ្ងៃទី៥កញ្ញាឆ្នាំ២០២២នេះ គឺជាថ្ងៃចុងក្រោយនៃការសន្យារបស់ម្ចាស់ចំការលើទីទួលភ្នំគូលែន បានសន្យាការរំសាយមនុស្សចេញដើម្បីបញ្ចប់រឿងអបីយជំនឿ «ព្រះព្រហ្មសង្គ្រោះពិភព លោក»។ ទោះជាយ៉ាងណាក៏ដោយ ភាពសោកសៅដោយសាររឿងអបិយ៍ជំនឿនេះ នៅតែ ដិតដាមនិងលងអារម្មណ៍របស់មាតាមួយចំនួនដែលមានកូនស្រីប្រើអកប្បកិរិយាគំរោះគំរើយ ដាក់មាតាដោយសារតែការលង់នឹងអបីយ៍ជំនឿនោះ។ អប្សរាណិតធ្វើសេចក្ដីរាយការណ៍

សម្តេចតេជោហ៊ុនសែន បានទទួលជួបការសម្តែងក្តីគួរសមនិងការជំរាបរបស់ឯកអគ្គរាជទូត ថៃលោក ប៉ានយ៉ារ៉ាក់ ពុលថាប់ ដែលបញ្ចប់អាណ្ណត្តិបេសកកម្មការទូតក្នុងប្រទេសកម្ពុជា។ លោក ពុលថាប់ បានជំរាបសម្ដេចតេជោនៅថ្ងៃទី៥កញ្ញាថា ក្នុងពេលលោក ទើបបានមក បំពេញបេសកកម្ម ការទូតនៅកម្ពុជាកាលពីឆ្នាំ២០១៨ លោកបានប្ដេជ្ញាជូនសម្ដេចថា និង ពង្រឹងពង្រីកកិច្ចសហប្រតិបត្តិការ និងទំនាក់ទំនងរវាងប្រទេសទាំងពីរឲ្យកាន់តែខ្លាំងឡើង ដោយឈរលើមូលដ្ឋាន ដែលមានស្រាប់។