ប្រទេសឥណ្ឌូណេស៊ី គឺជាប្រទេសដែលមានការឆ្លងច្រើនជាងគេបំផុតក្នុងអាស៊ាននារយៈ ពេល២៤ម៉ោងចុងក្រោយនេះ។ នៅក្នុងប្រទេសអាស៊ានថ្ងៃនេះ ការឆ្លងមានចំនួន ១ម៉ឺន ៧ពាន់៤៩២ករណី និងការស្លាប់ថ្មីមានចំនួន ១១០នាក់ ។ អប្សរាណិតរាយការណ៍ជុំវិញការឆ្លងក្នុងប្រទេសទាំង១០ ក្នុងរយៈពេល២៤ម៉ោងចុងក្រោយ

តួលេខឆ្លងថ្មីនៃជម្ងឺកូវីដ១៩ ក្នុងរយៈពេល ២៤ម៉ោងកន្លងមកនេះ បានកើនឡើងចំនួន ៩ករណី បើធៀបនឹងម្សិលមិញ ។ តួលេខឆ្លង២៤ម៉ោងកន្លងមកនេះ មានចំនួន ២៤នាក់ សុទ្ធជាករណីឆ្លងនៅក្នុងសហគមន៍ទាំងអស់ ។ កម្ពុជាក្នុងរយៈពេល ៦៤ថ្ងៃ ដែលបានរកឃើញការឆ្លងសាជាថ្មីនេះ មានអ្នកឆ្លងសរុបចំនួន ១ពាន់ ២២០នាក់ ហើយ ។

ក្រសួងមហាផ្ទៃបានថ្លែងថាយុទ្ធនាការបង្ក្រាបអំពើជួញដូរមនុស្ស រយ:ពេលជាង១០ថ្ងៃ មកនេះ បានជួយរំដោះជនរងគ្រោះជាង១០០នាក់ ។ ហ្វេសប៊ុករបស់សម្តេចក្រឡាហោម ស ខេង ដែលជាប្រធានគណៈកម្មាធិការជាតិប្រយុទ្ធប្រឆាំងអំពើជួញដូរមនុស្ស បានបញ្ជាក់ថា យុទ្ធនាការជួយរំដោះមនុស្សទាំងនោះ គឺរវាងពីថ្ងៃទី១៨ ដល់ទី២៩ ខែសីហា ឆ្នាំ២០២២ ក្រោយទទួលបានពាក្យបណ្តឹងចំនួន៤០។

សម្តេចនាយករដ្ឋមន្ត្រី ហ៊ុន សែន បានពន្យល់ប្រាប់ជុំវិញមូលហេតុអ្វីដែលអាជ្ញាធរត្រូវចាត់វិធានការរៀបចំសណ្តាប់ធ្នាប់នៅក្នុងតំបន់រមណីយដ្ឋានប្រាសាទអង្គរ។ យុទ្ធនាការរៀបចំការពារតំបន់រមណីយដ្ឋានអង្គរ បានប្រព្រឹត្តទៅរយៈពេល១៣ថ្ងៃហើយ គិតត្រឹមថ្ងៃទី៣១ សីហា។ សម្តេចតេជោ ហ៊ុន សែន បានថ្លែងថា បើអាជ្ញាធរមិនរៀបចំនូវសណ្តាប់ធ្នាប់នៅតំបន់ប្រាសាទអង្គរនោះទេ នោះប្រាសាទអង្គរ នឹងត្រូវគេដកចេញពីសម្បត្តិបេតិកភណ្ឌពិភពលោក។

ការបង្ហោះរូបស្លៀកពាក់បញ្ចេញកេរ្តិ៍ភេទក្នុងការប្រកួតប្រឡងបវរ «កញ្ញាឯកដ៏អស្ចារ្យនៃកម្ពុជា ឆ្នាំ២០២២» Miss Grand Cambodia 2022 របស់ផលិតកម្មមហាហង្ស បានធ្វើឱ្យសម្តេចនាយករដ្ឋមន្ត្រី ហ៊ុន សែន បានដាក់សំណួរសួរទៅរដ្ឋមន្ត្រីក្រសួងវប្បធម៌និងវិចិត្រសិល្បៈ។

នាយករដ្ឋមន្ត្រីឡាវ បណ្ឌិត ផនខាំ វីផាវ៉ាន់ បានទទួលជួបជាមួយមេបញ្ជាការកងទ័ពជើង គោកកម្ពុជា និងបានចាត់ទុកដំណើរទស្សនកិច្ចរបស់លោកឧត្តមសេនីយ៍ឯក ហ៊ុន ម៉ាណែត គឺជា «ផ្នែកមួយនៃការអនុវត្តនូវការប្តេជ្ញាចិត្តរួមរបស់ប្រទេសទាំងពីរ ក្នុងការបន្តលើកកម្ពស់ ទំនាក់ទំនងទ្វេភាគីឱ្យកាន់តែរីកចម្រើន ក្នុងក្របខ័ណ្ឌនៃភាពជាដៃគូយុទ្ធសាស្ត្រគ្រប់ជ្រុង ជ្រោយនិងយូរអង្វែង។ អប្សរាណិតធ្វើសេចក្ដីរាយការណ៍

ប្រទេសអាស៊ានទាំង១០ នៅតែមានតួលេខឆ្លង និងស្លាប់ដោយសារកូវីដ១៩ ជាបន្ត ដោយក្នុងរយៈពេល ២៤ម៉ោងចុងក្រោយនេះ មានការឆ្លងចំនួន ១ម៉ឺន ២ពាន់ ៣៨៧ករណី និងការ ស្លាប់ថ្មីមានចំនួន ១១០នាក់ ។ ប្រទេសឥណ្ឌូនេស៊ី គឺជាប្រទេសដែលមានតួលេខឆ្លងច្រើន ជាងគេបង្អស់ដដែលនៅថ្ងៃនេះ ។ អប្សរាណិតរាយការណ៍ជុំវិញការឆ្លងក្នុងប្រទេសទាំង១០ ក្នុងរយៈពេល ២៤ម៉ោងចុងក្រោយ

តួលេខឆ្លងថ្មីនៃជម្ងឺកូវីដ១៩ ក្នុងរយៈពេល ២៤ម៉ោងកន្លងមកនេះ បានថយចុះចំនួន ១១ករណី បើធៀបនឹងម្សិលមិញ ។ តួលេខឆ្លង២៤ម៉ោងកន្លងមកនេះ មានចំនួន ១៥នាក់ សុទ្ធជាករណី ឆ្លងនៅក្នុងសហគមន៍ទាំងអស់ ។ កម្ពុជាក្នុងរយៈពេល ៦៣ថ្ងៃ ដែលបានរកឃើញការឆ្លង សាជាថ្មីនេះ មានអ្នកឆ្លងសរុបចំនួន ១ពាន់ ១៩៦នាក់ ហើយ ។