ពលរដ្ឋជាច្រើន បាននាំគ្នាមកចាក់វ៉ាក់សាំងដូសជំរុញនៅថ្ងៃទី២៩មិថុនា ខណៈដែលមានការ ប្រកាសរកឃើញការឆ្លងថ្មីចំនួន១០ករណីកើតសាឡើងវិញ។ សម្តេចតេជោ ហ៊ុន សែន បានមានប្រសាសន៍អំពាវនាវពលរដ្ឋត្រូវបន្តនាំគ្នាចាក់វ៉ាក់សាំងដូសជម្រុញនិងការរក្សាវិធានការ អនាម័យសុខាភិបាលដើម្បីការជួយបញ្ចៀសការឆ្លងជម្ងឺកូវីដ១៩។

ការនាំចូលប្រេងឥន្ធនៈបានកើនឡើងជិត៦០ភាគរយក្នុងរយៈ៥ខែដើមឆ្នាំនេះ គ្រាដែល ក្រសួងពាណិជ្ជកម្មបានធានាការផ្គត់ផ្គង់ប្រេងដល់អតិថិជនមិនឱ្យខ្វះខាត។

ប្រេសិតពិសេសប្រធានអាស៊ានលោក ប្រាក់ សុខុន កំពុងបំពេញទស្សនកិច្ចការងារ៥ថ្ងៃក្នុងប្រទេសមីយ៉ាន់ម៉ា។ ដំណើរទស្សនកិច្ចការងារនេះ នឹងមានការរំពឹងរកជួបតំណាងមេដឹកនាំ នយោបាយសំខាន់ៗ នៃភាគីជម្លោះនានាដែលជាផ្នែកនៃដំណោះ ស្រាយដើម្បីរកសន្តិភាព ដល់ ប្រទេសមីយ៉ាន់ម៉ា។

តុលាការបានសម្រេចត្រឹមការព្រមានដល់លោក កឹម សុខា ខណៈដែលមានសំណើពីអយ្យការអមសាលាដំបូងរាជធានីភ្នំពេញស្នើឱ្យមានការចាប់ខ្លួន។

រាជរដ្ឋាភិបាល បានកំណត់យកថ្ងៃអាទិត្យ ទី២៣ ខែកក្កដា ឆ្នាំ២០២៣ សម្រាប់ជាកាល បរិច្ឆេទថ្ងៃបោះឆ្នោតសកលជ្រើសតាំងតំណាងរាស្ត្រសម្រាប់នីតិកាលទី៧ នៃរដ្ឋសភា ។ យោងតាមសេចក្តីសម្រេចមួយរបស់រាជរដ្ឋាភិបាលថ្ងៃពុធនេះ, កាលបរិច្ឆេទបោះឆ្នោត សកល ឆ្នាំ២០២៣ នឹងមកដល់នៅថ្ងៃទី២៣ខែកក្កដា។ បើគិតចាប់ពីថ្ងៃពុធនេះ ការបោះឆ្នោតសកល នោះនឹងមកដល់រយៈពេល៣៨៩ថ្ងៃទៅមុខទៀត។