តួលេខឆ្លងកូវីដ១៩ បានថមថយចុះខ្លះក្នុងប្រទេសខ្លះនៅអាស៊ាន ប៉ុន្តែប្រទេសមួយចំនួន នៅតែមានការឆ្លងខ្ពស់ជាដដែល។ ករណីឆ្លង និងស្លាប់ដោយសារកូវីដ១៩ ក្នុងប្រទេស អាស៊ាន ក្នុងរយៈពេល ២៤ម៉ោងចុងក្រោយនេះមានចំនួន ១ម៉ឺន ៣ពាន់ ១១៧ករណី និង ការស្លាប់ថ្មីមានចំនួន ៣១នាក់ ។ ប្រទេសសឹង្ហបុរី គឺជាប្រទេសដែលមានតួលេខឆ្លង ច្រើន ជាងគេបង្អស់ដដែល ក្នុងរយៈពេល ២៤ម៉ោងចុងក្រោយនេះ ។

តួលេខអ្នកឆ្លងជំងឺកូវីដ១៩ក្នុងប្រទេសកម្ពុជារយៈពេល២៤ម៉ោងនេះ បានស្ថិតក្នុងចំណុច សូន្យជាដដែល។ តួលេខមិនឆ្លងនេះ មានរយៈពេលចំនួន៥២ថ្ងៃបន្តបន្ទាប់ជាប់គ្នាមកនេះ។

ប្រធានាធិបតីអ៊ុយក្រែនលោកហ្សេឡិនស្គី ស្នើប្រទេសមហាអំណាច សូមជួយបន្តផ្តល់ នូវ អាវុធទំនើបៗបន្ថែមទៀត ខណៈជំរុញរកការចង់បញ្ចប់សង្គ្រាមនាចុងឆ្នាំ២០២២។ ប្រទេស G7 បាន​ប្រកាស​នៅក្នុង​សេចក្ដីថ្លែងការណ៍ថា គេនឹង​បន្ត​ផ្ដល់ការគាំទ្រ​ជំនួយផ្នែកមនុស្សធម៌, ហិរញ្ញវត្ថុ, យោធា និងការទូត​ដល់ប្រទេសអ៊ុយក្រែន ហើយឈរនៅជាមួយនឹងអ៊ុយក្រែន​ មិនថា​សង្គ្រាមនឹងអូសបន្លាយពេលយូរ ប៉ុណ្ណានោះឡើយ។​

កម្ពុជានឹងរៀបចំបុណ្យសមុទ្ទរបស់ខ្លួនសាឡើងវិញ ក្រោយការអាក់ខានកន្លងមកដោយសារ តែវិបត្តិកូវីដ១៩។ បុណ្យសមុទ្រក្នុងឆ្នាំ២០២២នេះ គ្រោងនឹងរៀបចំធ្វើឡើងនៅក្នុងខេត្តព្រះសីហនុ។

រដ្ឋបាលរាជធានីបានថ្លែងថា ការធ្វើបាតុកម្មខុសច្បាប់របស់បុគ្គលិកក្រុមហ៊ុនណាហ្គាវើលដ៍ បានបង្កហិង្សាដាក់មកលើសមត្ថកិច្ចអាជ្ញាធរ និងបង្កប៉ះពាល់ដល់សណ្តាប់ធ្នាប់សាធារណៈ។

ប្រេសិតពិសេសរបស់ប្រធានអាស៊ានស្តីពីមីយ៉ាន់ម៉ាលោក ប្រាក់ សុខុន និងគណៈប្រតិភូ នឹងបំពេញទស្សនកិច្ចការងារលើកទីពីរនៅប្រទេសមីយ៉ាន់ម៉ា ខណៈស្ថានភាពតានតឹងនយោបាយនៅទីនោះ មិនមានភាពធូរស្រាលឡើយ។

គណបក្សប្រជាជនកម្ពុជា បានប្តេជ្ញាការយកឈ្នះឱ្យបានលើការបោះឆ្នោតសកលឆ្នាំ២០២៣ ដែលការប្តេជ្ញានេះ បានធ្វើឡើងក្នុងទិវារំលឹកខួបអនុស្សាវរីយ៍លើកទី៧១នៃថ្ងៃបង្កើតគណបក្សប្រជាជនកម្ពុជា។