បាតុភូតភ្លៀង ផ្គរ រន្ទះ និងខ្យល់កន្ត្រាក់ នៅតែបន្ដកើតមានថែមទៀត ក្នុងសប្ដាហ៍ទៅមុខ ទៀតនេះ ខណៈកម្ពុជាទទួលរងនូវឥទ្ធិពលពីជ្រលងនៃប្រព័ន្ធសម្ពាធទាប ដែលអូសបន្លាយ នៅលើភាគខាងជើងប្រទេសឡាវ និងប្រទេសវៀតណាម ជាមួយនឹងខ្យល់មូសុងនិរតី បក់ ក្នុងល្បឿនមធ្យម ។

កម្ពុជាគឺជាប្រទេសតែមួយគត់ក្នុងអាស៊ានដែលគ្មានតួលេខឆ្លងនិងគ្មានមនុស្សស្លាប់ដោយ សារជម្ងឺកូវីដ១៩ក្នុងរយៈពេល២៤ម៉ោងចុងក្រោយនេះ។ ប្រទេសថៃ គឺជាប្រទេស ដែលមាន តួលេខឆ្លងច្រើនជាងគេបង្អស់នៅថ្ងៃនេះ។

ក្រសួងសុខាភិបាលបានអំពាវនាវពលរដ្ឋត្រូវបន្តទទួលយកវ៉ាក់សាំងដូសជំរុញដោយមិន ត្រូវខកខានឡើយដើម្បីការចូលរួមបង្កើតភាពស៊ាំក្នុងសហគមន៍។ កម្ពុជាត្រៀមនឹងចាប់ផ្តើម ចាក់វ៉ាក់សាំងដូសទី៥នៅថ្ងៃទី៩មិថុនាខាងមុខនេះហើយ។

តំបន់អាស៊ីខាងកើតកំពុងតែប្រឈមមុខនឹងភាពតានតឹង ខណៈដែលសង្គ្រាមក្នុងប្រទេស អ៊ុយក្រែនក្នុងអឺរ៉ុបខាងកើតនៅមិនទាន់អាចមានច្រកដោះស្រាយចេញរួចឡើយ។

កម្ពុជាបានចួលរួមជាមួយនឹងពិភពលោកប្រារព្ធទិវាពិភពលោកស្តីពីសុវត្ថិភាពចំណីអាហារ ។ ទិវាពិភពលោកស្តីពីសុវត្ថិភាពចំណីអាហារ World Food Safety Day ត្រូវបានគេប្រារព្ធរៀងរាល់ឆ្នាំនៅថ្ងៃទី៧មិថុនា ដើម្បីការដាស់តឿនមនុស្សគ្រប់ៗរូបលើសកលលោកដើម្បីប្រុង ប្រយ័ត្នកុំទទួលអាហារណាដែលគ្មានសុវត្ថិភាពនិងបង្កគ្រោះថ្នាក់ដល់សុខភាព។

មន្ត្រីនៃការិយាល័យឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស បានបញ្ជាក់ ការត្រៀមចូលរួមរបស់ខ្លួនក្នុងដំណាក់កាលការបោះឆ្នោតសកលឆ្នាំ២០២៣ក្នុងប្រទេសកម្ពុជា។

គណៈកម្មាធិការជាតិរៀបចំការបោះឆ្នោត ហៅកាត់ថាគជប បានចាត់ទុកការលើកឡើងរបស់ គណបក្សភ្លើងទៀនដែលនិយាយចោទអំពីករណីមិនប្រក្រតីនៃការបិទទ្វារស្ថានីយ៍ គឺក្នុងបំណង «បំភាន់សាធារណៈមតិឱ្យយល់ខុសលើគជប ក៏ដូចជាការរៀបចំការបោះឆ្នោតទាំងមូល»។

គណបក្សភ្លើងទៀន បានបន្តនិយាយលេបខាយជុំវិញដំណើរការបោះឆ្នោតឃុំនិងសង្កាត់ ខណៈបានបញ្ជាក់ការទទួលស្គាល់នូវលទ្ធផលដែលគណបក្សភ្លើងទៀនទទួលបានតិចតួច។