គណបក្សដទៃនានាបានចូលរួមក្នុងការចេញសេចក្តីថ្លែងការណ៍គាំទ្រ និងទទួលយកលទ្ធផល ការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥។

ក្រុមអ្នកសង្កេតការណ៍អន្តរជាតិដែលរួមមានសមាជិកសភាមកពីប្រទេសអាហ្សែ័របៃ ហ្សង់, មកពីអង្គការគណបក្សនយោបាយអាស៊ីអាយកាប់, គណបក្សនយោបាយពីប្រទេសនេប៉ាល់, និងមកពីតំណាងគណ​បក្សកុម្មុយនីស្តចិន បានចេញសេចក្តីថ្លែងការណ៍របស់ខ្លួនជុំវិញដំណើរ សង្កេតការណ៍ការបោះឆ្នោតឃុំនិងសង្កាត់ក្នុងប្រទេសកម្ពុជា។

អង្គការសភាអន្តរជាតិ ដើម្បីភាពអត់ឱននិងសន្តិភាព ហៅកាត់ថា IPTP ដែលចូលរួម សង្កេតការណ៍ក្នុងការបោះឆ្នោតក្នុងប្រទេសកម្ពុជាបានចេញសេចក្តីថ្លែងការណ៍វាយតម្លៃថា ការបោះឆ្នោតជ្រើសរើសក្រុមប្រឹក្សាឃុំសង្កាត់ អាណត្តិទី៥ នៅកម្ពុជា ពុំមានការគំរាមកំហែង គាបសង្កត់ និងអំពើហិង្សាឡើយ។