តួលេខឆ្លងកូវីដ១៩ ក្នុងប្រទេសអាស៊ាន ក្នុងរយៈពេល ២៤ម៉ោងចុងក្រោយនេះ មានចំនួន ១ម៉ឺន ៦ពាន់ ២០ករណី និងការស្លាប់ថ្មីមានចំនួន ១០៥នាក់ ។ តួលេខឆ្លងនៅថ្ងៃនេះ មានការ កើនឡើងចំនួន ៨៤៨ករណី និងការស្លាប់មានការថយចុះចំនួន ៦នាក់ផងដែរ បើប្រៀបធៀប នឹងម្សិលមិញ ។

កម្ពុជានៅតែបន្តសម្រុកការចាក់វ៉ាក់សាំងដូសជំរុញ បើទោះបីជាតួលេខឆ្លងមានការធ្លាក់ចុះ ដោយសារតែភាពស៊ាំក្នុងសហគមន៍យ៉ាងណាក្តី។  តួលេខអ្នកចាក់វ៉ាក់សាំងដូសទី៣ ក្នុងរយៈ ពេល ២៤ ម៉ោងមកនេះ បានចំនួន ៣ម៉ឺន ៥ពាន់ ៤១៩នាក់ ដែលជាតួលេខចាក់កើនឡើង ចំនួន ៣ពាន់ ៦២២នាក់ បើប្រៀបធៀបនឹងម្សិលមិញ ។ តួលេខពលរដ្ឋដែលបានចាក់វ៉ាក់ សាំងដូសទី៣ សរុបទូទាំងប្រទេស គិតត្រឹមថ្ងៃនេះមានចំនួន ៨លាន ៦៧ម៉ឺន ១ពាន់ ៣៥៨ នាក់ ។

តួលេខឆ្លងជំងឺកូវីដ១៩រយៈពេល២៤ម៉ោងកន្លងមកនេះ មានមួយករណីដែលជាតួលេខ បង្ហាញសមត្ថភាពគ្រប់គ្រងបានរ​បស់កម្ពុជាលើជម្ងឺរាតត្បាតនេះក្រោមគោលនយោបាយ ចាក់វ៉ាក់សាំងរ​បស់រាជរដ្ឋាភិបាល។ ការឆ្លងថ្មី ចំនួន ១ករណីនៅថ្ងៃនេះ គឺជាការឆ្លងចូល សហគមន៍។ ចំណែកការស្លាប់ថ្មីនៅថ្ងៃនេះពុំមាននោះទេដែលឲ្យនាំការស្លាប់សារុប មាន ចំនួន៣ពាន់៥៦នាក់ជាដដែល។

អនុប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តយុវជនសម្តេចតេជោ លោកស្រី បណ្ឌិត ពេជ ចន្ទមុន្នី បានអញ្ជើញចុះ ជួបសំណេះសំណាល និងសួរសុខទុក្ខមនុស្សចាស់ នៅអង្គការមូលនិធិកុមារកម្ពុជា (CFF) ស្ទឹងមានជ័យ ក្រោយស្ថានភាពជំងឺកូវីដ-១៩ បានធូរ ស្រាល។

គ្រាប់បែកទម្លាក់ប្រភេទ AN-M66 ទម្ងន់ជិត១តោន ត្រូវបានគេរកឃើញនៅបាតទន្លេបួនមុខ ក្បែរសណ្ឋាគារសុខាភ្នំពេញ និងទល់មុខព្រះបរមរាជវាំង។ អង្គការស៊ីម៉ាក់បានឱ្យដឹងនៅថ្ងៃទី ៥ឧសភាថា គ្រាប់បែក AN-M66 ទម្ងន់ជិត១ពាន់គីឡូក្រាមនោះ មានជាតិផ្ទុះជាង ៥០០គីឡូ ក្រាម។

បណ្ឌិត ហ៊ុន ម៉ាណែត បានអញ្ជើញចូលរួមក្នុងពិធីប្រគល់សញ្ញាបត្រថ្នាក់បណ្ឌិតកិត្តិយស និងថ្នាក់វេជ្ជបណ្ឌិត នៅសាកលវិទ្យាល័យអន្តរជាតិ នៅថ្ងៃទី៥ឧសភានេះ។ បណ្ឌិត ហ៊ុន ម៉ាណែត គឺជាប្រធានគណៈកម្មាធិការសមាគមសិស្ស-និស្សិត អាហារូបករណ៍សមេ្ដចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត។  

នៅសល់តែ៣១ថ្ងៃទៀតនោះទេ, ការបោះឆ្នោតឃុំនិងសង្កាត់នឹងឈានមកដល់ក្នុងប្រទេស កម្ពុជាហើយ។ ក្នុងចំណោមគណបក្សនយោបាយទាំងជាង៤០ចុះបញ្ជីនៅក្រសួងមហាផ្ទៃ, គណបក្សចំនួន១៧ បានចូលរួមក្នុងដំណើរការបោះឆ្នោតនេះ ដែលការចូលរួមនេះ បាន បង្ហាញនូវការរីកលូតលាស់នៃលំហប្រជាធិបតេយ្យក្នុង​ប្រទេសកម្ពុជា។

បងប្រុសបង្កើតរបស់សម្តេចតេជោ ហ៊ុន សែន គឺលោក ហ៊ុន ណេង ត្រូវគេជូនដំណឹងថា បានទទួលមរណភាពនៅថ្ងៃទី៥ឧសភានេះដោយសារតែការគាំងបេះដូង។ លោក ហ៊ុន ណេង អាយុ៧២ឆ្នាំដែលជាសមាជិកអចិន្ត្រៃយ៍រដ្ឋសភា និងជាអ្នកតំណាងរាស្ត្រមណ្ឌលខេត្តកំពង់ចាម បានទទួលមរណភាពនាវេលាម៉ោង៦និង២៥នាទី ល្ងាចថ្ងៃព្រហស្បតិ៍នេះ។