ជំនួយអាវុធយោធា និងឧបករណ៍ធុនធ្ងន់ពីក្រុមបស្ចឹមប្រទេសត្រូវបានបន្តបញ្ជូនមកឱ្យប្រ ទេសអ៊ុយក្រែនដើម្បីសម្រាប់ការប្រឈមតទល់នឹងអំពើឈ្លានពានរុស្ស៊ីដែលចង់ចូលគ្រប់ គ្រងដែនដីភាគខាងកើតប្រទេស។ ការបញ្ជូនអាវុធធុនធ្ងន់និងឧបករណ៍ទំនើបនោះហើយ បាននាំឱ្យបណ្តាញផ្សាយព័ត៌មានរបស់រុស្ស៊ីបានផ្សាយបង្ហាញការគំរាមការប្រើប្រាស់អាវុធ សកលលោក។ គិតត្រឹមថ្ងៃព្រហស្បតិ៍នេះ, សង្គ្រាមឈ្លានពានរុស្ស៊ីក្នុងប្រទេសអ៊ុយក្រែន បានឈានចូលដល់ថ្ងៃទី៧០ហើយ ខណៈដែលរុស្ស៊ីកំពុងសម្រុកយុទ្ធនាការគ្រប់គ្រងតំបន់ ដែនដីភាគខាងកើតប្រទេស។

កម្ពុជាបានប្រារព្ធទិវាឆ្មបជាតិ ដែលជាការចូលរួមជាមួយពិភពលោកដែលបានរៀបចំទិវា ឆ្មបអន្តរជាតិនៅថ្ងៃទី៥ឧសភានេះ។ ទិវាឆ្មបអន្តរជាតិថ្ងៃទី៥ឧសភាឆ្នាំ២០២២ បានស្ថិតក្រោម ប្រធានបទ «១០០ឆ្នាំនៃវឌ្ឍនភាព» ខណៈទិវាឆ្មបជាតិរបស់កម្ពុជាឆ្នាំនេះ បានស្ថិតក្រោមប្រ ធានបទ «វិនិយោគលើឆ្មបដើម្បីពង្រឹងការថែទាំសុខភាពបឋមសំដៅឈានទៅដល់ការគ្រប ដណ្តប់សុខភាពជាសកល»។

កិច្ចប្រជុំពិគ្រោះយោបល់ ស្តីពីជំនួយមនុស្សធម៌របស់អាស៊ានសម្រាប់មីយ៉ាន់ម៉ាគ្រោងនឹង ប្រព្រឹត្តទៅនៅថ្ងៃទី៦ឧសភានេះ ខណៈប្រេសិតពិសេសអាស៊ានលោក ប្រាក់ សុខុន ត្រៀមនឹងធ្វើទស្សនកិច្ចការងារទៅកាន់ប្រទេសមីយ៉ាន់ម៉ាម្តងទៀតនាចុងខែឧសភានេះ។

ខេត្តពោធិ៍សាត់ អាចនឹងមានរោងចក្រតម្លើងរថយន្តមួយនាពេលអនាគតក្នុងទិសដៅនៃក្រុម វិនិយោគបរទេសដែលចង់បណ្តាក់ទុននៅកម្ពុជាដែលមានសុខសន្តិភាពក្រោមគោលនយោបាយដឹកនាំរបសរាជរដ្ឋាភិបាលនៃគណបក្សប្រជាជនកម្ពុជា។