តម្លៃប្រេងឥន្ធនៈ បានថយចុះមកវិញតិចតួច ក្រោយការឡើងបន្តបន្ទាប់រយៈពេលកន្លងមកនេះ។ យោងតាម ក្រសួងពាណិជ្ជកម្ម, តម្លៃប្រេងឥន្ធនៈ សម្រាប់ការលក់ចាប់ពីថ្ងៃទី១៦ រហូតដល់ថ្ងៃទី៣០ ខែវិច្ឆិកា ឆ្នាំ២០២១នេះ គឺប្រេងសាំងធម្មតា មានតម្លៃ៤ពាន់៤៥០រៀលក្នុង១លីត្រ ដែលតម្លៃនេះថយចុះមកវិញចំនួន១០០រៀល បើធៀប ទៅការលក់រយៈពេល១៥ ថ្ងៃមុនដូចគ្នា, ចំណែកប្រេងម៉ាស៊ូត វិញ មានតម្លៃ៤ពាន់៥០រៀលក្នុង១លីត្រដែលតម្លៃ នេះ គឺធ្លាក់ចុះមកវិញចំនួន៥០រៀល បើធៀបទៅនឹងការលក់រយៈពេល១៥ ថ្ងៃមុន។

អាវរងាជាច្រើនសិបម៉ឺនអាវ ត្រូវបានបន្ដផ្តល់ចែកជូនដល់កងកម្លាំងប្រដាប់អាវុធដែលប្រចាំការតាមបណ្តោយ ព្រំដែនខេត្តជាប់វៀតណាម, ថៃនិងប្រទេសឡាវ ខណៈសីតុណ្ហភាពបានបន្តធ្លាក់ចុះគួរឲ្យកត់សម្គាល់។ ក្រសួង ធនធានទឹកនិងឧតុនិយម បានបញ្ជាក់ថែមទៀតថា អាកាសធាតុត្រជាក់ បានចាប់ផ្តើមហើយ ជាពិសេសក្នុង តំបន់ព្រំដែនដាប់ជួរភ្នំដងរែក និងខ្ពង់រាបឦសាន ៕

ភ្លៀងនៅតែបន្ដធ្លាក់ដោយកន្លែងខ្លះមានតិចនិងតាមកន្លែងខ្លះមានបង្គួរនិងច្រើន ដោយសារតែកម្ពុជាក្នុងមួយ សប្តាហ៍ទៅមុខទៀតនេះ នឹងរងឥទ្ធិពលជ្រលងសម្ពាធទាបមកពីសមុទ្ទចិនខាងត្បូងនិងទ្រនុងសម្ពាធខ្ពស់ពីភាគ ខាងជើងប្រទេសចិន។

ការរៀបចំសណ្តាប់ធ្នាប់សន្តិសុខតាមដងថ្នល់បានឈានមកដល់កំណាត់ផ្លូវ២៧១ក្នុងខណ្ឌមានជ័យរាជធានីភ្នំ ពេញ។ រដ្ឋបាលរាជធានី បានព្រមានចាត់វិធានការណ៍ផ្លូវច្បាប់លើអាជីវករណាដែលបានលក់ដូរលើផ្លូវតាម ចិញ្ចើមថ្នល់លើកំណាត់ផ្លូវដែលរៀបចំនោះ។ អាជ្ញាធរបានទុករយៈពេល៣ថ្ងៃក្នុងការរុះរើភាពអនាធិបតេយ្យ លើចិញ្ចើមថ្នល់នោះដោយខ្លួនឯង៕

មន្ត្រីតុលាការបានថ្លែងថាជនជាតិកាណាដាដែលត្រូវបានចាប់ខ្លួនក្នុងករណីជាប់ពាក់ព័ន្ធនឹងការជួញដូរគ្រឿងញៀនជាង១៦៧គីឡូក្រាម នឹងត្រូវប្រឈម ការជាប់ពន្ធនាគាររវាងពី៥ទៅ១០ឆ្នាំបើសិនជាគេបានរកឃើញពិត ជាមានកំហុស។ កម្ពុជាមិនមានទោសប្រហារជីវិតដូចប្រទេសដទៃពាក់ព័ន្ធនឹងការជួញដូរគ្រឿងញៀនដ៏ច្រើន សន្ធឹកនោះឡើយ។

សម្តេចតេជោហ៊ុនសែន បានថ្លែងចាត់ទុកកិច្ចប្រជុំភាពជាដៃគូសភាអាស៊ីអឺរ៉ុប គឺជាយន្តការស្នូលដ៏សំខាន់ សម្រាប់តភ្ជាប់ប្រជាជននិងប្រជាជនរវាងទ្វីបទាំង២ និងសម្តេចនាយករដ្ឋមន្ត្រីកម្ពុជា បានចាត់ទុកកិច្ចសហប្រ តិបត្តិការដ៏រឹងមាំនៃភាពជាដៃគូអាស៊ីអឺរ៉ុប នឹងធ្វើឲ្យអាស៊ីនិងអឺរ៉ុបចាកចេញពីវិបត្តិសកលដែលពិភពលោកកំពុង ប្រឈម។

កាំភ្លើងជាច្រើនដើមទៀត ត្រូវបានបន្តរកឃើញនៅតំបន់ស្រុកភ្នំព្រឹកខេត្តបាត់ដំបងក្បែរព្រំដែនថៃដែលនាំឲ្យ សមត្ថកិច្ចបានប្រញាប់ស្វែងរកតម្រុយជាប់ពាក់ព័ន្ធសង្ស័យ។ កាលពីថ្ងៃទី១២វិច្ឆិកា កាំភ្លើងអាកាស្វ័យប្រវត្តិ ៣០ដើមនិងកាំភ្លើង M79 ៣ដើម រួមជាមួយបង់គ្រាប់ថ្មីៗជាច្រើនត្រូវបានគេប្រទះឃើញលាក់ទុកក្នុងចំការមៀន មួយកន្លែងក្នុងក្រុមទី២, ភូមិអូររំដួល, ឃុំអូររំដួល នៃស្រុកភ្នំព្រឹក, និងកាំភ្លើងអាកាប្រមាណ២០ដើមទៀតត្រូវ បានគេរកឃើញបន្ថែមនៅក្នុងចំការមៀនដដែល ដោយនាំឳ្យចំនួនកាំភ្លើងដែលបានរកឃើញសរុបកើនដល់ ៥៣ដើមហើយ។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន២ម៉ឺន៤ពាន់៤៤១ ករណី និងការស្លាប់ថ្មីមានចំនួន៣៦០នាក់។ ប្រទេសដែលមានការឆ្លងថ្មី ក្នុងរយៈ ពេល២៤ម៉ោងចុងក្រោយ នេះនៅអាស៊ានមាន១០ប្រទេស។ ចំណែកការស្លាប់ថ្មីមាន៩ប្រទេស៕

តួលេខឆ្លងកូវីដ១៩ក្នុងប្រទេសកម្ពុជា កាន់តែបន្តធ្លាក់ចុះក្នុងរយៈពេល២៤ម៉ោងចុងក្រោយនេះទៀតដោយ តួលេខនៅសល់៤៨ករណីតែប៉ុណ្ណោះ។ បើប្រៀបធៀបនឹងម្សិលមិញ, តួលេខឆ្លងនេះ បានថយចុះ៤ករណីនិង ជាតួលេខឆ្លងក្រោម៥០ករណីលើកដំបូងបំផុតក្រោយចំណាត់ការចាក់វ៉ាក់សាំងទូទាំងប្រទេសកាន់តែកើនឡើង ស្ទើរពាសពេញប្រទេស។ យោងតាមក្រសួងសុខាភិបាល ក្នុងចំណោមការឆ្លងថ្មីចំនួន៤៨ករណីនោះ ការឆ្លង ក្នុងសហគមន៍មានចំនួន៣៧ករណី និងការឆ្លងមកពីក្រៅប្រទេសមានចំនួន១១ករណីផងដែរ។