តួលេខឆ្លងកូវីដ១៩ក្នុងរយៈពេល២៤ម៉ោងចុងក្រោយនេះ មានចំនួន៦៥ករណីដែលថយចុះ២ករណី បើ ប្រៀប ធៀបនឹងម្សិលមិញ។ ការឆ្លងថ្មីនៅថ្ងៃនេះ រួមមាន៥៨ករណីជាការឆ្លងចូលក្នុងសហគមន៍ និង៧ករណីគឺការឆ្លង មកពីក្រៅប្រទេស។ បើប្រៀបធៀបនឹងម្សិលមិញ, តួលេខឆ្លងក្នុងសហគមន៍ថ្ងៃនេះ បានថយចុះ៥ករណី, រីឯតួ លេខឆ្លងមកពីក្រៅប្រទេសកើនឡើង៤ករណី។

ពាណិជ្ជកម្មទ្វេភាគី កម្ពុជា-ជប៉ុន រយៈពេល៣ត្រីមាសដំបូងឆ្នាំ២០២១នេះ បានកើនឡើងជាង៤ភាគរយ ធៀបនឹងឆ្នាំ២០២០ កន្លងទៅ ។

ឧកញ៉ា លី សាយឃាង បានប្រគល់ខ្លួនដល់សមត្ថកិច្ចក្រោយដីកាបង្គាប់ឲ្យចាប់ខ្លួនពាក់ព័ន្ធបទល្មើសរំលោភលើ ទំនុកចិត្តនិងបរិហាកេរ្តិ៍ជាសាធារណៈ។ ឧកញ៉ាលី សាយឃាង អាយុ៥៨ឆ្នាំ បានចូលខ្លួនកាលពីព្រឹកថ្ងៃទី ១០ វិច្ឆិកាទៅស្នង ការដ្ឋាននគរបាលខេត្តសៀមរាប គឺនៅច្រើនម៉ោងបន្ទាប់ពីដីការបង្គាប់ចាប់ខ្លួនរបស់សាលា ដំបូង រាជធានីភ្នំពេញ ។

ក្រសួងវប្បធម៌ នឹងរៀបចំព្រឹត្តិការណ៍សិល្បៈដ៏ធំនៅចុងខែវិច្ឆិកានេះ ដើម្បីអបអរសាទរខួប៣ឆ្នាំ នៃការដាក់ បញ្ជូលល្ខោនខោលកម្ពុជា ចូលជាសម្បត្តិបេតិកភណ្ឌវប្បធម៌អរូបីនៃមនុស្សជាតិ។

សម្តេចពិជ័យសេនា ទៀ បាញ់ បានចូលរួមកិច្ចប្រជុំចង្អៀតរដ្ឋមន្ត្រីការពារជាតិអាស៊ាន និងកិច្ចប្រជុំពាក់ព័ន្ធ ដទៃទៀត តាមប្រព័ន្ធអនឡាញ ជាមួយការចែករំលែកទស្សនៈស្ដីពីអនាគតនៃកិច្ចប្រជុំរដ្ឋមន្ត្រីការពារជាតិ អាស៊ាន។ កិច្ចប្រជុំនេះ គឺតបតាមការអញ្ជើញរបស់រដ្ឋមន្ត្រីការពារជាតិទី២ប្រទេសប្រុយណេ ដែលជាប្រធានរដ្ឋ មន្ត្រីការពារជាតិអាស៊ានប្តូរវេនឆ្នាំ២០២១។ កិច្ចប្រជុំក្រោមប្រទេសប្រុយណេជាប្រធាននាពេលនេះ គឺជាកិច្ច ប្រ ជុំចុងក្រោយបង្អស់ហើយក្នុងនាមប្រទេសប្រុយណេធ្វើប្រធានអាស៊ាន៕

ការពិនិត្យនិងចុះឈ្មោះក្នុងបញ្ជីបោះឆ្នោតថ្មីនៅឆ្នាំ២០២១នេះសល់តែ២២ថ្ងៃទៀតនោះទេ។ ចំនួនពលរដ្ឋ ដែលបានចុះឈ្មោះក្នុងបញ្ជី ឈ្មោះរយៈពេល២៤ម៉ោងចុងក្រោយនេះ មាន៨ពាន់៦៧៦នាក់ ដែលនាំឲ្យចំនួន អ្នកមក ចុះឈ្មោះក្នុងរយៈពេល ២៨ថ្ងៃបន្តបន្ទាប់មកនេះ បានកើនដល់ជាង៣១ម៉ឺននាក់ហើយ។ ការពិនិត្យ បញ្ជីឈ្មោះ និងការចុះឈ្មោះបោះ ឆ្នោតរយៈពេល៥០ថ្ងៃ នឹងត្រូវបញ្ចប់នៅថ្ងៃទី៣០វិច្ឆិកា។

នាយករដ្ឋមន្ត្រីនៃប្រទេសកម្ពុជានិងនាយករដ្ឋមន្ត្រីនៃប្រទេសស្លូវ៉ានី បានជួបប្រជុំគ្នាតាមប្រព័ន្ធវីដេអូ និងភាគី ទាំង២បានយល់ព្រមគ្នាជម្រុញបន្ថែមលើការពង្រឹងកិច្ចសហប្រតិបត្តិការលើវិស័យនានារួមមានសេដ្ឋកិច្ច, ពាណិជ្ជកម្ម, ទេសចរណ៍, សុខាភិបាលនិងវិស័យជាច្រើនទៀត។ កិច្ចពិភាក្សារវាងនាយករដ្ឋមន្ត្រីទាំង២ប្រទេស នេះ មិនត្រឹមតែផ្តោតលើបញ្ហាទ្វេភាគីនោះទេ ប៉ុន្តែថែមទាំងផ្តោតលើបញ្ហាពហុភាគីថែមទៀត។

រដ្ឋមន្រ្តីក្រសួងវប្បធម៌ និងវិចិត្រសិល្បៈ លោកស្រីបណ្ឌិតសភាចារ្យ ភឿង សកុណា កំពុងស្ថិតក្នុងប្រទេស បារាំងផងដែរនាពេលនេះ ក្នុងការដឹកនាំគណៈប្រតិភូរាជរដ្ឋាភិបាលកម្ពុជា ចូលរួមមហាសន្និបាតលើកទី៤១ នៃអង្គការ UNESCO និង មហាសន្និបាតលើកទី២៣ នៃរដ្ឋភាគីអនុសញ្ញាឆ្នាំ១៩៧២ នៅទីក្រុងប៉ារីស។ យោង តាមក្រសួងវប្បធម៌ និង វិចិត្រសិល្បៈ កិច្ចប្រជុំបានចាប់ផ្តើមចាប់ពីថ្ងៃទី៩ និងបញ្ចប់នៅថ្ងៃទី២៤ ខែវិច្ឆិកា ឆ្នាំ២០២១ ៕

ព្រះមហាក្សត្រខ្មែរសម្តេចព្រះបរមនាថនរោត្តមសីហមុនី កំពុងស្ថិតនៅក្នុងប្រទេសបារាំងក្រោយព្រះរាជដំណើរ យាងចាកចេញពីមាតុប្រទេសនាព្រឹកថ្ងៃពុធទី១០វិច្ឆិកានេះ។ ព្រះរាជដំណើរទៅកាន់ប្រទេសបារាំង គឺដើម្បីការ ចូលរួមក្នុងមហាសន្និបាតលើកទី៤១ក្នុងឳកាសបុណ្យខួបទី៧៥ នៃអង្គការ UNESCO នៅក្នុងប្រទេសបារាំងរវាង ពីថ្ងៃទី១០ដល់១៤វិច្ឆិកាឆ្នាំ២០២១។