ប្រទេសអាស៊ានទាំង១០ក្នុងរយៈពេល៧២ម៉ោងចុងក្រោយនេះ ការឆ្លងកូវីដ១៩ មានចំនួន៨ម៉ឺន២ពាន់៨៩១ ករណីនិងការស្លាប់ថ្មីមានចំនួន១ពាន់៨៥នាក់។ តួលេខឆ្លងនិងតួលេខស្លាប់ក្នុងប្រទេសអាស៊ាននេះ ត្រូវគេកត់ សម្គាល់ថា មានការធ្លាក់ចុះគួរឲ្យកត់សម្គាល់។ កាលពីសប្តាហ៍មុនៗ ក្នុងរយៈពេល៧២ម៉ោង ការឆ្លងមានក្នុង រង្ចង់ជាង១០ម៉ឺនករណី និងការស្លាប់ស្ថិតក្នុងរង្វង់ជាង២ពាន់នាក់។

តួលេខឆ្លងកូវីដ១៩ក្នុងរយៈពេល២៤ម៉ោងចុងក្រោយនេះ មានចំនួន៦៨ករណីដែលថយចុះចំនួន៣ករណី បើ ប្រៀបធៀបនឹងម្សិលមិញ។ ការឆ្លងថ្មីនៅថ្ងៃនេះ រួមមាន៦១ករណីជាការឆ្លងចូលក្នុងសហគមន៍ និង ៧ ករណី គឺ ការឆ្លងមកពីក្រៅប្រទេស។ បើប្រៀបធៀបនឹងម្សិលមិញ, តួលេខឆ្លងក្នុងសហគមន៍ថ្ងៃនេះ បានថយចុះ៥ ករណី, រីឯតួលេខឆ្លងមកពីក្រៅប្រទេសកើនឡើង២ករណី។

សំណង់ស្ពានអាកាសចោមចៅ បានឈានចូលក្នុងដំណាក់កាលអ៊ុតកៅស៊ូហើយ ដែលក្នុងដំណាក់កាលនេះ បានតម្រូវឲ្យការធ្វើដំណើរជាបណ្តោះអាសន្នត្រូវធ្វើតាមរយៈការបើកផ្លូវក្រោមដី។ ការអ៊ុតផ្លូវនេះ នឹងមានរយៈ ពេល១៤ថ្ងៃ។ ស្ពានចោមចៅ គឺជាស្ពានទី៦ក្នុងរាជធានីភ្នំពេញ៕

ពលរដ្ឋចំនួន៣ម៉ឺន១ពាន់៤៣៨នាក់ បានមកចុះឈ្មោះបោះឆ្នោតថ្មីក្នុងរយៈពេល៧២ម៉ោងនេះ ដែលនាំឲ្យចំនួន អ្នកមកចុះឈ្មោះក្នុងរយៈពេល២៦ថ្ងៃបន្តបន្ទាប់ជាប់គ្នាមកនេះ បានកើនដល់ជាង២៩ម៉ឺននាក់ហើយ។ ការពិនិត្យ បញ្ជីឈ្មោះ និងការចុះឈ្មោះបោះឆ្នោតឆ្នាំ២០២១ មានរយៈពេល៥០ថ្ងៃ ដោយបានចាប់ផ្តើមតាំងពីថ្ងៃទី ១២ខែតុ លាមក។ការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២១ គ្រោងនឹងបញ្ចប់នៅថ្ងៃទី៣០ខែវិច្ជិកា។

ប្រមុខរាជរដ្ឋាភិបាល បានថ្លែងបញ្ជាក់ដាច់ណាត់ដោយការប្រើប្រាស់ច្បាប់ដាក់ទោសដល់អ្នកណាដែលចង់រៀប ចំវិធីអុកឡុកសភាពការណ៍ក្នុងពេលដែលកម្ពុជាធ្វើជាប្រធានអាស៊ានឆ្នាំ២០២២។ ក្រុមប្រឆាំងត្រូវគេរាយការណ៍ ថាបាននិងកំពុងរៀបចំផែនការណ៍ «ត្រីបកលើក្តារអុកអាស៊ាន» ដែលជា សកម្មភាពចង់បង្កអុកឡុកស្ថានការណ៍ ដែលរាជរដ្ឋាភិបាលនឹងត្រូវធ្វើជាប្រធានអាស៊ានប្តូរវេនឆ្នាំ២០២២។ សម្តេចនាយករដ្ឋមន្ត្រី បានព្រមានទុកជាមុន នូវការប្រើវិធីតបតចំពោះអំពើខុសច្បាប់ទាំងនោះ ៕

សម្តេចតេជោហ៊ុនសែន បានចាត់ទុកទង្វើរបស់ក្រុមប្រឆាំងដែលស្វែងរកការចង់សើរើការអនុវត្តកិច្ចព្រមព្រៀង ក្រុងប៉ារីសថ្ងៃទី២៣ តុលាឆ្នាំ១៩៩១ គឺជាក្រុមដែលចង់ឲ្យបរទេសវិលត្រឡប់មកត្រួតត្រាកម្ពុជាសាឡើងវិញ។  

ទីស្តីការថ្មីនៃក្រសួងរៀបចំដែនដី នគរូបនីយកម្មនិងសំណង់ បានធ្វើពិធីសម្ពោធនៅថ្ងៃទី៨វិច្ឆិកានេះ ក្រោយការ អាក់ខានរយៈពេល២១៧ថ្ងៃកន្លងមកនេះ ដោយសារតែវិបត្តិឆ្លងកូវីដ-១៩។ ទីស្តីការក្រសួងថ្មីនេះ គ្រោងនឹងធ្វើ ការសម្ពោធកាលនោះ គឺនៅថ្ងៃទី៤មេសាឆ្នាំ ២០២១ ប៉ុន្តែបានអាក់ខានរហូតមក ដោយសារតែវិបត្តិផ្ទុះឆ្លងដ៏ធំ ជាលើកទី២ក្នុងព្រឹត្តិការណ៍សហគមន៍២០កុម្ភៈនោះមក។ សម្តេចនាយករដ្ឋមន្ត្រីបានថ្លែងនៅថ្ងៃបើកសម្ពោធ សាឡើងវិញនេះបញ្ជាក់ជុំវិញកម្ពុជាដែលបានដំណើរការបើកប្រទេសជាតិសាឡើងវិញនិងការត្រូវរៀនរស់នៅ របស់ពលរដ្ឋជាមួយនឹងជម្ងឺកូវីដ-១៩ តាមគន្លងថ្មី ។

សម្តេចនាយករដ្ឋមន្ត្រីហ៊ុនសែន បានទទួលជួបរដ្ឋមន្ត្រីការបរទេសអូស្ត្រាលី ក្នុងការសម្តែងក្តីគួរសមខណៈ បំពេញទស្សនកិច្ចជាផ្លូវការក្នុងប្រទេសកម្ពុជា។

ព្រះករុណាព្រះមហាក្សត្រខ្មែរគ្រោងនឹងយាងចាកចេញទៅក្រៅប្រទេសក្នុងសប្តាហ៍នេះដើម្បីចូលរួមក្នុងកិច្ច ប្រជុំមហាសន្និបាតអង្គការយូណេស្កូលើកទី៤១ក្នុងប្រទេសបារាំង។ សប្តាហ៍នេះ គឺជាសប្តាហ៍ដែលព្រះរាជាណា ចក្រកម្ពុជា ប្រារព្ធនូវទិវាបុណ្យឯករាជ្យជាតិ៩វិច្ឆិកា ដែលរំលឹកខួប៦៨ឆ្នាំដែលកម្ពុជាទទួលបានឯករាជ្យពីអាណា និគមនិយមបារាំង។