ពលរដ្ឋ២៦០គ្រួសារដែលរងផលប៉ះពាល់ដោយសារគ្រោះទឹកជំនន់ក្នុងខេត្តស្ទឹងត្រែង បានទទួលអំណោយពី កាកបាទក្រហម។ ខេត្តស្ទឹងត្រែងដែលជាប់នឹងដងទន្លេមេគង្គ គឺជាខេត្តមួយក្នុងចំណោមបណ្តាខេត្តដែលរង ប៉ះពាល់នឹងទឹកជំនន់វេលាថ្មីៗកន្លងមកនេះ៕

តម្លៃប្រេងឥន្ធនៈ នៅតែបន្ដកើនឡើងថែមទៀត សម្រាប់ការលក់រយៈពេល១៥ថ្ងៃខាងមុខនេះ។ យោងតាមក្រ សួងពាណិជ្ជកម្ម, តម្លៃប្រេងឥន្ធនៈសម្រាប់ការលក់ចាប់ពី ថ្ងៃទី០១ រហូតដល់ថ្ងៃទី១៥ ខែវិច្ឆិកា ឆ្នាំ២០២១នេះ គឺ ប្រេងសាំងធម្មតាមានតម្លៃ៤ពាន់៥៥០រៀលក្នុង១លីត្រ ដែលតម្លៃនេះគឺកើនឡើងចំនួន២៥០រៀល បើធៀបទៅ ការលក់រយៈពេល១៥ថ្ងៃមុនដូចគ្នា…ចំណែកប្រេងម៉ាស៊ូតវិញ មានតម្លៃ៤ពាន់១០០រៀល ក្នុង១លីត្រដែលតម្លៃ នេះ បានកើនឡើងចំនួន១០០រៀល បើធៀបទៅនឹងការលក់រយៈពេល១៥ ថ្ងៃមុន។

មេបញ្ជាការកងរាជអាវុធហត្ថក្រុងក្រចេះនៃខេត្តក្រចេះ បានស្ថិតក្នុងរង្វង់សមត្ថកិច្ចរបស់តុលាការខេត្តនៅថ្ងៃនេះ ហើយ ក្រោយការចាប់ខ្លួនពីបទប្រើហិង្សាលើកុមារី២នាក់និងការបង្ខំក្មេងស្រីទាំង២ស៊ីលាមកឆ្កែ។ អំពើហួស ហេតុនៃមន្ត្រីកងរាជអាវុធហត្ថលោកទេពហ៊ុយនេះហើយ បានជម្រុញឲ្យបេបញ្ជាការកងរាជអាវុធហត្ថលើផ្ទៃប្រ ទេសចាត់វិធានការឃាត់ខ្លួនតាមផ្លូវច្បាប់និងបញ្ជូនមន្ត្រីប៉េអឹមរូបនេះ ទៅតុលាការដើម្បីធ្វើការកាត់ទោសតាម ច្បាប់៕

ប្រមុខរាជរដ្ឋាភិបាលកម្ពុជា បានថ្លែងបញ្ជាក់ជុំវិញលើលទ្ធភាពចំណាយបើសិនជាមានតម្រូវការចាក់វ៉ាក់សាំង ដូសទី៤។ ប្រសាសន៍បញ្ជាក់របស់សម្តេចតេជោហ៊ុនសែនអំពីបញ្ហាចំណាយដូសទីបួននេះ បានធ្វើ ឡើងក្នុង ការឆ្លើយតបមួយចំពោះសំណួររបស់ក្រុមសារព័ត៌មាននៅថ្ងៃទី១វិច្ឆិកានេះ ។

ខេត្តពោធិ៍សាត់ បានបើកយុទ្ធនាការចាក់វ៉ាក់សាំងកូវីដ១៩ ដល់កុមារអាយុ០៥ឆ្នាំ នៅទូទាំងខេត្តនៅថ្ងៃនេះ។ យុទ្ធនាការនេះ គឺនៅបន្ទាប់ពីការប្រកាសបើកយុទ្ធនាការចាក់វ៉ាក់សាំងបង្កាកូវីដ១៩លើកុមារអាយុ៥ឆ្នាំទូទាំង ប្រទេសរបស់ប្រមុខរាជរដ្ឋាភិបាល។

អង្ករ៥០តោន និងគ្រឿងឧបភោគបរិភោគជាច្រើនដទៃទៀត ត្រូវបានប្រគល់ជូនរដ្ឋបាលរាជធានីភ្នំពេញនៅ ថ្ងៃនេះដើម្បីការចែកចាយដល់ពលរដ្ឋក្នុងរាជធានីដែលរងគ្រោះនឹងជំនន់ទឹកភ្លៀង។

កម្ពុជា បានចំណាយថវិកាអស់២ពាន់៣០០លានដុល្លារហើយក្នុងវិធានការទប់ស្កាត់ជួយសង្គ្រោះអាយុជីវិត ប្រជាពលរដ្ឋក្នុងពេលដែលកម្ពុជានិងពិភពលោកបាននិងកំពុងឆ្លងកាត់វិបត្តិកូវីដ១៩នេះ។

ប្រទេសអាស៊ានទាំង១០ក្នុងរយៈពេល៧២ម៉ោងចុងក្រោយនេះ ការឆ្លងកូវីដ១៩ មានចំនួន៩ម៉ឺន៣ពាន់៩៨១ ករណី និងការស្លាប់ថ្មីមានចំនួន១ពាន់៤២៩នាក់។ ប្រទេសដែលមានការឆ្លងថ្មី និងការស្លាប់ថ្មីក្នុងរយៈ ពេល៧២ ម៉ោងចុងក្រោយនេះនៅអាស៊ាន រួមមាន១០ប្រទេស៕

រាជរដ្ឋាភិបាលកម្ពុជា បានត្រៀមបម្រុងការទិញថ្នាំលេបបង្កាកូវីដ១៩ជាច្រើនមកពីក្រៅប្រទេសក្នុងពេលដែល មានការប្រកាសបើកដំណើរការប្រទេសសាឡើងវិញនៅថ្ងៃនេះ។