ចំនួនមនុស្សស្លាប់ដោយសារឆ្លងកូវីដមាន៦នាក់នៅថ្ងៃច័ន្ទនេះ, ក្នុងនោះចំនួនអ្នកស្លាប់ដោយការមិនចាក់វ៉ាក់ សាំងមានច្រើនដល់៤នាក់។

ច្បាប់កំណត់សញ្ជាតិខ្មែរតែមួយ នឹងត្រូវស្ថាប័នព្រឹទ្ធសភាបើកកិច្ចប្រជុំវិសាមញ្ញនីតិកាលទី៤នៅថ្ងៃទី២វិច្ឆិកានេះ ដើម្បីពិនិត្យនិងឲ្យយោបល់។ ច្បាប់ធ្វើវិសោធនកម្មកំណត់អ្នកដឹកនាំកំពូលស្ថាប័នជាតិទាំង៤ ឲ្យមាន សញ្ជាតិខ្មែរតែមួយ បានទទួលការអនុម័តទាំងស្រុងពីស្ថាប័នរដ្ឋសភាកាលពីថ្ងៃទី២៥ តុលាឆ្នាំ២០២១ ក្នុង សម្លេងគាំទ្រឯកច្ឆ័ន្ទ១១១ សំឡេង។

ប្រទេសជប៉ុន បានផ្តល់រថយន្ត៣៩ គ្រឿងដើម្បីគាំទ្រដល់កម្ពុជាដែលធ្វើជាប្រធានអាស៊ានឆ្នាំ២០២២ខាងមុខ នេះ។ ពិធីប្រគល់និងទទួល បានធ្វើឡើងនៅព្រឹកថ្ងៃទី ០១ ខែវិច្ឆិកា ឆ្នាំ២០២១ ក្រោមអធិបតីភាព រដ្ឋមន្ត្រីក្រសួង ការបរទេស លោកប្រាក់ សុខុន និង ឯកអគ្គរាជទូតជប៉ុនប្រចាំកម្ពុជា លោក មិកាមិ ម៉ាសាហ៊ីរ៉ូ​នៅទីស្ដីការក្រសួង ការបរទេសកម្ពុជា។

តួលេខឆ្លងកូវីដ១៩បានថយចុះមកនៅត្រឹម២ខ្ទង់ក្នុងរយៈពេល២ថ្ងៃជាប់គ្នាកន្លងមកនេះ។ ក្នុងរយៈពេល២៤ ម៉ោងចុងក្រោយនេះ តួលេខឆ្លងកូវីដ១៩ មានចំនួន៩១ករណី, ចំណែកម្សិលមិញតួលេខឆ្លងមាន៩៥ករណី ដែល ជាតួលេខឆ្លងធ្លាក់ចុះមកត្រឹម២ខ្ទង់លើកដំបូងក្រោយយុទ្ធនាការចាក់វ៉ាក់ទូទាំងប្រទេសបានសម្រេច៨៥,៦៨ភាគ រយទៅហើយនោះ។ គិតត្រឹមថ្ងៃទី១វិច្ឆិកានេះ, តួលេខចាក់វ៉ាក់សាំងទូទាំងប្រទេសមានចំនួន១៣លាន៧សែន ៩ពាន់៤៨៧នាក់។

សមត្ថកិច្ចក្នុងរាជធានី ប្រញាប់រៀបចំវិធានការពង្រឹងសន្តិសុខសណ្តាប់ធ្នាប់ដល់ភ្ញឿវទេសចរណ៍ ទន្ទឹមនឹងសេច ក្តីប្រកាសរបស់ប្រមុខរាជរដ្ឋាភិបាលបើកប្រទេសជាតិសាឡើងវិញចាប់ពីថ្ងៃនេះទៅ៕

កម្ពុជាបើកដំណើរការប្រទេសជាតិពេញលេញសាជាថ្មីចាប់ផ្តើមពីថ្ងៃនេះហើយ។ សម្តេចតេ ជោហ៊ុនសែន បានថ្លែងបញ្ជាក់យ៉ាងច្បាស់លាស់នៅថ្ងៃច័ន្ទនេះនូវការបើកប្រទេសនិងដំណើរការនានាសាឡើងវិញដោយពលរដ្ឋ ត្រូវរៀនរស់នៅជាមួយនឹងកូវីដ១៩ក្នុងបរិបទថ្មី ។

កម្ពុជាបានប្រកាសបើកដំណើរការប្រទេសជាតិសាឡើងវិញចាប់ពីថ្ងៃទី១វិច្ឆិកាឆ្នាំ២០២១នេះ នៅទន្ទឹមនឹង យុទ្ធនា ការចាក់វ៉ាក់សាំងលើពលរដ្ឋវ័យពី៦ឆ្នាំឡើងទៅ បានសម្រេចតាមគោលដៅស្ទើរទាំងស្រុងនៅទូ ទាំង ប្រទេស។