មិនមានមនុស្សច្រើននាក់ទេ ដែលបានដឹងអំពីជីវិតដែលរស់នៅក្រោមបាតសមុទ្ទដែលលាក់បំពួនទៅដោយផ្កា ថ្មនិងសត្វមានជីវិតជាច្រើន។ ការស្វែងយល់និងស្រាវជ្រាវមួយអំពីជីវិតនៅក្រោមបាតសមុទ្ទថ្មីៗនេះ ត្រូវបាន ធ្វើ ក្នុងតំបន់កោះអាចម៍សេះនៃដែនទឹករបស់កម្ពុជាដោយយុវជនខ្មែរមួយក្រុមដែលព្យាយាមចង់អភិរក្សជីវិតនិងធនធានដែលស្ថិតនៅក្រោមបាតសមុទ្ទនៃកោះអាចម៍សេះក្នុងខេត្តកែប៕

បុរសវ័យចំណាស់អាយុ៧១ឆ្នាំម្នាក់ដែលជាអ្នកស៊ីឈ្នួលចាំដីចម្ការនៅក្នុងខណ្ឌច្បារអំពៅរាជធានីភ្នំពេញ ត្រូវ បានឃាតករចាក់សម្លាក់ចំនួន៦កាំបិត។ យោងតាមអធិការដ្ឋាននគរបាលខណ្ឌ, បុរសចំណាស់ឈ្មោះ អាត់សូត្រ គឺជាអ្នកស៊ីឈ្នួលមើលដីចំការនៅភូមិកោះក្របីមួយ ក្នុងសង្កាត់ព្រែកថ្មី។ មិនមានសេចក្តីរាយការណ៍ជុំវិញករណី ឃាតករសង្ស័យណាមួយនោះទេ។

ស្ត្រីវ័យក្មេងម្នាក់ ត្រូវបានឃាតករសម្លាប់នៅក្នុងផ្ទះសំណាក់មួយក្នុងខេត្តពោធិ៍សាត់ និងសាកសពត្រូវបានគេរុំ ដាក់នៅក្នុងភួយបំរុងនឹងលួចដឹកចេញដោយស្ងាត់់ៗ។ ករណីឃាតកម្មនេះបានផ្អើលឆោឡោវេលាព្រឹកថ្ងៃទី៨តុ លានេះ បន្ទាប់ពីបុរសម្នាក់ដែលបំរុងដឹកសាកសពនៅក្នុងភួយនោះលើកដាក់ម៉ូតូបំរុងបើកចេញប៉ុន្តែត្រូវបានអ្នក ធ្វើការក្នុងផ្ទះសំណាក់បានឃើញនិងស្រែកសាកសួរ។ បុរសជាជនសង្ស័យ បានរត់គេចខ្លួនដោយទុកម៉ូតូនិង សាកសពក្នុងភួយនោះចោលនៅលើម៉ូតូ។ មិនមានសេចក្តីរាយការណ៍បញ្ជាក់ជុំវិញអត្តសញ្ញាណអ្នកស្លាប់និង បុរសជាជនសង្ស័យនោះទេ។ ហេតុការណ៍បានកើតឡើងក្នុងសំណាក់ យ៉ិនស៊ិនថ្មី ក្នុងសង្កាត់រលាប នៃក្រុង ពោធិ៍សាត់។

ហេតុការណ៍លង់ទឹកនៅឆ្នេរសមុទ្ទរាមក្នុងខេត្តព្រះសីហនុ បាននាំឲ្យមនុស្ស៤នាក់ស្លាប់បើទោះបីជាមានការ ជួយសង្គ្រោះ។ មនុស្សម្នាក់ទៀតបានរួចខ្លួនបន្ទាប់ពីមានការជួយសង្គ្រោះក្នុងហេតុការណ៍ដែលកើតឡើងកាល ពីល្ងាចថ្ងៃទី៧តុលាដែលជាថ្ងៃចុងក្រោយនៃពិធីបុណ្យភ្ជុំបិណ្ឌ។ ស្នងការនគរបាលខេត្តព្រះសីហនុ លោកឧត្តម សេនីយ៍ទោ ជួន ណារិន្ទ បានថ្លែងថាមនុស្សទាំង៥ដែលបានលង់ទឹកនោះ គឺជាបងប្អូនបង្កើតនិងជីដូនមួយ។

មនុស្សចំនួន៥នាក់ ត្រូវបានឃាត់ខ្លួនរយៈពេល២៤ម៉ោងកន្លងមកនេះ ក្នុងអំពើល្មើសបំពានវិធានរដ្ឋបាល និង វិធានសុខាភិបាលក្នុងស្ថានការណ៍ដែលរាជរដ្ឋាភិបាល កំពុងបន្តឹងការអនុវត្តច្បាប់ ប្រឆាំង នឹងការឆ្លងកូវីដ១៩។  មន្ត្រីគណៈកម្មការអន្តរក្រសួងដើម្បីប្រយុទ្ធនឹងជម្ងឺកូវីដ-១៩ លោកឧត្តម សេនីយ៍ឯក ម៉ៅ ពៅ បានថ្លែងនៅថ្ងៃ សុក្រនេះថា សមត្ថកិច្ចបានផាកពិន័យជាប្រាក់បានចំនួន ២សែន រៀល ក្នុងការអនុវត្តវិធានការច្បាប់ចំនួន ៥ករណី នៅថ្ងៃនេះ។

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន៤ម៉ឺន២ពាន់៤៤៩ ករណី និងការស្លាប់ថ្មីមានចំនួន៧០៣នាក់។ ប្រទេសដែលមានការឆ្លងថ្មីក្នុងរយៈ ពេល២៤ម៉ោងចុង ក្រោយ នេះនៅ អាស៊ាន មាន១០ប្រទេស។ ចំណែកការ ស្លាប់ថ្មីមានចំនួន៩ប្រទេស៕