កម្ពុជា បាននាំចេញគ្រាប់ស្វាយចន្ទីចំនួន ៨៧ម៉ឺនតោន ទៅកាន់ប្រទេសចំនួន១១ក្នុងរយៈពេល ៨ខែ ដើម ឆ្នាំ នេះ។យោងតាមក្រសួងកសិកម្ម គ្រាប់ស្វាយចន្ទីដែលកម្ពុជានាំចេញមានចំនួន៨៧ម៉ឺន៦ពាន់៥២១កណ្តក់ សញ្ញា ១៩តោន គឺជាតួលេខកើនឡើង៣៤០,៦១% បើប្រៀបធៀបនឹងរយៈពេលដូចគ្នា២០២០។

គ្រោះថ្នាក់ចរាចរណ៍ក្នុងខែសីហា ឆ្នាំ២០២១ បានសម្លាប់មនុស្ស១២៣នាក់ ដែលស្មើនឹងជិត៤នាក់ក្នុងមួយថ្ងៃ។ ហ្វេសបុកផ្លូវការរបស់សម្តេចក្រឡាហោម ស ខេង បានសរសេរថាតួលេខស្លាប់នេះ បានកើនឡើង១៦នាក់បើ ប្រៀបធៀបនឹងខែកក្កដាកន្លងមកនេះ។

គ្រឿងញៀនជិត៨០០គីឡូក្រាមនិងមនុស្សជាង៧ពាន់នាក់ ត្រូវបានបង្ក្រាបនិងចាប់ខ្លួនក្នុងរយៈពេល៦ខែដើម ឆ្នាំ២០២១។ របាយការណ៍របស់សមត្ថកិច្ចប្រឆាំងគ្រឿងញៀន បានបញ្ជាក់ថានៅក្នុងឆមាសទី១ ឆ្នាំ២០២១ បទ ល្មើសគ្រឿងញៀនមានចំនួន៣ពាន់២៥៩ករណី និងការឃាត់ខ្លួនមនុស្សចំនួន៧ពាន់២៦៣នាក់ ក្នុងនោះរួមមាន ស្រី៤០៦នាក់ និងជនបរទេស១៤៤នាក់ ដែលរួមមាន ៨សញ្ជាតិ។

អតីតយោធាម្នាក់ជាជនពិការដៃនិងជើង អាយុ៥៤ឆ្នាំ បានបាត់បង់ជីវិតក្រោយមានហេតុការណ៍ផ្ទុះគ្រាប់បែក នៅក្នុងស្រុកភ្នំស្រុកខេត្តបន្ទាយមានជ័យ។ សេចក្តីរាយការណ៍របស់សមត្ថកិច្ចនគរបាលបានសន្និដ្ឋានថាគឺជា អំពើធ្វើអត្តឃាត ប៉ុន្តែមូលហេតុនៃការធ្វើអត្តឃាត មិនបានបញ្ជាក់ឡើយ។

គ្រាប់ចាស់ៗមិនទាន់ផ្ទុះចំនួន ០៦គ្រាប់ ដែលជាប្រភេទគ្រាប់ទម្លាក់ពីលើយន្តហោះ ត្រូវបានគេប្រទះឃើញ នៅក្នុងខេត្តកំពង់ឆ្នាំង។ កម្លាំងនគរបាលស្រុកបរិបូណ៍ បានសហការជាមួយកម្លាំងស៊ីម៉ាក់ CMAC ចុះយក គ្រាប់មិនទាន់ផ្ទុះដែលមិនទាន់ស្គាល់ឈ្មោះទាំងនោះដែលបានរកឃើញ នៅភូមិក្បាលដំរី ឃុំត្រពាំងចាន់ ក្នុងស្រុកបរិបូណ៍កាលពីថ្ងៃអង្គារ ទី៣១ ខែសីហា។ កម្ពុជាមានផែនការបោសសំអាតគ្រាប់ មីន និងគ្រាប់មិនទាន់ ផ្ទុះឲ្យអស់រហូតដល់ឆ្នាំ២០២៥។

កម្ពុជាបានសម្រេចការនាំទំនិញចេញទៅប្រទេសជប៉ុនបានជាង ៨០០លានដុល្លារនៅឆមាសទី១ ឆ្នាំ២០២១ នេះ។ របាយការណ៍របស់អង្គការពាណិជ្ជកម្មក្រៅប្រទេសជប៉ុន JETRO បានឲ្យដឹងថាក្នុងឆមាសទី១ ឆ្នាំនេះ ការនាំចេញទំនិញរបស់កម្ពុជាទៅកាន់ប្រទេសជប៉ុនក្នុងតម្លៃទឹកប្រាក់សរុបជាង ៨០០លានដុល្លារអាមេរិកនេះ គឺ កើនឡើងជិត៣ភាគរយ បើធៀបនឹងរយៈពេលដូចគ្នា កាលពីឆ្នាំ២០២០។

តម្លៃប្រេងឥន្ធនៈ បានបន្ដថយចុះតិចតួចថែមទៀតសម្រាប់ការលក់រយៈ ពេល១៥ថ្ងៃ ខាងមុខនេះ។ យោងតាម ក្រសួងពាណិជ្ជកម្មតម្លៃប្រេងឥន្ធនៈ សម្រាប់ការលក់ចាប់ពី ថ្ងៃទី១ រហូតដល់ថ្ងៃទី១៥ ខែកញ្ញា ឆ្នាំ២០២១នេះ គឺ ប្រេងសាំងធម្មតា មានតម្លៃ ៣ពាន់៩០០រៀល ក្នុង១លីត្រ ដែលតម្លៃនេះ គឺមានការថយចុះចំនួន ១០០រៀល បើ ធៀបទៅការលក់រយៈពេល១៥ ថ្ងៃមុនដូចគ្នា…ចំណែកប្រេងម៉ាស៊ូតវិញ មានតម្លៃ៣ពាន់៥០០ រៀលក្នុង១ លីត្រ ដែលតម្លៃនេះថយចុះចំនួន៥០រៀល បើធៀបទៅនឹងការលក់រយៈ ពេល១៥ ថ្ងៃមុន។

គណៈកម្មាធិការជាតិរៀបចំការបោះឆ្នោត នឹងរៀបចំកិច្ចប្រជុំជាមួយភាគីពាក់ព័ន្ធពីការប្រកាសផ្សព្វផ្សាយ ប្រតិទិននៃការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២១។

ឃុំថ្មីមូយក្នុងខេត្តបាត់ដំបង ត្រូវបានបង្កើតឡើងយោងតាមអនុក្រិត្យមួយចុះហត្ថលេខាដោយសម្តេចនាយក រដ្ឋមន្ត្រីហ៊ុនសែន។ ឃុំបួវិល ត្រូវបានបង្កើតឡើងយោងតាមអនុក្រិត្យចុះហត្ថលេខាកាលពីថ្ងៃទី២០សីហា ដែល ស្ថិតនៅក្នុងស្រុកបរវេលនៃខេត្តបាត់ដំបង។

មន្ត្រីកម្ពុជាបានថ្លែងថាអង្គការសហប្រជាជាតិបានចាត់កម្ពុជា ជាប្រទេសទទួលជោគជ័យក្នុងការអនុវត្តបាន ល្អលើកតិកាសញ្ញាពិភពលោកសម្រាប់ទេសន្ដរប្រវេសន៍។ កតិកាសញ្ញាពិភពលោកសម្រាប់ទេសន្ដរប្រវេសន៍ ដោយសុវត្ថិភាព, រៀបរយ និងស្របច្បាប់ GCM ដែលមានន័យពេញថា Global Compact for Safe, Orderly and Regular Migration គឺជាកិច្ចព្រមព្រៀងរបស់ពិភពលោកដែលចុះហត្ថលេខាដោយប្រទេសចំនួន១៩២ ក្នុងនោះ រួមមានប្រទេសកម្ពុជាផងដែរ។