-
ប្រទេសអាស៊ាន មានអ្នកឆ្លងកូវីដ១៩ ជាង៩ម៉ឺនករណី រយៈពេល២៤ម៉ោងចុងក្រោយ (Video Inside)
ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន៩ម៉ឺន៤ពាន់៤៩៩ ករណី និងការស្លាប់ថ្មីមានចំនួន២ពាន់៦៩២នាក់។ នេះជាតួលេខឆ្លងកើនឡើងចំនួន១ពាន់១៧៤ករណីបើប្រៀប ធៀបនឹងម្សិលមិញ, ចំណែកតួលេខស្លាប់បានថយចុះ៤នាក់ផងដែរ។ ប្រទេសដែលមានការឆ្លងថ្មីក្នុងរយៈ ពេល២៤ម៉ោងចុង ក្រោយ នេះនៅ អាស៊ាន មាន៩ប្រទេស។ ប្រទេស ដែល មានការស្លាប់ថ្មីរយៈពេល២៤ម៉ោងចុងក្រោយនេះ មានចំនួន ៧ប្រទេស ។
-
រយៈពេល២៤ម៉ោង ការចាក់វ៉ាក់សាំងលើពលរដ្ឋ បាន១១ម៉ឺន៥ពាន់៩៦៦នាក់ (Video Inside)
ប្រជាពលរដ្ឋ១១ម៉ឺន៥ពាន់៩៦៦នាក់ បានទទួលការចាក់វ៉ាក់សាំងរយៈពេល២៤ម៉ោងកន្លងមកនេះដែលនាំឲ្យ ចំនួនមនុស្សដែលបានទទួលវ៉ាក់សាំង បានកើនសរុប៩លាន៣សែន៨ម៉ឺន៨ពាន់៧៣៥នាក់, ក្នុងនោះអ្នកបាន ចាក់វ៉ាក់សាំងបាន២ដូសរួចមានចំនួន៧លាន៦សែន៦ម៉ឺន២ពាន់២៦៣នាក់។ កម្ពុជាដែលមានប្រជាពលរដ្ឋ សរុបចំនួន១៦ លាននាក់ ទំហំភាគរយនៃការចាក់វ៉ាក់សាំងនាពេលនេះ កើនបានប្រមាណ៥៨,៦៨ភាគរយ ហើយ។ រាជរដ្ឋាភិបាលកម្ពុជា បានពង្រីកការវ៉ាក់សាំងចាក់ដូសទី៣បន្ថែមទៀតចាប់តាំងពីសប្តាហ៍មុន ដើម្បី បង្កា ទប់ ស្កាត់ការឆ្លងវីរុសបំប្លែងថ្មី Delta ដែលកំពុងធ្វើចរាចរណ៍ក្នុងរាជធានី និងតាមបណ្តាខេត្តមួយចំនួន។ យោងតាមក្រសួងសុខាភិបាល ការចាក់ដូសទី៣ ឬដូសជម្រុញលើប្រជាពលរដ្ឋបានចំនួន ៣៩ម៉ឺន១ពាន់ ៤០១នាក់។
-
ការឆ្លងជំងឺកូវីដ១៩ ក្នុងរយៈពេល២៤ម៉ោង មានចំនួន៥១៩ករណី (Video Inside)
ការឆ្លងជំងឺកូវីដ១៩នៅថ្ងៃនេះ បានថយចុះចំនួន១៣ករណីបើប្រៀបធៀបនឹងម្សិលមិញ។ ការឆ្លង៥១៩ករណីថ្ងៃ នេះ រួមការឆ្លងចូលក្នុងសហគមន៍ចំនួន៣៣៤ករណីនិងការឆ្លងមកពីក្រៅប្រទេស១៨៥ករណី។ បើប្រៀបធៀបនឹងម្សិលមិញ តួលេខឆ្លងក្នុងសហគមន៍ថ្ងៃនេះ បានថយចុះ៥៤ករណី, ចំណែកតួលេខឆ្លងមកពី ក្រៅប្រទេសបានកើនឡើង៤០ករណី។ ការស្លាប់ថ្មីក្នុងរយៈពេល២៤ម៉ោង ចុងក្រោយ នេះ មានចំនួន១៥នាក់ ដែលចំនួននេះថយចុះ២នាក់ បៀបធៀបនឹងម្សិលមិញ។ ចំនួនមនុស្សដែលបានឆ្លងក្នុងព្រឹត្តិការណ៍សហគមន៍ ២០កុម្ភៈ រយៈពេល១៨១ថ្ងៃកន្លងមកនេះ បានកើនឡើង ដល់៧ម៉ឺន៤ពាន់៤៣៨ករណី ។ កម្ពុជាគិតត្រឹមថ្ងៃ ទី២០ខែសីហា, ការឆ្លងសរុបទូទាំងប្រទេសមានចំនួន៨ម៉ឺន ៨ពាន់២៤២ករណី, ការស្លាប់សរុបកើនចំនួន ១ពាន់៧៦២នាក់ និង ការព្យាបាលជាសះស្បើយ សរុប មានចំនួន ៨ម៉ឺន៣ពាន់៨៥១នាក់។
-
កម្ពុជានឹងទទួលវ៉ាក់សាំងស៊ីណូហ្វាម នៃជំនួយចិន៥០ម៉ឺនដូស សប្តាហ៍ក្រោយ (Video Inside)
វ៉ាក់សាំងបង្កាកូវីដ១៩ចំនួន៥០ម៉ឺនដូសទៀត ដែលជាជំនួយរបស់ប្រទេសចិននឹងមកដល់កម្ពុជានៅសប្តាហ៍ ក្រោយ។ យោងតាមក្រសួងការពារជាតិ វ៉ាក់សាំង ស៊ីណូហ្វាម នៃជំនួយរបស់រដ្ឋាភិបាលចិន នឹងដឹកមកដល់ ប្រទេសកម្ពុជា នៅថ្ងៃទី២៣ ខែសីហានាដើមសប្តាហ៍ក្រោយនេះ។ លិខិតក្រសួងការពារជាតិបញ្ជាក់ថាពិធីប្រ គល់និងទទួលវ៉ាក់សាំងចំនួន៥០ម៉ឺនដូសនេះ នឹងធ្វើឡើងក្រោម អធិបតីភាពសម្តេចពិជ័យសេនា ទៀ បាញ់, ចំណែកភាគីរដ្ឋាភិបាលចិននឹងតំណាងដោយឯកអគ្គរដ្ឋទូតចិនប្រចាំកម្ពុជាលោក វ៉ាង វិនធាន នៅ អាកាស យានដ្ឋានអន្តរជាតិភ្នំពេញ។ កម្ពុជាគិតរហូតមកទល់ពេលនេះ ទទួលបានជំនួយវ៉ាក់សាំងបង្ការជំងឺកូវីដ១៩ ពីប្រទេសជាមិត្តរួមមាន៖ ចិនចំនួន ៣.២លានដូស, ជប៉ុន ១លានដូស និងអង់គ្លេស ៤១ម៉ឺន៥ពាន់ដូស។ ដោយ ឡែកកម្ពុជា ក៏បានទទួលវ៉ាក់សាំងពីមជ្ឈមណ្ឌលកូវ៉ាក់ ចំនួន ១លាន៣៨ម៉ឺន៤ពាន់១០០ដូសផងដែរក្នុងនោះ គឺ រួមមានវ៉ាក់សាំងJohnson & Johnson របស់សហរដ្ឋអាមេរិក១លាន៦ម៉ឺន១០០ដូសផងដែរ។
-
រាជរដ្ឋាភិបាលដាស់តឿនប្រុងប្រយ័ត្នវីរុសបំប្លែងថ្មី Delta ដែលឆ្លងរាតត្បាតចូល២៣រាជធានី និងខេត្ត (Video Inside)
រាជរដ្ឋាភិបាលបានដាស់តឿនពលរដ្ឋត្រូវបន្តប្រុងប្រយ័ត្នវីរុសបំប្លែងថ្មី Delta បើទោះបីជាយុទ្ធនាការរយៈពេល ២១ថ្ងៃពង្រឹងវិធានការប្រយុទ្ធនិងទប់ស្កាត់ការឆ្លងរាលដាលនៃជំងឺកូវីដ-១៩បានបញ្ចប់ទៅហើយក្តី។ គួរបញ្ជាក់ ថាយុទ្ធនាការពង្រឹងវិធានការប្រយុទ្ធនិងទប់ស្កាត់ការឆ្លងរាលដាលនៃជំងឺកូវីដ-១៩ ទើបបានបញ្ចប់កាលពីម្សិល មិញ បើទោះបីជាមានសេចក្តីរាយការណ៍បង្ហាញនូវតួលេខឆ្លងដោយវីរុសបំប្លែងថ្មី Delta កាន់តែមានចំនួនច្រើន ក៏ដោយ។ សម្ដេចនាយករដ្ឋមន្ត្រីបានថ្លែងថាយុទ្ធនាការ២១ថ្ងៃមកនេះទោះជាយ៉ាងណាក៏ដោយក៏បានជួយពន្យា ពេលមួយកម្រិតទប់ស្កាត់ការឆ្លងរាលដាលទ្រង់ទ្រាយធំក្នុងសហគមន៍នៃវីរុសបំប្លែងថ្មី Deltaនោះផងដែរ។ អត្រានៃការឆ្លងរាលដាលក្នុងសហគមន៍នៃមេរោគកូវីដ-១៩ និងអត្រាអ្នកជំងឺកូវីដ-១៩កម្រិតមធ្យមរយៈពេល២ សប្តាហ៍មកនេះ មាននិន្នាការថេរ ទន្ទឹមនឹងចំនួនអ្នកជាសះស្បើយកាន់តែការកើនឡើង បើទោះបីជាវីរុសបំប្លែង ថ្មី Delta នោះបានឆ្លងរាលដាលក្នុងសហគមន៍ក្នុងចំនួនកាន់តែច្រើនឡើងក៏ដោយ។ យោងតាមប្រសាសន៍របស់ សម្តេចនាយករដ្ឋមន្ត្រី វីរុសបំប្លែងថ្មី Delta បានឆ្លងចូលក្នុងរាជធានីនិងខេត្តចំនួន២៣ហើយ។
-
កម្ពុជាធ្វើពិធីបួងសួងសូមឲ្យពិភពលោករួចចាកផុតពីជំងឺរាតត្បាតកូវីដ១៩ (Video Inside)
កម្ពុជាបានប្រារព្ធពិធីបួងសួងសូមឲ្យពិភពលោករួចចាកផុតពីជម្ងឺរាតត្បាតនិងគ្រោះកាចផងទាំងពួងដោយ មានការអានសុន្ទរកថាបើករបស់សម្តេចនាយករដ្ឋមន្ត្រីហ៊ុនសែននាល្ងាចថ្ងៃទី២០សីហា ។ ពិធីបួងសួងសូមឪ្យពិភពលោករួចចាកផុតពីជម្ងឺរាតត្បាតនិងគ្រោះកាចផងទាំងពួង បានធ្វើឡើងទន្ទឹមនឹងចំ ណាត់ការរបស់រាជរដ្ឋាភិបាលជាបន្តបន្ទាប់ក្នុងការទប់ស្កាត់និងជម្ងឺឆ្លងរាតត្បាតកូវីដ១៩ជាពិសេសវីរុសបំប្លែង ថ្មី Delta ដែលបាននិងកំពុងធ្វើសកម្មភាពស្ទើរគ្រប់ខេត្តក្រុងទូទាំងប្រទេសនោះហើយ។ ចំណាត់ការទប់ស្កាត់រួម នឹងវិធានការរដ្ឋបាលដាក់ចេញដើម្បីបញ្ចៀសការបាត់បង់ជីវិតរបស់ប្រជាពលរដ្ឋដោយជម្ងឺកាចសាហាវនោះ បែរជាត្រូវបានក្រុមអមិត្តបានចោទប្រកាន់ថាជាអំពើរំលោភសិទ្ធិមនុស្សទៅវិញ ។ សម្តេចតេជោហ៊ុនសែន បាន មានប្រសាសន៍ថាចំណាត់ការបង្កានិងការពាររបស់រាជរដ្ឋាភិបាលមិនមែនមានន័យថាជាអំពើរំលោភសិទ្ធិ មនសុ្សនោះទេ ។ សម្តេចនាយករដ្ឋមន្ត្រី ក្នុងនាមរដ្ឋាភិបាលបានថ្លែងអំណរគុណប្រទេសជាមិត្ត ជាពិសេសចិនដែលបានផ្តល់ វ៉ាក់សាំងនិងជំនួយមនុស្សធម៌ដល់ប្រទេសកម្ពុជាដើម្បីប្រឆាំងទប់ទល់បង្កាកូវីដ និងសម្តេចបានថ្លែងអំណរ គុណដល់រដ្ឋាភិបាលប្រទេសជប៉ុន, ប្រទេសអង់គ្លេស, សហរដ្ឋអាមេរិក ដែលបានជួយផ្តល់វ៉ាក់សាំងដល់កម្ពុជា ដែលជម្រុញឲ្យរាជរដ្ឋាភិបាលអាចធ្វើការចាក់វ៉ាក់សាំងបានលឿនជាងការគ្រោងទុក, និងសម្តេចបានថ្លែងអំណរ គុណដល់ស្ថាប័នអង្គការសហប្រជាជាតិនានាប្រចាំកម្ពុជារួមមានអង្គការសុខភាពពិភពលោក, អង្គការ UNPA, អង្គការយូនីសេហ្វ, អង្គការ FAO, អង្គការ UNDP និងដៃគូអភិវឌ្ឍន៍នានាអន្តរជាតិ, ស្ថានតំណាងនានា, វិនិ យោគិនបរទេសនិងក្នុងស្រុកដែលតែងជួយដល់រាជរដ្ឋាភិបាលក្នុងចំណាត់ការទប់ស្កាត់ប្រឆាំងកូវីដ១៩។
-
ព្រឹត្តិការណ៍ប្រចំាថ្ងៃ ២០-សីហា-២០២១
មាតិកាព័ត៌មាន L0- សម្តេចតេជោ ហ៊ុន សែន វាយតម្លៃខ្ពស់ចំពោះស្មារតីសាមគ្គីភាព និងសុខុដុមនីយកម្មគ្រប់ជាតិសាសន៍ និង ជំនឿសាសនានៅកម្ពុជា ជាពិសេស ស្មារតីជួយគាំទ្ររាជរដ្ឋាភិបាលកម្ពុជាក្នុងគ្រប់កាលៈទេសៈ ក៏ដូចជាពិភព លោក ដើម្បីសេចក្តីសុខក្សេមក្សាន្តនៃមនុស្សជាតិ ក្នុងគ្រាដ៏លំបាកនាពេលនេះ ៕…ឃ្លីប… L3- ផ្លូវចំនួន៣៨ខ្សែ នៅខេត្តសៀមរាប គ្រោងនឹងបញ្ចប់ការសាងសង់ នៅចុងឆ្នាំ២០២១នេះ ៕ …ឃ្លីប… (រូបភាព អត្ថបទ លោក វ៉េង លីមហួត + កាត់ត លោក វណ្ណលុក + បញ្ជូលសម្លេង អ្នកនាង ដាលិន កន្និការ) N31- សម្តេចកិត្តិព្រឹទ្ធបណ្ឌិត ឧបត្ថម្ភផ្លែមៀនចំនួន៦តោន ជូនក្រុមគ្រូពេទ្យស្ម័គ្រចិត្តសម្តេចតេជោ (TYDA) និងអ្នកជំងឺកូវីដ១៩ នៅដឹព្រេមៀ សេនធ័រ សែនសុខ៕ឃ្លីប(វេបសាយ)(អាន កញ្ញា ឃុន ស្រីណុច)(កាត់ត សុខ ណេត) N30- រដ្ឋមន្ត្រីក្រសួងបរិស្ថាន ចូលរួមជាមួយសម្តេចតេជោ និងសម្តេចកិត្តិព្រឹទ្ធបណ្ឌិត…
-
គូឆាយ ដំណាំមាសប្រាក់ របស់កសិករ លើកោះអន្លង់ចិន (វីដេអូ)
-
គំនិតថ្មី នៅក្នុងប្រយោគបុរាណ ទស្សនវិទូបុរាណចិន បានលើកឡើងថា៖ «បង្កើតមិត្តភាពដោយសារកម្លាំងអំណាច បើកម្លាំងអំណាចបាត់បង់ មិត្តភាពនិងត្រូវកាត់ផ្តាច់ បង្កើតមិត្តភាពដោយសារផលប្រយោជន៍ បើផលប្រយោជន៍បាត់បង់ មិត្តភាពក៏ត្រូវចប់ដែរ»
-
ជនពិការភាពថ្លង់មួយក្រុម ពួតដៃគ្នាបង្កើតកម្មវិធី ព័ត៌មាន ជាភាសាសញ្ញា (វីដេអូ)