ម៉ានីល ៖ Mayon ស្ថិតនៅភាគកណ្តាលខេត្ត Albay ជាភ្នំភ្លើងដ៏សកម្មបំផុត ក្នុងចំណោមភ្នំភ្លើងចំនួន ២២ បានបង្ខំឱ្យវិទ្យាស្ថានសិក្សាពីបន្ទុះភ្នំភ្លើង និងរញ្ជួយដីហ្វីលីពីន បង្កើនការប្រកាសអាសន្នដល់កម្រិត ៣ កាលពីថ្ងៃអង្គារ៍ ។ ប្រកាសអាសន្នដល់កម្រិត ៣ ក្នុងចំណោមមាត្រដ្ឋាន ៥កម្រិត មានន័យថា កម្រិតម៉ាក់ម៉ា (Magma) កំពុងកើនឡើងនៅខាងក្នុងភ្នំភ្លើង Mayon ដែលនឹងបង្កើតជាកម្អែលភ្នំភ្លើងនៅកំពូលភ្នំ ។ ជាការឆ្លើយតប វិទ្យាស្ថាននេះបានជំរុញឲ្យអ្នកស្រុកនៅក្នុងតំបន់ហាមធ្វើដំណើរក្នុងចម្ងាយប្រហែល ៦គីឡូម៉ែត្រពីភ្នំភ្លើង Mayon ហើយត្រូវជម្លៀសខ្លួនចេញជាបន្ទាន់ ពីព្រោះត្រូវប្រឈមមុខនឹងហានិភ័យ មានដូចជាលំហូរកម្អែភ្នំភ្លើង ការធ្លាក់ដុំថ្ម និងគ្រោះថ្នាក់ផ្សេងទៀត ។ កន្លងមក ភ្នំភ្លើងដ៏សកម្មបំផុត Mayon ធ្លាប់បានផ្ទុះឡើងច្រើនជាង ៥០ដងរួចហើយ ក្នុងរយៈពេល ៤សតវត្សរ៍ចុងក្រោយនេះ ។ ការផ្ទុះភ្នំភ្លើងចុងក្រោយរបស់វា កើតឡើងក្នុងខែមិថុនា ឆ្នាំ២០២៣ ជាពេលដែលវាបានបញ្ចេញកម្អែភ្នំភ្លើង និងឧស្ម័នពុល ។ រីឯការផ្ទុះភ្នំភ្លើងដ៏បំផ្លិចបំផ្លាញបំផុតសម្រាប់ប្រទេសហ្វីលីពីន គឺនៅក្នុងខែកុម្ភៈ ឆ្នាំ១៨៤១ នៅពេលដែលលំហូរកម្អែភ្នំភ្លើងបានលេបត្របាក់ទីក្រុងទាំងមូល បណ្តាលឱ្យមនុស្សស្លាប់ដល់ទៅ ១.២០០នាក់ឯណោះ…

វ៉ាសូវី៖ ប្រទេសប៉ូឡូញគ្រោងនឹងដំឡើងប្រាក់ឈ្នួលអប្បបរមាសម្រាប់និយោជិតរហូតដល់ទៅពីរដងក្នុងឆ្នាំ២០២៤ ខាងមុខនេះ​ ដើម្បីជួយសម្រាលបន្ទុកដល់ប្រជាជនដែលត្រូវប្រឈមមុខនឹងអត្រាអតិផរណាដែលកំពុងកើនឡើងខ្ពស់។ នេះបើយោ​ងតាមលោកស្រី ម៉ាឡេណា ម៉ាឡាក(Marlena Malag) រដ្ឋមន្ត្រីគោលនយោបាយគ្រួសារ និងសង្គម។ គោលនយោបាយនេះបានលេចរូបរាងឡើងនៅពេលដែលគណបក្សច្បាប់ និងយុត្តិធម៌ (Law and Justice Party) ដែលជាគណបក្សកាន់អំណាច កំពុងត្រៀមខ្លួនសម្រាប់ការបោះឆ្នោតសភាដែលគ្រោងធ្វើឡើងនៅចុងឆ្នាំ២០២៣ នេះ។​ ប៉ុន្មានខែចុងក្រោយនេះ តម្លៃទំនិញចាំបាច់ប្រចាំថ្ងៃបាន និងកំពុងកើនឡើងគួរឱ្យកត់សម្គាល់ ដោយអតិផរណានៅក្នុ​ងខែកុម្ភៈបានឈានដល់កម្រិតខ្ពស់បំផុតក្នុងរយៈពេលជាង ២៥ ឆ្នាំមកនេះ។ ជាក់ស្ដែង អត្រាអតិផរណាបានកើនឡើងរហូតដល់ទៅ ១៨,៤ភាគរយ នេះបើធៀបទៅនឹងឆ្នាំមុន។ យ៉ាងណាក៏ដោយ គិតត្រឹមខែមេសា អតិផរណាបានធ្លាក់ចុះពី ១៨,៤ភាគរយមកនៅត្រឹម ១៤,៧ភាគរយ។​ លោកស្រី Malag បាននិយាយថា​ ប្រាក់ឈ្នួលអប្បបរមាសម្រាប់ឆ្នាំខាងមុខនឹងកើនឡើងលើសពី ១០១៥ ដុល្លារស​ហរដ្ឋអាមេរិក» ដោយ​យោងតាមការរាយការណ៍ដោយទីភ្នាក់ងារសារព័ត៌មានដែលគ្រប់គ្រងដោយរដ្ឋមួយឈ្មោះថា PAP។ លោកស្រីបានបន្ថែមថា គោលនយោបាយដំឡើងប្រាក់ឈ្នួលអប្បបរមានេះ ស្រដៀង​គ្នាទៅនឹង​ឆ្នាំ​២០២៣ ដែរ ពោលគឺនៅឆ្នាំ២០២៤ ​នឹង​ត្រូវ​ដំឡើង​ជា​ពីរ​ដំណាក់កាល ដោយលើកទីមួយចាប់ពីថ្ងៃ​ទី​១ ខែ​មករា និងលើកទីពីរនៅ​ថ្ងៃ​ទី​១ ខែ​កក្កដា។​ គួរបញ្ជាក់ថា រដ្ឋាភិបាលប៉ូឡូញបានធ្វើការដំឡើងប្រាក់ឈ្នួលអប្បបរមារហូតដល់ទៅ ៨២៩…