ផ្សាយបន្តផ្ទាល់(Live) : ប្រសាសន៍សំណេះសំណាលដើមទាំងស្រុង សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា អញ្ជើញសម្ពោធអគារសិក្សាថ្មីនៃពុទ្ធិកសាកលវិទ្យាល័យព្រះសីហមុនីរាជា ស្ថិតក្នុងបរិវេណ វត្ត ស្វាយពពែ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។ ព្រឹកថ្ងៃអង្គារ ១១កើត ខែជេស្ឋ ឆ្នាំថោះ ព.ស. ២៥៦៧ ត្រូវនឹងថ្ងៃទី៣០ ខែឧសភា ឆ្នាំ២០២៣

ភ្នំពេញ៖ សន្តិភាពផ្តល់អ្វីៗសព្វបែបយ៉ាង ផ្តើមពីធនធានមនុស្ស ទន្ទឹមនឹងនេះការលះបង់របស់ចាស់ៗជំនាន់មុន ធ្វើអោយយុវជនជំនាន់ក្រោយ មានឱកាសសិស្សារៀនសូត្រយកចំណេះវិជ្ជាដើម្បីអភិវឌ្ឍប្រទេសជាតិ ។ ក្នុងឱកាសជួបសំណេះសំណាល និងផ្ដល់រង្វាន់លើកទឹកចិត្ត ដល់សិស្សនិទ្ទេស A ក្នុងឆ្នាំសិក្សា២០២១-២០២២ សរុបចំនួន១,០៤៩នាក់ នាព្រឹកថ្ងៃទី ០២ កុម្ភៈ២០២៣ សម្តេចតេជោ ហ៊ុន សែន បានរំឭកពីសម័យសង្គ្រាម ដែលធ្វើអោយគ្រប់វិស័យត្រូវផ្អាកការអភិវឌ្ឍ យុវជនបាត់បង់ឱកាសសិស្សា ក៏ព្រោះត្រូវការកាំភ្លើងចេញប្រយុទ្ធ។ ប៉ុន្តែនាពេលនេះ និទ្ទេស A ពេញប្រទេស សូមស្តាប់សម្តេចលើកឡើង៖

ផ្សាយបន្តផ្ទាល់(Live): ប្រសាសន៍សំណេះសំណាលដើមទាំងស្រុង សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ក្នុងពិធីជួបសំណេះសំណាល និងផ្ដល់រង្វាន់លើកទឹកចិត្ត ដល់សិស្សនិទ្ទេស A ក្នុងឆ្នាំសិក្សា២០២១-២០២២ សរុបចំនួន១,០៤៩នាក់។ ព្រឹកថ្ងៃព្រហស្បតិ៍​ ១២កើត ខែមាឃ ឆ្នាំខាល ចត្វាស័ក ព.ស. ២៥៦៦ ត្រូវនឹង ថ្ងៃទី២ ខែកុម្ភៈ ឆ្នាំ២០២៣

ភ្នំពេញ៖ សម្តេចតេជោ ហ៊ុន សែន បានបញ្ជាក់ថា កម្ពុជា មិនបានផ្តល់ជំនួយ ឬបញ្ជូនកងទ័ពទៅអ៊ុយក្រែនទេ សូមកុំមានការភាន់ច្រឡំ។ ឯរឿងបញ្ជូនកម្លាំងអ្នកដោះមីនទៅបណ្ដុះបណ្តាលការដោះមីននៅអ៊ុយក្រែនជារឿងមនុស្សធម៌សុទ្ធសាធ។ សម្ដេច បានមានប្រសាសន៍ទៀតថា កម្ពុជា ប្រកាសទទួលអ្នករៀនដោះមីននៅកម្ពុជាផងដែរ។ ការបោសសំអាតមីន ជាកិច្ចការដែលប្រទេសនៅលើពិភពលោកទាំងអស់ត្រូវចូលរួម។ការបញ្ជាក់នេះ ធ្វើឡើងក្នុងពិធីប្រគល់សញ្ញាបត្រ ជូននិស្សិតជ័យលាភីថ្នាក់បរិញ្ញាបត្ររង បរិញ្ញាបត្រ បរិញ្ញាបត្រជាន់ខ្ពស់ និងបណ្ឌិត នៃសាកលវិទ្យាល័យវេស្ទើន សរុបចំនួន ៣២៣២នាក់ ដែលបានបញ្ចប់ការសិក្សាក្នុងឆ្នាំសិក្សា២០១៩-២០២០ ឆ្នាំសិក្សា២០២០-២០២១ និងឆ្នាំសិក្សា២០២១-២០២២ កន្លងទៅ។ ពិធីនេះ បានធ្វើឡើងនៅមណ្ឌលសន្និបាត និងពិព័រណ៍អន្តរជាតិជ្រោយចង្វារ(OCIC) នៅព្រឹកថ្ងៃទី២៦ ខែមករា ឆ្នាំ២០២៣។

ភ្នំពេញ៖ ការព្រមាននេះ បន្ទាប់ពីក្រុមប្រឆាំង ចេញសេចក្តីថ្លែងការណ៍ ចោទគណបក្សប្រជាជនកម្ពុជាថា អាងអំណាច ចំណុចនេះ សម្តេចតេជោ អោយសុំទោសជាសាថារណៈ ។ សម្តេចតេជោ សង្កត់ធ្ងន់ថា ក្រុមនេះ បើមិនប្រើច្បាប់ទេ មិនស្គាល់លទ្ធិប្រជាធិបតេយ្យទេ។ “បើចង់ឈ្នះឆ្នោត ត្រូវរៀនសូត្រតាមអ្នកផ្សាយពាណិជ្ជកម្ម”។ សម្តេចថា ក្នុងនាមប្រធានគណបក្សប្រជាជនកម្ពុជា គឺមិនអនុញ្ញាតិអោយ ក្រុមនេះប្រមាថគណបក្សប្រជាជនកម្ពុជាបានឡើយ។ ការព្រមាននេះ ធ្វើឡើង ក្នុងឱកាសអញ្ជើញពិនិត្យមើលវឌ្ឍនភាពនៃការសាងសង់ មន្ទីរពេទ្យជាតិតេជោសន្ដិភាព ដែលមាន​ទីតាំងស្ថិតនៅសង្កាត់គោករកា ខណ្ឌព្រែកព្នៅ រាជធានីភ្នំពេញ ព្រមទាំង​សំណេះសំណាលជាមួយកម្មករសំណង់ នៅក្នុងការដ្ឋានមន្ទីរពេទ្យនេះ ប្រមាណ ១,២០០នាក់ នាព្រឹកថ្ងៃទី១៩ ខែមករា ឆ្នាំ២០២៣។

ភ្នំពេញ៖ អ្នកសារព័ត៌មាន “ត្រូវផ្សាយព័ត៌មានពិត កុំប្រឌិតកំហុសដាក់អ្នកដទៃ” នេះពាក្យស្លោក របស់សម្តេចតេជោ ហ៊ុន សែន ដែលបានដាស់តឿនដល់អ្នកសារព័ត៌មាន ក្នុងឱកាស សម្ដេចអគ្គមហាសេនាបតីតេជោ ហ៊ុន សែន សំណេះសំណាល និងពិសាអាហារសាមគ្គីជាមួយអ្នកសារព័ត៌មានប្រមាណ៥០០០នាក់ នាល្ងាចថ្ងៃទី១៤ ខែមករា ឆ្នាំ២០២៣ នៅមជ្ឈមណ្ឌលសន្និបាត និងពិព័រណ៌កោះពេជ្រ នាល្ងាចថ្ងៃទី១៤ ខែមករា ឆ្នាំ២០២៣។ សម្ដេចតេជោនាយករដ្ឋមន្ត្រី បានថ្លែងថា វេទិកានេះ គឺមានអត្ថប្រយោជន៍ដែល​បានធ្វើឱ្យអ្នក​សារព័ត៌មាន បានជួបជាមួយនឹងអ្នកផ្ដល់ព័ត៌មាន ដែលជាអ្នកនាំពាក្យនៅតាម​ក្រសួងស្ថាប័ន​នានា ដើម្បីឱ្យមានឱកាសស្វែងយល់ពីគ្នា ទៅវិញទៅមក ហើយវាជាផលប្រយោជន៍​សម្រាប់ទាំងអស់គ្នា ដើម្បីកសាងប្រទេសជាតិរបស់យើង ឱ្យរីកចម្រើនធំធាត់ទៅមុខទៀត ។

ភ្នំពេញ៖ ការស្នើឡើង របស់សម្តេ​ចតេជោ ហ៊ុន សែន ធ្វើឡើងក្នុងជំនួបសំណេះសំណាល និងពិសាអាហារសាមគ្គីជាមួយអ្នកសារព័ត៌មានប្រមាណ៥០០០នាក់ នាល្ងាចថ្ងៃទី១៤ ខែមករា ឆ្នាំ២០២៣ នៅមជ្ឈមណ្ឌលសន្និបាត និងពិព័រណ៌កោះពេជ្រ ដែលនេះជាជំនួបលើកទី៥ បន្ទាប់ពីបានអាក់ខានរយៈពេលពេល ២ឆ្នាំកន្លងមក ដោយសារវិបត្តិជំងឺកូវីដ-១៩ ។ សម្ដេចតេជោ ហ៊ុន សែន បានលើកឡើងថា វេទិកាជំនួបរវាងអ្នកសារព័ត៌មាន និងនាយករដ្ឋមន្ត្រី គួរតែធ្វើជាប់ជាប្រចាំ មិនថានៅក្នុងអាណត្តិរបស់សម្ដេចនោះទេ គួរតែត្រូវរក្សាទុកសម្រាប់អ្នកបន្តវេនជំនាន់ក្រោយ។