-
សម្តេចតេជោ ហ៊ុន សែន បំភ្លឺផ្នែកច្បាប់បន្ថែមដល់ក្រុមប្រឆាំងផ្កាប់មុខ ពាក់ព័ន្ធនឹងការបញ្ចប់មុខតំណែងសមាជិករាជរដ្ឋាភិបាល
សម្តេចតេជោ ហ៊ុន សែន បញ្ជាក់ថា នឹងតែងតាំង ឯកឧត្តម វេង សាខុន ជារដ្ឋមន្ត្រីប្រតិភូអមនាយករដ្ឋមន្ត្រី ដែលជាសារ ឆ្លើយតបនឹងអ្នកប្រឆាំងផ្កាប់មុខ ការថ្លែងនេះ ធ្វើឡើងនៅក្នុងពិធីប្រគល់សញ្ញាប័ត្រជូននិស្សិតសាកលវិទ្យាល័យភ្នំពេញអន្តរជាតិ (PPIU) ដែលជាសាកលវិទ្យាល័យរបស់ លោកស្រី ទេព កុលាប នៅថ្ងៃទី១១ ខែតុលា ឆ្នាំ២០២២។
-
ការបញ្ចប់មុខតំណែងសមាជិករាជរដ្ឋាភិបាល គឺអនុលោមតាមរដ្ឋធម្មនុញ្ញ នេះជាសារឆ្លើយតបក្រុមប្រឆាំងផ្កាប់មុខ
ភ្នំពេញ៖ ថ្លែងនៅរសៀលថ្ងៃចន្ទ ទី១០ ខែតុលា ឆ្នាំ២០២២ ក្នុងឱកាសអញ្ជើញជាអធិបតីបិទមហាសន្និបាតកាយរឹទ្ធិជាតិកម្ពុជា សម្តេចតេជោ ហ៊ុន សែន បានរម្លឹកថា ដើម្បីរួមចំណែកផ្តល់ការចេះដឹងឱ្យពួកប្រឆាំងផ្កាប់មុខ ក្រែងបានឡើងទៅកាន់អំណាចនៅជាតិក្រោយ សម្តេចស្នើឱ្យពួកគេមើល មាត្រា២១ ដែលជាជំពូកនិយាយអំពីព្រះមហាក្សត្រ ក្នុងរដ្ឋធម្មនុញ្ញ និងមាត្រាទី២០ នៃច្បាប់ស្តីពីការរៀបចំ និងការប្រព្រឹត្តទៅនៃគណៈរដ្ឋមន្ត្រី ទើបពួកគេដឹងសិទ្ធិអំណាចហ្នឹងយ៉ាងម៉េច ព្រោះគេចោទថា «ដករដ្ឋមន្ត្រីត្រូវហើយ តែវាខុសរដ្ឋធម្មនុញ្ញ»។ សម្តេចតេជោ ហ៊ុន សែន បំភ្លឺផ្នែកច្បាប់បន្ថែមដល់ក្រុមប្រឆាំងផ្កាប់មុខ ពាក់ព័ន្ធនឹងការបញ្ចប់មុខតំណែងសមាជិករាជរដ្ឋាភិបាល ការបំភ្លឺនេះ បានធ្វើឡើងបន្ទាប់ពីក្រុមប្រឆាំងបានរិះគន់ ដល់ពុំបានយល់ពីច្បាប់ថា ការបញ្ចប់តំណែងរដ្ឋមន្ត្រីក្រសួងកសិកម្ម ដោយព្រះរាជក្រឹត្យ កាលពីពេលថ្មីៗនេះ ជាការអនុវត្តខុសទៅនឹងរដ្ឋធម្មនុញ្ញ។ សម្តេចតេជោបានណែនាំក្រុមប្រឆាំងឱ្យទៅមើលមាត្រា២១ ជំពូក២នៃរដ្ឋធម្មនុញ្ញដែលចែងអំពីព្រះមហាក្សត្រ ហើយទៅអានមាត្រា២០ ជំពូកទី៣នៃច្បាប់ស្តីពីការរៀបចំ និងការប្រព្រឹត្តទៅនៃគណៈរដ្ឋមន្ត្រី។
-
សម្តេចតេជោ ហ៊ុន សែន ផ្ដាំផ្ញើដល់ពលរដ្ឋនៅឃុំព្រះដាក់ ខេត្តសៀមរាប ថា រដ្ឋមិនរុះរើប្រជាជនឡើយ
ភ្នំពេញ៖ សម្ដេចតេជោ ហ៊ុន សែន បានធ្វើការផ្ដាំផ្ញើដល់ប្រជាពលរដ្ឋនៅឃុំព្រះដាក់ ស្រុកបន្ទាយស្រី ខេត្តសៀមរាប ថា សូមរក្សាភាពស្ងប់ស្ងាត់ ស្ងប់ចិត្ត យើងមិនទៅរុះរើទេ។ សម្ដេចបញ្ជាក់ថា ខ្ញុំនឹងបញ្ជូនឯកឧត្តម ជា សុផារ៉ា ជាមួយនឹងលោកជំទាវ ភឿង សកុណា ដើម្បីជួបជាមួយប្រជាពលរដ្ឋនៅថ្ងៃស្អែក។ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានថ្លែងដូចនេះក្នុងឱកាសអញ្ជើញជាអធិបតីក្នុងពិធីបើកសន្និសីទចក្ខុវិស័យកម្ពុជា ឆ្នាំ២០២២ នាព្រឹកថ្ងៃទី៦ ខែតុលា ឆ្នាំ២០២២។ សម្តេចជោ ហ៊ុន សែន បានបញ្ជាក់ថា ខ្ញុំបានទាក់ទងទៅឯកឧត្តម ជា សុផារ៉ា និងលោកជំទាវ ភឿង សកុណា និងអភិបាលខេត្តសៀមរាបផងដែរ ដើម្បីមើលបញ្ហានេះ ហើយដើម្បីជួបជុំនៅទីនោះជាមួយប្រជាពលរដ្ឋ ដើម្បីពន្យល់ ក៏ដូចជាយកសាររបស់ខ្ញុំប្រាប់ទៅពួកគាត់ថា យើងពិនិត្យទៅលើបញ្ហាបរិស្ថាន តើយើងត្រូវទម្លាក់ទឹកប៉ុន្មាន ហើយពេលដែលទម្លាក់ទឹកប៉ះពាល់ទៅដល់ប្រជាពលរដ្ឋអាស្រ័យផលប៉ុន្មាន ហើយយើងត្រូវដោះស្រាយយ៉ាងម៉េចចំពោះកន្លែងនោះ ដើម្បីឲ្យមានទឹកដើម្បីការពារប្រាសាទបេតិកភណ្ឌតែប៉ុណ្ណោះ គឺមិនបានឲ្យពលរដ្ឋរុះរើឡើយ ។ បើតាមសម្តេចតេជោ រាជរដ្ឋាភិបាល កំពុងគិតគូពីហេដ្ឋារចនាសម្ព័ន្ធនៅតំបន់អង្គរ ជាពិសេសបញ្ហាទឹកប្រមាណ៣០លានម៉ែត្រគូប…
-
ប័ណ្ណក្រីក្រពលរដ្ឋរុនតាឯក ជាគោលនយោបាយបក្សកាន់អំណាច ដែលនៅជាប់ជួយប្រជាជន គ្រប់កាលៈទេសៈ
ភ្នំពេញ៖ ការផ្តល់បណ្ណក្រីក្រជូនពលរដ្ឋនៅភូមិធម្មជាតិរុនតាឯក ជាគោលនយោបាយរបស់គណបក្សប្រជាជនកម្ពុជា ក្នុងតំណែងជានាយករដ្ឋមន្ត្រី សិទ្ធិក្នុងការផ្តល់ជូនដើម្បីដោះស្រាយជីវភាពប្រជាជន ហ៊ុន សែន មានសិទ្ធិនិយាយ។ នេះជាការឆ្លើយតបនឹងបុគ្គលមួយចំនួនតូច ដែលប្រដូចជាការឃោសនាបោះឆ្នោតមុនពេលកំណត់ ដែលផ្ទុយនឹងច្បាប់។ ការឆ្លើយតបរបស់សម្តេចតេជោ ហ៊ុន សែន ធ្វើឡើងក្នុងឱកាសអញ្ជើញចែកសញ្ញាបត្រ ដល់និស្សិតវិទ្យាស្ថានវ៉ាន់ដា ជិត៤ពាន់នាក់ នាព្រឹកថ្ងៃទី០៣ ខែតុលា ឆ្នាំ២០២២។ សម្ដេចតេជោ ហ៊ុន សែន បានបន្ដទៀតថា ផ្ទុយពីសម្ដេចដែលមានសិទ្ធិគ្រប់គ្រាន់ក្នុងការនិយាយដាក់ក្បាលមេក្រូនោះ ក្រុមអ្នកដែលរិះគន់សម្ដេចទៅវិញទេ ដែលតែងតែដើរខ្សិប ដើរនិយាយស្ងាត់ៗជាមួយប្រជាពលរដ្ឋ សន្យាបែបនេះ សន្យាបែបនោះ រហូតដល់សន្យាថា បើក្រុមគេឈ្នះធ្វើមេឃុំ គេមិនតម្រូវឲ្យសងលុយធនាគារជាដើម។ ដែលសម្ដេចថា អ្នកដែលនិយាយបែបនេះជាមុខសញ្ញាដែលធនាគារត្រូវរឹបអូសទ្រព្យ ព្រោះអ្នកនោះបានខ្ចីលុយពីធនាគារគេ។ សូមរំលឹកថា ក្នុងពិធីជួបសំណេះសំណាលជាមួយប្រជាពលរដ្ឋ ២,៧៥១គ្រួសារផ្សេងទៀត ដែលបានស្ម័គ្រចិត្តរើលំនៅឋាន និងសំណង់ផ្សេងៗចេញពីតំបន់រមណីយដ្ឋានអង្គរ និងតំបន់ ស្ថិតក្រោមការគ្រប់គ្រងរបស់អាជ្ញាធរជាតិអប្សរា នៅថ្ងៃទី០១ ខែតុលា ឆ្នាំ២០២២ សម្ដេចសម្រេចប្រគល់បណ្ណសមធម៌ (បណ្ណក្រីក្រប្រភេទ១) ជូនដល់ប្រជាពលរដ្ឋទាំងអស់ដែលមករស់នៅភូមិរុនតាឯក ស្ថិតក្នុងស្រុកបន្ទាយស្រី ខេត្តសៀមរាប ដោយមិនចាំបាច់គិតពីស្ថានភាពជីវភាព។ សម្តេចនាយករដ្ឋមន្ត្រី បានបញ្ជាក់ថា ប្រជាពលរដ្ឋដែលបានកាន់បណ្ណក្រីក្រប្រភេទទី២…
-
វិជ្ជាប្រសើរជាងឃ្លាំងទ្រព្យ ប្រើណាស់កើនណាស់ ច្បាស់លែងងងឹត
ភ្នំពេញ៖ សម្ដេចតេជោ ហ៊ុន សែន នៅព្រឹកថ្ងៃទី០៣ ខែតុលា ឆ្នាំ២០២២ អំពាវនាវដល់មាតាបិតា ប្រឹងគ្រប់ដើម្បីអោយកូនបានសិក្សាដល់កម្រិត ដែលអាចប្រកបការងារចិញ្ចឹមជីវិតបានប្រើសើរ ។ ការលើកឡើងនេះ ក្នុងឱកាសអញ្ជើញចែកសញ្ញាបត្រ ដល់និស្សិតវិទ្យាស្ថានវ៉ាន់ដា ជិត៤ពាន់នាក់, សម្ដេចតេជោ ហ៊ុន សែន ប្រកាសថា ក្នុងឋានៈជានាយករដ្ឋមន្ដ្រី សម្ដេចមានសិទ្ធិដាក់ចេញនូវបទបញ្ជា និងអនុវត្តនយោបាយផ្ដល់បណ្ណក្រីក្រជូនប្រជាពលរដ្ឋ មិនមានអ្វីទាស់ខុសនោះទេ។ ពាក្យចាស់ថា ៖ ចំណេះវិជ្ជា ប្រសើរជាងឃ្លាំងទ្រព្យ ចោរលួចមិនបាន ភ្លើងឆេះមិនដល់ លិចទឹកមិនលង់។ចូរកូនសិក្សាកុំល្ងង់ រៀនសូត្រក្នុងមង់ ទោះបីភ្លើងទៀន។ហាត់ស្តីនិយាយកុំអៀន ថ្លែងដោយរបៀន ប្រឹងរៀនប្រឹងស្តាប់។ព្រឹទ្ធហៅប្រដៅដោយច្បាប់ កូនខំត្រង់ត្រាប់ សាស័ព្ទពាក្យគាប់។ចំណេះវិជ្ជាជាទ្រព្យ សម្បត្តិល្អជាប់ ជាងទ្រព្យសម្ទាយ។ទៅមកមិនបាច់វេចស្ពាយ ទោះនឹងចាយវាយ មិនងាយនឹងអស់។ចាយច្រើនកើនច្រើនឥតខ្ចោះ មិនដែលរីងខ្សោះ មិនអស់ខាតខាន។គ្មានចោរមកប្លន់ឆក់បាន ជាទ្រព្យរុញច្រាន ឱ្យបានពន្លឺ។វិជ្ជាជាទ្រព្យរន្ទឺ នាំយើងឱ្យភ្លឺ ឈប់ឈឺងងឹត។កូនអើយចូរនាងរិះគិត ចង់បាត់ងងឹត ប្រឹងគិតរៀនសូត្រ។កើតមានធនធានរហូត មិនអាចរបូត បាត់បង់ឡើយណា។ចូរកូនខិតខំសិក្សា ឃ្មាតខ្មីឧស្សាហ៍ ជីវិតជោគជ័យ។ឈ្នះគ្រប់ឧបសគ្គទីទៃ អវិជ្ជានៃ វិនាសសាបសូន្យ។លើកស្ទួយជីវិតពួកកូន មាគ៌ាជាក្បូន…
-
វិស័យឯកជន ជាក្បាលម៉ាស៊ីន រថភ្លើង នៃកំណើនសេដ្ឋកិច្ចជាតិ
ភ្នំពេញ៖ រាជរដ្ឋាភិបាលបានចាត់ទុកវិស័យឯកជន ជាក្បាលម៉ាស៊ីនរថភ្លើង នៃកំណើនសេដ្ឋកិច្ចជាតិ តាមរយៈការបង្កើតការងារធ្វើជូនប្រជាពលរដ្ឋ និងបង់ពន្ធជូនរដ្ឋ។ សម្តេចតេជោ ហ៊ុន សែន ថាវិស័យឯកជនកាន់តែខ្លាំង ការបង់ពន្ធកាន់តែច្រើន ហើយយើងកាន់តែមានលទ្ធភាពធ្វើការវិនិយោគ ធ្វើផ្លូវថ្នល់ ប្រឡាយទឹក ធ្វើសាលារៀន ធ្វើមន្ទីរពេទ្យ ដំឡើងបៀវត្សជូនមន្ត្រីរាជការ។ បន្ថែមលើនេះ រាជរដ្ឋាភិបាលកម្ពុជានឹងបន្តជំរុញពង្រឹងការរីកចម្រើនវិស័យឯកជនក្នុងស្រុក ដើម្បីឲ្យកម្ពុជាមានអ្នករកស៊ីកាន់តែច្រើន សម្រាប់ជួយដល់ប្រទេសជាតិ។ ការថ្លែងរបស់សម្តេចតេជោ ហ៊ុន សែន ធ្វើឡើងក្នុងឱកាសអញ្ជើញចែកសញ្ញាបត្រ ដល់និស្សិតវិទ្យាស្ថានវ៉ាន់ដា ជិត៤ពាន់នាក់ នាព្រឹកថ្ងៃទី០៣ ខែតុលា ឆ្នាំ២០២២។ សម្តេចតេជោបានថ្លែងថា សម្តេចបានដឹកនាំធ្វើការកែទម្រង់ដោយផ្ទាល់ នៃសេដ្ឋកិច្ចរបស់កម្ពុជា ពីសេដ្ឋកិច្ចផែនការ ទៅសេដ្ឋកិច្ចទីផ្សារ ដែលនាំមកនូវការរីកចម្រើនរបស់វិស័យសេដ្ឋកិច្ចកម្ពុជាដូចសព្វថ្ងៃនេះ។ សម្តេចតេជោ ហ៊ុន សែន បានថ្លែងទៀតថា រយៈពេលជាង៣០ឆ្នាំមកនេះ ចាប់តាំងពីការធ្វើសេដ្ឋកិច្ចទីផ្សាររហូតមកដល់បច្ចុប្បន្ន រាជរដ្ឋាភិបាលកំពុងបន្តធ្វើសុក្រឹតកម្មសេដ្ឋកិច្ចទីផ្សារ ដែលមានន័យថា មកដល់បច្ចុប្បន្នកម្ពុជា មិនទាន់ដើរដល់ទីបញ្ចប់នៃការកែទម្រង់ ក្នុងវិស័យសេដ្ឋកិច្ចនៅឡើយទេ ដោយនៅខ្វះលិខិតបទដ្ឋានគតិយុត្តមួយចំនួន សម្រាប់អង្គការពាណិជ្ជកម្មពិភពលោក៕
-
សម្តេចតេជោ ហ៊ុន សែន ព្រមានអ្នកដែលមិនព្រមចេញពីតំបន់បេតិកភណ្ឌពិភព
សម្តេចតេជោ ហ៊ុន សែន ព្រមានអ្នកដែលមិនព្រមចេញពីតំបន់បេតិកភណ្ឌពិភពលោកថា ទាន់រាជរដ្ឋាភិបាលអង្វរករ និងរៀបចំកន្លែងអោយសមរម្យ មិនព្រមចេញ ។ ប្រសិនបើដល់ពេលវេលា រាជរដ្ឋាភិបាលនឹងប្រើវិធានការក្តៅដើម្បីការពារតំបន់បេតិកភ័ណ្ឌពិភពលោក។ ការថ្លែងរបស់សម្តេចតេជោ ហ៊ុន សែន ធ្វើឡើងក្នុងឱកាសអញ្ជើញចែកសញ្ញាបត្រ ដល់និស្សិតវិទ្យាស្ថានវ៉ាន់ដា ជិត៤ពាន់នាក់ នាព្រឹកថ្ងៃទី១០ ខែតុលា ឆ្នាំ២០២២។
-
សម្តេចតេជោ ហ៊ុន សែន បញ្ជាអោយបញ្ចេញឡានទ័ពរាប់រយគ្រឿងដើម្បីជួយពលរដ្ឋរុនតាឯក
សៀមរាប៖ សម្តេចតេជោ ហ៊ុន សែន បញ្ជាអោយបញ្ចេញឡានទ័ពរាប់រយគ្រឿងដើម្បីជួយពលរដ្ឋរស់នៅភូមិធម្មជាតិរុនតាឯក នេះជាសារឆ្លើយតបនឹងអ្នកនយោបាយ មិនដែលឈ្នះ ដែលអោយកងទ័ពបង្វែចុងកានុង ដាក់នាយករដ្ឋមន្ត្រីស្របច្បាប់កំពុងកាន់តំណែង។ សារនេះជាភ្លើងបំភ្លឺថា ការគិតគូដ៏វែងឆ្ងាយរបស់គណបក្សប្រជាជនកម្ពុជា ធ្វើអោយពលរដ្ឋទុកចិត្តនឹងបន្តគាំទ្របេក្ខភាព សម្តេចតេជោ ហ៊ុន សែន ជានាយករដ្ឋមន្ត្រីបន្តទៀត។ ការលើកឡើងរបស់សម្តេចតេជោ ហ៊ុន សែន នេះធ្វើឡើង ក្នុងពិធីសំណេះសំណាលជាមួយប្រជាពលរដ្ឋ ផ្លាស់លំនៅទៅរស់នៅ ភូមិធម្មជាតិរុនតាឯក សម្ដេចតេជោនាយករដ្ឋមន្ត្រី បានអះអាងថា កម្ពុជា មិនមែនជារបបតកូនចៅដូចកូរ៉េខាងជើងនោះទេ តែអាស្រ័យលើប្រជាពលរដ្ឋ។ មាន័យថា ពលរដ្ឋបោះឆ្នោតឱ្យ គឺមិនខុសនឹងច្បាប់របស់កម្ពុជាឡើយ។
-
កុំខ្លាច ហ៊ុន ម៉ាណែត ឡើងប្រកួតមក ប្រជាធិបតេយ្យគេធ្វើអញ្ជឹង!
បើមិនខ្លាច ហ៊ុន ម៉ាណែត ទេ គួរអោយម៉ាណែតធ្វើ…និងឡើងប្រកួតយកតំណែងជានាយករដ្ឋមន្ត្រី ព្រោះជាប្រទេសប្រជាធិបតេយ្យ ត្រូវបានបោះឆ្នោតជ្រើសរើសដោយប្រជាពលរដ្ឋ។ ការលើកឡើងរបស់សម្តេចតេជោ ហ៊ុន សែន នេះធ្វើឡើង ក្នុងពិធីសំណេះសំណាលជាមួយប្រជាពលរដ្ឋ ផ្លាស់លំនៅទៅរស់នៅ ភូមិធម្មជាតិរុនតាឯក សម្ដេចតេជោនាយករដ្ឋមន្ត្រី បានអះអាងថា កម្ពុជា មិនមែនជារបបតកូនចៅដូចកូរ៉េខាងជើងនោះទេ តែអាស្រ័យលើប្រជាពលរដ្ឋ។ មាន័យថា ពលរដ្ឋបោះឆ្នោតឱ្យ គឺមិនខុសនឹងច្បាប់របស់កម្ពុជាឡើយ។ សម្តេចតេជោនាយករដ្ឋមន្ត្រី បានបញ្ជាក់យ៉ាងដូច្នេះថា «ចង់អ្នកណាថាអីថាទៅ។ អ្នកឯងព្រុសតាមចិត្តចុះ។ ពាក្យថាព្រុសហើយគេមិនដែលហៅថាមនុស្សទេ។ ព្រុសកាន់តែខ្លាំង ដំណើរការកាន់តែលឿនប្រាប់អ្នកឯងឲ្យច្បាស់។ អ្នកឯងរអ៊ូថា ហ៊ុន សែន កាន់អំណាចយូរណាស់។ ចុះបើ ហ៊ុន សែន ដើរចេញហើយប្រគល់ឲ្យកូនធ្វើ វាមានទាស់ក្បាលអ្នកឯងអី។ ប្រជាជនអ្នកបោះឆ្នោតទេតើ»។ សម្តេចតេជោ បានទទួលការបោះឆ្នោតគាំទ្រ ឲ្យក្លាយជានាយករដ្ឋមន្ត្រីទាំងវ័យក្មេង តាំងអាយុ ៣២ឆ្នាំមកម្ល៉េះ ហើយធ្លាប់ទទួលតំណែងជាឧបនាយករដ្ឋមន្ត្រី និងជារដ្ឋមន្ត្រីការបរទេស កាលពីអាយុ ២៧ឆ្នាំផងដែរ។ សម្តេចតេជោ ហ៊ុន សែន ក៏ធ្លាប់បញ្ជាក់ថា សម្រាប់ការបោះឆ្នោតឆ្នាំ២០២៣ ខាងមុននេះ គឺសម្តេចនៅតែស្ថិតក្នុងឋានៈជាបេក្ខជននាយករដ្ឋមន្ត្រី…
-
កម្ពុជាមិនគាំទ្រការបោះឆ្នោតប្រជាមតិ ដើម្បីកាត់យកទឹកដីអ៊ុយក្រែនឡើយ
សៀមរាប៖ កម្ពុជាមិនគាំទ្រការបោះឆ្នោតប្រជាមតិ ដើម្បីកាត់យកទឹកដីអ៊ុយក្រែនឡើយ ការថ្លែងនូវជំហរបែបនេះធ្វើឡើង ខណៈប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន ជួបសំណេះសំណាលជាមួយប្រជាពលរដ្ឋ ២,៧៥១គ្រួសារផ្សេងទៀត ដែលបានស្ម័គ្រចិត្តរើលំនៅឋាន និងសំណង់ផ្សេងៗចេញពីតំបន់រមណីយដ្ឋានអង្គរ និងតំបន់ ស្ថិតក្រោមការគ្រប់គ្រងរបស់អាជ្ញាធរជាតិអប្សរា។ កិច្ចសំណេះសំណាលនេះ នឹងធ្វើឡើងនៅភូមិធម្មជាតិរុនតាឯក ស្ថិតក្នុងស្រុកបន្ទាយស្រី ខេត្តសៀមរាប ជាទីតាំងដែលរាជរដ្ឋាភិបាលផ្តល់ដីជូនពលរដ្ឋជាថ្នូរការរុះរើសំណង់ នាថ្ងៃទី០១ ខែតុលា ឆ្នាំ២០២២។