ថ្ងៃ១៧ មេសា ឆ្នាំ២០២៣ គឺជាខួបរំលឹកព្រឹត្តិការណ៍៤៨ឆ្នាំមុន ដែលសង្គ្រាមផ្ទុះចេញពីអំពើរដ្ឋប្រហារ បានរុញកម្ពុជា ឱ្យធ្លាក់ចូលក្នុងរបបកាប់សម្លាប់ខ្មែរក្រហម។ ពលរដ្ឋក្នុងប្រទេសកម្ពុជាប្រមាណជាង៣លាននាក់ ត្រូវបានរបបកម្ពុជាប្រជាធិបតេយ្យបានធ្វើទុក្ខបុកម្នេញ ដោយការសម្លាប់សងសឹក, ការធ្វើទុក្ខទារុណកម្មក្នុងគុកឥតជញ្ជាំង, ការបង្អត់របបអាហារទទួលទាន និងការបង្ខំឱ្យមនុស្សធ្វើពលកម្មធ្ងន់ធ្ងរដូចសត្វធាតុ។ តើព្រឹត្តិការណ៍១៧ មេសា ឆ្នាំ១៩៧៥ កន្លងមកនោះ បានផ្តល់មេរៀននិងបទពិសោធន៍អ្វីខ្លះ សម្រាប់ប្រជាជនខ្មែរនាសម័យបច្ចុប្បន្ននេះ? សូមទស្សនាបទវិចារណកថាមួយរបស់អប្សរាណិត ដែលមានខ្លឹមសារដូចតទៅ

ទិវាបុណ្យចូលឆ្នាំថ្មីប្រពៃណីខ្មែរ នឹងឈានមកដល់ក្នុងពេលខាងមុខនេះហើយ។ តើក្នុងឆ្នាំកន្លងមកនេះ កម្ពុជាក្រោមការដឹកនាំរបស់គណបក្សប្រជាជនកម្ពុជា កំពុងកាន់អំណាចបានសម្រេចអ្វីខ្លះ? អប្សរាណិតមានបទវិចារណកថាមួយ ពាក់ព័ន្ធនឹងសមិទ្ធផលដែលរាជរដ្ឋាភិបាលសម្រេចបានក្នុងឆ្នាំ២០២២ និងទិសដៅទៅមុខសម្រាប់ឆ្នាំ២០២៣

គណបក្សប្រជាជនកម្ពុជា គឺជាគណបក្សតែមួយគត់ដែលធ្វើការផ្លាស់ប្តូរមុខមាត់ប្រទេសរបស់ខ្លួន ក្នុងរយៈពេលជាង៤០ឆ្នាំមកនេះ។ កម្ពុជាបានធ្លាក់ក្នុងសង្គ្រាមស៊ីវិលរយៈពេលជិត៣០ឆ្នាំ ដែលបំផ្លាញខ្ទេចខ្ទីហេដ្ឋារចនាសម្ព័ន្ធជាតិ, មនុស្សស្លាប់ច្រើនលាននាក់, និងប្រទេសជាតិទាំងមូលធ្លាក់ក្រោមចំណុចសូន្យ ក្នុងអតីតកាលគ្រប់គ្រងដោយរបបកាប់សម្លាប់ខ្មែរក្រហម ប៉ុន្តែគឺគណបក្សប្រជាជនកម្ពុជា ដែលបានធ្វើការតស៊ូជួយរំដោះប្រទេសរួចផុតពីរបបកាប់សម្លាប់ខ្មែរក្រហម, ជួយប្រទេសឱ្យអស់សង្គ្រាមស៊ីវិល និងមានសន្តិភាពពិតប្រាកដ និងថែមទាំងធ្វើឱ្យកម្ពុជាមានការអភិវឌ្ឍន៍រុងរឿងថែមទៀត។ អប្សរាណិតមានបទវិចារណកថាមួយ ក្រោមចំណងជើងថា «គណបក្សប្រជាជនកម្ពុជា គឺជានិមិត្តរូបនៃការផ្លាស់ប្តូរវិជ្ជមាននៅកម្ពុជា»

វិធានការណ៍ដកអាជ្ញាបណ្ណផ្សាយរបស់វិទ្យុវីអូឌី បានទទួលការគាំទ្រពីប្រជាពលរដ្ឋខ្មែរយ៉ាងទូលំទូលាយ។ ការលុបអាជ្ញាបណ្ណនេះ មិនបានធ្វើឲ្យសេរីភាពសារព័ត៌មានស្លាប់ ឬចុះខ្សោយនោះទេ។ វាជាការកាន់តែពង្រឹងដល់ការអនុវត្តច្បាប់ និងជាការលើកកម្ពស់ គុណតម្លៃ នៃវិជ្ជាជីវៈសារព័ត៌មានតែប៉ុណ្ណោះ។ អប្សរាណិតថ្ងៃនេះមានបទវិចារណកថាមួយ ក្រោមចំណងជើងថា «សិទ្ធិសេរីភាពខាងសារព័ត៌មាន និងការបញ្ចេញមតិនៅកម្ពុជា កាន់តែត្រូវបានលើកកម្ពស់ឥតឈប់ឈរ»

សកម្មភាពនយោបាយការទូតរបស់កម្ពុជាក្នុងសប្តាហ៍នេះមានភាពរស់រវើកជាខ្លាំង។ រវាងពីថ្ងៃទី៩ដល់១១កុម្ភៈ, ប្រមុខដឹកនាំប្រទេសកម្ពុជាបានធ្វើទស្សនកិច្ចសាធារណរដ្ឋប្រជាមានិតចិន។ ចំណែករវាងពីថ្ងៃទី១៣និង១៤កុម្ភៈ, ប្រមុខរាជរដ្ឋាភិបាលបានដឹកនាំគណៈប្រតិភូបំពេញទស្សនកិច្ចក្នុងប្រទេសឡាវ និងរវាងពីថ្ងៃទី១៤ដល់១៦កុម្ភៈ ក៏នឹងមានដំណើរទស្សនកិច្ចរបស់ប្រធានាធិបតីអាល្លឺម៉ង់ ក្នុងប្រទេសកម្ពុជាផងដែរ។ អប្សរាណិតមានបទវិចារណកថា មួយថ្ងៃនេះក្រោមចំណងជើងថា «នយោបាយការបរទេសកម្ពុជាកាន់តែសកម្មនិងរស់រវើក»