ប្រទេសកម្ពុជាដែលបានឆ្លងកាត់សង្គ្រាមស៊ីវិល និងឧបសគ្គច្រើនរាប់មិនអស់ មិនដែលនឹកស្រម៉ៃថានឹងមានឱកាសធ្វើជាម្ចាស់ផ្ទះ នៃព្រឹត្តិការណ៍កីឡាស៊ីហ្គេម ដែលបានចាប់ផ្តើមនៅថ្ងៃទី៥ ឧសភា ឆ្នាំ២០២៣ឡើយ។ បើគ្មានការតស៊ូរំដោះជាតិ, បើគ្មានការនាំប្រទេសឱ្យមានសុខសន្តិភាពឡើងវិញ ក្រោមនយោបាយឈ្នះឈ្នះ, បើគ្មាននយោបាយការបរទេសដ៏ប៉ិនប្រសប់ស្វែងរកវ៉ាក់សាំងបង្កើតភាពស៊ាំក្នុងសហគមន៍ និងបើគ្មានវត្តមានរបស់សម្តេចតេជោ ហ៊ុន សែន ក្នុងការកាច់ចង្កូតនាវាកម្ពុជានោះទេ, កម្ពុជាពិតជាមិនមានឱកាស នៃការធ្វើជាម្ចាស់ផ្ទះ នៃព្រឹត្តិការណ៍កីឡាស៊ីហ្គេមលើកទី៣២ និងកីឡាអាស៊ានប៉ារ៉ាហ្គេមលើកទី១២នាពេលនេះឡើយ។ អប្សរាណិតមានបទវិចារណកថាមួយក្រោមចំណងជើងថា «សម្តេចតេជោ ហ៊ុន សែន លះបង់អស់មួយជីវិត ដើម្បីជាតិ និងមាតុភូមិកម្ពុជា»

នៅសល់មិនច្រើនថ្ងៃទៀតនោះទេ ព្រឹត្តិការណ៍កីឡាស៊ីហ្គេមលើកដំបូងដែលកម្ពុជា បានទន្ទឹងរង់ចាំធ្វើជាម្ចាស់ផ្ទះ ក្រោយការខកខានជាង៦០ឆ្នាំមកនោះ នឹងក្លាយជាការពិត លើកដំបូងរបស់ប្រវត្តិសាស្ត្រជាតិ។ កម្ពុជាដែលបានធ្លាក់ចូលក្នុងសង្គ្រាមស៊ីវិល ដោយសារតែការធ្វើរដ្ឋប្រហារថ្ងៃទី១៨ មីនា ឆ្នាំ១៩៧០ បានធ្លាក់ចូលក្នុងអតីតកាលខ្មៅងងឹត ដែលបាននាំប្រទេសធ្លាក់ក្នុងទុរ្ភិក្សសង្គ្រាម, ការកាប់សម្លាប់មនុស្ស, ដំណើរការឱនថយក្រោយរបស់ សង្គ្រាមច្រើនសិបឆ្នាំ ប៉ុន្តែក្រោយមកពពកខ្មៅងងឹតត្រូវបានរសាត់ចេញពីលើប្រទេសកម្ពុជា ក្រោយនយោបាយឈ្នះឈ្នះ ដែលធ្វើឱ្យកម្ពុជាមានសន្តិភាពពិតប្រាកដ និងការស្តារប្រទេស បានអភិវឌ្ឍន៍រុងរឿងថ្កុំថ្កើងមកវិញ។ នៅថ្ងៃទី៥ ឧសភា ឆ្នាំ២០២៣ខាងមុខនេះ កម្ពុជាក្រោមការដឹកនាំរបស់រាជរដ្ឋាភិបាលបច្ចុប្បន្ន បានរៀបចំធ្វើជាម្ចាស់ផ្ទះ នៃព្រឹត្តិការណ៍កីឡាស៊ីហ្គេមលើកទី៣២ និងកីឡាអាស៊ានប៉ារ៉ាហ្គេមជាប្រវត្តិសាស្ត្រ បន្ទាប់ពីបានអាក់ខានប្រមាណ៦៤ឆ្នាំកន្លងមកនេះ។ អប្សរាណិតមានបទវិចារណកថាមួយក្រោយចំណងជើងថា «ប្រជាជនកម្ពុជា កាន់តែមានមោទភាពចំពោះមាតុភូមិ»

ពេលវេលាកាន់តែរំកិលទៅមុខខណៈការបោះឆ្នោតសកលថ្ងៃទី២៣ កក្កដា ឆ្នាំ២០២៣ នៅសល់តែប្រមាណជាង៨០ថ្ងៃទៀតតែប៉ុណ្ណោះ។ ដំណើរការចុះឈ្មោះបញ្ជីគណបក្សនយោបាយឈរឈ្មោះបោះឆ្នោត និងបញ្ជីបេក្ខជនឈរឈ្មោះសម្រាប់ការបោះឆ្នោតជ្រើសតាំងតំណាងរាស្ត្រនីតិកាលទី៧ នៃរដ្ឋសភា បាននិងកំពុងប្រព្រឹត្តទៅក្នុងសប្តាហ៍នេះ។ អប្សរាណិតមានអត្ថបទវិចារណកថាមួយ ស្តីពីលំហរីកចម្រើនប្រជាធិបតេយ្យនៅកម្ពុជា